ကြားဖြတ်ရွေးကောက်ပွဲ ကျင်းပမည်

ပြည်ထောင်စု ရွေးကောက်ပွဲကော်မရှင် ၂ဝ၁၇ ခုနှစ် ဧပြီလ ၂ ရက်နေ့က ကြားဖြတ်ရွေးကောက်ပွဲ အနိုင်ရ ကိုယ်စားလှယ်လောင်း စာရင်းတွေ ကြေညာစဉ်။ Photo: Union Election Commission - facebook
လက်ရှိအစိုးရသက်တမ်းအတွင်း ဒုတိယအကြိမ် ကြားဖြတ်ရွေးကောက်ပွဲကို ၂၀၁၈ ခုနှစ် နှစ်လယ်ပိုင်းမှာ  ထပ်မံကျင်းပပေးသွားမယ်လို့ ပြည်ထောင်စုရွေးကောက်ပွဲ ကော်မရှင် အဖွဲ့ဝင် ဦးလှတင့်က ဒီနေ့ ပြောပါတယ်။

လက်ရှိမှာ လစ်လပ်မဲဆန္ဒနယ် ၇ ခု ရှိနေပြီး ကြားဖြတ်ရွေးကောက်ပွဲ ကျင်းပနိုင်ဖို့အတွက် ကော်မရှင်အဖွဲ့ခွဲ အဆင့်ဆင့်က ပြင်ဆင်ဆောင်ရွက်နေတယ်လုိ့ ဦးလှတင့်က ပြောပါတယ်။

"ကြားဖြတ်ကတော့ လုပ်မယ်။ လုပ်လည်းလုပ်ဖြစ်တယ်။ လုပ်မယ်။ လုပ်မယ်ဆိုပေမယ့် အချိန်က နည်းနည်း စောင့်ရမှာပေါ့နော်။ ကော်ခွဲတွေ အသစ်တွေပြန်ဖွဲ့နေတာပေါ့ဗျာ။ တိုင်း၊ခရိုင်၊ မြို့နယ်၊ ကျေး ရပ်ကျေးအဲ့အထိ ကျနော်တို့ ဖွဲ့နေတာပေါ့။ တော်တော်များများလည်း ဖွဲ့လို့ပြီးပါပြီ"

လစ်လပ်မဲဆန္ဒနယ် ၇ ခုမှာ ပြည်သူ့လွှတ်တော် ၂ နေရာနဲ့ တိုင်းနဲ့ ပြည်နယ်လွှတ်တော်နေရာ ၅ ခုတို့ ဖြစ်ပြီး ချင်းပြည်နယ်က မတူပီ၊ ပလက်ဝ၊ စစ်ကိုင်းတိုင်းဒေသကြီးအတွင်းက တမူး၊ မန္တလေးတိုင်းဒေသကြီး အတွင်းက မတ္တရာ၊ ပဲခူးတိုင်းဒေသကြီးက တစ်နေရာနဲ့ ရခိုင်ပြည်နယ်က ရသေ့တောင် မဲဆန္ဒနယ်တို့ ဖြစ်ပါတယ်။

ပြည်ထောင်စု ရွေးကောက်ပွဲကော်မရှင်က အမျိုးသားလွှတ်တော်၊ ပြည်သူ့လွှတ်တော်၊ တိုင်းနဲ့ ပြည်နယ်လွှတ်တော် ရွေးကောက်ပွဲကော်မရှင်ဥပဒေ ၃ ခုကို တစ်ခုတည်းအဖြစ် ပေါင်းစည်းနိုင်ရေး စီစဉ်ဆောင်ရွက်နေပေမယ့် ၂၀၁၈ ကြားဖြတ်ရွေးကောက်ပွဲကို ဦးစွာကျင်းပပြီးမှ ဥပဒေ ၃ ခုကို တစ်ခုတည်းအဖြစ် ပေါင်းစပ်ရေး ဆက်လုပ်သွားမယ်လို့ ဦးလှတင့်က ပြောပါတယ်။

၂၀၁၇ ခုနှစ် ဧပြီလ ၁ ရက်နေ့မှာ ပြည်ထောင်စု ရွေးကောက်ပွဲကော်မရှင်က လစ်လပ်မဲဆန္ဒနယ် ၁၉ နေရာအတွက် ကြားဖြတ်ရွေးကောက်ပွဲ ကျင်းပပေးခဲ့ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ