လာအိုကနေ လျှပ်စစ်ဓာတ်အား ၀ယ်ယူမည်

လျှပ်စစ်နဲ့ စွမ်းအင်ဝန်ကြီးဌာန၊ လက်ထောက်အတွင်းဝန် ဦးမင်းမင်းဦး ကို ၂၀၁၈ ခုနှစ်၊ ဇန်န၀ါရီလ ၁၁ ရက်နေ့မှာ ပြုလုပ်တဲ့ သတင်းစာရှင်းလင်းပွဲမှာ တွေ့ရစဉ်/ Photo: Win Ko Ko Latt/ RFA

လျှပ်စစ်ဓာတ်အားလိုအပ်ချက်အတွက်က လာအိုနိုင်ငံကနေ လျှပ်စစ်ဓာတ်အားဝယ်ယူဖို့ မကြာခင်မှာ MOU ထိုးမယ်လို့ လျှပ်စစ်နဲ့ စွမ်းအင်ဝန်ကြီးဌာန၊ လက်ထောက်အတွင်းဝန် ဦးမင်းမင်းဦးက နေပြည်တော်မှာ ဒီကနေ့ ပြုလုပ်တဲ့ လစဉ်ပုံမှန် သတင်းစာရှင်းလင်းပွဲအပြီးမှာ သတင်းထောက်တွေကို ပြောပါတယ်။

အိန္ဒိယ၊ တရုတ်နဲ့ လာအိုနိုင်ငံတွေက လျှပ်စစ်ဓာတ်အားရောင်းလိုတယ်လို့ ကမ်းလှမ်းတာတွေရှိပြီး လာအိုနဲ့ မကြာခင် MOU ထိုးမှာ ဖြစ်တယ်လို့ လက်ထောက်အတွင်းဝန် ဦးမင်းမင်းဦးက ပြောပါတယ်။

ဒါပေမဲ့ ၀ယ်ယူမယ့်ပမာဏကို မပြောကြားနိုင်သေးတဲ့အကြောင်းနဲ့ လျှပ်စစ်ဓာတ်အား ၀ယ်ယူရမယ့်နေရာ အကွာအဝေးပေါ် မူတည်ပြီးတော့ ဈေးနှုန်းသတ်မှတ်မှာလို့လည်း ဦးမင်းမင်းဦးက ပြောပါတယ်။

လတ်တလောမှာ တာချီလိတ်လို နယ်စပ်မြို့တွေမှာ ထိုင်းနိုင်ငံကနေ လျှပ်စစ်ဓာတ်အား ၀ယ်ယူသုံးစွဲတာတွေလည်း ရှိနေပါတယ်။

မြန်မာနိုင်ငံအနေနဲ့ ၂၀၃၀ မှာ တစ်နိုင်ငံလုံး လျှပ်စစ်ဓာတ်အားရရှိရေးအတွက် စီမံကိန်းချဆောင်ရွက်နေပေမယ့် ကျောက်မီးသွေးသုံးဓာတ်အားပေးစက်ရုံတွေနဲ့ ရေအားလျှပ်စစ်စီမံကိန်းအချို့မှာ ဒေသခံတွေ၊ ပတ်ဝန်းကျင် ထိန်းသိမ်းရေးသမားတွေက ကန့်ကွက်တာတွေလည်း ရှိနေပါတယ်။

RFA Burmese
http://www.rfa.org/burmese