ဦးဝင်းထိန်အနားယူတယ်ဆိုတာ မဟုတ်ကြောင်း NLD ခေါင်းဆောင်တွေပြော

ရန်ကုန်မြို့ NLD ရုံးချုပ်မှာ စက်တင်ဘာလ ၂၃ ရက်နေ့က NLD ပါတီ အတွင်းရေးမှူးအဖွဲ့ဝင် ဦးဝင်းထိန် ကို တွေ့ရစဉ်/ Photo: Thiha Tun/RFA
NLD ပါတီ ထိပ်တန်းခေါင်းဆောင်တစ်ဦးဖြစ်သူ ဦးဝင်းထိန် ပါတီတာဝန်က အနားယူသွားပြီဆိုတာ နဲ့ပတ်သက်ပြီး NLD ပါတီ ဗဟိုအလုပ်အမှုဆောင်အဖွဲ့ကို တရားဝင် အကြောင်းကြားတာ မရှိတဲ့အတွက် မသိရှိကြောင်း NLD ဗဟိုအလုပ်အမှုဆောင်အဖွဲ့ဝင် ဦးဥာဏ်ဝင်းက RFA ကို ပြောပါတယ်။

အမျိုးသားဒီမိုကရေစီအဖွဲ့ချုပ် NLD တာဝန်က ဗဟိုအလုပ်အမှုဆောင်ကော်မတီဝင် ဦးဝင်းထိန် အနားယူသွားပြီဆိုတဲ့ သတင်းတွေ ထွက်ပေါ်နေပေမယ့် NLD ဗဟိုအလုပ်အမှုဆောင် အဖွဲ့က တရားဝင် သိထားတာမရှိဘူးလို့ ဦးဥာဏ်ဝင်းက ပြောပါတယ်။

"အဲဒီသတင်းထဲမှာပါတဲ့ဟာ ကျနော်တို့ CEC ကို ဘာမှ တရားဝင် မရောက်ဘူး ၊ တရားဝင် ဘာမှမရှိဘူး၊ ဟုတ်တယ် အဲဒါတွေ ကျနော်တို့လုံးဝမသိဘူးဗျ၊ CEC မှာဆုံးဖြတ်ရမှာပေါ့ သူက ပါတီကကို"

ပြီးခဲ့တဲ့ ဇန်န၀ါရီလ ၇ ရက်နေ့က ဦးဝင်းထိန်ရဲ့ သား မင်္ဂလာဆောင်ပွဲကို နေပြည်တော်မှာ ခမ်းခမ်းနားနား ကျင်းပခဲ့ပြီး နိုင်ငံတော်သမ္မတ ဦးထင်ကျော်၊ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပါအဝင် အစိုးရနဲ့ NLD ပါတီ က ထိပ်ပိုင်းခေါင်းဆောင်တွေ တက်ရောက်ခဲ့ကြသလို အဲဒီလို ခမ်းခမ်းနားနား ကျင်းပတဲ့အတွက် ဝေဖန်မှုတွေလဲ ထွက်ပေါ်ခဲ့ပါတယ်။

အဲဒီပွဲမှာ အမှတ်တရ မင်္ဂလာစကားပြောကြားခဲ့တဲ့ ဒေါ်အောင်ဆန်းစုကြည်က မင်္ဂလာပွဲကို ခမ်းခမ်းနားနား ကျင်းပခဲ့တာနဲ့ပတ်သက်ပြီး သိပ်မနှစ်သက်တဲ့ သဘောမျိုးပြောခဲ့တာကို တွေ့ရကြောင်း မင်္ဂလာပွဲတက်ရောက်သူတချို့ရဲ့ ပြောဆိုမှုတွေလဲ ထွက်ပေါ်လာခဲ့ပါတယ်။

မင်္ဂလာပွဲအပြီးနောက်ရက်မှာ နိုင်ငံတော်အတိုင်ပင်ခံ ဒေါ်အောင်ဆန်းစုကြည်နဲ့ ဦးဝင်းထိန်တို့ တွေ့ဆုံခဲ့ကြတာရှိသလို ဇန်နဝါရီလ ၁၄ ရက်နေ့မှာ သြစတြေးလျနိုင်ငံကို ဦးဝင်းထိန် ခေတ္တဆေးဝါး ကုသမူခံယူဖို့ သွားရောက်မယ်ဆိုတဲ့ သတင်းတွေကြောင့် ပါတီရဲ့ အရေးကြီးတာဝန်တွေကနေ အနားပေးခံလိုက်ရပြီလားဆိုပြီး လူတွေကြားမှာ ဝေဖန်ခဲ့ကြတာဖြစ်ပါတယ်။

နေပြည်တော် စည်ပင်သာယာရေးကော်မတီဝင် ဦးမင်းသူပြောတာက ဦးဝင်းထိန် ပါတီကနေ အနားယူတာမဟုတ်သလို ပါတီမှာလည်း မူလရာထူးတာဝန်အတိုင်း မပြောင်းလဲပဲရှိနေပါတယ်လို့  ဆိုပါတယ်။

NLD ပါတီ ဗဟိုကော်မတီဝင် ဦးအောင်စိုးက အခုပြင်ပမှာ ထွက်ပေါ်နေတဲ့ သတင်းတွေလိုမဟုတ်ပဲ သူရဲ့မိသားစုဝင်တွေရှိတဲ့ သြစတြေးလျနိုင်ငံကို ခေတ္တသွားရောက်တာဖြစ်ပြီး တစ်လကြာနေမယ် ဆိုတာလဲ မဟုတ်ဘူးလို့ ပြောပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ