အော်စကာပဲရက်စ် သေသလား ရှင်သလား မသိရ

ဝန်ကြီးဟောင်းရဲ့ ရဟတ်ယာဉ်မောင်း လုပ်ဖူးသူ အော်စကာ ပဲရက်ဇ်

ဗင်နီဇွဲလားနိုင်ငံမှာ ရဲမှုထမ်းဟောင်း အော်စကာ ပဲရက်ဇ် ခိုအောင်းနေတဲ့ အိမ်ကို အစိုးရ လုံခြုံရေးတပ်တွေ ဝိုင်းထား ခဲ့ရာကနေ ဝင်ရောက် စီးနင်း ခဲ့ကြပြီး ဖြစ်ပါတယ်။

သွေးထွက်သံယို ဖြစ်ရပ်တွေနဲ့ အဆုံးသတ်သွား နိုင်ခဲ့ပြီလို့ ဗင်နီဇွဲလား အစိုးရက ကြေညာပါတယ်။

ရဲနှစ်ယောက် သေဆုံးခဲ့ရသလို၊ ဗင်နီဇွဲလား အာဏာပိုင်တွေက အကြမ်းဖက် သမားတွေလို့ ညွှန်းဆိုကြသူ တချို့လည်း သေဆုံးခဲ့တယ်လို့ ဆိုပါတယ်။

၅ ယောက်ကို လက်ရ အရှင်ဖမ်းမိခဲ့ပါတယ်။

အစိုးရ အဆောက်အဦးတွေ ရှိရာဆီ လက်ပစ်ဗုံးတွေ ကြဲချ

ဗင်နီဇွဲလား နိုင်ငံမှာ အစိုးရ ဆန့်ကျင်ရေး ဆန္ဒပြပွဲတွေ ဖြစ်ပေါ်နေချိန် ပြီးခဲ့တဲ့နှစ်က၊ အော်စကာ ပဲရက်ဇ်ဟာ ရဟတ်ယာဉ်တစ်စင်းကို ခိုးယူ မောင်းနှင်ပြီး၊ အစိုးရ အဆောက်အဦးတွေ ရှိရာဆီ လက်ပစ်ဗုံးတွေ ကြဲချ တိုက်ခိုက် ခဲ့သူ ဖြစ်ပါတယ်။

မြို့တော် ကာကတ်စ်ရဲ့ အပြင်ဘက်၊ အယ်လ်ဟွမ်ကီတို ဆိုတဲ့ မြို့ငယ်မှာ သူခိုအောင်းနေတဲ့ အိမ်ဘေး ပတ်ချာလည်ကို အစိုးရ တပ်ဖွဲ့တွေ ဝိုင်းထားခဲ့ပါတယ်။

လူမှုကွန်ရက်ပေါ် သေနတ်ပစ် လေ့ကျင့်တဲ့ပုံ တင်ခဲ့

သူ့ကို လက်နက်ချဖို့ ညှိနှိုင်းမှာ မဟုတ်ပဲ အစိုးရက အသေသတ်ပစ်လိမ့်မယ် ဆိုပြီး ပြောထားတဲ့ ဗီဒီယိုကို အော်စကာ ပဲရက်စ်ဟာ လူမှုကွန်ရက်ပေါ် အစောပိုင်းတုန်းကပဲ တင်ခဲ့ပါတယ်။

အော်စကာ ပဲရက်စ် သေဆုံးသွားလား၊ ရှင်လျက်ဖမ်းမိသလား ဆိုတာကို ဗင်နီဇွဲလား အာဏာပိုင်တွေ ထုတ်မပြောသေးပါဘူး။

BBC Burmese
http://www.bbc.com/burmese