တအာင်း ပလောင်တပ်ဖွဲ့နဲ့ တပ်မတော်ကြား တိုက်ပွဲ ဆက်ဖြစ်

 ကျောက်မဲမြို့နယ်မှာ တအာင်း ပလောင်တပ်ဖွဲ့နဲ့ တပ်မတော်ကြား တိုက်ပွဲတွေ ဆက်ဖြစ်နေ
တပ်မတော်နဲ့ တိုင်းရင်းသား လက်နက်ကိုင်အဖွဲ့တွေအကြား တိုက်ပွဲ ဖြစ်နေတဲ့ ရှမ်းပြည်နယ် မြောက်ပိုင်းမှာ အခု ရက်ပိုင်းမှာလည်း တအာင်းပလောင် တပ်ဖွဲ့နဲ့ တပ်မတော်အကြား တိုက်ပွဲတွေ ဆက်ခဲ့သလို ကျောက်မဲ ဒေသမှာဆိုရင် စစ်ဘေးရှောင် အရေအတွက်က တိုးလာနေပါတယ်။

ကျောက်မဲမြို့နယ် မိုင်းငေါ့ ၊ မိုင်းလုံ ဒေသတွေမှာ ဒီဇင်ဘာလ နောက်ဆုံးပတ် ကတည်းက စလို့ ဒီကနေ့အထိ တိုက်ပွဲတွေ ဆက်ဖြစ်နေပါတယ်။

ကျောက်မဲ မြို့နယ်အတွင်း ဒီရက်ပိုင်း တိုက်ပွဲဖြစ်နေတဲ့ ဒေသတွေကတော့ ကျောက်မဲနဲ့ တအာင်း ပလောင်ဒေသ နမ့်ဆန် သွားလမ်းပေါ်က မိုင်းငေါ့ဒေသနဲ့ ပြင်ဦးလွင်-မိုးကုတ်သွားလမ်းပေါ်က ရှမ်းပြည်နယ်နဲ့ မန္တလေးတိုင်း နယ်စပ်နားက မိုင်းလုံ မြို့နယ်ခွဲ အတွင်းမှာ ဖြစ်ပွားနေတာပါ။

ဒေသတွင်းမှာ အခြား တိုင်းရင်းသား လက်နက်ကိုင်အဖွဲ့ ဖြစ်တဲ့ RCSS လည်း လှုပ်ရှားနေပေမယ့် အရင်က တိုက်ပွဲ ဖြစ်ဖူးတဲ့ RCSS နဲ့ တအာင်း ပလောင်တပ်ဖွဲ့အကြား လတ်တလော တိုက်ခိုက်တာတော့ မတွေ့ရဘူးလို့ တအာင်း ဒေသတွင်း အခြေစိုက် မီဒီယာ ဖြစ်တဲ့ မားနဂါး သတင်းဂျာနယ်က အယ်ဒီတာ မိုင်းကောင်းဆိုင်က ပြောပါတယ်။

တခါတိုက်ပွဲတွေကြောင့် စစ်ဘေးရှောင်တွေလည်း တိုးလာနေတယ်လို့ ကျောက်မဲမြို့နယ် ပြည်သူ့လွှတ်တော် ကိုယ်စားလှယ် စိုင်းထွန်းအောင်က ဘီဘီစီကို ပြောပါတယ်။

တအာင်း ပလောင် ကိုယ်ပိုင် အုပ်ချုပ်ခွင့်ရဒေသ မန်တုံမှာလည်း ည ၈ နာရီကနေ မနက် ၆ နာရီအထိ ညမထွက်ရ အမိန့်ကို တိုးမြှင့် ထုတ်ပြန်ထားပြီး နမ့်ခမ်း ကွတ်ခိုင် ဒေသဘက်မှာတော့ လတ်တလောမှာ တိုက်ပွဲ မပြင်းထန်ပေမယ့် ပစ်ခတ်သံတွေ ကတော့ ကြားနေရဆဲပဲလို့ ဒေသခံတွေက ပြောပါတယ်။

TNLA နဲ့ အစိုးရ စစ်တပ်အကြား တိုက်ပွဲအခြေအနေနဲ့ ပတ်သက်လို့ နှစ်ဘက် တာဝန်ရှိသူတွေကို ဆက်သွယ်မေးမြန်းဖို့ ကြိုးစားခဲ့ပေမယ့် ဆက်သွယ်လို့ မရခဲ့ပါဘူး။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ