ကော့မှူးမြို့နယ်တွင် ဖြစ်ပွားခဲ့သောလူသတ်မှုမှ ပြစ်မှုကျူးလွန်သူက လာရောက်အဖမ်းခံသဖြင့် အမှုဖြင့်ဆက်လက် စစ်ဆေးလျက်ရှိ |
ဖြစ်စဉ်မှာ ၂၃.၁.၂၀၁၈ ရက်နေ့ ည ၁၉း၀၀ နာရီအချိန်တွင် ကော့မှူးမြို့နယ်၊ ခရာစုကျေးရွာနေ ဦးသောင်းသည် နေအိမ်၌ ရှိနေစဉ် ၎င်း၏ သမီးဖြစ်သူ မတင်မာဆွေ၊ (၄၀)နှစ်မှာ နေမကောင်းသဖြင့် ပေတူး(ခ)၀င်းကြိုင်နှင့်အတူ ဆေးခန်းသို့ အတူသွားရောက်ခဲ့ရာ ပြန်မလာသဖြင့် လိုက်ရှာသော်လည်း မတွေ့ရှိကြောင်း။
၂၄.၁.၂၀၁၈ ရက်နေ့ ညနေ ၁၅း၀၀နာရီ အချိန်တွင် နေအိမ်တဲနှင့် (၃)ဖာလုံခန့်အကွာ ကွင်းအမှတ်(၄၀၅/စီ)လယ်ကွင်း လှည်းလမ်းဘေးတွင် သမီးဖြစ်သူ မတင်မာဆွေနှင့် ပေတူ(ခ)၀င်းကြိုင်တို့  နှစ်ဦးမှာ ဒဏ်ရာများဖြင့် သေဆုံး နေသည်ကို တွေ့ရှိရကြောင်း။
တိုင်တန်းချက်အရ ကော့မှူးမြို့မရဲစခန်း(ပ)၄၁/၂၀၁၈၊ ရာဇသတ်ကြီး ပုဒ်မ ၃၀၂ ဖြင့် အမှုဖွင့်ကာ ပြစ်မှုကျူးလွန်သူကို ဖမ်းဆီးရမိရေး စုံစမ်းဆောင်ရွက်ခဲ့သည်။
အမှုမှပြစ်မှုကျူးလွန်သူအား ဖမ်းဆီးရမိရေးအတွက် ရဲတပ်ဖွဲ့ဝင်များက စုံစမ်းဆောင်ရွက်နေစဉ် ပြစ်မှုကျူးလွန် သူ ကော့မှူးမြို့နယ်၊ ကမာပတ်ကျေးရွာနေသူ ၀င်းဇော်၊ (၄၃)နှစ်မှ ၂၆.၁.၂၀၁၈ ရက်နေ့ နံနက် ၀၈း၀၀ အချိန်တွင် ကော့မှူးမြို့နယ်၊ ၀ါးဘလောက်သောက် ရဲကင်းစခန်းသို့ လာရောက် အဖမ်းခံခဲ့ကြောင်း ရန်ကုန်တိုင်းဒေသကြီး ရဲတပ်ဖွဲ့ ၏ သတင်းထုတ်ပြန်ချက်အရ သိရပါသည်။
သစ်ထူးလွင်
ကော့မှူး နှစ်လောင်းပြိုင် လူသတ်မှုမှ ပြစ်မှုကျူးလွန်သူ လာရောက်အဖမ်းခံ
Reviewed by THITHTOOLWIN
on
10:39
Rating: