ဝန်ကြီးချုပ်ကို ဆန္ဒပြသူတွေဟာ တိုင်းအစိုးရရဲ့ လုပ်ဆောင်ချက်ကို နားမလည်သူတွေလို့ ဦးဝင်းသိန်း ပြော

ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းကို ၂၀၁၈ ခုနှစ်၊ ဇန်န၀ါရီလ ၁၄ ရက်နေ့က တွေ့ရစဉ်/ Photo: Aung Thyei Kha/ RFA
ပဲခူးတိုင်းဒေသကြီး ဝန်ကြီးချုပ် တာဝန်ကနေ နုတ်ထွက်ပေးဖို့ ဆန္ဒပြတောင်းဆိုခဲ့ကြသူတွေဟာ တိုင်းအစိုးရရဲ့ လုပ်ဆောင်ချက်တွေကို နားမလည်သူတွေသာ ဖြစ်တယ်လို့ ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းက ဒီနေ့ ပြောပါတယ်။

ဝန်ကြီးချုပ်တာဝန်ကနေ နုတ်ထွက်ပေးဖို့ ပဲခူးမြို့ခံ ၁၀၀ ကျော်က ဒီနေ့ ဆန္ဒပြတောင်းဆိုခဲ့ကြတာနဲ့ ပတ်သက်ပြီး ပဲခူးတိုင်းဒေသကြီး ဝန်ကြီးချုပ်ကို သတင်းမီဒီယာသမားတွေက သွားရောက် မေးမြန်းရာမှာ ဦးဝင်းသိန်း က ပြောလိုက်တာ ဖြစ်ပါတယ်။

ပဲခူးတိုင်းဒေသကြီးအတွင်း တရားဥပဒေစိုးမိုးရေးမရှိတာ၊ မြေယာပြဿနာတွေ မဖြေရှင်းနိုင်တာ၊ ဒေသဖွံ့ဖြိုးရေးနဲ့ အလုပ်အကိုင်ဖန်တီးပေးနိုင်မှု မရှိတာတွေနဲ့ ယာဉ်အန္တရာယ်ကင်းရှင်းရေး လုပ်ငန်းတွေကို မဆောင်ရွက်နိုင်တဲ့ အတွက် ပဲခူးတိုင်းဒေသကြီး ဝန်ကြီးချုပ်တာဝန်ကနေ နုတ်ထွက်ပေးဖို့ တောင်းဆိုခဲ့ကြတာဖြစ်ပါတယ်။

ဆန္ဒပြပွဲမှာ လူအင်အား ၈၀၀ ပါဝင်မယ်လို့ ခွင့်ပြုချက်တင်ထားပေမယ့် လူဦးရေ ၁၀၀ ကျော်ပဲ ပါဝင်ခဲ့ကြပါတယ်။

ဝန်ကြီးချုပ် နုတ်ထွက်ရေးအတွက် ဆန္ဒပြတောင်းဆိုတာဟာ ပဲခူးတိုင်းအတွင်း ၃ ကြိမ် လောက်ရှိနေပြီ ဖြစ်ပါတယ်။

ဆန္ဒပြပွဲမှာ NLD ပါတီဝင်တွေ ပါဝင်မယ်ဆိုတဲ့ သတင်းတွေ ပြီးခဲ့တဲ့ရက်ပိုင်းက ထွက်ပေါ်ခဲ့ပြီး အဲဒီဆန္ဒပြပွဲဟာ မြို့နယ် NLD ပါတီတာဝန်ရှိသူတွေရဲ့ သဘောထားမဟုတ်ကြောင်း ပါတီဝင်တွေ မပါဝင်ဖို့ သတိပေးတားမြစ်စာ ထုတ်ပြန်ထားတယ်လို့လည်း သတင်းတွေ ထွက်ပေါ်နေပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ