ဗုဒ္ဓဂါယာ ဘုရားဖူးတွေကို တိုက်ခိုက်ဖို့ အကြမ်းဖက်အဖွဲ့ စီစဉ်


ဗုဒ္ဓဘာသာဝင်အများစုဖြစ်တဲ့ မြန်မာနိုင်ငံမှာ ရိုဟင်ဂျာမွတ်ဆလင်တွေ သတ်ဖြတ်နှိပ်စက်ခံရမှုကို လက်စားချေတဲ့အနေနဲ့ အိန္ဒိယနဲ့ ဘင်္ဂလားဒေ့ရ်ှနယ်ခြားအခြစိုက် JMB (Jamatul Mujaheeden Bangladesh) မွတ်ဆလင်အကြမ်းဖက်အဖွဲ့ ဟာ အိန္ဒိယနိုင်ငံက ဗုဒ္ဓဘာသာထွန်းကားခဲ့ရာဒေသတွေကို လာရောက်တဲ့ ဘုရားဖူးတွေကို လုပ်ကြံသတ်ဖြတ်ဖို့ ကြိုးစားနေကြောင်း သိရပါတယ်။

အဲဒီအဖွဲ့ဟာ ပြီးခဲ့တဲ့ ဂျန်နဝါရီ ၁၉ ရက်နေ့က ဗုဒ္ဓဂါယာကို တိဘက်ဘုန်းတော်ကြီး ဒလိုင်းလားမား ဘုရားဖူးကြွရောက်နေစဉ် ဖြစ်ပွားတဲ့ ဗုံးခွဲမှုကို စီစဉ်ခဲ့တဲ့အဖွဲ့ဖြစ်တယ်လို့ အိန္ဒိယရဲတပ်ဖွဲ့က ပြောပါတယ်။

JMB အဖွဲ့ဝင် ၂ ဦးကို အနောက်ဘင်္ဂလားပြည်နယ်မှာ ကလကတ္တားရဲတပ်ဖွဲ့ကဖမ်းဆီးမိခဲ့ပြီး သူတို့ရဲ့ ထွက်ဆိုချက်အရ JMB ဟာ အနောက်ဘင်္ဂလားပြည်နယ်နဲ့ ဘီဟာပြည်နယ်တွေကို လာရောက်တဲ့ ဗုဒ္ဓဘာသာဝင် ဘုရားဖူးတွေကို တိုက်ခိုက်ဖို့အတွက် အဖွဲ့ငယ် ၈ ဖွဲ့ကို ဖွဲ့စည်းထားကြောင်းနဲ့ အဖွဲ့ငယ်တခုမှာ အကြမ်းဖက်သမား ၁ဝ ဦးကနေ ၁၂ ဦးအထိပါဝင်ကြောင်း သိရပါတယ်။

အဲဒီ JMB အဖွဲ့ဟာ ရိုဟင်ဂျာအကြမ်းဖက်အဖွဲ့တွေဖြစ်ကြတဲ့ Aqa Mul Mujahideen အကာမူလ် မူဂျာဟီဒင်းနဲ့ Jaish-e-Mohammad ဂျေးအီမိုဟာမက် အဖွဲ့တွေနဲ့ အဆက်အသွယ် ရှိတယ်လို့လည်း ကလကတ္တားပြည်နယ် အထူးရဲတပ်ဖွဲ့ အကြီးအကဲ Sharma ရှားမား ကပြောပါတယ်။

RFA Burmese
https://www.facebook.com/rfaburmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ