 |
| ရန်ကုန်မြို့၊ ဗဟန်းမြို့နယ်မှာရှိတဲ့ အမျိုးသားဒီမိုကရေစီအဖွဲ့ချုပ်ရုံးမှာ နှစ် (၇၀)ပြည့် လွတ်လပ်ရေးနေ့ နှစ်ပတ်လည်အခမ်းအနားကို ၂ဝ၁၈ ခုနှစ် ဇန်နဝါရီလ ၄ ရက်နေ့က ကျင်းပစဉ်။ Photo: Thant Zin Oo/RFA |
ဒီကနေ့မနက်ပိုင်းက ရန်ကုန်မြို့၊ ဗဟန်းမြို့နယ်မှာရှိတဲ့ အမျိုးသားဒီမိုကရေစီအဖွဲ့ချုပ်ရုံးမှာ ပြုလုပ်ခဲ့တဲ့ နှစ် (၇၀)ပြည့် လွတ်လပ်ရေးနေ့ နှစ်ပတ်လည်အခမ်းအနားအပြီးမှာ ကြားဖြတ်ရွေးကောက်ပွဲနဲ့ ပတ်သက်ပြီး သတင်းထောက်တွေရဲ့ မေးမြန်းချက်ကို မုံရွာအောင်ရှင်က အခုလို ပြန်လည်ဖြေကြားခဲ့တာ ဖြစ်ပါတယ်။
"လစ်လပ်နေရာအားလုံး တရားဝင်က ၇ ခုလောက်ရှိတယ်၊ ဒါပေမဲ့ အရင်ရွေးကောက်ပွဲတွေတုန်းက မကျင်းပနိုင်တဲ့နေရာတွေမှာလည်း ရွေးကောက်ပွဲ လုပ်ဖြစ်ချင်ရင်လည်း လုပ်ဖြစ်မှာပေါ့၊ NLD က အကုန်ဝင်ပြိုင်မှာပါပဲ"
လက်ရှိအစိုးရ သက်တမ်းအတွင်း ဒုတိယအကြိမ်မြောက် ကြားဖြတ်ရွေးကောက်ပွဲကို ၂၀၁၈ ခုနှစ် နှစ်လယ်ပိုင်းမှာ ကျင်းပနိုင်ဖို့ ပြင်ဆင်နေတယ်လို့ ပြည်ထောင်စု ရွေးကောက်ပွဲ ကော်မရှင်က ပြောထားပါတယ်။
လက်ရှိအချိန်မှာ လစ်လပ်နေတဲ့ မဲဆန္ဒနယ် ၇ ခုရှိပြီး ပြည်သူ့လွှတ်တော် မဲဆန္ဒနယ် ၂ ခုနဲ့ တိုင်းဒေသကြီး သို့မဟုတ် ပြည်နယ် မဲဆန္ဒနယ် ၅ နေရာ လစ်လပ်နေတာဖြစ်ပါတယ်။
လက်ရှိ အစိုးရ သက်တမ်းအတွင်း ပထမအကြိမ် ကြားဖြတ်ရွေးကောက်ပွဲကိုတော့ ပြီးခဲ့တဲ့ ၂၀၁၇ ခုနှစ် ဧပြီလ ၁ ရက်နေ့မှာ ကျင်းပခဲ့ပြီး မဲဆန္ဒနယ် ၁၉ ခုမှာ အမျိုးသား ဒီမိုကရေစီအဖွဲ့ချုပ်ပါတီက ၉ နေရာ အနိုင်ရခဲ့ပါတယ်။
ဒါ့အပြင် ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီက ကိုယ်စားလှယ်အနိုင်ရခဲ့တဲ့ ကျိုင်းတုံမဲဆန္ဒနယ် အမှတ်(၂) မဲရလဒ်ကို NLD ကိုယ်စားလှယ်လောင်းက ကန့်ကွက်ရာမှာလည်း ကော်မရှင်က NLD ကိုယ်စားလှယ်ကို အနိုင်ပေးခဲ့ပါတယ်။
RFA Burmese
http://www.rfa.org/burmese
ကြားဖြတ်ရွေးကောက်ပွဲမှာ မဲဆန္ဒနယ်တိုင်းအတွက် NLD ယှဉ်ပြိုင်မည်
Reviewed by THITHTOOLWIN
on
19:11
Rating:
Reviewed by THITHTOOLWIN
on
19:11
Rating:
