တောင်ကိုရီးယားသမ္မတကို မြောက်ကိုရီးယားအလည်လာရောက်ဖို့ဖိတ်ကြား

တောင်ကိုရီးယားသမ္မတ မွန်ဂျေအင်း နဲ့ မြောက်ကိုရီးယားခေါင်းဆောင် ကင်ဂျုံအွန်းရဲ့ ညီမ Kim Yo Jong တို့ တွေ့ဆုံ (ဓါတ်ပုံ-AFP)
တောင်ကိုရီးယား ခေါင်းဆောင် အစောဆုံး အဆင်ပြေမယ့် အချိန် မြောက်ကိုရီးယား နိုင်ငံကို အလည်လာရောက်ဖို့ မြောက်ကိုရီးယား ခေါင်းဆောင်က ဖိတ်ကြားလိုက်ပါတယ်။

မြောက်ကိုရီးယား ခေါင်းဆောင် ကင်ဂျုံအွန်းရဲ့ ညီမဖြစ်သူ Kim Yo Jong က ဒီကနေ့ စနေနေ့ တောင်ကိုရီးယား သမ္မတ အိမ်တော် Blue House မှာ သမ္မတ မွန်းဂျေအင်းနဲ့ တွေ့ဆုံမှု အတွင်း ကိုယ်တိုင် ဖိတ်ကြားခဲ့တာ ဖြစ်ပါတယ်။ အနာဂတ်မှာ ဒီလို ဖြစ်လာရေး အတွက် လိုအပ်တဲ့ အခြေအနေမျိုး ဖြစ်အောင် ဆောင်ရွက်မယ်လို့ တောင်ကိုရီးယား သမ္မတ မွန်းဂျေအင်းက ဖိတ်ကြားချက်ကို တုံ့ပြန်ခဲ့ပါတယ်။

မြောက်ကိုရီးယားရဲ့ ဖိတ်ကြားချက် အပေါ် တောင်ကိုရီးယား နိုင်ငံရေး ပါတီတွေရဲ့ တုံ့ပြန်ချက်တွေ ကတော့ ကွဲပြားနေပါတယ်။ မြောက်ကိုရီးယားတွေနဲ့ တွေ့ဆုံဆွေးနွေးမှုဟာ ဆိုရင် ကိုရီးယားကျွန်းဆွယ် ငြိမ်းချမ်းရေး တည်ဆောက်မှု အတွက် အရေးပါတဲ့ အရှိန်အဟုန်တရပ်ကို ဖြစ်စေတယ်လို့ အာဏာရ ဒီမိုကရက်တစ် ပါတီ ပြောခွင့်ရက ပြောဆိုပါတယ်။ မြောက်ကိုရီးယား ရဲ့ ဖိတ်ကြားကမ်းလှမ်းမှုရဲ့ တကယ့် ရည်ရွယ်ချက် အပေါ်မှာ သံသယနဲ့ သတိထားဖို့ အတိုက်အခံ ပါတီတွေဘက်က ပြောဆိုထားပါတယ်။

တရားဝင် အနေနဲ့တော့ မြောက်ကိုရီးယား ခေါင်းဆောင် ကင်ဂျုံအွန်းရဲ့ ညီမက တောင်ကိုရီးယား ဆောင်းရာသီအိုလံပစ်ပွဲတော်ကို လာတက်တဲ့ မြောက်ကိုရီးယား အဆင့်မြင့် ကိုယ်စားလှယ် အဖွဲ့ရဲ့ အဖွဲ့ဝင် ဖြစ်ပါတယ်။ ဒါပေမယ်လို့လည်း ယုံဟပ် သတင်းမှာ ဖော်ပြချက်မှာတော့ သူမက မြောက်ကိုရီးယား ခေါင်းဆောင်ရဲ့ အထူးကိုယ်စားလှယ် အဖြစ်နဲ့ တောင်ကိုရီးယားကို လာခဲ့တာလို့ ဖော်ပြထားပါတယ်။ မြောက်ကိုရီးယား ခေါင်းဆောင်ရဲ့ ညီမဖြစ်သူ Kim Yo Jong ရဲ့ အခု ခရီးစဉ်ကတော့ ကိုရီးယား စစ်ပွဲ အပြီးနောက်ပိုင်း မြောက်ကိုရီးယားရဲ့ အကြီးအကဲ မိသားစုဝင် တဦး တောင်ကိုရီးယားကို ပထမဆုံး လာရောက်တာ ဖြစ်ပါတယ်။ သူမက မြောက်ကိုရီးယား အလုပ်သမား ပါတီရဲ့ အကြီးတန်း အဖွဲ့ဝင် ဖြစ်သလို အကိုဖြစ်သူရဲ့ အရေးပါတဲ့ အကြံပေး တဦးလည်း ဖြစ်ပါတယ်။

 ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ