ဆိုင်ကယ်နှစ်စီး ယှဉ်မောင်းရာမှ ချိတ်မိတိမ်းမှောက်ပြီး ကျောင်းသားတစ်ဦးသေဆုံးမှု ဖြစ်ပွား

Photo - Ministry of Home Affairs, Myanmar

မိုးကောင်း ဇန်နဝါရီ ၅

ကချင်ပြည်နယ် မိုးကောင်းမြို့နယ်အတွင်း ရွှေဘို-မြစ်ကြီးနား ပြည်ထောင်စုကားလမ်းမပေါ်ရှိ ကညင်မြိုင်ကျေးရွာအနီးတွင် ဇန်နဝါရီ၎ရက် နေ့လည်၁၂နာရီခန့်က ဆိုင်ကယ်နှစ်စီး လားရာတူယှဉ်ပြိုင်မောင်းနှင်ရာမှ ချိတ်မိကာ တိမ်းမှောက်ပြီး ကျောင်းသားတစ်ဦး သေဆုံးခဲ့ကြောင်း သိရသည်။

Photo - Ministry of Home Affairs, Myanmar

ဖြစ်စဉ်မှာ မိုးကောင်းမြို့နယ် ကညင်မြိုင်ကျေးရွာအနီး ရွှေဘို-မြစ်ကြီးနား ပြည်ထောင်စုကားလမ်းမပေါ်ရှိ မိုင်တိုင်အမှတ် KM-373 နှင့် KM-374 အကြားတွင် မိုးကောင်းမြို့ဘက်မှ ဟိုပင်မြို့ဘက်သို့ မိုးကောင်းမြို့နယ် တောင်နီကျေးရွာနေသူများဖြစ်ကြသော မောင်ကောင်းမြတ်ဦး(၁၈)နှစ် မောင်းနှင်ပြီး မောင်အောင်လွင်မျိုး(၁၇)နှစ်၊မောင်မင်းထက်ဦး(၁၇)နှစ်တို့ သုံးဦးစီးနင်းလိုက်ပါလာသည့် FEELING-125 မော်တော်ဆိုင်ကယ်နှင့် မောင်ဝေလင်းထွန်း(၁၆)နှစ် မောင်းနှင်ပြီး မောင်ထက်စိုး(၁၆)နှစ် စီးနင်းလိုက်ပါလာသည့် မော်တော်ဆိုင်ကယ်သည် လားရာတူယှဉ်ပြိုင်မောင်းနှင်ပြီး ချိတ်မိကာတိမ်းမှောက်ခဲ့၍ မောင်ဝေလင်းထွန်း(စိုးရိမ်ရ)၊မောင်ထက်စိုး(စိုးရိမ်ရ)၊မောင်အောင်လွင်မျိုး(စိုးရိမ်ရ)၊မောင်ကောင်းမြတ်ဦး(မစိုးရိမ်ရ)၊မောင်မင်းထက်ဦး(မစိုးရိမ်ရ) ဒဏ်ရာများ ရရှိကာ ဆားမှော်တိုက်နယ်ဆေးရုံသို့ ပို့ဆောင်ကုသရာမှ မောင်အောင်လွင်မျိုးမှာ ဆားမှော်ဆေးရုံတွင် သေဆုံးခဲ့ကြောင်း သိရသည်။

ဖြစ်စဉ်နှင့်ပတ်သက်၍ မောင်ကောင်းမြတ်ဦးနှင့် ဝေလင်းဦးတို့နှစ်ဦးအား မိုးကောင်းမြို့မရဲစခန်းတွင် ယာဉ်မဆင်မခြင်မောင်းနှင်မှုဖြင့် အရေးယူထားကြောင်း သိရသည်။

ဝင်းနိုင် - ကချင်မြေ
Myanmaalinn
https://www.facebook.com/MYANMAALINNNEWS