ကချင်ပြည်နယ်နေ့ အခမ်းအနားကို သမ္မတ သ၀ဏ်လွှာပေးပို့

မြစ်ကြီးနားမြို့က ကချင်ပြည်နယ်အစိုးရအဖွဲ့ရုံး မြက်ခင်းပြင်မှာ ၂၀၁၈ ဇန်နဝါရီလ ၁၀ရက်နေ့က ပြုလုပ်တဲ့ နှစ် ၇၀ ပြည့် ကချင်ပြည်နယ်နေ့အခမ်းအနားကို တွေ့ရစဉ်/ Photo: Kyaw Myo Min/ RFA
ဒီမိုကရေစီနိုင်ငံ နဲ့ ငြိမ်းချမ်းရေးတည်ဆောက်မှုလုပ်ငန်းစဉ်မှာ တိုင်းရင်းသားညီအကိုမောင်နှမ အားလုံးက ခိုင်မာတဲ့ပြည်ထောင်စုစိတ်ဓါတ်နဲ့ ဝိုင်းဝန်းကူညီကြိုးပမ်းမှသာ အောင်မြင်မှာဖြစ်ကြောင်း နိုင်ငံတော်သမ္မတ ဦးထင်ကျော် က ဒီနေ့ တိုက်တွန်းလိုက်ပါတယ်။

ဒီကနေ့ ကျရောက်တဲ့ အနှစ် ၇၀ ပြည့် ကချင်ပြည်နယ်နေ့ အခမ်းအနားထံ သမ္မတ ဦးထင်ကျော် ပေးပို့တဲ့ သဝဏ်လွှာကို ပြည်နယ်ဝန်ကြီးချုပ် ကိုယ်စား လူမှုရေးဝန်ကြီး ဒေါက်တာသင်းလွင် က ဖတ်ကြားခဲ့ပါတယ်။

ဒါ့အပြင် ဖွံ့ဖြိုးတိုးတက်ရေးလုပ်ငန်းတွေကို နယ်မြေအေးချမ်းတည်ငြိမ်ပြီး တရားဥပဒေစိုးမိုးမှသာ အောင်မြင်အောင် အကောင်အထည်ဖော်နိုင်မှာဖြစ်ကြောင်းနဲ့ ငြိမ်းချမ်းရေးကို သားစဉ်မြေးဆက် စဉ်ဆက်မပြတ်ခံစားနိုင်ရေး အတွက်လည်း တည်ဆောက်သွားရမှာဖြစ်ကြောင်း အဲဒီသဝဏ်လွှာထဲမှာ ပါရှိပါတယ်။

ကချင်ပြည်နယ်နေ့ အခမ်းအနားကို စီတာပူရပ်ကွက်က မနောကွင်းမှာ ကျင်းပခဲ့ပြီး ဂီတ နဲ့ ပဒေသာကပွဲတွေ၊ ထင်ရှားသူတွေကို ဂုဏ်ပြုတာတွေနဲ့ အားကစားပြိုင်ပွဲတွေ ပြုလုပ်ခဲ့ပါတယ်။

အစိုးရအဖွဲ့ရုံးမြက်ခင်းပြင်မှာ ပြုလုပ်တဲ့ ပြည်နယ်နေ့အခမ်းအနားကို ကျောင်းသားလူငယ်တွေ၊ လွှတ်တော် ကိုယ်စားလှယ်တွေ၊ အစိုးရအဖွဲ့ဝန်ကြီးတွေနဲ့ ဋ္ဌာနဆိုင်ရာတွေ၊ အရပ်ဘက်အဖွဲ့အစည်းတချို့နဲ့ ဒေသခံတွေ တက်ရောက်ခဲ့ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ