ဒေါ်ခင်ဝင်း အမှု တရားလွှတ်တော်ချုပ်ပယ်ချ


၂၀၁၄ ခုနှစ်က လက်ပံတောင်းတောင် ကြေးနီစီမံကိန်းဧရိယာအတွင်း ဒေသခံတွေ၊ ဝမ်ပေါင်ကုမ္ပဏီဝန်ထမ်း တွေ၊ ရဲတပ်ဖွဲ့ဝင်တွေအကြား ဖြစ်ပွားခဲ့တဲ့ပဋိပက္ခမှာ ရဲတပ်ဖွဲ့ကပစ်ခတ်တာကြောင့် ဦးခေါင်းကိုသေနတ်ထိမှန် ပြီးသေဆုံးခဲ့ ဒေါ်ခင်ဝင်းအမှုကိုဆက်လက်စုံစမ်းစစ်ဆေးပေးဖို့ ရှေ့နေများကွန်ရက်က ပြည်ထောင်စုတရား လွှတ်တော်ချုပ်ကို တင်ထားတဲ့စာချွန်လွှာကို ပယ်ချလိုက်ပါတယ်။

ရဲကအမှုပိတ်သိမ်းခဲ့တာကို မှန်သယောင်အကြောင်းပြချက်နဲ့ ပယ်ချခဲ့တာလို့သိရကြောင်းအမျိုးသားလွှတ်တော်ကိုယ်စားလှယ်တရားလွှတ်တော်ရှေ့နေကြီး ဦးအောင်သိန်းကပြောပါတယ်။

လက်ပံတောင်းတောင် ကြေးနီစီမံကိန်းမှာ သေဆုံးရသူ ဒေါ်ခင်ဝင်း အမှုနဲ့ပတ်သက်ပြီး ဆားလင်းကြီး မြို့နယ်တရားရုံးက သေနတ်ထိမှန်သေဆုံးကြောင်း ဆုံးဖြတ်ချက်ချခဲ့ပါတယ်။ အဲဒီလိုဆုံးဖြတ်ပြီးတဲ့နောက် ဆားလင်း ကြီး မြို့မရဲစခန်းက ဒုရဲမှူးသန်းနိုင်က တရားလိုလုပ်ပြီး လူသတ်မှုနဲ့ အမှုဖွင့်ခဲ့ပါတယ်။

တနှစ်ကျော်ကြာသည် အထိ တစုံတရာမထူးခြားတဲ့အတွက် ရှေ့နေများကွန်ယက်ကသွား ရောက်မေးမြန်းရာမှာ ခရိုင်ဥပဒေအရာရှိ ရုံးးနဲ့ခရိုင်ရဲမှူးတို့က အမှုပိတ်ဖို့ညွှန်ကြားချက်ပေးတဲ့အတွက် ရဲကအမှုကိုပိတ်သိမ်းခဲ့တယ်လို့ ပြောခဲ့ပါတယ်။

ဒါကြောင့်အမှုကိုဆက်လက်စစ်ဆေးပေးဖို့ ရှေ့နေများကွန်ရက် က ပြည်ထောင်စုတရားလွှတ်တော်ချုပ်ကို စာချွန်လွှာတင်တောင်းဆိုခဲ့တာဖြစ်ပြီး အဲဒီစာချွန်လွှာကိုပယ်ချကြောင်း အမိန့်ချခဲ့တာဖြစ်ပါတယ်။ အဲဒီလိုဆုံးဖြတ်တာဟာ ပြည်သူကိုနစ်နာစေတယ်လို့ ရှေ့နေကြီးဦးအောင်သိန်းကပြောပါတယ်။

ဒေါ်ခင်ဝင်းဟာ ၂၀၁၄ခုနှစ် ဒီဇင်ဘာလ ၂၂ ရက်နေ့က လက်ပံတောင်းတောင် ကြေးနီစီမံကိန်းဧရိယာအတွင်း လယ်ယာမြေလျော်ကြေးမယူထားတဲ့ ဒေသခံတွေနဲ့ ဝမ်ပေါင်ကုမ္ပဏီဝန်ထမ်းတွေ၊ ရဲတပ်ဖွဲ့ဝင်တွေအကြား ဖြစ်ပွားခဲ့တဲ့ပဋိပက္ခမှာ ဦးခေါင်းကို သေနတ်ထိမှန်ပြီး သေဆုံးခဲ့တာဖြစ်ပါတယ်။

RFA Burmese
https://www.facebook.com/rfaburmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ