ပါတီတာဝန်ယူထားရင် ပြင်ပအဖွဲ့အစည်းမှာ တာဝန်ယူတာမျိုး မလုပ်ဖို့လို

 ပါတီ မူဝါဒတွေကနေ လွဲချော်တာမျိုး ဖြစ်မသွားအောင် ထိန်းချုပ်ထား
အစိုးရကို ဦးဆောင်ဖွဲ့ထားတဲ့ အမျိုးသား ဒီမိုကရေစီ အဖွဲ့ချုပ် NLD ပါတီရဲ့ ပါတီဝင်တွေ အနေနဲ့ CSO လို့ ခေါ်တဲ့ အရပ်ဘက် လူမှု အဖွဲ့အစည်းတွေနဲ့ လုံးဝ မပတ်သက်ရဘူး ဆိုပြီး ပါတီဘက်က ပိတ်ပင် မထားဘူးလို့ NLD ပြန်ကြားရေး တာဝန်ရှိသူက ဘီဘီစီကို ပြောပါတယ်။

ဒါပေမယ့် ပါတီစည်းမျဉ်းအရ ပါတီဝင်တွေ အနေနဲ့ CSO တွေနဲ့ ပူးပေါင်း လုပ်ဆောင်ရမှာတွေ ရှိလာရင်တော့ ပါတီအလုပ်မှုဆောင် အဖွဲ့ကို အကြောင်းကြားရမှာ ဖြစ်တယ်လို့ NLD ပါတီ ဗဟို ပြန်ကြားရေး အတွင်းရေးမှူး မုံရွာ အောင်ရှင်က ဘီဘီစီကို ပြောပါတယ်။

ဒီ စည်းမျဉ်းကလည်း ၂ဝ၁၃ လောက်ကတည်းက ထုတ်ပြန် ထားနှင့်ပြီး ဖြစ်တယ်လို့ ဆိုပါတယ်။
CSO အဖွဲ့တွေမှာ တာဝန်ကြီးတဲ့ ဦးဆောင်မှု ကဏ္ဍမှာ မပါဝင်သင့်
တခြား အဖွဲ့အစည်းတွေနဲ့ ပူးတွဲ လုပ်တဲ့ အခါ ပါတီ မူဝါဒတွေကနေ သွေဖီလွဲချော်တာမျိုး ဖြစ်မသွားအောင် အခုလို စည်းကမ်း ထားရှိရတာ ဖြစ်တယ်လို့ ဦးအောင်ရှင်က ဆိုပါတယ်။

အဓိကကတော့ ပါတီတာဝန် တစ်ခု ယူထားသူတွေ အနေနဲ့ တခြား CSO အဖွဲ့တွေမှာ တာဝန်ကြီးတဲ့ ဦးဆောင်မှု ကဏ္ဍမှာ မပါဝင်သင့်ဘူးလို့ NLD ပါတီက ကန့်သတ် ထားတာ ဖြစ်ပါတယ်။
 CSO တွေနဲ့ ပူးတွဲ လုပ်ဆောင်ဖို့ လိုအပ် လာတာမျိုးတွေ ရှိနေ
လူမှု ကူညီရေး လုပ်ငန်းတွေ ဆောင်ရွက်တဲ့အခါ NLD ပါတီဝင် တွေ အနေနဲ့ CSO တွေနဲ့ ပူးတွဲ လုပ်ဆောင်ဖို့ လိုအပ် လာတာမျိုးတွေ ရှိနေတယ် ဆိုပြီး ပါတီရဲ့ ကန့်သတ်ချက် ပိုပြီး ရှင်းရှင်းလင်းလင်း ဖြစ်ဖို့ လိုတယ် ဆိုတဲ့ ထောက်ပြ ဝေဖန်သံတွေလည်း ရှိနေပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ