မြန်မာ - ဂျပန် နှစ်နိုင်ငံ နိုင်ငံခြားရေးဝန်ကြီးများ ပူးတွဲသတင်းစာရှင်းလင်း


နေပြည်တော် ၊ ဇန်န၀ါရီ ၁၂

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ဂျပန်နိုင်ငံ နိုင်ငံခြားရေး ၀န်ကြီး H.E.Mr. Taro KONO တို့သည် ယနေ့နံနက်ပိုင်းတွင် နေပြည် တော်ရှိ နိုင်ငံခြားရေး ၀န်ကြီးဌာန၌ နှစ်နိုင်ငံ ပူးတွဲသတင်းစာရှင်းလင်းပွဲ တစ်ရပ် ပြုလုပ်ခဲ့သည်။

နှစ်နိုင်ငံ ပူးတွဲသတင်းစာရှင်းလင်းပွဲ၌ ဂျပန်နိုင်ငံခြားရေးဝန်ကြီးက နှုတ်ခွန်းဆက် စကားပြောကြား ရာတွင် “ဒီနေ့မှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ မြန်မာနိုင်ငံရဲ့ အခြေ အနေ၊ ဒေသတွင်းဆိုင်ရာအခြေအနေတွေနဲ့ ပတ်သက်ပြီး အင်မတန်အကျိုးကျေးဇူးရှိတဲ့ အမြင်ချင်း ဖလှယ်မှုကို ဆောင်ရွက်နိုင်ခဲ့ပါတယ်။

“ကျွန်တော်က မြန်မာပြည်သူပြည်သားတွေရဲ့ ဘဝအဆင့်မြှင့်တင်ရေးကို လက်တွေ့ ခံစားနိုင်စေဖို့ ရည်ရွယ်ထားတဲ့ ဂျပန်နိုင်ငံရဲ့ ကူညီထောက်ပံ့မှုအစီအစဉ်ကို ဒီနေ့ ပြောကြား ခဲ့ပါတယ်။ ၂၀၂၀ ပြည့်နှစ်မှာ ရန်ကုန်နဲ့ တောင်ငူအကြား ၃ နာရီခွဲနဲ့ သွားရောက်နိုင်ဖို့ ရထားလမ်းအဆင့်မြှင့်တင်မှုကို အပြီးဆောင်ရွက်ပေးသွားမှာ ဖြစ်ပါတယ်။ ၂၀၂၃ ခုနှစ်မှာတော့ ရန်ကုန်နဲ့ မန္တလေးအကြား သွားဖို့အချိန် ၈ နာရီနဲ့ သွားရောက်နိုင်ဖို့ ဆောင်ရွက်ပေးမှာမို့ ပြည်သူပြည်သားတွေ သွားလာရေး နဲ့ ကုန်သွယ်ရေးမှာ ပိုပြီးတော့ ချော့မွေ့မြန်ဆန်သွားမှာ ဖြစ်ပါတယ်။ ရခိုင်ပြည်နယ်ရဲ့ အခြေအနေနဲ့ ပတ်သက်ပြီးတော့လည်း အမြင်ချင်းဖလှယ်ဆွေးနွေးခဲ့ပါတယ်။ လူသား ချင်း စာနာထောက်ထားမှု ဆိုင်ရာ လမ်းကြောင်း တိုးချဲ့ဖို့၊ ပြည်တွင်းပြည်ပ မီဒီယာတွေ သွားလာခွင့်ပိုပြီးတော့ ရရှိဖို့၊ လုံခြုံပြီး ဒုက္ခသည်တွေ ကိုယ့်သဘောနဲ့ကိုယ်ပြန်လာနိုင်ဖို့၊ ပြန်လည်နေရာချထားရေး လုပ်နိုင်ဖို့နဲ့ မစ္စတာကိုဖီအာနန် အကြံပေးချက်ကို အကောင်အထည်ဖော်နိုင်ဖို့ တောင်းဆို ခဲ့ပါတယ်။

“အခုအချိန်မှာ ဒုက္ခသည်တွေ ပြန်လာနိုင်ဖို့၊ ပြန်လည်နေရာချထားနိုင်ဖို့ ကူညီ ထောက်ပံ့မှုအနေနဲ့ မြန်မာအစိုးရကို ဒုက္ခသည်တွေ နေထိုင်ဖို့ လိုအပ်တဲ့ ဒေါ်လာသုံးသန်း တန်ဖိုးရှိတဲ့ ပစ္စည်းတွေကို ပေးအပ်ဖို့ဆုံးဖြတ်ခဲ့ပါတယ်။ နောက်တစ်ခုက နိုင်ငံတကာ အဖွဲ့အစည်းတွေကနေတစ်ဆင့် ရခိုင် ပြည်နယ်ရဲ့ လူသားချင်းစာနာထောက်ထားမှုဆိုင်ရာ အခြေအနေတွေကို ကောင်းမွန်စေဖို့ အတွက် အထူးသဖြင့် အမျိုးသမီးတွေ ကိုယ့်ဘာသာ ရပ်တည်နိုင်ဖို့ ရည်ရွယ်ထားတဲ့ အသက်မွေးဝမ်းကျောင်း ပညာပေးရေးအပါအဝင် ဒေါ်လာ သန်း ၂၀ တန်ဖိုးရှိတဲ့ ကူညီထောက်ပံ့မှုကို ဆောင်ရွက်သွားဖို့ စီစဉ်နေပါတယ်။ ဒါက ဂျပန်လွှတ်တော်ရဲ့ သဘောတူညီချက်ကိုရမှ တရားဝင်ပြောနိုင်မှာဖြစ်ပါတယ်။

“ဒီလိုပဲ ဂျပန်နိုင်ငံအနေနဲ့ မြန်မာနိုင်ငံရဲ့ ဆောင်ရွက်ချက်ကို တတ်နိုင်သလောက် ကူညီထောက်ပံ့ သွားဖို့ရှိပါတယ်။ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ သီလဝါ အထူးစီးပွားရေးဇုန်နဲ့ ဒေသတွင်းဆက်သွယ်ရေး Connectivity ကို ပိုပြီးတော့ ခိုင်မာစေရေး ပိုပြီးဆောင်ရွက်သွားဖို့၊ ဆက်လက်ပြီး ဆောင်ရွက်သွားဖို့ အတည်ပြုခဲ့ပါတယ်။ ဒီနှစ် ဂျပန်နိုင်ငံမှာ ကျင်းပဖို့ရှိတဲ့ မဲခေါင်-ဂျပန် ထိပ်သီးအစည်းအဝေးကို နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်နိုင်ဖို့ ကျွန်တော်တို့ ဆွေးနွေးခဲ့ပါ တယ်။ ဂျပန်နိုင်ငံအနေနဲ့ ဆက်လက်ပြီးတော့ မိတ်ရင်းဆွေရင်းနိုင်ငံဖြစ်တဲ့ မြန်မာနိုင်ငံနဲ့ ဆက်ဆံရေးကို ပိုပြီးအဆင့်မြှင်တင် သွားမှာ ဖြစ်ပါတယ်” ဟု ပြောကြားသည်။

နိုင်ငံတော်၏ အတိုင်ပင်ခံပုဂ္ဂိုလ်က ပြောကြားရာတွင် “ နိုင်ငံခြားရေးဝန်ကြီး အသစ်ကို ကြိုဆိုနိုင်တဲ့ အတွက် အများကြီး ဝမ်းသာပါတယ်။ ကျွန်မတို့ရဲ့ မိတ်ဆွေကောင်း ဖြစ်တဲ့ ဂျပန်နိုင်ငံရဲ့ ကိုယ်စားလှယ်တစ်ယောက်အနေနဲ့ နွေးထွေးစွာ ကြိုဆိုပါတယ်။ ကျွန်မတို့ မြန်မာနိုင်ငံနဲ့ ဆက်ဆံရေးဟာ အမြဲပဲ နွေးထွေးခဲ့ပါတယ်။ ကျွန်မတို့ လိုအပ်တဲ့ အချိန်မှာလည်း ဂျပန်နိုင်ငံဟာ အကူအညီတွေ အမြဲပဲ ပေးလေ့ ရှိပါတယ်။ ဒီနေ့လည်း ဝန်ကြီးနဲ့ တွေ့တဲ့အခါမှာ ကျွန်မတို့နိုင်ငံရဲ့ လမ်းပန်းဆက် သွယ်ရေး၊ လျှပ်စစ်မီးရရှိရေးကို ဘယ်လို ထောက်ပံ့မယ်ဆိုတာတွေကိုလည်း အများ ကြီးဆွေးနွေးခဲ့ပါတယ်။ ကျွန်မတို့ နှစ်နိုင်ငံ ပူးပေါင်းဆောင်ရွက်နေတဲ့ စီမံကိန်းတွေ အရှိန်အဟုန်နဲ့ ပြီးမြောက်စေဖို့ ၊ ပိုပြီးတေ့ာ တိုးတက်စေဖို့လည်း ဆွေးနွေးခဲ့ပါတယ်။ ရခိုင်ပြည်နယ်မှာ ဖွံ့ဖြိုး တိုးတက်မှုတွေဖြစ်ဖို့ အတွက်ရယ်၊ နောက်ပြီးတော့ ဒုက္ခသည်တွေ ပြန်လာရင် သေသေချာချာ ကောင်းကောင်း မွန်မွန် လက်ခံနိုင်ဖို့ ကိစ္စတွေကို ဂျပန်နိုင်ငံကနေ ဘယ်လို အကူအညီပေးနိုင်မလဲ ဆိုတာတွေ ကိုလည်း ကျွန်မတို့ ဆွေးနွေးခဲ့ပါတယ်။

“ ရေတိုလိုအပ်ချက်တွေသာ မကဘူး။ ရေရှည်လိုအပ်ချက်တွေကိုလည်း ဖြည့်ဆည်းပေးဖို့ ဂျပန်နိုင်ငံ အနေနဲ့ စေတနာရှိတဲ့အတွက် ကျွန်မတို့ အင်မတန်မှ ကျေးဇူး တင်ပါတယ်။ ဖွံ့ဖြိုးတိုးတက်ရေးဆိုတာ အချိန်ယူရတယ်ဆိုတာ ကျွန်မတို့ အားလုံးသဘော ပေါက်ပါတယ်။ သို့သော်ငြားလည်း ကျွန်မတို့ အနေနဲ့ အမြန်ဆုံး ဖြစ်မြောက်စေချင်တဲ့ ဆန္ဒကို ဂျပန်နိုင်ငံကနေပြီးတော့ နားလည်မှုပေးပြီးတော့ ပံ့ပိုးမှု ပေးတဲ့ဟာကိုလည်း တန်ဖိုးထားပါ တယ်။ ကျွန်မတို့ ဘာတွေဆွေးနွေးခဲ့တယ် ဆိုတာ ဝန်ကြီး KONO အနေနဲ့ အားလုံး ပြောပြီးပြီဆိုတော့ ကျွန်မအနေနဲ့ ထပ်ပြီးပြောစရာ မရှိတော့ပါဘူး။ ကျွန်မဖြည့်စွက်ပြီး ပြောချင်တာကတော့ ကျွန်မတို့နဲ့ ဂျပန်နိုင်ငံဟာ ဖြတ်သန်းခဲ့ရတဲ့ အခက်အခဲတွေ တူတူ ညီညီရှိခဲ့တာကြောင့်မို့ တစ်ယောက်နဲ့ တစ်ယောက်နားလည်မှုရှိတယ်။ ဒီလို နားလည်မှု အပေါ်မှာ အခြေခံပြီးတော့ ကျွန်မတို့ နှစ်နိုင်ငံရဲ့ မိတ်ဆွေအရင်းအချာ အဖြစ်နဲ့ ရပ်တည် ရေးဟာ ပိုမို၍ အရှိန်အဟုန် ရသွားမယ်လို့ ကျွန်မတို့ မျှော်လင့်ပါတယ်။ ဒါ့ကြောင့်မိုလို့လည်း မကြာခဏ ဆက်ပြီးတော့လည်း တွေ့နိုင်ဖုိ့ မျှော်လင့်ပါတယ်။

“နိဂုံးချုပ်အနေနဲ့တော့ ဝန်ကြီးနဲ့ ဝန်ကြီးရဲ့အဖွဲ့ ရခိုင်ပြည်နယ်သွားမယ့် ခရီးဟာ အားလုံး ပြေပြစ်မယ်၊ ချောမွေ့မယ်လို့ မျှော်လင့်ပါတယ်။ အဲဒီအတွက်လည်း ကျွန်မတို့ အားလုံး တတ်နိုင်သမျှ သေသေချာချာ စီစဉ်ဆောင်ရွက်ထားပါတယ်” ဟု ပြောကြား သည်။
ထို့နောက် သတင်းထောက်များ၏ မေးမြန်းမှုများကို ပြန်လည်ဖြေကြားကြသည်။
ရခိုင်ပြည်နယ်ဖွံ့ဖြိုးတိုးတက်ရေးနှင့် ပတ်သက်သည့် မေးမြန်းမှုကို ဂျပန်နိုင်ငံခြားရေး ၀န်ကြီးက ဖြေကြားရာတွင် “ရခိုင်ပြည်နယ်ရဲ့ ဖွံ့ဖြိုးတိုးတက်မှု တွေဆိုတာက ရခိုင်ပြည်နယ် မှာနေတဲ့ လူတွေ အားလုံးနဲ့ သက်ဆိုင်တဲ့ ပြဿနာတွေရဲ့ အရင်းအမြစ်ကို ဖြေရှင်းဖို့အတွက် အင်မတန် အရေးကြီး တယ်လို့ ယူဆပါတယ်။

`` မစ္စတာ ကိုဖီအာနန် အကြံပေးကော်မရှင်ရဲ့ အကြံပေးချက်အရ ပညာရေး၊ ကျန်းမာရေး ကဏ္ဍအပါအ၀င် ဒေသခံတွေရဲ့ လူနေမှုဘဝ အဆင့်မြှင့်တင်ဖို့ ဆောင်ရွက်ဖို့ ဆိုတာက ဦးစားပေးပြီး တော့ လုပ်သင့်တယ်လို့ထင်ပါတယ်။

`` နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကတော့ UEHRD ဖွဲ့စည်းပြီးတော့ ဖွံ့ဖြိုးတိုးတက်မှုလုပ်ငန်းကို စတင်နေပြီလို့ ပြောပါတယ်။ ဂျပန်နိုင်ငံက အရေးပေါ်ကူညီ ထောက်ပံ့မှု တွေသာမကဘဲ ကာလရှည်အတွက် နေထိုင်မှုဘ၀ အဆင့်မြှင့် တင်ဖို့ ရည်ရွယ်ပြီး ရခိုင်ပြည်နယ်ထဲမှာ ကားလမ်းခင်းဖို့ အပါအဝင် လျှပ်စစ်မီးဖြန့်ဖြူးရေး လိုင်းကို တည်ဆောက်လို့ ရပါမယ်။ ဒီလို လုပ်ငန်းစဉ်များကို တည်ဆောက်ဖို့ ဆုံးဖြတ်ပေး တာဖြစ်ပါတယ်။ ဒါကို သေသေချာချာ ဆောင်ရွက် သွားမှာ ဖြစ်ပါတယ်။

``အစိုးရသာမကဘဲ ဂျပန်နိုင်ငံက NGO အဖွဲ့တွေကလည်း ရခိုင်ပြည်နယ်ထဲမှာ ကျောင်းဆောင် ၁၀၀ တည်ဆောက်မှုကို ဆောင်ရွက်နေပါတယ်။ အဲဒီထဲက တချို့ ကျောင်းမှာတော့ ဗုဒ္ဒဘာသာဝင် တွေနဲ့ မူဆလင်တွေက အတူတူလေ့လာနေတာရှိ ပါတယ်။ ဒီလို ကျောင်းတွေ ပြန်ဖွင့်ပြီးတော့ ဆောင်ရွက်ခြင်းတွေကို တိုးချဲ့စေနိုင်ဖို့ ပြင်းပြစွာ ဆုတောင်း နေပါတယ်။
``နောက်တစ်ခု ပုဂ္ဂလိကကုမ္ပဏီတွေက ရခိုင်ပြည်နယ်မြောက်ပိုင်းမှာ မိုလ်ဘိုင်းဖုန်း ဆက်သွယ်ရေး နှင့်ပတ်သက်ပြီး တာဝါတိုင် ၂၈ ခုကို တည်ဆောက် ထားတဲ့အတွက် ရခိုင်ပြည်နယ်မြောက်ပိုင်းမှာ မိုလ်ဘိုင်းဖုန်းဆက်သွယ်ရေး အခြေ အနေတွေက ပိုပြီးတော့ ကောင်းမွန်လာမယ်လို့ ယူဆပါတယ်။

``ဂျပန်နိုင်ငံအနေဖြင့် ယခု ရခိုင်ပြည်နယ်မှာ ပြဿနာရဲ့ ရင်းမြစ်ဖြစ်တဲ့ ဆင်းရဲနွမ်းပါး မှု ဖြေရှင်းနိုင်ဖို့ ကျွန်တော်တို့က တတ်နိုင်သလောက် ကြိုးစားဆောင်ရွက် သွားမှာဖြစ်ပါတယ် ´´ ဟု ဖြေကြားသည်။

ဂျပန်နိုင်ငံက မြန်မာနိုင်ငံအတွက် အကူအညီပေးနေမှုများနှင့် ပတ်သက်သည့် မေးခွန်းကို ဂျပန် နိုင်ငံခြားရေးဝန်ကြီးက ဖြေကြားရာတွင် `` ဂျပန်နိုင်ငံက မြန်မာနိုင်ငံရဲ့ ဒီမိုကရေစီ အမြစ်တွယ်စေတဲ့ ငြိမ်းချမ်းရေးနှင့် ပြည်သူ၊ ပြည်သားတွေ ပြန်လည်သင့်မြတ်ရေး၊ စီးပွားရေး ဖွံ့ဖြိုးတိုးတက်ရေးတို့ အတွက် ၅ နှစ်တာ ကာလမှာ ဂျပန်ယန်း ၈၀၀ ဘီလီယံ ကူညီထောက်ပံ့မှုကို အစိုးရ၊ ပုဂ္ဂလိက ပူးပေါင်းပြီး ကူညီဆောင်ရွက်သွားမယ်ဆိုတဲ့မူဝါဒကို ပြီးခဲ့တဲ့ ၂ နှစ်လောက်တတည်းက ချမှတ်ခဲ့ ပါတယ်။
``အခုနောက်ပိုင်းမှာ အထူးသဖြင့် ရန်ကုန်မြို့ပြ ဖွံ့ဖြိုးတိုးတက်ရေး၊ သယ်ယူ ပို့ဆောင်ရေး၊ လျှပ်စစ်မီးတွေ အမြန်ကောင်းမွန်စေဖို့၊ ရန်ကုန် - မန္တလေး ရထား လိုင်းတွေမှာ အကူအညီတွေ ပေးအပ်ဖို့၊ မြန်မာနိုင်ငံ ပြည်သူပြည်သားတွေ လူနေမှု အဆင့်မြင့်မှုကို လက်တွေ့ ခံစားနိုင်စေဖို့ ထောက်ပံ့မှု အစီအစဉ်တွေကို ဆောင်ရွက် ပေးသွားမှာဖြစ်ပါတယ်။
“ဒါ့အပြင် နိုင်ငံတော်၏ အတိုင်ပင်ခံပုဂ္ဂိုလ်က ကမ်းလှမ်းထားတဲ့ ပညာရေး၊ ကျန်းမာရေး၊ လယ်ယာ စိုက်ပျိုးရေးကဏ္ဍတွေမှာလည်း ပူးပေါင်းဆောင်ရွက်သွားမှာ ဖြစ်ပါတယ်။ မြန်မာ အစိုးရအနေနဲ့ ရင်းရင်းနှီးနှီး ဆွေးနွေးတိုင်ပင်ပြီးတော့ ကူညီ ထောက်ပံ့မှု အစီအစဉ် တွေ ဆောင်ရွက်နေပါတယ်။ နှစ်ဦးနှစ်ဖက် ရင်းနှီးမြှုပ်နှံမှုကို ဖိတ်ခေါ်နိုင်ဖို့အတွက် လျှပ်စစ်မီးကဏ္ဍ အပါအ၀င် ကျန်တဲ့ ကဏ္ဍတွေမှာ လုပ်ထုံး လုပ်နည်းတွေ လျော့ချပေးရေး ပိုပြီး ဆောင်ရွက် ပေးဖို့ မေတ္တာရပ်ခံချင် ပါတယ်။ ဂျပန်နိုင်ငံကလည်း မြန်မာနိုင်ငံ ဒီမိုကရေစီနိုင်ငံ ထူထောင် နိုင်ဖို့အတွက် ပူးပေါင်းဆောင် ရွက်သွားမှာဖြစ်ပါတယ် ”ဟု ဖြေကြားသည်။

မြန်မာအစိုးရကို နိုင်ငံတကာ အသိုင်းအ၀ိုင်းက လူ့အခွင့်အရေးဆိုင်ရာကိစ္စနှင့် ပတ်သက်၍ ဝေဖန်နေမှု များ၊ ဒုက္ခသည်များ ပြန်လည်နေရာချထားရေးဆိုင်ရာ ကိစ္စရပ် များနှင့် ပတ်သက်သည့် မေးခွန်းကို ဂျပန်နိုင်ငံခြားရေးဝန်ကြီးက ဖြေကြားရာတွင် “ရခိုင်ပြည်နယ်ရဲ့ အခြေအနေက လူ့အခွင့်အရေးတွေ ရယ်၊ လူသားချင်းစာနာ ထောက်ထားမှုဆိုင်ရာ၊ လူ့အသိုင်း အ၀ိုင်အကြား တင်းမာမှုတွေရှိတဲ့အတွက် အင်မတန် ရှုပ်ထွေးနက်နဲတဲ့ကိစ္စ ဖြစ်တယ်လို့လည်း နားလည်ထားပါတယ်။
``ဦးစားပေးရမယ့်ကိစ္စကတော့ လူအသိုင်းအ၀ိုင်းတွေရဲ့ကြားမှာ ပြန်လည် သင့်မြတ်မှုကို ဘယ်လိုအကောင်အထည်ဖော်နိုင်မလဲဆိုတာဖြစ်ပါတယ်။ ဒုက္ခသည်တွေ ပြန်လာဖို့ ကိစ္စကတော့ အထူးဂရုစိုက်ပြီး လူအသိုင်းအ၀ိုင်းအကြား ခွဲခြားဖို့မဟုတ်ဘဲ လူအသိုက်အ၀န်းအကြား ပြန်လည် သင့်မြတ်ရေးကို အကောင်အထည်ဖော် ဖန်တီး နိုင်ရေး ဆောင်ရွက်သွားဖို့ လိုအပ်ပါတယ်။

`` ဂျပန်နိုင်ငံအနေဖြင့် ဒီလိုမျိုး ထင်မြင်ယူဆချက်အရ နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ဦးဆောင်တဲ့ မြန်မာအစိုးရကို ကူညီဆောင်ရွက်ဖို့ တတ်နိုင်သလောက် ထောက်ပံ့ပေးသွားမှာဖြစ်ပါတယ်။ ဒုက္ခသည်တွေပြန်လည်နေရာ ချထားနိုင်ရေးအတွက် ကူညီ ထောက်ပံ့ရေး၊ ရခိုင်ပြည်နယ်မှာရှိတဲ့ လူမှုအသိုင်းအ၀ိုင်း၊ လူသားချင်းစာနာ ထောက်ထားမှုဆိုင်ရာ အခြေအနေ ကောင်းမွန်စေဖို့အတွက် ကူညီထောက်ပံ့ သွားမှာဖြစ်ပါတယ်။
`` ဒီလိုလုပ်တဲ့အခါမှာ ဂျပန်နိုင်ငံအနေနဲ့ ပိုပြီး အကူအညီပေးအပ်နိုင်တဲ့ ကဏ္ဍ ရှိတယ်ဆိုရင် ဘယ်လိုလုပ်နိုင်မလဲဆိုတာ ကျွန်တော်တို့ ရှာဖွေသုံးသပ်သွားမှာဖြစ်ပါ တယ်။ ရခိုင်ပြည်နယ်မှာရှိနေတဲ့ လူအသိုင်းအ၀ိုင်တွေအားလုံးရဲ့ကြားမှာ သင့်မြတ်ရေး၊ ငြိမ်းချမ်းရေး၊ တည်ငြိမ်ရေးကို အကောင်အထည် ဖော်နိုင်အောင် ပြင်းပြစွာ မျှော်လင့်ပါ တယ်´´ ဟု ဖြေကြားသည်။

နိုင်ငံတကာအသိုင်းအဝိုင်းမှ ဝေဖန်နေမှုများ၊ နယ်မြေ ရှင်းလင်းရေး ဆောင်ရွက်စဉ် အင်းဒင် ကျေးရွာ၌ ဘင်္ဂလီများ သတ်ဖြတ်ခံရသည်ကိစ္စ၊ ဒုက္ခသည် များပြန်လာရေး ဆောင်ရွက်နေမှု များနှင့် ပတ်သက်၍ မေးမြန်းမှုကို နိုင်ငံတော်၏ အတိုင်ပင်ခံပုဂ္ဂိုလ်က ဖြေကြားရာတွင် `` ရခိုင်ပြည်နယ်နဲ့ ပတ်သက်ပြီး နိုင်ငံတကာက အင်မတန်မှ အလေးထား၊ စိတ်ဝင်စားနေတယ်ဆိုတာ သိပါတယ်။ ဒါပေမယ့် ကျွန်မတို့ လုပ်ရတာက အင်မတန်မှ ကျယ်ပြန့်ပါတယ်။ ကျွန်မတို့ နိုင်ငံရဲ့ကိစ္စကို ကြည့်တဲ့အခါ ရခိုင်ပြည်နယ်တစ်ခုတည်းကို ကွက်ပြီး ကြည့်လို့မရပါဘူး။ ရခိုင်ပြည်နယ် ဆိုတာဟာ ကျွန်မတို့ရဲ့ ပြည်ထောင်စုရဲ့ တစ်စိတ် တစ်ပိုင်းဖြစ်ပါတယ်။ ဒါပေမယ့် ကျွန်မတို့ဟာ ပစ္စုပ္ပန်မှာ ဖြစ်နေတဲ့ ပြသနာတွေတင်မကဘဲ ကျွန်မတို့ရဲ့ ရေရှည် ပန်းတိုင်ကိုလည်း မျက်ခြေပြတ်လို့ မဖြစ်ပါဘူး။ ဒါ့ကြောင့်မို့ စောစောတုန်းက ဝန်ကြီး KONO ပြောသွားတဲ့ အတိုင်းပါပဲ။ အဓိက အရေးကြီးတာက ရေရှည်မှာ ရခိုင်ပြည်နယ်မှာ နေထိုင်တဲ့ ကျွန်မတို့ရဲ့ ပြည်သူပြည်သားတွေ အားလုံး ကြားထဲမှာ သင့်မြတ်မှုရှိဖို့၊ ခင်မင်မှုရှိဖို့၊ တစ်ယောက်နဲ့တစ်ယောက်ယုံကြည်မှုရှိဖို့ပါ၊ အဲဒါကို ကျွန်မတို့ အလေးထားပြီးလုပ်ရမှာဖြစ်ပါတယ်။ ပြီးတော့ ဝေဖန်မှုတွေကတော့ ရှိမှာပဲ။ ဝေဖန်နေတာက အပြုသဘောဆောင်တဲ့ ဝေဖန်မှုလည်းရှိတယ်၊ အပြုသဘော မဆောင်တဲ့ ဝေဖန်မှုလည်းရှိတယ်။ ဒါတွေကို ကျွန်မတို့က သေသေချာချာ လေ့လာပြီးတော့ ဘယ်လို ကျွန်မတို့အနေနဲ့ လုပ်သင့်တယ် ဆိုတာကို ဆုံးဖြတ်ရမှာပါ။ နောက်ဆုံး ဆုံးဖြတ်ချက်တွေရဲ့ အဓိကရလဒ်ကို ခံစားရမှာက ကျွန်မတို့ နိုင်ငံသူ၊ နိုင်ငံသားတွေပဲ ဖြစ်ပါတယ်၊ နောက် အင်းဒင်ရွာ ကိစ္စပေါ့၊ အင်းဒင်ရွာ ကိစ္စမှာ သတ်ဖြတ်မှု တွေ ဖြစ်ခဲ့တယ်။ သတ်ဖြတ်မှုတွေဖြစ် ခဲ့လို့ အခုတပ်မ တော်ကနေပြီးတော့ စိစစ်ပြီးတော့ အရေးယူမယ်ဆိုတာ ကျွန်မတို့ရဲ့ နိုင်ငံအတွက်က ခြေလှမ်းအသစ်တစ်ခုကို ရှေ့လှမ်း တာလို့ပဲ ဒီလိုပဲမြင်ပါတယ်။ ဘာဖြစ်လို့လဲဆိုတော့ နောက်ဆုံးကျရင် နိုင်ငံတစ်နိုင်ငံ ဟာ ကိုယ့်နိုင်ငံ အတွင်းမှာ ရှိတဲ့ တရားဥပဒေစိုးမိုးရေးကို ကိုယ့်ဘာသာ တာဝန်ယူ ရမှာဖြစ်ပါတယ်။ အဲဒီတော့ ဒီဟာက ကိုယ့်ဟာကိုယ် တာဝန် ယူတဲ့ နေရာမှာ၊ တာဝန်ယူတဲ့ လမ်းကြောင်းပေါ်မှာ စပြီးလှမ်းတယ်ဆိုတာ အပေါင်းလက္ခဏာနဲ့ မြင်ဖို့ဖြစ်ပါတယ်။ ဒါဟာလည်း ကြောက်သွားမလားဆိုတော့ ကြောက်တဲ့ လူတွေကလည်း ကြောက်သွားနိုင်ပါတယ်။ ဒါပေမယ့် အခုဖြစ်တဲ့ကိစ္စမဟုတ်ပါဘူး။ အရင် တုန်းကဖြစ်တဲ့ ကိစ္စကို ပြန်ပြီးတော့ စုံစမ်းတာပါ။ ဒါကြောင့်မို့လို့ ကျွန်မတို့က စုံစမ်းခြင်း အားဖြင့် နောင်ဒီလိုကိစ္စမျိုးတွေ မဖြစ်အောင်လို့ အဟန့်အတားတစ်ခုအနေနဲ့ ဖြစ်လာ မယ်လို့ ယုံကြည်ပါ တယ်။ ဒုက္ခသည်တွေကို ပြန်လည်ပြီးတော့ လက်ခံရေးနဲ့ ပတ်သက် ပြီးတော့ ဝန်ကြီး KONO က အင်မတန်မှ ပြည့်ပြည့်စုံစုံ ပြောသွားပြီးပြီဖြစ်ပါတယ်။ အားလုံးကို ပြင်ဆင်ပေးထားသင့်တဲ့ကိစ္စတွေကို ပြင်ဆင်မှာ ဖြစ်ပါတယ်´´ ဟု ဖြေကြားသည်။

Myanmar State Counsellor Office
https://www.facebook.com/state.counsellor/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ