ပုဏ္ဏားကျွန်းမြို့နယ် ငှက်ကြီးကျွန်းကျေးရွာတွင် ကူးတို့လှေတိမ်းမှောက်၍ ၃ ဦးသေဆုံး


ရခိုင်ဂေဇက်၊ ဇန်နဝါရီလ ၁၀

ရခိုင်ပြည်နယ်၊ ပုဏ္ဏားကျွန်းမြို့နယ် ကျော်ဇံရွာကျေးရွာအုပ်စု အင်ဒူပြင်ရွာမှ ကျောင်းသား/သူများ ငှက်ကြီးကျွန်းမူလွန်ကျောင်းမှ ကျောင်းဆင်းအပြန် လိုက်​ပါလာ​သော ကူးတို့စက်​​လှေသည်​ဇန်နဝါရီလ ၉ ရက် ညနေ ၄ နာရီကျော်ခန့်တွင် လှေတိမ်းမှောက်၍ လှေပေါ်ပါ ၁၂ နှစ်အရွယ် ကျောင်းသူနှစ်ဦးနှင့် ကုတို့လှေပိုင်ရှင်တို့သေဆုံးကြောင်း ငှက်ကြီးကျွန်းဥက္ကဌထံမှသိရသည်။

ဖြစ်စဉ်မှာ ၎င်းနေ့ညနေကျောင်းဆင်းချိန်တွင် အဆိုပါကျောင်းသားများသည် မိမိရွာမှစက်လှေအကြိုနောက်ကျ၍ ငှက်ကြီးကျွန်းလှေကုတို့ဖြင့်ဖြတ်ကူးကာ ရွာသို့ပြန်စဉ် တစ်ဖက်ကမ်းစပ်မရောက်မီပေနစ်ဆယ်ခန့်အကွာတွင် ဆွေးမြေ့နေသော လှေဝမ်းမှပျဉ်ပေါက်ကာနှစ်မြုပ်ခဲ့ခြင်းဖြစ်​ကြောင်းသိရသည်။

``မနေ့ကညနေက လှေမြှုပ်တာပါ။ လှေမြှုပ်ရာမှာ ကျောင်းသူနှစ်ဦးနဲ့ ကူးတို့​မောင်းသူ ၃ ဦးသေဆုံးသွားပါတယ်။ ကျောင်းသူတွေက အင်ဒူပြင်ကျေးရွာကနေ ကျောင်းလာတက်တက်ပါ ကျောင်းဆင်းအပြန် ရွာကလာကြိုတဲ့လှေ နောက်ကျကာကုတို့မှ ကူးရာကလှေပေါက်လို့ နှစ်မြှုပ်ခဲ့တာပါ"ဟု ငှက်ကြီးကျွန်းကျေးရွာအုပ်ချုပ်ရေးမှူးဦးကျော်ဇံလှမှပြောသည်။

လှေပေါ်တွင် မူလွန်ကျောင်းသား/သူ တစ်ဆယ်ကျော်ခန့်ပါဝင်ကာ ထိုအထဲမှ ဆဌမတန်းကျောင်းသူ(အဖ)အောင်ဆန်းလင်း၏ သမီးမကျော့ဆန်းခင် နှင့် ပဉ္ဓမ တန်းကျောင်းသူ (အဖ)သန်းထွန်းဝင်း ရဲ့ သမီး ချိုးဝင်းဦး နှင့် ၆၅ နှစ်အရွယ် ကူးတို့သယ်တို့ ပါ လှေနှစ်သေဆုံးခဲ့သည်။

``အလောင်းတွေကတော ရပါပြီ။ အဲ့ဒီနေ့ ညနေ ၄ နာရီ ၄၀ ခန့်က ပထမဆုံး ကူးတို့သယ်ကို ရှာတွေ့တယ် ပြီးမှ ဆဌမတန်း ကျောင်းသူကိုတွေ့ပါတယ်။ ပဉ္စမတန်းကျောင်းသူကိုတော ညနေ ၈ နာရီခွဲခန့်မှ ရှာတွေ့ပါတယ်"ဟု ငှက်ကြီးကျွန်းဥက္ကဌမှဆက်ပြောသည်။

အလားတူ အဆိုပါမြို့နယ် ဂန့်ဂါကျေးရွာမှ တောဖျားချောင်းကို ကူးတို့ဖြင့် ဖြတ်ကူးကာ ပိုးရွှီပြင်ကျေးရွာတွင် လာရောက် ပညာသင်ယူနေသည့် ကျောင်းသား၊ ကျောင်းသူများလည်း ယင်းကဲ့သို့ အဖြစ်ဆိုးနှင့် ကြုံကာ၂၀၁၆ ခုနှစ် ဇွန်လ ၁ ရက်နေ့ (ကျောင်းစဖွင့်သည့်နေ့) တွင် လူ ၂၀ခန့် သာ တင်ဆောင်နိုင်သည့် ကူးတို့လှေတွင် ကျောင်းသား၊ ကျောင်းသူ ၃၅ ဦးတင်ဆောင်ခဲ့သဖြင့် ကူးတို့လှေ နစ်မြုပ်ကာ ကျောင်းသားတစ်ဦးနှင့် ကျောင်းသူ ခြောက်ဦးအသက် ဆုံးရှုံးခဲ့ရမှုများရှိခဲ့သည်။

ဇွဲလင်းနိုင် (စစ်တွေ)
Rakhine Gazette
https://www.facebook.com/RakhineGazetteJournal/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ