ဘူးသီးတောင် - မောင်တောမှာ ငွေကျပ် သိန်းပေါင်း တစ်သောင်းကျော် တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ

ရခိုင်ပြည်နယ် ဘူးသီးတောင်မြို့နယ်နှင့် မောင်တောမြို့တို့တွင် ငွေကျပ် သိန်း ၁၁,၈၉၅ တန်ဖိုးရှိ စိတ်ကြွရူးသွပ်ဆေးပြားများ ဖေဖော်ဝါရီလ ၇ ရက်- ၈ ရက်နေ့ တွေမှာ စက်လှေတစ်စီးနှင့်  သုံးဘီးဆိုင်ကယ် တစ်စီးပေါ်ကနေ ဖမ်းဆီးရမိ ခဲ့ကြောင်း သိရပါသည်။


ဖေဖော်ဝါရီ ၇ ရက်နေ့ ၁၆၃၀ အချိန် ညောင်ချောင်းနယ်မြေရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဘူးသီးတောင်မြို့နယ်၊ ဦးကျော်(ရခိုင်)ကျေးရွာအနီး၊ စိမ်းညှင်းပြားချောင်းဝ၌ သန်းထွန်း၊ တင်ညွန့်၊ မင်းလွင် နှင့် ဦးခင်တို့အား စက်လှေတစ်စီးနှင့်အတူတွေ့ရှိရှာဖွေရာ စက်လှေပေါ်ရှိ ပီနံအိတ်အတွင်းမှ စိတ်ကြွရူးသွပ်ဆေးပြား ၁၀၇,၂၅၀ ပြားကို ဖမ်းဆီးမိခဲ့ကြောင်း သိရသည်။

အလားတူ ဖေဖော်ဝါရီ ၈ ရက်နေ့ ၁၂၃၀ အချိန် မူးယစ်တပ်ဖွဲ့စု(၄၆)မောင်တောမှ တပ်ဖွဲ့ဝင်များပါဝင်သော ပူးပေါင်းအဖွဲ့သည် မောင်တောမြို့၊ မြို့မကညင်တန်းရပ်ကွက်၊ မောင်တော-အလယ်သံကျော် ကားလမ်း၊ မီးသတ်ရုံးအနီးတွင် မာမက်အီလီယက် မောင်းနှင်လာသည့် သုံးဘီးဆိုင်ကယ်ကိုရှာဖွေရာ သုံးဘီးဆိုင်ကယ်၏နောက်ခန်းရှိ ခေါက်ဆွဲခြောက်ဂျပ်ဖာနှင့် စက္ကူဂျပ်ဖာများအတွင်းတို့မှ စိတ်ကြွရူးသွပ်ဆေးပြား ၄၈၇,၅၀၀ ပြားကို လည်းကောင်း သိမ်းဆည်းရမိခဲ့သည်။

သန်းထွန်း(၅၁)နှစ်၊ တင်ညွန့်(၄၉)နှစ်၊ မင်းလွင်(၂၃)နှစ်၊ ဦးခင်(၃၀)နှစ် နှင့် မာမက်အီလီယက်(၂၄)နှစ်တို့အား မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများ ဆိုင်ရာဥပဒေအရ အရေးယူထားကြောင်း မြန်မာနိုင်ငံရဲတပ်ဖွဲ့ ၏ သတင်းထုတ်ပြန်ချက်အရ သိရပါသည်။

သစ်ထူးလွင်

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ