ကျောက်တံခါးမြို့နယ်တွင် အသက်(၈)နှစ်အရွယ်မိန်းကလေးကို အသက် ၄၀ အရွယ် အိမ်နီးချင်း အမျိုးသားမှ သားမယားပြုကျင့်ရန် ကြံစည်မှုဖြစ်ပွား

ပဲခူးတိုင်းဒေသကြီး၊ ကျောက်တံခါးမြို့နယ်၊ သူဌေးကုန်းကျေးရွာ၌ ဇန်နဝါရီ ၂ ရက်က အသက်(၈)နှစ်အရွယ် ဒုတိယတန်း ကျောင်းသူလေးကို အသက်(၄၀)နှစ်အရွယ် အိမ်နီးချင်းက သားမယားပြုကျင့်ရန် ကြံစည်ခဲ့သဖြင့် တရားစွဲဆို အရေးယူထားကြောင်း သိရှိရသည်။

 အသက်(၈)နှစ်အရွယ်မိန်းကလေးသည် အိမ်နီးချင်းနေအိမ်သို့ ညဝတ်ဘောင်းဘီရှည်သွားရောက်ယူစဉ် အိမ်ရှင်၏ မောင်ဖြစ်သူ အသက် ၄၀ အရွယ် အမျိုးသားက သားမယားပြုကျင့်ရန်ကြံစည်ခဲ့သဖြင့် တရားစွဲဆိုအရေးယူထားကြောင်း သိရသည်။
“ကလေးမလေးရဲ့ဖခင်က တစ်ခြားမြို့မှာ အုတ်လုပ်ငန်းသွားရောက်လုပ်ကိုင်နေတယ်။ မိခင်ဖြစ်သူကလိုက် သွားတယ်။ ကလေးကို အဖွားဖြစ်သူနဲ့ထားခဲ့တာ။ အဖွားရဲ့မိတ်ဆွေက အိမ်နီးချင်းမျက်နှာချင်းဆိုင်အိမ်မှာ ဘောင်းဘီသွားယူခိုင်းတာ အမှုဖြစ်ပွားသွားခဲ့တာပါ။ မိခင်က အခြားမြို့ကပြန်လာပြီးမှ အမှုလာဖွင့်တာပါ။ ပြစ်မှုကျူးလွန်သူကိုလည်း ဖမ်းဆီးရမိထားပါတယ်။”ဟု ကျောက်တံခါးမြို့မ ရဲစခန်းမှ အမှုစစ် ဒုရဲအုပ် ဇော်မင်းဦးက ပြောသည်။

 ကျောက်တံခါးမြို့နယ်၊ သူဌေးကုန်းကျေးရွာ၊ သရက်တောင်ပိုင်း၌ အသက်(၈)နှစ်အရွယ်မိန်းကလေးအဖွား၏ သူငယ်ချင်းမှ ၎င်း၏ အိမ်နီးနားချင်း မျက်နှာချင်းဆိုင်အိမ်သို့ ညဝတ်ဘောင်းဘီသွားရောက်ယူခိုင်းစဉ် အိမ်ရှင်၏ မောင်ဖြစ်သူ အသက်(၄၀)အရွယ်အမျိုးသားမှ အိမ်အပေါ်ထပ်သို့ခေါ်၍ မိန်းမကိုယ်အင်္ဂါကို လက်ဖြင့် ကိုင်ကာ သားမယားပြုကျင့်ရန်ကြံစည်နေစဉ် မိန်းကလေးမှ အော်ဟစ်သဖြင့် အိမ်နီးချင်းများက လာရောက်ခဲ့ကြရာ အဆိုပါ အမျိုးသားမှာ အိမ်ပေါ်မှဆင်းပြေးသွားခဲ့ကြောင်း သိရသည်။

အဆိုပါ ဖြစ်စဉ်တွင် စွပ်စွဲခံရသော တရားခံအား ကျောက်တံခါးမြို့မ ရဲစခန်းမှ (ပ)၇/၂၀၁၈၊ ရာဇသတ်ကြီး ပုဒ်မ၊ ၃၇၅/၅၁၁ အရ အမှုဖွင့်စစ်ဆေးဆောင်ရွက်လျက်ရှိကြောင်း သိရသည်။

ရတနာပုံ သတင်းစာ
https://www.facebook.com/yadanabonnewspaper