စစ်တွေနဲ့ မြေပုံက စခန်းတချို့ ပိတ်မယ်

 ဒေါက်တာဝင်းမြတ်အေးနဲ့ အစိုးရ ဝန်ကြီးတွေ ရခိုင်သွား
စစ်တွေမြို့နဲ့ မြေပုံမြို့တို့မှာ ရှိတဲ့ မွတ်ဆလင် ဒုက္ခသည် စခန်းတွေ ပိတ်သိမ်းပြီး ပြန်လည် နေရာချထားဖို့ အစိုးရက စီစဉ်နေပါတယ်။

ဒီဒုက္ခသည် စခန်းတွေဟာ ၂၀၁၂ ခုနှစ်ကတည်းက ဖွင့်လှစ်ထားတဲ့ ဒုက္ခသည်စခန်းတွေ ဖြစ်ပါတယ် ။

ဒီစခန်းတွေ ပိတ်သိမ်းဖို့ အတွက် စခန်းက အုပ်ချုပ်ရေး ကော်မတီအဖွဲ့ဝင် တွေနဲ့ လူမှုဝန်ထမ်း၊ ကယ်ဆယ်ရေးနဲ့ ပြန်လည် နေရာချထားရေး ပြည်ထောင်စု ဝန်ကြီး ဒေါက်တာဝင်းမြတ်အေး တို့ တွေ့ဆုံ ဆွေးနွေးခဲ့ပါတယ်။


ဒီစခန်းတွေ ပိတ်သိမ်းဖို့ NLD အစိုးရ တက်စ ၂ဝ၁၆ မေလ ထဲက ကော်မတီတွေ ဖွဲ့စည်း စီစဉ်ခဲ့တာလို့ ဒေါက်တာဝင်းမြတ်အေးက ဆိုပါတယ်။

ဒီကြားထဲမှာ ရခိုင် မြောက်ပိုင်းမှာ ဆူပူမှုတွေ ထပ်ဖြစ်ခဲ့လို့ စခန်း ပိတ်သိမ်းရေးတွေ ကြန့်ကြာ နေခဲ့တယ်လို့ သူက ပြောပါတယ်။

မကြာခင်က စစ်တွေနဲ့ မြေပုံကို သူတို့ သွားပြီး စခန်းပိတ်ရေးနဲ့ ပြန်လည်နေရာချထားရေး ကိစ္စတွေကို ဆွေးနွေးခဲ့ ပါတယ်။

စစ်တွေမှာ အကြီးဆုံး ဖြစ်တဲ့ သက္ကယ်သောင် နဲ့ မြေပုံက တောင်ပေါ် စခန်းတွေကို ပိတ်ဖို့ စီစဉ်နေသလို နောက်စခန်းတွေ ဆက်ပိတ်ဖို့ ရခိုင်ကို မကြာခင် ထပ်သွားပြီး ဆွေးနွေးမယ်လို့လည်း ဒေါက်တာ ဝင်းမြတ်အေးက ပြောပါတယ်။

ဒီလို စခန်းတွေပိတ်ပြီး လူတွေကို လွတ်လပ်စွာ သွားလာ လုပ်ကိုင်ခွင့် ပေးဖို့ ကိုဖီ အာနန်ရဲ့ ရခိုင် အကြံပေး ကော်မရှင် အစီရင်ခံစာမှာ တိုက်တွန်း ထားပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ