မီးခိုမြူ မပျံလွင့်ရေး မြန်မာ-ထိုင်း-လာအို ပူးပေါင်းဆောင်ရွက်မည်

Smoke Haze in Chiang Mai, Thailand
မီးခိုးမြူတွေ ပိုပြီး မပြန့်နှံ့ရေး ပူးပေါင်း တိုက်ဖျက်မယ့် အစီအစဉ်ကို မြန်မာ၊ ထိုင်းနဲ့ လာအို့စ် ၃ နိုင်ငံ ပူးပေါင်းပြီး အခုလနှောင်းပိုင်းမှာ စတင်မှာဖြစ်ကြောင်း ထိုင်းသတင်းဌာန TNA မှာ ဖော်ပြထားပါတယ်။

အိမ်နီးချင်းနိုင်ငံတွေနဲ့ ပူးတွဲ ဆောင်ရွက်မယ့် ဒီအစီအစဉ်မှာ ထိုင်းတပ်မတော် တပ်မဟာ (၃) က ထိုင်းနိုင်ငံကိုယ်စားပြု ပါဝင် ဆောင်ရွက်သွားမယ်လို့ ဒုတိယဗိုလ်ချုပ်ကြီး Wichak Siribansop က ပြောပါတယ်။

မီးခိုးမြူ တိုက်ဖျက်ရေး အစီအစဉ်အတွက် နိုင်ငံတကာရဲ့ ပူးပေါင်း ဆောင်ရွက်မှု လိုအပ်ပြီး ထိုင်းနိုင်ငံအတွင်း တောမီး မပြန့်ပွားရေး ဆောင်ရွက်တာမှာ နိုင်ငံမြောက်ပိုင်းက Chiang Rai ခရိုင်ကို ပစ်မှတ်ထား လုပ်ဆောင်သွားမယ်လို့ ဆိုပါတယ်။

တောမီးလောင်ကျွမ်းမှုရဲ့ ၉၉% ဟာ လူတွေကြောင့် ဖြစ်ပေါ်တာကြောင့် တောမီးဆိုင်ရာ Campaign ကို လုပ်ဆောင်ဖို့ လိုအပ်ကြောင်းလည်း ဒုတိယ ဗိုလ်ချုပ်ကြီး Siribansop က ပြောပါတယ်။ ဒါ့အပြင် စစ်တပ်နဲ့ သက်ဆိုင်ရာ အစိုးရအဖွဲ့အစည်းတွေဟာ ဒေသခံ စေတနာ့ထမ်းတွေနဲ့ ပူးပေါင်းပြီး လူထုပညာပေး လုပ်ငန်းတွေ လုပ်ဆောင်သွားမယ်လို့လည်း သူက ပြောပါတယ်။

အခု လုပ်ဆောင်မယ့် ၃ နိုင်ငံ ပူးတွဲ စီမံကိန်းဟာ မီးခိုးမြူပြန့်နှံ့မှု ၆၀% လျော့ကျအောင် ဆောင်ရွက်မယ့် စီမံကိန်းဖြစ်ကြောင်းလည်း ထိုင်းတပ်မတော် မြောက်ပိုင်းတိုင်းမှူးက ပြောပါတယ်။ မနှစ်က ပြုလုပ်ခဲ့တဲ့ အလားတူ စီမံကိန်းကြောင့် မီးခိုးမြူ ပြန့်နှံ့မှု ၄၀% လျော့ကျ သွားခဲ့တယ်လို့ ဆိုပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ