ကြက်ဥနှင့် ရေစိမ်ခေါက်ဆွဲများအား မျက်မြင်စစ်ဆေးချက်အရ အတုဟုယူဆရသဖြင့် FDA ဓါတ်ခွဲခန်းဆက်လက်စစ်ဆေးနေ


ရှမ်းပြည်နယ် (မြောက်ပိုင်း) သိန္နီမြို့နယ်ရှိ ရေပူအမြဲတမ်းစစ်ဆေးရေးဂိတ်တွင် ပထမဆုံးဖမ်းဆီးရမိသည့် အတုဟုယူဆရသည့် ကြက်ဥနှင့် ရေစိမ်ခေါက်ဆွဲတို့အား သက်ဆိုင်ရာဌာနများက ဇန်နဝါရီလ (၆)ရက်နေ့တွင် မျက်မြင်စစ်ဆေးထားပြီး FDA ဓါတ်ခွဲခန်းတွင် ထပ်မံစစ်ဆေးရန် လုပ်ဆောင်နေကြောင်း သိရသည်။


“မွေးမြူရေးနဲ့ကုသရေးဦးစီးဌာနကို ဒီနေ့ မျက်မြင်စစ်ဆေးခိုင်းတယ်။ ကြက်ဥက အခွံကစိမ်းနေတယ်။ အရွယ်အစားကတော့ ကြက်ဥဆိုဒ်ပဲ။ ခွဲကြည့်တော့ အနံ့တွေဘာတွေက ကြက်ဥနံ့မထွက်ဘူး။ ကြော်ကြည့် လိုက်တော့ အကာက ပျစ်ချွဲချွဲနဲ့ ဂျယ်လီလိုဖြစ်နေတယ်။ နောက် ကြက်ဥအခွံကလည်း လုံးဝပြောင်ချော နေတယ်။ သဘာဝကြက်ဥတွေမှာ အဖုအထစ်လေးတွေရှိတယ်။ အခွံကလည်း သိသိသာသာကို စိမ်းနေတယ်။ ဒီတော့ ဒါဟာအတုလို့ပဲ ကျွန်တော်တို့ ယူဆတယ်။ နောက် ဆန်ခေါက်ဆွဲကို မီးရှို့ကြည့်တော့ မီးလောင်တယ်။ ကော်နံ့တွေထွက်တယ်။ ဒီတော့ မျက်မြင်အရတော့ အတုလို့ သံသယရှိတယ်။ ဒါကို ဓါတ်ခွဲစစ်ဆေးဖို့က FDA မှာပဲ ဓါတ်ခွဲခန်းရှိတာကြောင့် ချိတ်ထားတယ်။ FDA က မိုဘိုင်းဓါတ်ခွဲခန်းနဲ့ လာရောက်စစ်ဆေးပေးမယ်။ ဓါတ်ခွဲစစ်ဆေးချက်ထွက်မှ အတိအကျပြောလို့ရမှာပေါ့။ လောလောဆယ်ကတော့ ကျွန်တော်တို့အနေနဲ့ အတုလို့ သံသယရှိတယ်ဆိုတာလောက်ပဲ ပြောနိုင်မှာပါ”ဟု ရှမ်းပြည်နယ်မြောက်ပိုင်း စားသုံးသူရေးရာဦးစီး ဌာနမှ ဒုတိယပြည်နယ်ဦးစီးမှူး ဦးဇော်မင်းသန်းက တာချီလိတ်သတင်းအေဂျင်စီသို့ ပြောသည်။


အဆိုပါ ကြက်ဥအလုံး (၄၈၀)နှင့် ရေစိမ်ခေါက်ဆွဲ တစ်ပိဿကျော်အား ဂျပ်ဖာဖြင့် မူဆယ်မှ ရန်ကုန်သို့ ပို့ဆောင်ခြင်းဖြစ်ပြီး မူဆယ်မြို့မှ ပစ္စည်းတင်ပို့သူ၏ လိပ်စာကိုမသိရဘဲ ရန်ကုန်မြို့မှ ပစ္စည်းလက်ခံမည့်သူဟု ဖေါ်ပြထားသည့် ဖုန်းနံပါတ်မှာလည်း ဆက်သွယ်၍မရကြောင်း သိရသည်။

“ကျွန်တော်တို့ စားသုံးသူရေးရာဦးစီးဌာန မူဆယ်ရုံးခွဲကနေ ကားဂိတ်ကနေ ပစ္စည်းပို့တဲ့ဘက်ကိုလည်း ဆက်သွယ်နိုင်ဖို့ ကားဂိတ်မှာ သွားစုံစမ်းတယ်။ သူတို့ဆီမှာလည်း ကျပ်တစ်သောင်းခွဲနဲ့ ပါဆယ်လက်ခံပို့ပေးတဲ့ ဘောင်ချာပဲရှိတယ်။ ပို့တဲ့သူအမည် ဖုန်းနံပါတ်တွေ မရှိဘူး။ ဆိုင်ကယ်တက္ကစီက လာပို့သွားတယ်ပဲ သိရတယ်။ သူတို့ လက်ခံဘောင်ချာလည်း ပြပါတယ်။ ဂျပ်ပုံးပေါ်မှာက ကြက်ဥလို့ပဲ ရေးထားတာပဲ”ဟု ရှမ်းပြည်နယ် မြောက်ပိုင်း စားသုံးသူရေးရာဦးစီး ဌာနမှ ဒုတိယပြည်နယ်ဦးစီးမှူး ဦးဇော်မင်းသန်းက ပြောသည်။

မူဆယ် - ရန်ကုန်ပြေးဆွဲသည့် ခရီးသည်တင်ယာဉ်အား ဇန်နဝါရီလ (၆) ရက် ည (၉)နာရီ ဝန်းကျင်ခန့်က ရေပူစစ်ဆေးရေးဂိတ်၌ စစ်ဆေးရာမှ အတုဟုယူဆရသည့် အဆိုပါစားသောက်ကုန်များအား တွေ့ရသဖြင့် စားသုံးသူရေးရာဦးစီးဌာန၊ တိရိစ္ဆာန်မွေးမြူရေးနှင့် ကုသရေးဦးစီးဌာန၊ သစ်တောဦးစီးဌာနတို့က ဓါတ်ခွဲစစ်ဆေးမှုများ လုပ်ဆောင်ရန် စီစဉ်နေကြောင်း သိရသည်။

ယခုဖမ်းဆီးရမိသည့် အတုဟုယူဆရသည့် အဆိုပါစားသောက်ကုန်များကို ရှမ်းပြည်နယ်မြောက်ပိုင်းတွင် ပထမဆုံး ဖမ်းဆီးရမိခြင်းဖြစ်ကြောင်း သိရသည်။

သတင်း - ချယ်ရီထိုက်
ဓါတ်ပုံ - စားသုံးသူရေးရာ
Tachileik News Agency
http://www.tachileik.net

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ