မူဆယ် လောင်းကစားရုံ ပစ်ခတ်မှု တအာင်းရှေ့နေ ရုံးထုတ်

 မူဆယ် လောင်းကစားရုံ ပစ်ခတ်မှုမှာ မသင်္ကာမှုနဲ့ တအာင်းရှေ့နေ မိုင်းမျိုးအောင် အထိန်းသိမ်းခံထားရ
ရှမ်းပြည်နယ်မြောက်ပိုင်း မူဆယ်က လောင်းကစားရုံနားမှာ ဒီဇင်ဘာလ ၂၁ရက်နေ့က ဖြစ်ပွားခဲ့တဲ့ သေနတ် ပစ်ခတ်မှုနဲ့ ပတ်သက်လို့ ဖမ်းဆီးခံ ထားရတဲ့ တအာင်း ရှေ့နေ မိုင်းမျိုးအောင်ကို မူဆယ်တရားရုံးမှာ မနေ့က ရုံးထုတ် ရမန်ယူခဲ့ပါတယ်။

မိုင်းမျိုးအောင်ကို အမှုဖွင့်ထားသူကတော့ ပစ်ခတ်မှု ဖြစ်ပွားခဲ့တဲ့ လောင်းကစားရုံနဲ့ အပေါင်ဆိုင် တွဲဖွင့်ထားတဲ့ ဆိုင်ရဲ့ မန်နေဂျာဖြစ်သူ ဦးမြင့်ထွေးဆိုသူ ဖြစ်တယ်လို့ တအာင်း ဥပဒေ အထောက်အကူပြုအဖွဲ့က မိုင်းရှိန်းထွန်းက ပြောပါတယ်။

မိုင်းမျိုးအောင်ဟာ ၂၁ ရက်နေ့ မနက်ပိုင်းမှာ ပစ်ခတ်မှု ဖြစ်ပွားခဲ့တဲ့ ဆိုင်နားကို သွားရောက်ခဲ့တယ်လို့ သိရပြီး အဲဒီနေ့မှာပဲ သူစီးလာတဲ့ ကားနဲ့အတူ မူဆယ်တောင်ရပ်ကွက်မှာ မသင်္ကာမှုနဲ့ အမှုလိုက် ရဲတွေရဲ့ ဖမ်းဆီးခံခဲ့ရတာပါ။

ပစ်ခတ်မှု ဖြစ်နေတုန်း စီစီတီဗီ မှတ်တမ်းအရ မျက်နှာမြင်ရသူ တယောက်နဲ့ အခြားမျက်နှာဖုံး တပ်ထားသူတဦး ကတော့ လွတ်မြောက်နေတယ်လို့ မူဆယ်ရဲတပ်ဖွဲ့က ဘီဘီစီကို ဒီဇင်ဘာလ ၂၈ ရက်နေ့က ပြောခဲ့ပါတယ်။

ဒီဇင်ဘာလ ၂၁ ရက်နေ့က ဖြစ်ခဲ့တဲ့ ပစ်ခတ်မှုမှာ တဦးသေဆုံးပြီး တဦးဒဏ်ရာရခဲ့တယ်လို့ ပြည်ထဲရေးက အစောပိုင်းက ထုတ်ပြန်ခဲ့ပါတယ်။

တအာင်း အဖွဲ့အစည်းတွေဘက်ကတော့ သူ့မှာ အပြစ်မရှိဘူးလို့ ယုံကြည်နေကြပြီး သူအဲဒီနေရာမှာ ရှိနေတဲ့အချိန်နဲ့ ပစ်ခတ်မှု ဖြစ်ပွားခဲ့တဲ့ အချိန်ဟာ အချိန်ကွာဟမှုရှိတယ်လို့ တအာင်း ဥပဒေ အကျိုးဆောင်အဖွဲ့က မိုင်းရှိန်းထွန်းက ပြောပါတယ်။

မိုင်းမျိုးအောင်ကို ဇန်နဝါရီ ၁၇ ရက်နေ့မှာ ရုံးတင်စစ်ဆေးဖို့ ဆုံးဖြတ်ခဲ့ပေမဲ့ ရမန်ယူတဲ့နေ့အထိ သူ့ကို ဘာပုဒ်မနဲ့ အမှုဖွင့် ထားသလဲဆိုတာ မသိရသေးဘူးလို့ ဇနီးဖြစ်သူ လွေအီအွယ်က ပြောပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ