ရခိုင်က အမျိုးသမီးတွေအတွက် ဒေါ်လာ သန်း ၂၀ ဖိုး ဂျပန်ကူညီမည်

နေပြည်တော်မှာ ၂ဝ၁၈ ခုနှစ် ဇန်နဝါရီလ ၁၂ ရက်နေ့ကကျင်းပတဲ့ သတင်းစာရှင်းလင်းပွဲမှာ ဂျပန်နိုင်ငံခြားရေးဝန်ကြီး Mr.Taro Kono ကို တွေ့ရစဉ်။ Photo: Ministry of Foreign Affairs Myanmar Facebook
ရခိုင်ပြည်နယ်က အမျိုးသမီးတွေ အသက်မွေးဝမ်းကြောင်း ပညာသင်ကြားဖို့အတွက် အမေရိကန် ဒေါ်လာ သန်း ၂၀ တန်ဖိုးရှိတဲ့ အကူအညီကို နိုင်ငံတကာအဖွဲ့အစည်းတွေကတဆင့် ပေးအပ်ဖို့ စီစဉ်နေတယ်လို့ ဂျပန်နိုင် ငံခြားရေးဝန်ကြီး Mr.Taro Kono က ပြောပါတယ်။

နေပြည်တော်က နိုင်ငံခြားရေးဝန်ကြီးရုံးမှာ မြန်မာနိုင်ငံနိုင်ငံခြားရေးဝန်ကြီး ဒေါ်အောင်ဆန်းစုကြည်နဲ့ တွေ့ ဆုံဆွေးနွေးအပြီး သတင်းစာရှင်းလင်းပွဲမှာ ဂျပန်နိုင်ငံခြားရေးဝန်ကြီးက ရခိုင်ပြည်နယ်အတွက် အကူအညီပေးရေးကိစ္စကို ထည့်သွင်းပြောကြားတာ ဖြစ်ပါတယ်။

အဲဒီလိုပေးအပ်နိုင်ဖို့ ဂျပန်နိုင်ငံ လွှတ်တော်ရဲ့ သဘောတူညီချက်ရမှ တရားဝင်ပြောနိုင်မယ်လို့လည်း စကားပြန်ကတဆင့် ပြောပါတယ်။

ဒါ့အပြင် ရခိုင်ပြည်နယ်က ထွက်ပြေးသွားသူတွေကို ပြန်လည်နေရာချထားနိုင်ဖို့ အမေရိကန်ဒေါ်လာ သုံးသန်း တန်ဖိုးရှိတဲ့ ပစ္စည်းတွေလှူဒါန်းဖို့ ဆုံးဖြတ်ထားတဲ့အကြောင်းလည်းပြောပါတယ်။

ဂျပန်နိုင်ငံအနေနဲ့ ၂၀၂၁ ခုနှစ်မှာ ရန်ကုန်- မန္တလေး ရထားလမ်းအတွက် တွဲဆိုင်းသစ်တွေ ပေးအပ်မှာဖြစ်ပြီး ၂၀၂၃ ခုနှစ်မှာ ရန်ကုန်- မန္တလေးရထားလမ်း ၈ နာရီအထိ လျှော့ချသွားလာနိုင်ရေး ကူညီမယ်လို့လည်း ပြော ပါတယ်။

ဂျပန်နိုင်ငံခြားရေးဝန်ကြီး Mr.Taro Kono ဟာ သူ့ရဲ့ မြန်မာနိုင်ငံ ခရီးစဉ်အတွင်း နိုင်ငံတော်သမ္မတ၊ တပ်မတော် ကာကွယ်ရေးဦးစီးချုပ်တို့နဲ့လည်း တွေ့ဆုံမှာဖြစ်ပြီး ရခိုင်ပြည်နယ်ကိုလည်း သွားရောက်ဖို့ရှိတယ်လို့ သိရပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ