မြောက်ကိုရီးယားနဲ့ ကန် သင့်တော်မည့်အချိန် ဆွေးနွေးမည်

တောင်ကိုရီးယားရုပ်သံသတင်းဌာနတခုက အမေရိကန် သမ္မတ Donald Trump နဲ့ မြောက်ကိုရီးယားခေါင်းဆောင် Kim Jong Un တို့ ဓါတ်ပုံယှဉ်တွဲပြီး ဖေါ်ပြထားစဉ်
အမေရိကန်ဟာ သင့်တော်တဲ့အချိန်ကျရင် မြောက်ကိုရီးယားနဲ့ တွေ့ဆုံဆွေးနွေးမယ်လို့ အမေရိကန် သမ္မတ Donald Trump က ပြောကြားလိုက်ပါတယ်။
တောင်ကိုရီးယား သမ္မတ Moon Jae-in နဲ့ ဗုဒ္ဓဟူးနေ့ တယ်လီဖုံး ဆက်သွယ် ပြောကြားရာမှာ သမ္မတ Trump က အမေရိကန်နဲ့ မြောက်ကိုရီးယား တို့ကြား သင့်တော်တဲ့ အခြေနေမျိုးမှာ သင့်တော်တဲ့အချိန်ရောက်ရင် တွေ့ဆုံဆွေးနွေးမယ်လို့ ဖွင့်ပြောခဲ့တာ ဖြစ်ကြောင်း သမ္မတ အိမ်ဖြူက ထုတ်ပြန်တဲ့ ကြေညာချက်မှာ ဖေါ်ပြပါတယ်။

ခေါင်းဆောင် ၂ ဦးဟာ မြောက်ကိုရီးယား အပေါ် အပြင်းထန်ဆုံး အရေးယူမှုတွေ ဆက်လက် လုပ်ဆောင်ဖို့ အရေးကြီးကြောင်း သေသေချာချာ ပြောကြားခဲ့တယ်လို့ ကြေညာချက်မှာ ဖေါ်ပြထားပါတယ်။

တောင်ကိုရီးယား သမ္မတ Moon ရဲ့ ရုံးကလည်း အခုလို သမ္မတ ၂ ဦး ဆက်သွယ်ပြောကြားမှု ရှိကြောင်း တောင်နဲ့ မြောက် ကိုရီးယား ၂ နိုင်ငံကြား ၂ နှစ်အတွင်း ပထမဆုံး အကြိမ် တွေ့ဆုံဆွေးနွေး အပြီး နောက်တရက်မှာပဲ ထုတ်ပြန်ခဲ့ပါတယ်။ တောင်ကိုရီးယား သမ္မတ ရုံးက ထုတ်ပြန်ချက်မှာတော့ တွေ့ဆုံဆွေးနွေးမှုတွေ တိုးတက် လုပ်ဆောင်နေချိန် ကာလ အတွင်းမှာ စစ်ရေးလုပ်ဆောင်မှု တခုမှမလုပ်ဖို့ သမ္မတ Trump က သဘောတူခဲ့တယ်လို့ ဖေါ်ပြထားပါတယ်။

မြောက်ကိုရီးယားကို ညှိနှိုင်းဆွေးနွေးရေး စကားဝိုင်း ပြန်ရောက်လာစေဖို့ သူ့ရဲ့ လုပ်ဆောင်မှု အတွက် တောင်ကိုရီးယား သမ္မတက ချီးကြူးခဲ့တယ်လို့ တယ်လီဖုံ ဆက်သွယ်ပြောကြား အပြီး ကျင်းပတဲ့ ကက်ဘိနက်အစည်းဝေးမှာ သမ္မတ Trump က ပြောကြားခဲ့ပါတယ်။ အမေရိကန်ရဲ့လုပ်ဆောင်မှု အတွက်တောင်ကိုရီးယားက သိပ်ကို ကျေးဇူးတင်နေတာ ဖြစ်ကြောင်းလည်း ပြောပါတယ်။ ဒါဟာ အပြုသဘော ဆောင်တဲ့ ရလဒ်ဖြစ်မယ်လို့ မျှော်လင့်ကြောင်း လည်း သမ္မတ Trump ကပြောပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ