မိုးညှင်းတွင် ကျောင်းသား သုံးဦး ကျောက်ခဲတင်ကားနှင့်တိုက်မိ နှစ်ဦးသေဆုံး


မိုးညှင်း ဇန်နဝါရီ ၅

မိုးညှင်းမြို့ အထက(၁) ကျောင်းသားသုံးဦး စီးလာသော ဆိုင်ကယ်နှင့် ကျောက်ခဲတင်ကားတို့ တိုက်မိရာ နှစ်ဦးသေဆုံးပြီး တစ်ဦး ထိခိုက်ဒဏ်ရာရှိခဲ့သည်။

ဖြစ်စဉ်မှာ ဇန်န၀ါရီ ၄ ရက်နေ့ ညနေ ၁ နာရီခွဲအချိန်က ရွာသစ်ကုန်း ကျေးရွာအုပ်စု ထန်းတပင် ကျေးရွာအနီးတွင် တိုက်မိခဲ့ပြီး ကျောင်းသားများမှာ မိုးညှင်းမြို့ အရှေ့စု (၅)လမ်းနေ အထက(၁) ဒသမတန်း (H) အခန်းတွင် ပညာသင်ကြားနေသူ ကျော်နိုင်ဝင်းနှင့် ဇင်မင်းသန့်၊ န၀မတန်းတွင် ပညာသင်ကြားနေသော သန်းတိုးအောင်တို့ ဖြစ်ကြောင်း သိရသည်။

“ကျောင်းသားတွေက ဆိုင်ကယ်တစ်စီးကို သုံးယောက်စီးပြီး အရှိန်ပြင်းပြင်းနဲ့ မောင်းလာတဲ့အခါ ကျောက်တင် တဲ့ကား တောင်ဇလပ် စားသောက်ဆိုင်က အထွက်မှာ တိုက်မိခဲ့ကြတာပါ” ဟု ရွာသစ်ကုန်း ကျေးရွာအုပ်စု အုပ်ချုပ်ရေးမှူးဦးကျော်ယုက ပြောသည်။

ဆိုင်ကယ်၏ အနောက်ဆုံးတွင် လိုက်ပါလာသူ သန်းတိုးအောင်၏ ၀ဲဘက်မျက်လုံးမှာ ဖူးရောင်ဒဏ်ရာများ၊ ညာဘက်ပေါင်တွင် ဖူးရောင်ဒဏ်ရာများ၊ ညာဘက်ဒူးတွင် ပေါက်ပြဲဒဏ်ရာများ၊ ဘယ်ဘက်နှင့် ညာဘက် ခြေဖမိုး နှစ်ဖက်စလုံးတွင် စုတ်ပြတ်ဒဏ်ရာများ ရရှိခဲ့ရာ အသက်အန္တရာယ် စိုးရိမ်ရသဖြင့် အရေးပေါ် မြစ်ကြီးနားဆေးရုံသို့ ပို့ဆောင်ခဲ့ရပြီး ကျန်နှစ်ဦးမှာ နေရာတွင် သေဆုံးသွားခဲ့သည်။

“အခု ဆိုင်ကယ်တိုက်တဲ့ ကလေးတွေဟာ ဆိုင်ကယ်ဦးထုပ်သာ ဆောင်းခဲ့မယ်ဆိုရင် ဦးခေါင်းကို မထိခိုက်နိုင်ပါဘူး၊ ဆိုင်ကယ်စီးသူတိုင်း ဦးထုပ်ကို သေသေချာချာ ဆောင်းသင့်ပါတယ်”ဟု မိုးညှင်းမြို့မ ရဲစခန်း ဒုစခန်းမှူး ညွန့်လှိုင်က ပြောသည်။

အဆိုပါ ယာဉ်တိုက်မှုဖြစ်ပွားခဲ့သူ ယာဉ်မောင်း ထွန်းထွန်းလင်း (ခ) အောင်မိုးဆက်အား ယာဉ်(ပ) ၂ ရာဇသတ်ကြီး ပုဒ်မ -၃၀၄-(က)/၃၃၈ ဖြင့် ဖမ်းဆီး အရေးယူထားကြောင်း မိုးညှင်း မြို့မရဲစခန်းက သိရသည်။

ဦးမင်းမင်းဦး
Myanmar Digital News
https://www.facebook.com/MyanmarDigitalNews

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ