တာချီလိတ်တွင် ခင်ပွန်းဖြစ်သူ သောက်နေသည့် အရက်အား ဇနီးဖြစ်သူမှ ယူသောက်မိ၍ ရိုက်နှက်ရာမှ လူသတ်မှုဖြစ်ပေါ်


ရှမ်းပြည်နယ်(အရှေ့ပိုင်း) တာချီလိတ်မြို့ ဆေခမ်းရပ်ကွက်တွင် ခင်ပွန်းဖြစ်သူ သောက်နေသည့် အရက်ကို ယူသောက်မိသည့် ဇနီးဖြစ်သူအား ခင်ပွန်းကရိုက်နှက်၍ သေဆုံးသွားသဖြင့် ဒီဇင်ဘာလ (၃၁)ရက်နေ့တွင် လူသတ်မှုဖြင့် အမှုဖွင့် အရေးယူထားကြောင်း သိရသည်။

တာချီလိတ်မြို့ ဆေခမ်းရပ်ကွက်၊ ဟွေခိုက်ရွာ လမ်းမပေါ်တွင် ဒီဇင်ဘာလ (၃၀)ရက်နေ့ ည(၉)နာရီကျော်က အမျိုးသမီးတစ်ဦး လဲကျ သေဆုံးနေသည်ကို တွေ့ရသဖြင့် တာချီလိတ်မြို့မရဲစခန်းတွင် လူသေမှုဖြင့် အမှုဖွင့် စစ်ဆေးရာမှ သေဆုံးသူ၏ ခင်ပွန်းသည် အရက်မူးလျှင် ဇနီးဖြစ်သူအား ရိုက်နှက်လေ့ရှိသည်ကို စုံစမ်းသိရှိခဲ့ရကြောင်း သိရသည်။


သေဆုံးသူ၏ ခင်ပွန်းဖြစ်သူ ဝင်းဆိုင်(ခ) ခင်မောင်ကြည်အား ဆက်လက်စစ်ဆေးရာ ဒီဇင်ဘာလ (၃၀)ရက်နေ့ ညနေ (၅)နာရီခန့်က နေအိမ်တွင် အရက်သောက်နေစဉ် ဇနီးဖြစ်သူ မမိုးဖြူက ၎င်း၏အရက်အား ယူသောက်သဖြင့် စကားများရန်ဖြစ်ရာမှ ဇနီးဖြစ်သူက ထွက်ပြေးသွားစဉ် အနောက်မှလိုက်ဖမ်းပြီး ဆံပင်မှဆွဲလိုက်ရာ ပက်လက်လန်လဲသွားခြင်းဖြစ်သည်ဟု ထွက်ဆိုသည်။

လဲသွားသည့် ဇနီးဖြစ်သူ၏ ရင်ဘတ်အား လက်သီးဖြင့်ထိုးခြင်း၊ ဆံပင်ဆွဲကာ ဦးခေါင်းအား ကျောက်ခင်းမြေသားလမ်းဖြင့် ကိုင်စောင့်ခြင်းတို့ကို အဆက်မပြတ်ပြုလုပ်ပြီးနောက် သတိလစ်သွားသည့် ဇနီးသည်အား ထားခဲ့ကာ အိမ်ပြန်လာခြင်းဖြစ်သည်ဟု ထွက်ဆိုကြောင်း သိရသည်။

ဇနီးဖြစ်သူအား သေဆုံးသည် အထိ ရိုက်နှက်ခဲ့သည့် ဝင်းဆိုင် (ခ)ခင်မောင်ကြည်အား တာချီလိတ်မြို့မရဲစခန်းတွင် ဒီဇင်ဘာလ (၃၁)ရက်နေ့က (ပ) ၂၅၇/၂၀၁၇၊ ရာဇသတ်ကြီးပုဒ်မ ၃၀၂ ဖြင့် အမှုဖွင့် အရေးယူထားကြောင်း သိရသည်။

သတင်း - စိုင်းဇေယျာ
ဓါတ်ပုံ - တာချီလိတ်နာရေးကူညီမှုအသင်း
Tachileik News Agency
http://www.tachileik.net

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ