ရခိုင်က အိုးအိမ်စွန့်ထွက်ပြေးရသူတွေ အတွက် အသင့်ဆောက်အိမ်တွေ တရုတ်လှူဒါန်း

မူရင်းကျေးရွာများက ထွက်ပြေးသူများ နေထိုင်ရာကျေးရွာတခုဖြစ်သည့် သည်းချောင်းကျေးရွာမှ ဆံပင်ညှပ်ဆိုင်မြင်ကွင်းတခု။
ရခိုင်ပြည်နယ်တွင်း အိုးအိမ်စွန့် ထွက်ပြေးနေရသူတွေအတွက် အသင့်ဆောက်ပြီး အိမ်ယာ အလုံးပေါင်း ၁၀၀ ကို စနေနေ့မှာ တရုတ်အစိုးရက ကျောက်ဖြူဆိပ်ကမ်းမှာ မြန်မာအာဏာပိုင်တွေကို လွှဲပြောင်းပေးအပ်ခဲ့ပါတယ်။

အိမ်ယာလွှဲပြောင်း ပေးအပ်ပွဲမှာ မြန်မာနိုင်ငံဆိုင်ရာ တရုတ်သံအမတ်ကြီး Hong Liang က ရခိုင်ဒေသတွင်း ပဋိပက္ခတွေကြောင့် အိုးအိမ်စွန့်ခွာ ထွက်ပြေးရသူတွေကို တရုတ်အစိုးရက ဆက်လက် ကူညီမယ်လို့ ကတိပြုခဲ့ပါတယ်။ ဒေသတွင်း စီးပွားရေး တိုးတက်ဖွံ့ဖြိုးလာအောင် ကျောက်ဖြူ အထူးစီးပွားရေးဇုံ ဖွံ့ဖြိုးရေးမှာ တရုတ်အစိုးရက ကူညီချင်ကြောင်းလဲ ပြောပါတယ်။

သြဂုတ်လ ၂၅ ရက်နေ့က ရခိုင်ပြည်နယ်တွင်း လုံခြုံရေး ရဲစခန်းတွေကို ARSA အကြမ်းဖက်အဖွဲ့က တပြိုင်နက်ထဲ တိုက်ခိုက်ခဲ့တဲ့အတွက် မောင်တောဒေသခံ အတော်များများ အိုးအိမ်စွန့်ခွာ ထွက်ပြေး နေရတာပါ။

မြန်မာလူထုအတွက် တရုတ်ရဲ့ ကူညီပံ့ပိုးမှုကို ကျေးဇူးတင်ကြောင်း ဆောက်လုပ်ရေးဌာန ပြည်ထောင်စုဝန်ကြီး ဦးဝင်းခိုင်က ပြောကြားခဲ့ပါတယ်။

အခု လှူဒါန်းတဲ့ အသင့်ဆောက်ပြီးသား အိမ်ယာ တလုံးမှာ လူ ၈ ဦးစီ နေထိုင်နိုင် မှာဖြစ်ပြီး အနဲဆုံး အနှစ် ၂၀ လောက် သုံးနိုင်မှာဖြစ်ပါတယ်။ အဲဒီ အိမ်ယာတွေဟာ ပြင်းအား ၈ အထိရှိတဲ့ ငလျင်ဒဏ်ကိုလဲ ခံနိုင်မှာ ဖြစ်ပါတယ်။

တရုတ်အစိုးရဟာ ၂၀၁၆ ခုနှစ် ဖေဖော်ဝါရီလတုန်းကလဲ ရေဘေးသင့် ပြည်သူတွေ အတွက် အသင့်ဆောက်ပြီး အိမ်ယာ အလုံးပေါင်း ၁၃၂ လုံးကို လှူဒါန်းခဲ့ပါသေးတယ်။

ဗွီအိုအေ (မြန်မာဌာန)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ