မြန်မာ့အရေး လုံခြုံရေးကောင်စီမှာ ဆွေးနွေးဖို့ အဖွဲ့ဝင် ၈ နိုင်ငံ တောင်းဆို


ရခိုင်ပြည်နယ် မြောက်ပိုင်းကနေ ပြီးခဲ့တဲ့ နှစ်က အိမ်နီးချင်း ဘင်္ဂလာဒေ့ရှ် နိုင်ငံထဲ ထွက်ပြေးကြရတဲ့ ရိုဟင်ဂျာ ဒုက္ခသည် ၆ သိန်းကျော် တိုရဲ့ ကံကြမ္မာကို ဆွေးနွေးဖို့ လုံခြုံရေးကောင်စီ အမြဲတမ်း အဖွဲ့ဝင် ၃ နိုင်ငံတို့ဖြစ်တဲ့ ဗြိတိန်၊ ပြင်သစ်၊ အမေရိကန်ပြည်ထောင်စုနဲ့ တခြား ၅ နိုင်ငံဖြစ်တဲ့ ဆွီဒင်၊ ပိုလန်၊ နယ်သာလန်၊ ကာဇက်စတန်နဲ့ Equatorial Guinea တို့က ဖေဖေါ်ဝါရီလ ၇ ရက် ဗုဒ္ဓဟူးနေ့က လုံခြုံရေးကောင်စီကို တောင်းဆိုခဲ့ကြပါတယ်။

ပြီးခဲ့တဲ့ သြဂုတ်လက ရခိုင်ပြည်နယ်မှာ လုံခြုံရေးစခန်းတွေကို ARSA ရိုဟင်ဂျာ အကြမ်းဖက်အဖွဲ့ရဲ့ တိုက်ခိုက်မှုအပြီး မြန်မာစစ်တပ်ရဲ့ နယ်မြေရှင်းလင်းရေး ကြောင့်ဖြစ်ပေါ်လာတဲ့ ပဋိပက္ခ အကြောင်းနဲ့ ပတ်သက်ပြီး ကုလသမဂ္ဂ ဒုက္ခသည်များဆိုင်ရာ မဟာမင်းကြီး Filippo Grandi က နောက် သီတင်းပတ် အင်္ဂါနေ့မှာ လုံခြုံရေးကောင်စီကို အစီရင်ခံမှာ ဖြစ်ပါတယ်။

မြန်မာ အစိုးရအနေနဲ့ လုံခြုံရေးတပ်တွေရဲ့ လူ့အခွင့်ရေးချိုးဖေါက်မှုတွေကို အရေးယူပြီး ရိုဟင်ဂျာ ဒုက္ခသည်တွေကို နေရပ်ရင်း ပြန်ခွင့်ပြုဖို့ တိုက်တွန်းတဲ့ အဆိုပြုချက် လုံခြုံရေးကောင်စီက ထုတ်ပြန်ခဲ့ပြီး ၃ လနီးပါးအကြာမှာ အခုလို တောင်းဆိုခဲ့တာ ဖြစ်ပါတယ်။

ပြီးခဲ့တဲ့ သီတင်းပတ်ကလည်း ရခိုင်ပြည်နယ်ကို လုံခြုံရေးကောင်စီ ကိုယ်စားလှယ်တွေ သွားရောက်ခွင့်ပြုဖို့ တောင်းခံတာကိုလည်း မြန်မာအစိုးရက ခုချိန်ဟာသင့်တော်တဲ့ အချိန်မဟုတ်သေးကြောင်း ပြောဆိုပြီး ငြင်းဆိုခဲ့တယ်လို့ ကောင်စီရဲ့အလှည့်ကျ ဥက္ကဌ ကူဝိတ်နိုင်ငံ သံအမတ်ကြီး Mansour al-Otaibi က သတင်းထောက်တွေကို ပြောခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ