“ဝ” ကိုယ်ပိုင်အုပ်ချုပ်ခွင့်ရပြည်နယ်ရရှိရေး ဆက်လက်တောင်းဆိုမည်ဟု UWSA ထုတ်ပြန်

UWSA ဗဟိုတိုးချဲ့အစည်းအဝေးက အချက် (၁၀)ချက်ပါသည့် ထုတ်ပြန်ချက်တွင် "ဝ" ကိုယ်ပိုင် အုပ်ချုပ်ခွင့်ရ ပြည်နယ် ရရှိရေးနှင့် ဖွဲ့စည်းပုံအခြေခံ ဥပဒေပြင်ဆင်ရေးကို ဆက်လက် တောင်းဆိုသွားမည်ဖြစ်ကြောင်း ဖေါ်ပြထားသည်။

UWSA ၏ ဗဟိုတိုးချဲ့အစည်းအဝေးအား ၂၀၁၈ ခုနှစ် ဇန်နဝါရီလ (၁၄)ရက်နေ့တွင် ကျင်းပခဲ့ရာ ပါတီ ဗဟိုပေါလစ်ဗျူရို အမြဲတမ်းကော်မတီဝင် (၉)ဦး၊ ပါတီ ဗဟိုပေါလစ်ဗျူရို ကော်မတီဝင် (၁၀)ဦး၊ ပါတီ ဗဟိုကော်မတီဝင် (၈)ဦးနှင့် အရံ ပါတီဗဟိုကော်မတီဝင် (၂၁)ဦးတို့ဖြင့် ဖွဲ့စည်းလိုက်ပြီး အချက် (၁၀)ချက်ကို ထုတ်ပြန်လိုက်ခြင်းဖြစ်သည်။

အဆိုပါ ထုတ်ပြန်ချက်တွင် ပဋိပက္ခများကို နိုင်ငံရေးတွေ့ဆုံမှုနည်းဖြင့် ဖြေရှင်းခြင်းကိုထောက်ခံပြီး စစ်ရေးနှင့် စစ်ရေးအရ ဖိအားပေးမှုများကို ဆန့်ကျင်သွားရန်၊ “ဝ"ပြည်သူများ၏ ပညာရေး၊ ကျန်းမာရေးနှင့် နေထိုင်စားသောက်ရေးအဆင့်အတန်းမြှင့်တင်ရန်၊ တံခါးဖွင့်ဝါဒကျင့်သုံးပြီး ပြင်ပအသိပညာရှင်၊ အတတ်ပညာရှင်နှင့် ရင်းနှီးမြုပ်နှံမှုများကို ဖိတ်ခေါ်ရန်၊ "ဝ" ပြည်ရှိ တိုင်းရင်းသားများအားလုံး တန်းတူ အခွင့် အရေးမူဖြင့် အတူတကွနေထိုင်ရန်၊ အိမ်နီးချင်းနိုင်ငံ/ဒေသများနှင့် ကောင်းမွန်သော ဆက်ဆံရေး များထားရှိပြီး တည်ငြိမ်အေးချမ်းသည့် ပတ်ဝန်းကျင်ရရှိရေး တည်ဆောက်သွားရန်၊ ပြည်ထောင်စုအစိုးရနှင့် ချုပ်ဆိုခဲ့သောစာချုပ်များ ကို လိုက်နာ၊ ကျင့်သုံး၊ ကိုင်စွဲပြီး ပြည်ထောင်စု မပြိုကွဲရေး၊ ငြိမ်းချမ်းရေး နှင့်ဖွံ့ဖြိုး တိုးတက်ရေး တို့ အတွက် "ဝ"ပြည် နယ်သည် တတ်နိုင်သည့်ဘက်မှ ပါဝင် လုပ်ဆောင်သွားရန်၊ ပြည်ထောင်စု အစိုးရ ၊ တပ်မတော်ထိပ်ပိုင်းခေါင်းဆောင်များနှင့် ပိုမိုပူးပေါင်းပြီး ယုံကြည်မှုခိုင်မာစွာ တည်ဆောက် သွားရန်၊ မူးယစ်ဆေးဝါး စိုက်ပျိုး၊ ထုတ်လုပ်၊ ရောင်းဝယ်၊ သုံးစွဲခြင်းများကို ထိထိ ရောက်ရောက် အရေးယူရန်၊ စည်းကမ်းနှင့် စနစ်ကောင်းရှိသည့် ဘာသာရေး လွတ်လပ်ခွင့်မူများ ကျင့်သုံးသွားရန်၊ "ဝ"ပြည်နယ်သည် မြန်မာနိုင်ငံ၏ နယ်မြေ တစိတ်တဒေသဖြစ်ပြီး မည်သည့် အကြောင်းနှင့်မျှ ခွဲထွက်မသွားရန်၊ ပြင်ပရန် ကျူးကျော် လာပါက မိမိကိုယ်ကို ကာကွယ်သည့် အနေဖြင့် ပြတ်ပြတ်သားသား ချေမှုန်းရန်၊ ငြိမ်းချမ်းရေး အလံတော် နှင့် လက်နက် တဖက်စီ ကိုင်ဆောင် သွားရန်ဆုံးဖြတ်ထားကြောင်း ဖေါ်ပြထားသည်။

UWSA သည် ၁၉၈၉ ခုနှစ်တွင် ဗမာပြည်ကွန်မြူနစ်ပါတီပြိုကွဲပြီးနောက် ဖွဲ့စည်းခဲ့ခြင်းဖြစ်ပြီး ၁၉၈၉ ခုနှစ် မေလ (၉)ရက်နေ့တွင် လည်းကောင်း၊ ၂၀၁၁ ခုနှစ် စက်တင်ဘာလ (၆)ရက်နေ့တွင်လည်းကောင်း အစိုးရနှင့် အပစ်အခတ်ရပ်စဲရေးသဘောတူညီချက်များ ရယူခဲ့သည့် အဖွဲ့ဖြစ်သည်။

UWSA သည် "ဝ"ပြည်သွေးစည်းညီညွတ်ရေးပါတီ (UWSP)၏ လက်နက်ကိုင်တပ်ဖွဲ့ဖြစ်ပြီး UWSP သည် ၂၀၀၈ ခုနှစ် ဖွဲ့စည်းပုံဥပဒေအရ ပြဌာန်းထားသည့် ကိုယ်ပိုင်အုပ်ချုပ်ခွင့်ရ “ဝ “ တိုင်း၏ မြို့နယ် (၆)ခုအား စီမံအုပ်ချုပ်ခွင့် ရထားခြင်း ဖြစ်သည်။

ဓါတ်ပုံ - WSTV
Tachileik News Agency
http://www.tachileik.net