ကင်ဂျုံနမ်အား လုပ်ကြံသည်ဟု သံသယရှိသည့် မြောက်ကိုရီးယားနိုင်ငံသားလေးဦး မလေးရှားမှ ထွက်ပြေးတိမ်းရှောင်လျက်ရှိ


ပြုံယမ်း ဖေဖော်ဝါရီ ၁၉

မြောက်ကိုရီးယားခေါင်းဆောင် ကင်၏အစ်ကိုဖြစ်သူ ကင်ဂျုံနမ်အား လေဆိပ်၌ လုပ်ကြံသတ်ဖြတ်ခဲ့သည်ဟု သံသယ ရှိသည့် ကိုရီးယားနိုင်ငံသားလေးဦး သည် ကွာလာလမ်ပူလေဆိပ်၌ ကင်ဂျုံနမ်အား အပြင်းစားအဆိပ် ဖြင့် လုပ်ကြံသတ်ဖြတ်ခဲ့ပြီးနောက်တွင် အဆိုပါနေ့၌ပင် မလေးရှားနိုင်ငံမှ ထွက်ပြေးတိမ်းရှောင်လျက်ရှိကြောင်း ရဲတပ်ဖွဲ့က တနင်္ဂနွေနေ့တွင် ပြောကြား ခဲ့သည်။

ကင်ဂျုံနမ်အား သေဆုံးမှုတွင် ပါဝင်ခဲ့သည့် မြောက်ကိုရီးယား နိုင်ငံသားတစ်ဦး၊ ဗီယက်နမ် အမျိုး သမီးတစ်ဦးနှင့် အင်ဒိုနီးရှားအမျိုးသမီးတစ်ဦးတို့ကိုလည်း ပြီးခဲ့သည့် တနင်္လာ နေ့က ဖမ်းဆီးထိန်းသိမ်းထားခဲ့သည်။
ထိုသို့ ဖမ်းဆီးထိန်းသိမ်းမှုသည် မလေးရှားနိုင်ငံနှင့် မြောက်ကိုရီးယား နိုင်ငံအကြား သံတမန်ဆက်ဆံရေးကို ကတောက်ကဆတ်ဖြစ်စေခဲ့သည်။

တောင်ကိုရီးယားနှင့် အမေရိကန် အာဏာပိုင်များက ကင်ဂျုံနမ်အား မြောက်ကိုရီးယား အေးဂျင့်များက သတ်ဖြတ်ခဲ့ခြင်းဖြစ်ကြောင်း ပြောဆိုခဲ့ ကြသည်။

ကွာလာလမ်ပူရှိ မြောက်ကိုရီးယား သံအမတ်များကမူ အလောင်းအား ရင်ခွဲစစ်ဆေးမှုကို ကန့်ကွက်ရန် ကြိုးစားခဲ့ပြီး အလောင်းအား မြောက် ကိုရီးယားသို့ လွှဲပေးရန်တောင်း ဆိုခဲ့ကြ သည်။

ထွက်ပြေးတိမ်းရှောင်လျက်ရှိသည့် မြောက်ကိုရီးယားနိုင်ငံသား လေးဦး သည် သာမန်နိုင်ငံကူးလက်မှတ်များ ကိုသာ ကိုင်ဆောင်ခဲ့ကြပြီး သံတမန် ရေးရာ နိုင်ငံကူးလက်မှတ်များ ကိုင်ဆောင်ထားခြင်းမရှိကြောင်း စုံစမ်း ထောက်လှမ်းရေးအဖွဲ့ ဒုတိယအကြီး အကဲ နော်ရာရှစ်အီဘရာဟင်က သတင်းစာရှင်းလင်းပွဲတစ်ခုတွင် ပြော ကြားခဲ့သည်။

(ရိုက်တာ)
https://www.facebook.com/MYANMAALINNNEWS

UNFC ကိုယ်စားလှယ်တွေနဲ့ ဒေါ်အောင်ဆန်းစုကြည် မတ်လဆန်းမှာ တွေ့မယ်။

UNFCနဲ့ တွေ့ဖို့ ဒေါ်အောင်ဆန်းစုကြည် ကမ်းလှမ်း
လက်ရှိဖြစ်နေတဲ့ အခြေအနေတွေနဲ့ အခက်အခဲတွေကို နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ထံ စာရေး တင်ပြထားပြီး ဖြစ်ပြီး ဒေါ်အောင်ဆန်းစုကြည်ဘက်ကလည်း ဒါကို အပြုသဘော တုန့်ပြန်ခဲ့တယ်လို့ UNFC ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ တွဲဘက် အတွင်းရေးမှူး ၊ ANC ရခိုင်ပြည် အမျိုးသား ကောင်စီ အထွေထွေ အတွင်းရေးမှူး ဦးထွန်းဇော်က ဘီဘီစီကို ပြောပါတယ်။

လက်ရှိ အစိုးရ ရပ်တည်နေတဲ့ မူဝါဒအတိုင်း ဆိုရင်တော့ ပြေလည်နိုင်ဖို့ ခက်မှာ ဖြစ်ကြောင်း၊ အစိုးရဘက်က မူပိုင်းဆိုင်ရာ လိုအပ်တဲ့ အချက်တွေကို ဖျက်ပေးမှသာ ငြိမ်းချမ်းရေး ကော်မရှင်နဲ့ ဆက်ဆွေးနွေးဖို့ အဆင်ပြေမှာ ဖြစ်ကြောင်း ဦးထွန်းဇော်က ပြောပါတယ်။

တနိုင်ငံလုံး အပစ်အခတ် ရပ်စဲကြောင်းကို NCA လက်မှတ်ရေးထိုးပြီးတာနဲ့ ၂၄နာရီအတွင်း အစိုးရ တပ်မတော်ဘက်က ကြေညာရမယ်၊ ၄၈နာရီအတွင်း တိုင်းရင်းသား လက်နက်ကိုင်တွေဘက်က ကြေညာမယ် ဆိုပြီး UNFC ဘက်က အဆိုပြုထားပေမယ့် တပ်မတော်ဘက်က သဘောတူသလား ဆိုတာကို ဒီကနေ့ထိ ယတိပြတ် မသိရသေးဘူးလို့ ဆိုပါတယ်။

တခါ နိုင်ငံရေး ဆွေးနွေးပွဲမှာ ၃ပွင့်ဆိုင် ပုံစံနဲ့ ဆွေးနွေးဖို့ အဆိုပြုထားတာကိုလည်း အစိုးရဘက်က မူဝါဒရှင်းရှင်းလင်းလင်းနဲ့ ချပေးနိုင်တာ မရှိသေးကြောင်းနဲ့ အခုလို မူဝါဒပိုင်း ဆိုင်ရာ အကန့်အသတ်တွေ ရှိနေတဲ့အတွက် မတိုးတက် မထူးခြားတာ ဖြစ်ကြောင်း သူက ပြောပါတယ်။

အပစ်အခတ် ရပ်စဲရေးနဲ့ ပတ်သက်လို့ လက်ရှိအခြေအနေမှာ နိုင်ငံမြောက်ပိုင်းက လက်နက်ကိုင် အဖွဲ့အစည်းတွေကို တပ်မတော်ဘက်က လက်ခံ စဉ်းစားပြီး ဆွေးနွေး ညှိနှိုင်း အဖြေရှာလိုတဲ့ ဆန္ဒ သဘောထားတွေ ပြဖို့ လိုကြောင်း၊ လက်တွေ့အားဖြင့် မြေပြင်မှာ အကြောင်းအမျိုးမျိုး ပြပြီး တိုက်နေတဲ့ တိုက်ပွဲတွေကို ရပ်လိုက်မယ် ဆိုရင် အပစ်အခတ် ရပ်စဲရေးအတွက် ခြေလှမ်း အများကြီး ရောက်သွားနိုင်ခြေ ရှိတယ်လို့ UNFC တွဲဘက် အတွင်းရေးမှူး ဦးထွန်းဇော်က ဘီဘီစီကို ပြောပါတယ်။

BBC Burmese
http://www.bbc.com/burmese
 

ဘူးသီးတောင်နယ်စပ် တိုက်ခိုက်ခံရမှု စုံစမ်းဆဲ

ဒီတိုက်ခိုက်မှုအတွင်းမှာ လုံခြုံရေးအဖွဲ့ဝင်တွေဘက်က ၂ ဦး ဒဏ်ရာရခဲ့ပေမယ့် မစိုးရိမ်ရ
ဖေဖော်ဝါရီလ ၁၆ ရက်နေ့က ရခိုင်ပြည်နယ် ဘူးသီးတောင်မြို့နယ်အတွင်း လုံခြုံရေးတပ်ဖွဲ့ဝင်တွေ တိုက်ခိုက်ခံရမှုနဲ့ ပတ်သက်ပြီး အသေးစိတ်ကို စုံစမ်း စစ်ဆေးနေဆဲ ဖြစ်တယ်လို့ သမ္မတရုံး ပြောခွင့်ရ ဦးဇော်ဌေးက ဘီဘီစီကို ပြောပါတယ်။

ပြီးခဲ့တဲ့ ကြာသာပတေးနေ့ နေ့လည်ပိုင်းက နယ်ခြားမှတ်တိုင် အမှတ် ၅၆နဲ့ ၅၇ ကြားမှာ အမည်မသိ လက်နက်ကိုင်အဖွဲ့တခုက ဘင်္ဂလားဒေ့ရ်ှနိုင်ငံဘက်က နေရာယူပြီး နယ်စပ်မှာ စစ်ဆေး ကင်းလှည့်နေတဲ့ အစိုးရ နယ်မြေခံ လုံခြုံရေးတပ်ဖွဲ့ဝင်တွေကို ပစ်ခတ်မှု ဖြစ်ပွားခဲ့တယ်လို့ နိုင်ငံတော် အတိုင်ပင်ခံရုံးက စနေနေ့မှာ သတင်းထုတ်ပြန်ခဲ့တာ ဖြစ်ပါတယ်။

ဒီတိုက်ခိုက်မှုအတွင်းမှာ လုံခြုံရေးအဖွဲ့ဝင်တွေဘက်က ၂ ဦး ဒဏ်ရာရခဲ့ပေမယ့် မစိုးရိမ်ရဘူးလို့ သိရပါတယ်။

ဒီတိုက်ခိုက်မှုနဲ့ ပတ်သက်ပြီး အေအေ ရခိုင်တပ်မတော်က ပြောရေးဆိုခွင့်ရှိသူ ဦးခိုင်သုခက သူတို့ တပ်ဖွဲ့တွေဟာ အဲဒီနေရာနားမှာ လှုပ်ရှားမှုမရှိသလို ဒီတိုက်ခိုက်မှုဟာ သူတို့နဲ့ မဆိုင်ဘူးလို့ ဘီဘီစီကိုပြောပါတယ်။

အခုလို လာရောက်တိုက်ခိုက်ခဲ့တဲ့ အနက်ရောင်ဝတ် လက်နက်ကိုင် တပ်ဖွဲ့ အရေအတွက် ၃၀ လောက်ရှိပြီး သူတို့ဘက်က အကျအဆုံး အခြေအနေကိုလည်း မသိရသေးပါဘူး။

BBC Burmese
http://www.bbc.com/burmese

တိုင်းရင်းသားအားလုံး ပင်လုံမှာပါဝင်ခွင့်ရဖို့ ကချင်အမျိုးသားတွေ့ဆုံပွဲမှ တောင်းဆို

ကချင်အမျိုးသားတွေ့ဆုံပွဲ (Hkun Awng Nlam)
၂၁ရာစုပင်လုံမှာ အပစ်ရပ်လက်မှတ်မထိုးထားတဲ့ တိုင်းရင်းသားလက်နက်ကိုင်အဖွဲ့အားလုံးပါဝင်ရေး၊ စစ်တပ်ဘက်က တိုင်းရင်းဒေသတွေမှာ ထိုးစစ်ဆင်နေတာတွေကို လုံးဝရပ်ဆိုင်းရေးနဲ့ စစ်ပြေး ဒုက္ခသည်တွေ ဘေးအန္တရာယ် ကင်းရှင်းစွာ နေရပ်ရင်းပြန်နိုင်ရေး ကချင်ပြည်သူလူထုက ကချင်အမျိုးသားများတွေ့ဆုံပွဲကနေ တောင်းဆိုလိုက်ပါတယ်။ ဆယ်စုနှစ်နဲ့ချီကြာမြင့်နေတဲ့ပြည်တွင်းစစ် မီးငြိမ်းနိုင်ရေးက အစိုးရ၊ တပ်မတော်နဲ့ တိုင်းရင်းသားလက်နက်ကိုင်အဖွဲ့တွေကြား ခိုင်မာတဲ့ယုံကြည်မှုတည်ဆောက်နိုင်ဖို့က အရေးကြီးဆုံးဖြစ်တယ်လို့လည်း ကချင့်အရေးလှုပ်ရှားသူတွေက ပြောဆိုလိုက်ပါတယ်။ အသေးစိတ် ဆက်သွယ်မေးမြန်းထားတဲ့ မဆုမွန် တင်ပြပါမယ်။

နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကိုယ်တိုင် ဦးဆောင်ကျင်းပနေတဲ့ ၂၁ရာစုပင်လုံညီလာခံကနေ မြန်မာနိုင်ငံရဲ့ငြိမ်းချမ်းရေး ဖော်ဆောင်နေတဲ့ လုပ်ငန်းစဉ်မှာ ပါဝင်မယ့် ကချင်တိုင်းရင်းသားတွေရဲ့ အခန်းကဏ္ဍကို ကြိုတင်ပြင်ဆင်တဲ့အနေနဲ့ ကချင်ပြည်နယ် မြစ်ကြီးနားမြို့ မဂျွယ်ခမ်းမမှာ ကချင်အမျိုးသားတွေ့ဆုံပွဲတရပ်ကို ပြီးခဲ့တဲ့ ဖေဖော်ဝါရီလ ၁၆ရက်နေ့ကနေ ဖေဖော်ဝါရီလ ၁၈ရက်နေ့အထိ ကျင်းပခဲ့ပါတယ်။ အခမ်းအနားမစတင်ခင်မှာ ကချင်ပြည်နယ်အစိုးရနဲ့ ဒေသခံရဲအာဏာပိုင်တွေဘက်က ပိတ်ပင်တားဆီးမှုတွေ ရှိခဲ့ပြီးနောက်မှာတော့ ညီလာခံအဖြစ် ကျင်းပခွင့်မပြုပဲ နိုင်ငံရေးဆွေးနွေးပွဲအဖြစ်နဲ့ပဲ ခွင့်ပြုခဲ့တဲ့ ဒီကချင်အမျိုးသားများ တွေ့ဆုံပွဲကနေ ကချင်လူထုရဲ့ တောင်းဆိုချက်တွေကို သဘောထားထုတ်ပြန်ချက် ထုတ်ပြန်ခဲ့တာဖြစ်ပါတယ်။

အဓိက တောင်းဆိုချက်တွေကတော့ ပြည်ထောင်စုငြိမ်းချမ်းရေးညီလာခံ ၂၁ရာစုပင်လုံဟာ ၁၉၄၇ ပင်လုံစာချုပ် နဲ့ ပင်လုံကတိကဝတ်တွေကို အခြေခံဖော်ဆောင်နိုင်မယ့် ညီလာခံဖြစ်စေချင်သလို ၂၁ရာစုပင်လုံ ညီလာခံမှာ အပစ်ရပ်လက်မှတ် မထိုးထားသေးတဲ့ တိုင်းရင်းသား လက်နက်ကိုင်အဖွဲ့တွေ အားလုံး ပါဝင်ခွင့်ပြုဖို့နဲ့ ကချင်ဒေသအပါအဝင် တိုင်းရင်းဒေသတွေမှာ မြန်မာ့တပ်မတော်ဘက်က ထိုးစစ်ဆင်တာတွေကိုလုံးဝ ရပ်ဆိုင်းပေးဖို့ ကချင်လူထုက တောင်းဆိုပါတယ်။ ဒီလိုကချင်လူထုရဲ့တောင်းဆိုချက်တွေနဲ့ပတ်သက်လို့ ငြိမ်းချမ်းရေးအပေါ် ကချင်လူထုရဲ့ဆန္ဒသဘောထားကို လူ့အခွင့်အရေးနဲ့ငြိမ်းချမ်းရေးလှုပ်ရှားသူ ကချင်အမျိုးသမီး မမေစပယ်ဖြုကလည်း အခုလိုပြောပါတယ်။

“ကျမတို့ ကချင်အများသားညီလာခံ လုပ်သွားတာတွေရော ၊ နောက်ပြီး ဒီသဘောထားကြေညာချက်ကို ကြည့်မယ်ဆိုရင် ကျမတို့ကချင်လူထုအားလုံးဟာ တကယ်ပဲ အကုန်လုံးပါဝင်ပြီးတော့ ရေရှည်တည်တံ့တဲ့ ငြိမ်းချမ်းရေး ၊ စစ်မှန်ပြီးတော့ တရားမျှတတဲ့ ငြိမ်းချမ်းရေး ကို ရချင်တဲ့ ဆန္ဒကျမတို့အားလုံးမှာ ပြင်းပြနေပါတယ်လို့။ အဲဒီတော့ အားလုံးပါဝင်ရေးမူကို လက်ကိုင်ထားပြီးတော့ အကယ်၍မပါဝင်နိုင်သေးတဲ့အဖွဲ့တွေရှိမယ်ဆိုရင် သူတို့ပါဝင်လာနိုင်မယ့်အခြေအနေမျိုး ဖြစ်အောင် ဘယ်လိုညှိနှိုင်းဆောင်ရွက်မလဲဆိုတာ ကို ကျမတို့က အလေးပေးပြီး စဉ်းစားစေလိုပါတယ်။”

ကချင်လူထုဘက်ကတောင်းဆိုချက်တွေထဲ အဓိက စစ်ဘေးကြောင့် နေရပ်ကနေ တိမ်းရှောင်နေရတဲ့ ဒုက္ခသည်တွေကို လူသားခြင်းစာနာမှုဆိုင်ရာ အထောက်အပံ့တွေကို နိုင်ငံတော်အစိုးရက ကူညီပေးဖို့နဲ့ ပြည်တွင်းပြည်ပ ပံ့ပိုးကူညီမှုတွေကို လွတ်လပ်စွာခွင့်ပြုပေးဖို့အပါအဝင် စစ်ဘေးဒုက္ခသည်တွေ နေရပ်ကို ဘေးအန္တရာယ်ကင်းရှင်းစွာ ဂုဏ်သိက္ခာရှိရှိ ပြန်နိုင်ရေး အစိုးရနဲ့ အဖွဲ့အစည်းတွေ ပူးပေါင်းဆောင်ရွက်ပေးဖို့လည်းပါတယ်။ ငြိမ်းချမ်းရေးလုပ်ငန်းစဉ်ထဲ စစ်ဘေးဒုက္ခသည်တွေအရေး ထည့်သွင်းစဉ်းစားပေးဖို့ကိုလည်း မမေစပါယ်ဖြူက တိုက်တွန်းပါတယ်။

“လက်ရှိမှာ ကျမတို့အတွက် Urgent ပေါ့ အရေးတကြီးလိုအပ်နေတာက စစ်ပြေးဒုက္ခသည်တွေရဲ့ စားဝတ်နေရေးကိစ္စဖြစ်ပါတယ်။ အဲဒီတော့ ငြိမ်းချမ်းရေးဖြစ်စဉ်၊ ငြိမ်းချမ်းရေးဆွေးနွေးပွဲတွေ ပြောတဲ့အခါမှာ ဒီစစ်မက်ပဋိပက္ခကြောင့် အရင်ဆုံးထိခိုက် နစ်နာရတဲ့ ဒေသခံ အပြစ်မဲ့ပြည်သူတွေ စစ်ပြေးဒုက္ခသည်တွေရဲ အရေးကိုလည်း ငြိမ်းချမ်းရေးဖြစ်စဉ်မှာ အရေးကြီးတဲ့ ကိစ္စရပ်တခုအနေနဲ့ မဖြစ်မနေ ထည့်သွင်းစဉ်းစားပေးသင့်တယ်။ ကျမတို့ စစ်ပြီးရင် သူတို့တွေလည်း အချိန်တန်ရင် ပြန်ပြီးတော့ ကိုယ့်ပုံမှန်ဘ၀ကို ပြန်ရမှာပဲဆိုပြီးတော့ အင်မတန်မှ ရိုးစင်းပြီး သမားရိုးကျ စဉ်းစားတဲ့အတွေမျိုးနဲ့ မစဉ်းစားစေချင်ပါဘူး။ အဲဒီတော့ ကျမအနေနဲ့ ပြောရမယ်ဆိုရင် အဲဒါလေးတွေတော့ ကျမ အဓိကထားပြီးပြောချင်ပါတယ်ရှင့်။”

စစ်ရေးတင်းမာမှုတွေနဲ့ ပဋိပက္ခဖြစ်ပွားရာဒေသတွေက စစ်ဘေးဒုက္ခသည်တွေနဲ့ ဒေသခံပြည်သူတွေကို တိုက်ပွဲတွေကြား ထိခိုက်မှုမရှိရအောင် လူနေတဲ့နေရာတွေမှာ တပ်တွေက တပ်စွဲတာ ပစ်ခတ်တာ မလုပ်ဖို့နဲ့ လူ့အခွင့်အရေးချိုးဖောက်မှုတွေမဖြစ်အောင် ကာကွယ်ပေးဖို့ ဖြစ်လာရင်လည်း ထိရောက်စွာအရေးယူဖို့ လည်း ကချင်လူထုက တောင်းဆိုပါတယ်။

တိုင်းရင်းသားဒေသတွေက တိုက်ပွဲတွေရပ်စဲဖို့ဆိုရင် မြန်မာ့တပ်မတော်ဘက်က အရင်ဆုံး အပစ်ခတ်ရပ်စဲရေးကို ဖော်ဆောင်ဖို့လိုတယ်လို့လည်း ရှမ်းမြောက်အခြေစိုက် ကချင်အမျိုးသားလုံးဆိုင်ရာကွန်ယက်က ကိုအိုင်ဇက်အောင်ကလည်း ပြောပါတယ်။

“စစ်တပ်ကနေပြီးတော့ သူ့ရှိသမျှ ပါဝါအားလုံးကို ထိန်းချုပ်ထားတယ်ဆိုတော့ တကယ်လို့ စစ်တပ်၊ သူ့အနေနဲ့ လိုက်လျောမယ်ဆိုရင် ဘာမဆိုဖြစ်သွားနိုင်တယ်ပေါ့ တခါတည်း ချက်ချင်းပေါ့ ။ ဒါပေမယ့် အခုက စစ်တပ်အနေနဲ့လည်း လုံးဝလိုက်လျောဖို့အတွက် အလားအလာမရှိဘူး။ ဒီစစ်တပ်ထိပ်ပိုင်းရယ်၊ အစိုးရ ထိပ်ပိုင်းရယ် ၊ ကျနော်တို့ တိုင်းရင်းသားလက်နက်ကိုင် ထပ်ပိုင်းရယ်တွေ့ပြီးတော့ တခုခုလျှော့ရင်လျှော့ သို့မဟုတ် တိုင်းရင်းသားဘက်ကလျှော့ နောက်ပြီး စစ်တပ်ဘက်ကလျှော့ ၊ အစိုးရဘက်ကလျှော့ အဲလိုမျိုး အလျှော့အတင်းလုပ်မယ်ဆိုရင် ပိုပြီးတော့ ထိရောက်မယ်လို့ ကျနော်ကတော့ မြင်တယ်။ အဲဒါဆိုတော့ ကျနော်တို့က အစည်းအဝေးပဲ တွေ့ဆုံပွဲပဲလုပ်တာမဟုတ်ပဲနဲ့ အဖြေတခုခု ထွက်လာမယ်လို့ ကျနော်မျှော်လင့်တယ်။”

လာမယ့်သီတင်းပတ်မှာတော့ နိုင်ငံတော်အတိုင်ပင်ခံပုဂ္ဂိုလ်နဲ့ အပစ်ရပ်လက်မှတ်မထိုးထားသေးတဲ့ တိုင်းရင်းသားခေါင်းဆောင်တွေ တွေ့ဆုံဖို့စီစဉ်ထားပါတယ်။ အခုဆိုရင်တော့ ပြည်နယ်နဲ့တိုင်းအသီးသီးမှာ အမျိုးသားအဆင့်နိုင်ငံရေးဆွေးနွေးပွဲတွေ ဆက်လက်ကျင်းပသွားကြဖို့ ပြင်ဆင်နေပြီး ဒီလိုအချိန်ယူတာကြောင့် ၂၁ရာစုပင်လုံညီလာခံကျင်းပမယ့်ရက်ကို အရင် ဖေဖော်ဝါရီ ၂၈ရက်နေ့ကို သတ်မှတ်ထားပေမဲ့ နောက်ဆုတ်ရွှေ့ဆိုင်းထားပါတယ်။

မဆုမွန်  / ဗွီအိုအေ (မြန်မာပိုင်း)
http://burmese.voanews.com
 

အောင်မင်္ဂလာကားဝင်းတွင် နှစ်နှစ်အရွယ်ကလေးငယ်အား ပါကင်ထိုးစဉ် ကြိတ်မိသေဆုံး


ရန်ကုန် ဖေဖော်ဝါရီ ၁၉

ရန်ကုန်တိုင်းဒေသကြီး အောင် မင်္ဂလာ အဝေးပြေးဂိတ် အမှတ်(၂) တွင် ဖေဖော်ဝါရီလ (၁၈)ရက်နေ့  ညနေ ၄နာရီက အသက်နှစ်နှစ်အရွယ် မိန်ကလေး အား ကားပါကင်ထိုးစဉ် ကြိတ်မိ ခဲ့ကြောင်း သိရသည်။

အဆိုပါကလေးငယ်သည် နေ ရာမှာပင်သေဆုံးခဲ့ပြီး သိန်းသန်း ကျော် ယာဉ်လိုင်းက ကားပါကင် ထိုးရာတွင် နောက်ကြည့်မှန်ကြည့် ၍ကားပါကင်ထိုးခြင်းမဟုတ်ခြင်း ကြောင့်ဟု အခင်းဖြစ်ပွားရာနေရာ တွင် ရှိနေသူများကဆိုသည်။

ယင်းကလေးငယ်မှာမွေးချင်း ငါးယောက်တွင် သမီးထွေးဖြစ်ပြီး မိခင်ဖြစ်သူနှင့်အတူ အဝေးပြေး ကွင်းအတွင်း ရေသန့်ဘူးလိုက် ကောက်သည့် ကလေးငယ်တစ်ဦး ဖြစ်ကြောင်းသိရသည်။
ယင်းကလေးငယ်၏ ဖခင်က သေဆုံးသွားပြီဖြစ်ပြီး ကလေး ငါးယောက်အားအမေဖြစ်သူကရေ သန့်ဘူးကောက်ကာ ကျွေးမွေး စောင့်ရှောက်နေသည်ဟု သေဆုံး သွားသည့်ကလေးငယ်၏ မိခင် ဖြစ်သူက ဆိုသည်။ ကလေးငယ် အလောင်းအားပုလဲမြို့အရန်မီးသတ် တပ်ဖွဲ့မှ မေဓာဝီဆေးရုံတွင် ဏျွ၅ဝ ဖြင့် အပ်နှံပေးခဲ့ပြီး မိခင်ဖြစ်သူအား ပုလဲမြို့ အရန်မီးသတ်တပ်ဖွဲ့မှ ငွေကျပ် ၂ဝဝဝဝ ကူညီထောက်ပံ့ ခဲ့ကြောင်း သိရသည်။

သေဆုံးသူကလေးငယ်အမည် မှာ မပြည့်ပြည်ဖြိုး အသက်နှစ် နှစ်အရွယ်ဖြစ်ပြီး အခင်းဖြစ်ရပ်နှင့် ပတ်သက်၍ သိန်းသန်းကျော် ခရီး သည်တင်ယာဉ်မောင်းဖြစ်သူဦးဇော် မြင့်နိုင် ၄၃နှစ်အား မင်္ဂလာဒုံ မြို့မ ရဲစခန်း၌ ယာဉ် (ပ) ၁၉/၂ဝ၁၇၊ ပြစ်မှုဆိုင်ရာ ဥပဒေပုဒ်မ၃ဝ၄-က ဖြင့် အမှုဖွင့်အရေးယူဆောင်ရွက် ထားကြောင်း သိရသည်။

မြင့်မြတ်အောင်မြင်
The Union Daily
https://www.facebook.com/uniondaily.net/

ဦးကိုနီအမှု ဖော်ထုတ်ဖို့ ရှေ့နေတွေ တောင်းဆို

အမျိုးသားဒီမိုကရေစီ အဖွဲ့ချုပ် နာယက ဦးတင်ဦး
ရှေ့နေကြီး ဦးကိုနီ အသတ်ခံရမှုနဲ့ ပတ်သက်ပြီး သက်ဆိုင်သူတွေကို ဖမ်းမိထားပေမယ့် ပြည်သူတွေက ဒီအမှုနဲ့ ပတ်သက်ပြီး မှန်မှန်ကန်ကန်နဲ့ အမြန်ဖော်ထုတ်ဖို့ လိုလားနေကြောင်း အမျိုးသားဒီမိုကရေစီ အဖွဲ့ချုပ် နာယက ဦးတင်ဦးက ပြောဆိုလိုက်ပါတယ်။

ဦးတင်ဦးဟာ မြန်မာနိုင်ငံ ရှေ့နေများ ကွန်ယက်က ကျင်းပတဲ့ ဦးကိုနီအတွက် ဝမ်းနည်းဂုဏ်ပြုခြင်း အခမ်းအနားမှာ အခုလို ပြောခဲ့တာပါ။

ဒီအမှုမှန်ပေါ်ဖို့ နှောင့်နှေးနေတဲ့အတွက် ပွင့်လင်းမြင်သာမှုရှိရှိနဲ့ အမှန်အတိုင်း မြန်မြန် ပေါ်ပေါက်ဖို့ လိုနေကြောင်း မြန်မာနိုင်ငံ ရှေ့နေများ ကွန်ယက်က ရှေ့နေတွေက ဒီအခမ်းအနားမှာ ပြောဆိုခဲ့ပါတယ်။

ရှေ့နေတွေက ဒီအမှုကို အင်းစိန်ထောင်ဝင်းထဲက အထူးတရားရုံးမှာ အစောင့်အကြပ်နဲ့ စစ်ဆေးဖို့၊ သတင်းသမားတွေ ရှေ့မှာ ပွင့်လင်းမြင်သာအောင် စီရင်ဖို့လည်း တောင်းဆိုခဲ့ကြပါတယ်။

BBC Burmese
http://www.bbc.com/burmese

Mosul မြို့ အနောက်ခြမ်းကိုသိမ်းဖို့ အီရတ်စစ်ဆင်ရေးစတင်

Mosul မြို့ အနောက်ခြမ်း
အီရတ်နိုင်ငံ မိုလ်ဆူးမြို့ အနောက်ပိုင်း ကနေ အစ္စလာမ္မစ် အစွန်းရောက် IS တွေကို တိုက်ထုတ် နိုင်ရေး အမေရိကန် အထောက်အကူပေးထားတဲ့ အီရတ်တပ်တွေ ဒီကနေ့ ထိုးစစ်ဆင်နေပါတယ်။

IS အဖွဲ့ရဲ့အကြမ်းဖက်မှုတွေကနေ အရပ်သားတွေ လွတ်မြောက်စေရေး အီရတ်တပ်တွေက စတင်ဆောင်ရွက်နေပြီလို့ အီရတ် ၀န်ကြီးချုပ် Haider al-Abadi က ဒီကနေ့ တနင်္ဂနွေနေ့မှာ ပြောပါတယ်။ ထိုးစစ်တွေ အသစ်တဖန် စပြီလို့ ကြေညာတဲ့ အကြောင်းလည်း အီရတ် ၀န်ကြီးချုပ်က ပြောပါတယ်။ ထိုးစစ်တွေ ဆင်နွှဲနေတဲ့ တပြိုင်နက်တည်း လူ့အခွင့်အရေးကိုလည်း လေးစားလိုက်နာဖို့ အီရတ် တပ်ဖွဲ့တွေကို ၀န်ကြီးချုပ်က တိုက်တွန်းပါတယ်။

ထိုးစစ်တွေ အတွင်း ရွာ အတော်များများကို အီရတ်တပ်ဖွဲ့တွေ ပြန်လည်ရယူထားနိုင်ပြီး အခုတော့ မိုလ်ဆူးလ် လေဆိပ်ကို ပြန်လည် သိမ်းယူနိုင်ဖို့ ရည်ရွယ်တိုက်ခိုက်နေကြပါတယ်။ သိန်းနဲ့ချီတဲ့ အရပ်သားတွေ အန္တရာယ် ရှိနေတဲ့ အခြေအနေကိုလည်း ကုလသမဂ္ဂက သတိပေးထားပါတယ်။ မိုလ်ဆူးမြို့တွင်း အခြေအနေက စိုးရိမ်စရာ ဖြစ်နေပြီး လူတွေလည်း ဒုက္ခတွေ့နေကြတယ်လို့ အီရတ်ဆိုင်ရာ ကုလ လူသားချင်းစာနာမှုဆိုင်ရာ ကိုယ်စားလှယ် Lise Grande က ကြေညာချက်မှာ ပြောဆိုပါတယ်။

ကလေးတွေကို ကျွေးမွေးဖို့နဲ့ အိမ်တွေမှာ အပူပေးဖို့ အတွက် မိဘဖြစ်သူတွေ အခက်တွေ့နေကြတယ်လို့လည်း Grande က ပြောပါတယ်။ မိုလ်ဆူးမြို့ အရှေ့ပိုင်းကိုတော့ အီရတ်တပ်ဖွဲ့တွေက ပြီးခဲ့တဲ့ လက ထိန်းချုပ်ထားတာပါ။ အခု တိုက်ခိုက်နေတဲ့ မြို့ အနောက်ပိုင်း တိုက်ပွဲတွေက ပိုပြီး ခက်ခဲပြင်းထန်မယ်လို့လည်း အမေရိကန် စစ်တပ် တာဝန်ရှိသူတွေက သတိပေးထားပါတယ်။

ဗွီအိုအေ (မြန်မာပိုင်း)
http://burmese.voanews.com

ပြည်ဝင်ခွင့်ကန့်သတ်မိန့်သစ် ကန် သမ္မတ ထုတ်ပြန်ဖို့ရှိနေ

သမ္မတ Donald Trump
မွတ်စလင် အများစု နေထိုင်ရာ နိုင်ငံ ၇ ခုကလူတွေကို အမေရိကန် ပြည်ထောင်စု အတွင်း ၀င်ရောက်ခွင့် တားမြစ်မယ့် ပိုပြီး ထိရောက်တဲ့ သမ္မတ အမိန့်ညွှန်ကြားချက်ကို သမ္မတ Donald Trump က မကြာခင်မှာ ထုတ်ပြန်ဖို့ ရှိနေပါတယ်။

ဒါပေမယ့် ဒီအမိန့်ညွှန်ကြားချက်က ကျင့်သုံးဖို့ ပိုပြီး ကောင်းမွန်မှာ ဖြစ်သလို အမေရိကန် ပြည်ထောင်စု အတွင်း နိုင်ငံခြားသား ခရီးသွားတွေ ၀င်ရောက်မှုကို ကန့်သတ်ဖို့ အစောပိုင်းက ဆောင်ရွက်ချက်တွေမှာ ကြုံတွေ့ခဲ့ရတဲ့ ပရမ်းပတာ အခြေအနေမျိုးတွေကိုလည်း ရှောင်ရှားနိုင်မှာ ဖြစ်တယ်လို့ အမိမြေ လုံခြုံရေး ၀န်ကြီး John Kelly က မနေ့ စနေနေ့က ပြောဆိုပါတယ်။

ဂျာမနီ နိုင်ငံ မြူးနစ်လုံခြုံရေး ညီလာခံ အတွင်း အကြမ်းဖက်မှု တိုက်ဖျက်ရေးနဲ့ပတ်သက်ပြီး ကမကထပြု ဆွေးနွေးတာမှာ ၀န်ကြီး Kelly က အခုလို ထည့်သွင်းပြောဆိုတာ ဖြစ်ပါတယ်။ အမိန့်ညွှန်ကြားချက် အသစ်က အလုပ်သမား ပြည်ဝင်ခွင့်၊ ဒါမှမဟုတ်လည်း အမြဲတမ်းနေထိုင်ခွင့် ကိုင်ဆောင်တဲ့ နိုင်ငံခြားသားတွေ အမေရိကန် ပြည်ထောင်စု အတွင်း ပြန်လည် ၀င်ရောက်ခွင့်ကို တားဆီးမှာ မဟုတ်ဘူးလို့ ၀န်ကြီး ကယ်လီက ပြောပါတယ်။

ဒါ့အပြင် အမိန့်ညွှန်ကြားချက် ထုတ်ချိန်မှာ အမေရိကန်ပြည်ထောင်စုရဲ့ လေဆိပ်တွေကို ပျံသန်းလာနေပြီ ဖြစ်တဲ့ နိုင်ငံခြားသား ခရီးသွားတွေ အပေါ်မှာလည်း သက်ရောက်မှု ရှိမှာမဟုတ်ဘူးလို့လည်း ၀န်ကြီးက ထပ်လောင်း ပြောပါတယ်။ ပြည်ပနေက အမေရိကန် ပြည်ထောင်စုကို ပျံသန်းလာသူတွေ အမိန့်ညွှန်ကြားချက်ကြောင့် ပိတ်မိမနေစေဖို့ သမ္မတ ထရမ့်က အသေအချာ စီစဉ် လုပ်ဆောင်မှာ ဖြစ်ပါတယ်လို့လည်း အမိမြေ လုံခြုံရေး ၀န်ကြီးက ပြောဆိုသွားပါတယ်။

လူဝင်မှု ကြီးကြပ်ရေးဆိုင်ရာ အမိန့်ညွှန်ကြားချက် အသစ်ကတော့ အစောဆုံး အင်္ဂါနေ့လောက်မှာ ထွက်ပေါ်လာနိုင်တယ်လို့ အမေရိကန် သတင်းတွေမှာ ခန့်မှန်းရေးသားထားကြပြီး သမ္မတ Trump ကိုယ်တိုင်ကလည်း ဒီသီတင်းပတ်အတွင်း ထုတ်ပြန်မယ်လို့ အတည်ပြု ပြောဆိုထားတာ ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.comn

ဆိပ်ဖြူမြို့ တွင် ယာဉ်တိုက်မှုဖြစ် ၂ ဦးသေဆုံး၊ ယာဉ်မောင်ထွက်ပြေး

အနော်ရထာ တံတားချဉ်းကပ်လမ်းတွင် မီနီဘစ်ကား ကလစ်ဆိုင်ကယ်တိုက်မှုဖြစ် ယာဉ်မောင်းထွက်ပြေးတိမ်းရှောင်
ဆိပ်ဖြူ ဖေဖော်ဝါရီ ၁၉

မကွေးတိုင်းဒေသကြီး ဆိပ်ဖြူမြို့  အနော်ရထာ တံတားချဉ်ကပ်တံတားပေါ်တွင် ဖေဖော်ဝါရီလ ၁၈ ရက်နေ့ ည ၈နာရီခွဲခန့်က ပြည်ြ့ဖိုးအောင်ယာဉ်လိုင်းမှ မီနီဘတ်ကားနှင့် ဆိုင်ကယ်တစ်စီးမျက်နှာချင်းဆိုင် တိုက်မှုဖြစ်ပွားကြောင်း သိရှိရသည်။

အဆိုပါဖြစ်စဉ်နှင့် ပက်သတ်၍ ပြည့်ဖြိုးအောင်ယာဉ်လိုင်းမှ ယာဉ်မောင်း အောင်ဘိုဘိုမင်း(အသက်) ၃၅ (ဘ) ဦးသိန်းဝင်း ချောက်မြို့ အုံပြားစုရပ်ကွက်နေသူ မောင်းနှင်းသည့် 6I-9923 မီနီဘတ်ကား နှင့် ဆိုင်ကယ်အမှတ် ၄၃ယ/ ၈၆၁၁၃ အဖြူရောင် ကလစ်ဆိုင်ကယ်စီးနင်းသူ ဆိပ်ဖြူမြို့နယ် အောက်ဆိပ်ကျေးရွာနေ အာကာဖြိုးနှင့်နောက်ပါသူ နေထက် ၊ကျော်ဇင်မော်ပါ သုံးဦးစီးနင်းသည့် ဆိုင်ကယ်နှင့်မျက်နှာချင်းဆိုင် အနော်ရထာတံတားချဉ်းကပ်ပေါ်တွင် တိုက်မှုဖြစ်ပွားခဲ့ပြီး ဆိုင်ကယ်စီးနင်းသူ အာကာဖြိုး အသက်(၂၅) နှစ် အဖ ဦးမြင့်နိုင် အောက်ဆိပ်ရွာ သည်ပေါက်ပြဲဒဏ်ရာများနှင့် နား၊နှာခေါင်းသွေးထွက်၊ ၀ဲဘက်ဦးခေါင်း ဂျိုစောင်းဖူးရောင်ဒဏ်ရာများနှင့် ယာဘက်လက်ကောက်ဝတ်ကျိုး ဒဏ်ရာဖြင့် နေရာတွင် ပွဲချင်းပြီးသေဆုံးခဲ့ပါသည်။

 ဆိုင်ကယ်နောက်မှ လိုက်ပါစီးနင်းသည့် တရွာတည်းနေ နေထက် ၊အသက်(၂၀)နှစ် ၊ အဖ ဦးရမ်း မှာ ပါစပ်မှသွေးထွက် ၊ယာမျက်ခုံးနှင့် ယာဘက်ပေါင် ပေါက်ပြဲဒဏ်ရာများရရှိခြင်း၊ ကျော်ဇင်မော် အသက်(၂၀) အဖ ဦးညွှန့်မော် မှာ ၀ဲဘက်ဂျိုစောင်း ပေါက်ပြဲဒဏ်နှင့် ယာဘက်ခြေချင်းဝတ် ပွန်းပဲဒဏ်ရာများရရှိ ကာ စိုးရိမ်ရသောအခြေအနေများကြောင့် ဆိပ်ဖြူမြို့နယ်ပြည်သူ့ဆေးရုံမှတဆင့် မကွေးပြည်သူဆေးရုံကြီး သို့ဆေးကုသမှုခံယူရန် လွှဲပြောင်းပို့ဆောင်ပေးခဲ့ပြီး ဖေဖော်ဝါရီလ ၁၈ ရက်နေ့ ည( ၁၁)နာရီအချိန်တွင် ကျော်ဇင်မော် အသက်(၂၀) နှစ်သည် မကွေးမြို့၌သေးဆုံးခဲ့ကြောင်း သက်ဆိုင်ရာတာဝန်ရှိသူများထံမှ သိရှိရသည်။


ယာဉ်မောင်း အောင်ဘိုဘိုမင်း(အသက်) ၃၅ (ဘ) ဦးသိန်းဝင်း ချောက်မြို့ အုံပြားစုရပ်ကွက်နေသူသည် ယာဉ်တိုက်မှုဖြစ်စဉ်ကြောင့် ယာဉ်နှင့်အတူ ထွက်ပြေးတိမ်းရှောင်ခဲ့ရာ မြို့နယ်ရဲတပ်ဖွဲ့ဝင်များ၊ ယာဉ်စည်းကမ်းထိန်းသိမ်းရေးအဖွဲ့မှ တပ်ဖွဲ့ဝင်များ ဒေသခံပြည်သူတို့မှပူးပေါင်း၍ ဆက်လက်ရှာဖွေဖမ်းခဲ့စီးရာ ဆိပ်ဖြူ-စလင်းကားလမ်း မြင်က၀ကျေးရွာအုပ်စု ဆူလေကုန်းကျေးရွာအနီး ချောင်အတွင်း၌ အဆိုပါထွက်ပြေးမောင်းနှင်းသည်ကားကို တွေ့ရှိခဲ့ပြီး အောင်ဘိုဘိုမင်း မှာ ထွက်ပြေးတိမ်းရှောင်လျက်ရှိကြောင်းသိရှိသည်။

အဆိုပါဖြစ်စဉ်များနှင့်ပက်သတ်၍ ယာဉ်မောင်း အောင်ဘိုဘိုမင်း(အသက်) ၃၅ (ဘ) ဦးသိန်းဝင်း ချောက်မြို့ အုံပြားစုရပ်ကွက်နေသူအား ဆိပ်ဖြူမြို့မရဲစခန်းက ယာဉ်(ပ) ၇/၂၀၁၇ ရာဇသတ်ကြီးပုဒ်မ ၃၀၄(က)/ ၃၃၈ဖြင့် အမှုဖွင့် အရေးယူဆောင်ရွက်ထားကြောင်းသိရှိရသည်။

စိုးလင်းနိုင်(IPRD)
Myanmaalinn
https://www.facebook.com/MYANMAALINNNEWS

အာဖဂန် မြောက်ပိုင်းတွင် ဆီးနှင်းများ ထူထပ်စွာ ကျဆင်းမှုနှင့် အအေးလွန် ရာသီဥတုအခြေအနေကြောင့် သေဆုံးသူ ၁၄ ဦးရှိ

ဆီးနှင်းများ ထူထပ်စွာ ကျဆင်းနေသော အာဖဂန်နိုင်ငံ ပြည်နယ်တစ်ခုအား တွေ့ရစဉ် (ဓာတ်ပုံ-အင်တာနက်)
    Shibeghan ၊ အာဖဂန်နစ္စတန်၊ ဖေဖော်ဝါရီ (ဆင်ဟွာ)

    အာဖဂန်နစ္စတန်နိုင်ငံ မြောက်ပိုင်းဒေသတွင် ဆီးနှင်းများ ထူထပ်စွာ ကျဆင်းခြင်းနှင့် အအေးလွန်သည့် ရာသီဥတု အခြေအနေများကြောင့် လွန်ခဲ့သော ၂၄ နာရီအတွင်း ကလေးငယ် ၂ ဦး အပါအဝင် လူပေါင်း ၁၄ ဦး သေဆုံးခဲ့ကြောင်း တာဝန်ရှိသူများက ယနေ့ (ဖေဖော်ဝါရီလ ၁၉ ရက်) တွင် ပြောကြားလိုက်သည်။

တာဝန်ရှိသူများ၏ အဆိုအရ ဖေဖော်ဝါရ်ီလ ၁၈ ရက် အစောပိုင်းကတည်းက ဆီးနှင်းများ ထူထပ်စွာ ကျဆင်းမှုနှင့် အအေးလွန် ရာသီဥတုကြောင့် Jawzjan နှင့် Saripul ပြည်နယ်များတွင် သေဆုံးသူ ၁၀ ဦးရှိခဲ့ကြောင်းနှင့် Badakhshan ပြည်နယ်တွင်မူ သေဆုံးသူ ၄ ဦးရှိခဲ့ကြောင်း သိရသည်။

“ဆီးနှင်းများ ထူထပ်စွာ ကျဆင်းမှုနဲ့ အအေးလွန်ကဲမှုကြောင့် ပြီးခဲ့တဲ့ ၂၄ နာရီအတွင်း Jawzjan ပြည်နယ်Darzab ခရိုင်မှာ သိုးထိန်း ၅ ဦး သေဆုံးခဲ့တယ်” ဟု ခရိုင် အုပ်ချုပ်ရေးမှူး ရာမတ်သူလာ ဟတ်ရှာက ဆင်ဟွာသို့ ပြောသည်။

ရာသီဥတု ဆိုးဝါးမှုကြောင့် Jawzjan ပြည်နယ် အနီးက Saripul ပြည်နယ်တွင် ကလေးငယ် ၂ ဦး အပါအဝင် လူ ၅ ဦး သေဆုံးခဲ့ကြောင်း ယင်းပြည်နယ်၏ သဘာဝဘေး စီမံခန့်ခွဲမှု အာဏာပိုင်အဖွဲ့ ညွှန်ကြားရေးမှူး အာဇစ် ရာမန် အေမတ်က အတည်ပြု ပြောသည်။

အဆိုပါ အချိန်ကာလအတွင်း Badakhshan ပြည်နယ် မြောက်ပိုင်းတွင်လည်း လူ ၄ ဦး သေဆုံးခဲ့ကြောင်း အတည်ပြုနိုင်ခဲ့ပြီး ဒဏ်ရာရရှိသူ ၈ ဦး ရှိခဲ့ကြောင်း ဒေသခံ တာဝန်ရှိသူများထံမှ သိရသည်။

ထို့ပြင် လွန်ခဲ့သော သီတင်းပတ် နှစ်ပတ်ကလည်း စစ်ဒဏ်ခံစားခဲ့သည့် အာဖဂန်နစ္စတန်တွင် ဆီးနှင်းများ ထူထပ်စွာ ကျဆင်းမှုနှင့် ရာသီဥတု ဆိုးဝါးခြင်းကြောင့် လူပေါင်း ၁၅၀ သေဆုံးခဲ့သည်ဟု ဆိုသည်။

(Xinhua)
http://www.xinhuamyanmar.com

၈ ကြိမ်မြောက် အာရှ ဆောင်းရာသီ အားကစားပွဲများ ဆပ်ပေါ်ရိုမြို့တွင် ဖွင့်လှစ်

အာရှ ဆောင်းရာသီ အားကစားပွဲသို့ တက်ရောက်လာသည့် တရုတ်နိုင်ငံ ကိုယ်စားပြု အဖွဲ့အား တွေ့ရစဉ် (ဆင်ဟွာ)
    ဆပ်ပေါ်ရို၊ ဖေဖော်ဝါရီ ၁၉ ရက် (ဆင်ဟွာ)

    ၈ ကြိမ်မြောက် အာရှ ဆောင်းရာသီ အားကစားပွဲ (8th Asian Winter Games) ဖွင့်ပွဲ အခမ်းအနားအား ဖေဖော်ဝါရီလ ၁၉ ရက် နေ့လည်ပိုင်းက ဂျပန်နိုင်ငံ ဆပ်ပေါ်ရို မိုးလုံလေလုံ အားကစားခန်းမ၌ ကျင်းပခဲ့ကြောင်း သိရသည်။

အာရှ ဆောင်းရာသီ အားကစားပွဲအား ဆပ်ပေါ်ရိုမြို့တွင် ကျင်းပခဲ့သည်မှာ သုံးကြိမ်မြောက် ဖြစ်ပြီး ယခုနှစ်အတွက် ရေခဲပြင် စကိတ်စီး ပြိုင်ပွဲကို အော်ဘီဟိုင်းရိုးမြို့တွင် ပြုလုပ်မည် ဖြစ်သည်။

၈ ကြိမ်မြောက် အာရှ ဆောင်းရာသီ အားကစားပွဲများတွင် အားကစားနည်း ငါးမျိုး၊ စည်းကမ်းချက် ၁၁ ခု၊ ပြိုင်ပွဲပေါင်း ၆၄ ပွဲဖြင့် ကျင်းပမည် ဖြစ်ပြီး ယခင် ကျင်းပခဲ့ပြီးသည့် အားကစားပွဲများထက် အကြီးဆုံး ဖြစ်ကာ နိုင်ငံနှင့် ဒေသပေါင်း ၃၀ မှ ပါဝင်သူပေါင်း ၁,၅၀၀  ဝန်းကျင် တက်ရောက်ခဲ့ကြသည်။
အာရှ ဆောင်းရာသီ အားကစားပွဲသို့ တက်ရောက်လာသည့် တရုတ်နိုင်ငံ ကိုယ်စားပြု အဖွဲ့အား တွေ့ရစဉ် (ဆင်ဟွာ)
ယခုနှစ်တွင် သြစတြေးလျနှင့် နယူးဇီးလန်မှ အားကစားသမားများလည်း ပထမဆုံးအကြိမ်အဖြစ် ပါဝင်လာခဲ့သည်။

ဂျပန်နိုင်ငံမှ အားကစားသမား ၁၄၆ ဦး ဝင်ရောက်ယှဉ်ပြိုင်မည် ဖြစ်သည်။

တရုတ်နိုင်ငံမှ အားကစားသမား ၁၅၇ ဦး အပါအဝင် ကိုယ်စားလှယ် ၂၃၆ ဦး ပါဝင် တက်ရောက်ခဲ့ပြီး ပြိုင်ပွဲ ၆၄ ခုလုံးတွင် ဝင်ရောက်ယှဉ်ပြိုင်မည် ဖြစ်သည်။

၇ ကြိမ်မြောက် အာရှ ဆောင်းရာသီ အားကစားပွဲများအား ကာဇက်စတန်နိုင်ငံ အယ်မတ်တီမြို့တွင် ကျင်းပခဲ့ပြီး အိမ်ရှင်နိုင်ငံက ပထမ၊ ဂျပန်က ဒုတိယ၊ တောင်ကိုရီးယားက တတိယနှင့် တရုတ်နိုင်ငံက စတုတ္ထနေရာ အသီးသီး ရရှိခဲ့ကြောင်း သိရသည်။

(Xinhua)
http://www.xinhuamyanmar.com

ကင်ဂျုံနမ် အသတ်ခံရမှု မြောက်ကိုရီးယားပါဝင်လို့ စွပ်စွဲခံရ

မစ္စတာ ကင်ဟာ မြောက်ကိုရီးယားခေါင်းဆောင်နေရာကို ဆက်ခံဖို့ ဦးစားပေး ဖြစ်ခဲ့ဖူး
မြောက်ကိုရီးယားခေါင်းဆောင်ရဲ့ အကို အသတ်ခံရမှုမှာ မြောက်ကိုရီးယားအစိုးကိုယ်တိုင် ပတ်သက်နေတယ်လို့ တောင်ကိုရီးယား ပေါင်းစည်းရေး ဝန်ကြီးဌာနက စွပ်စွဲလိုက်ပါတယ်။

ဒီအသတ်ခံရမှုနဲ့ ပတ်သက်ပြီး သံသယဖြစ်စရာ နောက်ထပ် လူလေးယောက်တွေ့ထားတယ်လို့ မလေးရှားရဲတွေက ပြောပါတယ်။

ဒါပေမယ့် ဒီလူလေးယောက်ဟာ မလေးရှားနိုင်ငံထဲမှာတော့ မရှိတော့ဘူးလို့ ရဲတွေက ပြောပါတယ်။

လောလောဆယ်မှာ သံသယဖြစ်စရာ လူ လေးယောက်ဖမ်းထားပြီး ဒီထဲက အမျိုးသမီးတယောက်ကတော့ သူ့ကို လှည့်ဖျားပြီး ပါဝင်အောင် အလုပ်ခံခဲ့ရတယ်လို့ ပြောခဲ့ပါတယ်။

သေဆုံးသူ မစ္စတာ ကင်ဂျုံနမ်နဲ့ နီးစပ်တဲ့ ဆွေမျိုးတယောက်ယောက်က အလောင်းကို ပြန်သယ်ခွင့် ၂ ပတ်အတွင်း တောင်းရမယ်လို့ မလေးရှားရဲတွေက ပြောဆိုထားပါတယ်။

မြောက်ကိုရီးယားခေါင်းဆောင် ကင်ဂျုံအွန်ရဲ့ ဖအေတူ မအေကွဲ အကို မစ္စတာ ကင်ဟာ မလေးရှားလေဆိပ်မှာ ဓာတုဗေဒ ဆေးအဖြန်းခံရပြီး မကြာခင် သေဆုံးသွားခဲ့တာ ဖြစ်ပါတယ်။

မစ္စတာ ကင်ဟာ မြောက်ကိုရီးယားခေါင်းဆောင်နေရာကို ဆက်ခံဖို့ ဦးစားပေး ဖြစ်ခဲ့ဖူးပြီး သူ့ရဲ့ ဖခင် ကင်ဂျုံအီရဲ့ မျက်နှာသာပေးမှု မရတဲ့နောက်ပိုင်း ပြည်ပရောက်သွားခဲ့တာ ဖြစ်ပါတယ်။

BBC Burmese
http://www.bbc.com/burmese

တစ်နှစ်အတွင်း ဆောင်ရွက် ချက်တွေကို အစိုးရအဖွဲ့တာဝန်ရှိ သူတွေ အစိုးရရုပ်သံကနေ ရှင်းလင်းပြောကြားရမည်

မွန်ပြည်နယ် ချောင်းဆုံမြို့နယ်မှာ မဲဆွယ်စည်းရုံးရေးအတွက် ရောက်ရှိနေတဲ့ ကရင်ပြည်နယ်ဝန်ကြီးချုပ် ဒေါ်နန်းခင်ထွေးမြင့် ကို ဖေဖော်ဝါရီလ ၁၈ ရက်နေ့က တွေ့ရစဉ်။ Photo: Kyaw Lwin Oo/RFA
အမျိုးသားဒီမိုကရေစီအဖွဲ့ချုပ် အစိုးရသက်တမ်း တစ်နှစ်အတွင်း ဆောင်ရွက်ခဲ့တာတွေကို လာမယ့် မတ်လ ဆန်းမှာ ပြည်ထောင်စုဝန်ကြီးတွေနဲ့ တိုင်းဒေသကြီး/ပြည်နယ် ဝန်ကြီးချုပ်တွေဟာ မြန်မာရုပ်မြင်သံကြား MRTV ကနေ အသိပေးပြောကြားဖို့ နိုင်ငံတော်အတိုင်ပင်ခံ ဒေါ်အောင်ဆန်းစုကြည်က ညွှန်ကြားထားတယ်လို့ သိရပါတယ်။

တစ်နှစ်အတွင်းဆောင်ရွက်ချက်တွေကို စုစည်းခိုင်းထားပြီး တစ်နိုင်ငံလုံးက ပြည်သူတွေကို ရုပ်မြင်သံကြားကနေ တိုက်ရိုက်အသိပေးပြောခိုင်းထားတယ်လို့ မနေ့က မွန်ပြည်နယ် ချောင်းဆုံမြို့နယ်မှာ မဲဆွယ်စည်းရုံးရေး အတွက် ရောက်ရှိနေတဲ့ ကရင်ပြည်နယ်ဝန်ကြီးချုပ် ဒေါ်နန်းခင်ထွေးမြင့်က ပြောပါတယ်။

"ဖေဖော်ဝါရီလကုန်တွင် ဝန်ကြီးချုပ်တွေဟာ ၁ နှစ်အတွင်း ဘာတွေလုပ်တာလဲ ပြည်သူလူထုကို ပြောရ မယ်၊ ပြောရတော့မယ်ဆိုပြီး ကျမတို့ဟာ လိမ်ဆင်ပြီးပြောလို့မရဘူးနော်၊ မြန်မာ့အသံကနေလွှင့်မှာ ဆိုတော့ မှန်မှန်ကန်ကန် တိတိကျကျကို မပြောရဘူးလား၊ ပြောရတယ်၊ စကားလေးတစ်လုံးလွဲလိုက်တာနဲ့ တစ်တိုင်းပြည်လုံး ဝိုင်းပြီးတော့ စုပြီးတော့ဆဲမှာ၊ အဲဒီတော့ ကျမတို့က ဘာတွေလုပ်ထားလဲ တကယ့်အမှန် အကန်တွေကိုပဲ ကျမတို့က ချပြရမယ်၊ ၁ နှစ်အတွင်းမှာ ဘာတွေထူးခြားလဲဆိုတာ၊ မနေ့တစ်နေ့က ၁ဝ ရက်ပေးတယ်၊ ကျမအတွက်တော့ နည်းတယ်လို့၊ ကရင်ပြည်နယ်က ၅ ရက်လို့၊ အမှန်တော့ အဲလောက် မရှိပါဘူးနော်၊ ၁ နှစ်ပဲလေ ဒီဟာကို ပြုစုနေရတာနဲ့ဘာနဲ့ပေါ့နော်၊ အဲဒီတော့ ကျမပြောချင်တာ က ချောင်းဆုံမှာတော့ မီးရတယ်လို့၊ ကျမတို့မှာ ၇ မြို့နယ်မှာ ၃ မြို့နယ်ပဲရတယ်"

၂၀၁၅ အထွေထွေရွေးကောက်ပွဲမှာ ၈၀ ရာခိုင်နှုန်းကျော် အနိုင်ရရှိခဲ့တဲ့ အမျိုးသားဒီမိုကရေစီအဖွဲ့ချုပ်ဟာ အစိုးရဖွဲ့စည်းခွင့်ရရှိခဲ့တာဖြစ်ပါတယ်။ ဒီတစ်နှစ်အတွင်း ပြည်ထောင်စုဝန်ကြီးတွေနဲ့ ပြည်နယ်နဲ့ တိုင်းဒေသကြီး ဝန်ကြီးချုပ်တွေရဲ့ ဆောင်ရွက်ချက်တွေ၊ အပြောင်းအလဲတွေကို ပြည်သူကို အသိပေးတာလည်းဖြစ်ပါတယ်။

ဒီတစ်နှစ်အတွင်း လုပ်ဆောင်မှုအားနည်းတဲ့ ပြည်ထောင်စုအဆင့်နဲ့ တိုင်းနဲ့ ပြည်နယ် ဝန်ကြီးချုပ်တွေကို လာမယ့် ဧပြီလ မဟာသင်္ကြန်ပိတ်ရက် မတိုင်ခင် အပြောင်းအလဲလုပ်ဖို့ရှိတယ်ဆိုတဲ့ သတင်းတွေလည်း ထွက်ပေါ်နေ ပါတယ်။

RFA Burmese
http://www.rfa.org/burmese

ပေါက်ခေါင်းတွင် သုံးဘီးဆိုင်ကယ် ဆီဖြည့်ရာမှ ဓာတ်ဆီဆိုင်မီးလောင်


ပဲခူးတိုင်းဒေသကြီး၊ ပေါက်ခေါင်းမြို့နယ် လေးကြီးကျေးရွာအုပ်စုပြည်-ပေါက်ခေါင်း လမ်းဘေးဓာတ်ဆီဆိုင်၌ ဖေဖော်ဝါရီ ၁၈ရက် ညနေက သုံးဘီးဆိုင်ကယ်ဆီဖြည့်ရာမှ ဓာတ်ဆီဆိုင်ပါမီးလောင်ဆုံးရှုံးမှုဖြစ်ပွားခဲ့ကြောင်း ပြည်ခရိုင်မီးသတ်တပ်ဖွဲ့မှ သိရသည်။
“သုံးဘီးဆိုင်ကယ်ကို ဆီဖြည့်စဉ်မှာပဲ မီးလောင်မှု ဖြစ်ပွားခဲ့တယ်။ ဆီဖြည့်စဉ်မှာ ဖြစ်ပွားလေ့ရှိတာကတော့ ဆိုင်ကယ်မောင်းလာလို့ အင်ဂျင်အပူလွန်ကဲချိန်မှာ အင်ဂျင်ပေါ်ဆီစက်ကျတာမျိုး၊ ဆီခွက်တို့၊ ဆီပန့်တို့နဲ့ ပွတ်တိုက်မိတာမျိုးစတဲ့ အကြောင်းအမျိုးမျိုးရှိပါတယ်၊ ဆီဖြည့်စဉ်မှာပေါဆခဲ့တာကြောင့်ပါ” ဟု ပြည်ခရိုင်မီးသတ်တပ်ဖွဲမှ မီးသတ်အရာရှိက ပြောသည်။

မီးလောင်မှုဖြစ်ပွားသည့်နေရာမှာ ပေါက်ခေါင်းမြို့နယ်အထွက်၊ သဖန်းချိုနှင့်လေးကြီးရွာကြား ပေါက်ခေါင်း-ပြည်ကားလမ်းညာဖက်ခြမ်းတွင်တည်ရှိပြီး ပြည်နှင့်ပေါင်းတလည်မြို့တို့မှ မီးသတ်ယာဉ် ၁၂စီးဖြင့် မီးငြိမ်း သက်ခဲ့ရပြီး လူအသေအပျောက်မရှိကြောင်း သိရသည်။


 လောင်ကျွမ်းချိန်မှာ နာရီဝတ်ခန့်ကြာမြင့်ခဲ့ပြီး တစ်ဆိုင် လုံးနီးပါမီးလောက်ကျွမ်း ဆုံးရှုံးခဲ့ရကာ လူနှစ်ဦးထိ ခိုက်ဒဏ်ရာရရှိမှုရှိသော်လည်း မစိုးရိမ်ရကြောင်း ပေါက်ခေါင်းမြို့နယ်တိုင်းဒေသကြီးလွှတ်တော် ကိုယ်စားလှယ်များထံမှ သိရသည်။
“လောင်တာကတော့တစ်ဆိုင်လုံးလောင်သွားတယ်။ လောင်တဲ့အကြောင်းရင်းက သုံးဘီးသမားတစ် ယောက်ကမူးမူးနဲ့မီးခြစ်တယ်ပြောတယ်။ မီးထလောင်တော့သုံးဘီးသမားက ထွက်ပြေးသွားတယ်။ ဆိုင်ကောင်လေးနှစ်ယောက်ပဲရှိတာ ဆိုင်ပိုင်ရှင် တွေမရှိကြဘူး။ မင်္ဂလာဆောင်သွားတယ် လို့ပြောတယ်” ဟု ပေါက်ခေါင်းမြို့နယ်တိုင်းဒေသကြီးလွှတ်တော်ကိုယ်စားလှယ် ဦးသက်မင်းဇော်က ပြောသည်။

မီးလောင်ကျွမ်းမှုကြောင့် သွပ်မိုး၊သွပ်ကာ မြေစိုက် အဆောက်အအုံတစ်ခုနှင့် ဆီပီပါ(၅)လုံး မီးလောင် ဆုံးရှုံးခဲ့ပြီး ပျက်ဆီးဆုံးရှုံးမှုတန်ဖိုးမှာ ခန့်မှန်းစုစုပေါင်း ဆယ့်ငါးသိန်းခန့်ရှိခဲ့ပြီး မီးစတင်လောင်ကျွမ်းသည့် ဖြိုးစက်သုံးဆီအရောင်းဆိုင်မှ လုပ်သားတစ်ဦးအား မီးပေါ့ဆမှုဥပဒေပုဒ်မ ၂၈၅ဖြင့် အမှုဖွင့်အရေးယူထား ကြောင်း ပြည်ခရိုင်မီးသတ်တပ်ဖွဲ့မှ သိရသည်။

ရတနာပုံ သတင်းစာ
https://www.facebook.com/yadanabonnewspaper/

အင်္ဂါဂြိုဟ်ပေါ်မှာ မြို့တည်ရန် ယူအေအီး စီစဉ်

အင်္ဂါဂြိုဟ်ပေါ်တွင် တည်ဆောက်မည့် မြို့ ပုံစံငယ်အား တွေ့ရစဉ် (ဓာတ်ပုံ-အင်တာနက်)
    အဘူဒါဘီ၊ ဖေဖော်ဝါရီ ၁၉ ရက် (ဆင်ဟွာ)

    အာရပ်စော်ဘွားများ ပြည်ထောင်စုက ၂၁၁၇ ခုနှစ်တွင် အင်္ဂါ ဂြိုဟ် (Mars) ပေါ်တွင် မြို့တစ်မြို့ တည်ဆောင်ရန် စီစဉ်ထားကြောင်း ကြေညာလိုက်သည်။

“အဲဒီ စီမံကိန်းကို Mars 2117 လို့ အမည်ပေးထားပါတယ်၊ အင်္ဂါ ဂြိုဟ်ပေါ်မှာ နိုင်ငံတကာ ပူးပေါင်းဆောင်ရွက်မှုတွေ ပါဝင်တဲ့ အသိုက်အဝန်း တစ်ခု မြို့ တစ်မြို့ ဖန်တီးဖို့ ရည်မှန်းချက်တွေ ပေါင်းစုထားတယ်” ဟု ယူအေးအီးနိုင်ငံ ဒူဘိုင်းမြို့တွင် ကျင်းပသည့် ငါးကြိမ်မြောက် ကမ္ဘာလုံးဆိုင်ရာ အစိုးရ ထိပ်သီး အစည်းအဝေးပြီးနောက် ယူအေအီး ဒုတိယ သမ္မတနှင့် ဝန်ကြီးချုပ် ရှိတ် မိုဟာမက် ဘင် ရာရှစ် အယ်လ်-မက်တော်မ်က ယခုလို ပြောကြားလိုက်ခြင်း ဖြစ်သည်။

အင်္ဂါဂြိုဟ်ပေါ်တွင် တည်ဆောက်မည့် မြို့ ပုံစံငယ်အား တွေ့ရစဉ် (ဓာတ်ပုံ-အင်တာနက်)
Mars 2117 သည် ကာလရှည် စီမံကိန်း တစ်ခု ဖြစ်ပြီး မားစ်ဂြိုဟ်ပေါ်တွင် လူသားများ၏ စူးစမ်းရှာဖွေမှုအား တွန်းအားပေးသည့်အနေဖြင့် လည်းကောင်း၊ အာကာသ စူးစမ်းရှာဖွေရာတွင် စိတ်အားထက်သန်သော အာရပ်စော်ဘွားများ ပြည်ထောင်စုမှ လူငယ်များအတွက် နေရာတစ်ခု တည်ဆောက်ပေးရန် ရည်ရွယ်ကြောင်း၊ ယခု စီမံကိန်း လုပ်ဆောင်ရခြင်း၏ ပထမ ရည်မှန်းချက်မှာ အမျိုးမျိုးသော နယ်ပယ်များ၌ သိပ္ပံပညာရပ်ဆိုင်ရာ သုတေသန ဦးဆောင်နိုင်ရန် ပညာရေး စနစ်အား ဖွံ့ဖြိုး တိုးတက်ရန် ဖြစ်ကြောင်း ရှိတ် မိုဟာမက်က တရားဝင် သတင်းထုတ်ပြန်ချက် တစ်စောင်၌ ပြောကြားထားသည်။

အာကာသ ခရီးသွား သယ်ယူပို့ဆောင်ရေး၊ စွမ်းအင်နှင့် အင်္ဂါဂြိုဟ်ပေါ်သို့ အစားအစာ သယ်ယူရေး စသည်တို့အား သုတေသန လုပ်ရဦးမည် ဖြစ်ကြောင်း ၎င်းက ဖြည့်စွက် ပြောကြားခဲ့သည်။

ကနဦး အစီအစဉ်အရ အင်္ဂါဂြိုဟ်ပေါ်၌ စက်ရုပ်များ အသုံးပြုကာ မြို့တည်ဆောက်သွားမည် ဖြစ်ကြောင်း၊ ယင်းမြို့သည် အကြမ်းဖျင်းအားဖြင့် ချီကာဂိုမြို့ အရွယ်အစားရှိ်ပြီး လူဦးရေ ခြောက်သိန်းခန့်နေထိုင်နိုင်မည် ဖြစ်ကြောင်း သိရသည်။

(Xinhua)
http://www.xinhuamyanmar.com

အာဂျင်တီးနား၌ ဘတ်စ်ကားတိမ်းမှောက်ရာ အနည်းဆုံး ၁၉ ဦးသေဆုံး

တိမ်းမှောက်သွားသော ဘတ်စ်ကားအားတွေ့ ရစဉ် (ဓာတ်ပုံ-အင်တာနက်)
   ဗြူနိုအဲရစ် ၊ ဖေဖော်ဝါရီ ၁၉ ရက် (ဆင်ဟွာ)

    ချီလီနိုင်ငံနှင့် နယ်နိမိတ်ချင်း ထိစပ်နေသည့် အာဂျင်တီးနားနိုင်ငံ အလယ်ပိုင်း Mendoza ပြည်နယ်၌ ဖေဖော်ဝါရီလ ၁၈ ရက် ညနေပိုင်းက ဘတ်စ်ကားတစ်စင်းတိမ်းမှောက်မှုဖြစ်ပွားခဲ့ရာ အနည်းဆုံး လူပေါင်း ၁၉ ဦးသေဆုံးပြီး ၂၁ ဦးထိခိုက်ဒဏ်ရာရခဲ့ကြောင်း သိရသည်။

ချီလီခရီးသွားလုပ်ငန်းကုမ္ပဏီတစ်ခုမှပိုင်ဆိုင်သည့် ၄င်းဘတ်စ်ကားသည် အာဂျင်တီးနားနိုင်ငံ အဝေးပြေးလမ်းမ အမှတ် ၇ ပေါ်တွင် အရှိန်ပြင်းစွာ မောင်းနှင်မှုကြောင့် တိမ်းမှောက်ခဲ့ရခြင်းဖြစ်ကြောင်း အသက်ရှင်ကျန်ရစ်သူများ၏ ပြောဆိုချက်အရ သိရသည်။

“ အရမ်းကိုမြန်တယ်။ ယာဉ်မောင်းက လမ်းကြောင်းလည်းမသိဘူး ၊ အတွေ့ အကြုံလည်း မရှိဘူး” ဟု ခရီးသည် တစ်ဦးက ပြောဆိုကြောင်း အာဂျင်တီးနားနိုင်ငံပိုင် Telam သတင်းအေဂျင်စီ၏ ဖော်ပြချက်အရ သိရသည်။

အခင်းဖြစ်ပွားချိန်တွင် ဘတ်စ်ကား၏ အရှိန်သည် တစ်နာရီ ကီလိုမီတာ ၁ဝဝ အထိ ရှိနေကြောင်း နှင့် ယာဉ်မောင်းသည် ကန့် သတ်မိုင်နှုန်းဖြစ်သော တစ်နာရီ ကီလိုမီတာ ၄ဝ ကို လျှော့ချရန် လျစ်လျူရှုခဲ့ကြောင်း La Nacion နေ့ စဉ်သတင်းစာက ဆိုသည်။

ကားတိမ်းမှောက်သွားသော Curva del Yeso ကွေ့ သည် အာဂျင်တီးနား အဝေးပြေးလမ်းမ၏ အန္တရာယ်အရှိဆုံး အကွေ့ ၁ဝ ခုထဲတွင် တစ်ခုအပါအဝင်ဖြစ်ကြောင်း သိရသည်။ ယခုဖြစ်စဉ်သည် Mendoza ပြည်နယ် သမိုင်းတစ်လျှောက်အဆိုးရွားဆုံး ယာဉ်မတော်တဆမှုဖြစ်ကြောင်း သတင်းစာက ဆိုသည်။

အခင်းဖြစ် ဘတ်စ်ကားပေါ်တွင် ခရီးသည် ၄ဝ ဦးလိုက်ပါလာပြီးအများစု မှာ အိပ်ပျော်နေကြကြောင်း အသက်ရှင်ကျန်ရစ်သူ Torres က ဆိုသည်။

ယာဉ်တိမ်းမှောက်မှုနှင့်ပတ်သက်၍ ဘတ်စ်ကားကုမ္ပဏီက ၄င်း၏ ယာဉ်မောင်းနှင့်အကူယာဉ်မောင်းတို့ ဘက်မှ ခုခံပြောဆိုထားပြီး “ သူတို့ ဟာ လမ်းကြောင်းကို ကောင်းကောင်းသိကြတဲ့ ယာဉ်မောင်းတွေပါ” ဟု ပြောကြားခဲ့သည်။

အဆိုပါ ဘတ်စ်ကားပေါ်တွင် ယာဉ်မောင်းနှစ်ဦးအပါအဝင် အာဂျင်တီးနားနိုင်ငံသား ခရီးသည် ၃၂ ဦး ၊ ချီလီနိုင်ငံသား ခရီးသည် ၄ ဦး ၊ ဟေတီ နှင့် ကိုလံဘီယာနိုင်ငံသား ခရီးသည် တစ်ဦးစီ အသီးသီး လိုက်ပါလာကြောင်း သိရသည်။

(Xinhua)
http://www.xinhuamyanmar.com

KNU တပ်ရင်း ၈ နယ်မြေ အတွင်း ဖြတ်သန်းသွားလာခွင့် မပြုကြောင်း ကြေညာချက်ထုတ်

ကရင်အမျိုးသားအစည်းအရုံး KNU တပ်ရင်း ၈ ရဲ့ ဖေဖော်ဝါရီလ ၁၇ ရက်နေ့က ထုတ်ပြန်တဲ့ ကြေညာချက်ကို တွေ့ရစဉ်
ပဲခူးတိုင်းဒေသကြီး ကျောက်ကြီးမြို့နယ် မုန်းဒေသ ကရင်အမျိုးသားအစည်းအရုံး KNU တပ်ရင်း ၈ ဧရိယာအတွင်း မှာ အစိုးရတပ်မတော်က လမ်းဖောက်လုပ်နေတာကြောင့် KNU က တပ်ရင်း ၈ နယ်မြေအတွင်း ဒေသခံတွေ ကို ဖြတ်သန်းသွားလာခွင့်မပြုကြောင်း စာထုတ်ပြန်လိုက်ပါတယ်။

NCA စာချုပ်သဘောတူညီချက်အရ တိုင်းရင်းသားလက်နက်ကိုင်အဖွဲ့တွေရဲ့ ဧရိယာအတွင်း တစုံတစ်ခု ပြုလုပ်မယ် ဆိုရင် သဘောတူညီချက် ရယူရမယ်ဆိုတဲ့အချက်ကို တပ်မတော်ဘက်က လိုက်နာမှုမရှိတဲ့အတွက် KNU က စာထုတ်ပြန်လိုက်တာလို့ ကျောက်ကြီးမြို့နယ် တိုင်းဒေသကြီးလွှတ်တော် ကိုယ်စားလှယ် ဦးတင်ဆန်းဦး က ပြောပါတယ်။

"NCA မူပါအချက်အလက်တွေအရ လုပ်ငန်းတွေလုပ်ရင် နှစ်ဖက်တပ်တွေညှိနှိုင်းရမယ်လို့ ပါရှိတယ်လေ။ တပ်မတော်က ပူးပေါင်းဆောင်ရွက်တာမရှိပဲ အဲဒီမှာ တပ်တွေဝင်သွားပြီး လမ်းဖောက်မယ်ဆိုပြီးလုပ်တော့ ဟိုဘက်ကလည်း စာပြန်ထွက်တာပါ"

တပ်မတော်က KNU တပ်ရင်း ၈ ပိုင် ဧရိယာအတွင်းက ကော့ပြင်းကျေးရွာကနေ မွေတော်အထိ လမ်းဖောက်လုပ်နေတာ ဖြစ်ပါတယ်။

လတ်တလောမှာ KNU တပ်က တာဝန်ရှိသူတွေနဲ့ တပ်မတော် တာဝန်ရှိသူတွေအကြား ညှိနှိုင်းဆောင်ရွက်မှုတွေ လုပ်ဆောင်နေပေမယ့် နှစ်ဖက်တင်းမာမှုတွေ ရှိနေတယ်လို့လည်း ဦးတင်ဆန်းဦး က ပြောပါတယ်။

KNU တပ်ရင်း ၈ ဧရိယာအတွင်း ဒေသခံတွေ အမြဲသွားလာနေတဲ့ လမ်းတွေကလွဲပြီး ကျန်တဲ့ လမ်းတွေနဲ့ တော တွင်းကို သွားလာခွင့်မပြုကြောင်း KNU က ပြီးခဲ့တဲ့ ဖေဖော်ဝါရီ ၁၇ ရက်နေ့က ကြေညာချက် ထုတ်ပြန်လိုက် တာဖြစ်ပါတယ်။

RFA Burmese
http://www.rfa.org/burmese

မလေးရှားကို မြန်မာ လုပ်သား ပြန်လည်စေလွှတ်ခွင့်ပြုဖို့ MOEAF တင်ပြ

မြန်မာနိုင်ငံ ပြည်ပအလုပ်အကိုင်ရှာဖွေရေး အေဂျင်စီများအဖွဲ့ချုပ် (MOEAF) ရုံးခန်းကို တွေ့ရစဉ်။ Photo: Htet Arkar/RFA
မလေးရှားနိုင်ငံကို မြန်မာလုပ်သားစေလွှတ်မှု ယာယီရပ်နားထားတာ နှစ်လကျော်ကြာမြင့်နေပြီ ဖြစ်တဲ့ အတွက် ဈေးကွက်ပျောက်သွားမှာ စိုးရိမ်ရတာကြောင့် အလုပ်သမားတွေကို ပြန်လည်စေလွှတ်ခွင့်ပြုပေး ဖို့ မြန်မာနိုင်ငံ ပြည်ပအလုပ်အကိုင်ရှာဖွေရေး အေဂျင်စီများအဖွဲ့ချုပ် (MOEAF)က အလုပ်သမား လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန တာဝန်ရှိသူတွေနဲ့ မနေ့က တွေ့ဆုံပွဲမှာ တင်ပြခဲ့ပါတယ်။

မလေးရှားနိုင်ငံကို အလုပ်သမားတွေ ပြန်လည်စေလွှတ်နိုင်ဖို့အတွက် မလေးရှားရဲ့ နိုင်ငံရေးအခြေအနေတွေ ကို စောင့်ကြည့်နေတယ်လို့ အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာနက အမြဲတမ်း အတွင်းဝန် ဦးမျိုးအောင်က ပြောပါတယ်။

"လောလောဆယ်တော့ ပြန်လွှတ်ဖို့ရာ နိုင်ငံရေးအခြေအနေစောင့်ကြည့်တာနဲ့ တချို့ သတင်းအချက် အလက်လေးတွေ ယူထားတယ်ပေါ့။ သူတို့ကတော့ ဈေးကွက်တစ်ခု ပျောက်သွားမှာစိုးတော့ ပြန်ပြီးတော့ ဒါလေးကို စဉ်းစားပေးပေါ့။ အဲဒါလေးတွေ ပြောတာရှိပါတယ်။ ဟုတ်ပြီ ကျနော်တို့က သုံးသပ်ချက်လေး လည်းပြော ဟိုမှာ လက်ရှိဖြစ်နေတဲ့ အခြေအနေ၊ အလုပ်သမားတွေရဲ့အခြေအနေ ဒါလေးတွေလည်း သူတို့ဘက်က တွေ့ရှိချက်လေးတွေ ပြောပေါ့။ အဲလိုအပြန်အလှန် ဆွေးနွေးခဲ့ပါတယ်"

မြန်မာလုပ်သားတွေ စေလွှတ်မှုရပ်နားထားတဲ့ ကာလအတွင်း မလေးရှားနိုင်ငံဘက်က တရားမဝင် လုပ်သားတွေ ကို EID လို့အမည်ပေးထားတဲ့ ယာယီနေထိုင်ခွင့် ကဒ်ထုတ်ပေးပြီး အလုပ်သမားလိုအပ်မှု ပြဿနာကို ဖြေရှင်းဆောင် ရွက်မှုတွေ ရှိနေတယ်လို့ ပြောပါတယ်။

ပြီးခဲ့တဲ့ ဒီဇင်ဘာလ ၄ ရက်နေ့က မလေးရှားနိုင်ငံ၊ ကွာလာလမ်ပူမြို့မှာ မလေးရှားဝန်ကြီးချုပ် နာဂျစ်ရာဇတ် ကိုယ်တိုင်တက်ရောက်ပြီး ရခိုင်ပြည်နယ် အရေးဆန္ဒပြပွဲ ကျင်းပပြီးနောက် မလေးရှားနိုင်ငံကို မြန်မာ လုပ်သားတွေ စေလွှတ်မှုကို မြန်မာအစိုးရဘက်က ယာယီရပ်နားထားတာ ဖြစ်ပါတယ်။

အရင်ကဆိုရင် ပုံမှန်အားဖြင့် မလေးရှားနိုင်ငံကို တစ်ပတ်မှာ မြန်မာအလုပ်သမား ၅၀၀ ကနေ ၇၀၀ ကြားကို သွားရောက်အလုပ်လုပ်ကိုင်ဖို့ မြန်မာအစိုးရဘက်က တရားဝင်ခွင့်ပြုပေးနေတာ ဖြစ်ပါတယ်။

RFA Burmese
http://www.rfa.org/burmese

ထိုင်းက ဓမ္မကာယကျောင်းလာသူတွေ အပြင်ထွက်ဖို့ ရဲကပြော

ကျောင်းဝင်းထဲမှာ နေကြတဲ့သူတချို့က ဖယ်မပေးပို့ အမိန့်ဖီဆန်မှုတွေရှိ
ထိုင်းနိုင်ငံရဲ့ အကြီးဆုံး ဗုဒ္ဓဘာသာဘုန်းကြီးကျောင်းဖြစ်တဲ့ ဓမ္မကာယ ဘုန်းကြီးကျောင်းကို ဂါရဝပြုဖို့လာတဲ့ သောင်းနဲ့ချီတဲ့သူတွေကို အပြင်ထွက်ပေးဖို့ ရဲတွေက အမိန့်ထုတ်လိုက်ပါတယ်။

ငွေကြေးခဝါချမှုသာမက ခိုးရာပါ ပိုင်ဆိုင်မှုတွေ တန်ဖိုး သန်းချီ လက်ခံထားမှုနဲ့ စွပ်စွဲခံနေရတဲ့ ကျောင်းထိုင်ဆရာတော်ဟောင်း ဖရာဓမ္မချာယိုကို ရဲတွေက လနဲ့ချီပြီး ရှာဖွေနေခဲ့တာ ဖြစ်ပါတယ်။

အခုလို စွပ်စွဲမှုတွေဟာ နိုင်ငံရေးနဲ့ ဆက်နွယ်နေတယ်လို့ ဒီဆရာတော်ရဲ့ လက်ထောက်က တုန့်ပြန်ထားပါတယ်။

ပြီးခဲ့တဲ့ အပတ်ကလည်း ထောင်နဲ့ချီတဲ့ ထိုင်းရဲတွေက ဒီဆရာတော်ကို ကျောင်းဝင်းကြီးထဲမှာ ရှာဖွေခဲ့ပေမယ့် မတွေ့ခဲ့တဲ့အတွက် ဒီဆရာတော် ရှိသေးသလားဆိုတာ မေးခွန်းထုတ်စရာတွေ ဖြစ်ခဲ့ပါတယ်။

ကျောင်းဝင်းထဲမှာ နေကြတဲ့သူတချို့က ဖယ်မပေးပို့ အမိန့်ဖီဆန်မှုတွေရှိပြီး ဒီလိုလုပ်ရင် ထောင်တနှစ်အထိ ချနိုင်တယ်လို့လည်း ရဲတွေဘက်က ခြိမ်းခြောက်မှုတွေ ရှိခဲ့ပါတယ်။

ပြီးခဲ့တဲ့နှစ်ကတည်းက ဒီဆရာတော်ကို ရဲတွေက စုံစမ်းမေးမြန်းဖို့ ကြိုးစားခဲ့ပေမယ့် အောင်မြင်မှုမရခဲ့ပါဘူး။

BBC Burmese
http://www.bbc.com/burmese

ရုပ်ရှင်သရုပ်ဆောင် အကယ်ဒမီ နောင်နောင် အား မူးယစ်ဆေးဝါးမှုဖြင့်ဖမ်းစီး


ဖေဖော်ဝါရီလ ၁၈ ရက်

မန္တလေးမြို့ ချမ်းအေးသာစံမြို့နယ် ၂၆ လမ်း ၊ ၈၆ လမ်း ၈၇ လမ်းကြား သီရိဟေမာအရှေ့ရပ်ကွက် ရီမြင့်ရုပ်ရှင်ထုတ်လုပ်ရေးခြံဝင်းနေ ရုပ်ရှင်သရုပ်ဆောင် အကယ်ဒမီ နောင်နောင် (ခ) ဇော်မျိုးနောင် အား ဖေဖော်ဝါရီလ ၁၈ ရက်နေ့က မူးယစ်ဆေးဝါးမှုဖြင့် မူးယစ်တပ်ဖွဲ့စု (၁၇) က ဖမ်းစီးခဲ့သည် ။

အမှုဖြစ်စဉ်မှာ မူးယစ်တပ်ဖွဲ့စု (၁၇) မှ တာဝန်ရှိသူများ နှင့် သက်သေများ ပူးပေါင်း၍ နောင်နောင် (ခ)ဇော်မျိုးနောင် ၏ အိပ်ခန်းအတွင်း ဝင်ရောက်ရှာဖွေရာ အလျား (၁၂) လက်မ ၊ အနံ (၈) လက်မ ၊ အမြင့် (၆) လက်မရှိအစိမ်းရောင် သံသေတ္တာအတွင်း မှ အနက်ရောင် ဇစ်ပိုမီးခြစ်ဗူးအတွင်း အပြာရောင် ကပ်ခွာအိတ်ဖြင့်ထည့်လျှက် 88 စာတန်းပါ စိတ်ကြွရူးသွပ်ဆေးပြား (၁၄၀) ပြား ၊ အလေးချိန် (၁၄) ဂရမ် ၊ အမြင့် (၃) လက်မ ၊ အချင်း (၂) လက်မခန့်ရှိ အဝါရာင်အဖုံးပါ ကော်သွားကြားထိုးတံဘူး အတွင်း ထည့်လျက် ဘိန်းဖြူဟုယူဆရသော ဖြူဝါရောင်အမှုန့် (၂) ဂရမ်ခန့်ပါ(၁)ဗူး ၊ Earth စာတန်းပါ လိမ္မော်ရောင်ကဒ်ထူဘူးအတွင်း အဖြူရောင်ပလတ်စတစ်ကပ်ခွာအိတ်ဖြင့်ထည့်လျက် မက်သာအက်ဖက်တမင်း ဟိုက်ဒရိုကလိုရိုက်ပုံဆောင်ခဲ(အိုက်စ်) (၀.၈)ဂရမ်ပါတစ်ဗူး ၊ ရေသန့်ဗူးခွန်အား အပေါက်ဖောက်ပိုက်တက်ထားသည့် စိတ်ကြွဆေးပြားသုံးစွဲထားသည့်ကိရိယာတစ်ခု စသည်တို့ကို စစ်ဆေးတွေ့ရှိခဲ့ကြောင်း သိရသည်။

ယင်းဖြစ်စဉ်နှင့် ပတ်သတ်၍ မူးယစ်ဆေးဝါး နှင့် စိတ်ကိုပြောင်းလဲစေသောဥပဒေ ပုဒ်မ-၁၅/၁၉(က)/၂၁ ဖြင့် အမှတ်(၆)ရဲစခန်းတွင်အမှုဖွင့်နိုင်ရေးဆောင်ရွက်လျက်ရှိသည် ။

ကိုနိုင်
Mandalay News

ဆံတော်ရှင်ကျိုက်ထီးရိုးစေတီတော်တွင် ခါးပိုက်နှိုက်များ အတင့်ရဲလာ


မြန်မာနိုင်ငံ၏ အထင်ကရနေရာ တခုဖြစ်သည့် ကျိုက်ထီးရိုးဆံတော်ရှင်သို့ အနယ်နယ်အရပ်ရပ်မှ ဘုရားဖူးပြည်သူ များအပြင် ပြည်တွင်းပြည်ပ ဘုရားဖူးများ နေ့စဉ်လာရောက်လျက်ရှိရာ လူထူထပ်မှုကို အခွင့်ကောင်းယူကာ ခါးပိုက်နှိုက်များ တစတစအတင့်ရဲလာနေကြောင်း စုံစမ်းသိရှိသည်။

''ပြီးခဲ့တဲ့ ဒီဇင်ဘာတုန်းကဆို ဟောဒီရင်ပြင်တော်တခုလုံး ဘုရားဖူးတွေ ပြည့်ကျပ်နေတာ၊ ဟိုတယ်ရော၊ စား သောက်ဆိုင်တွေမှာရော အကုန်ပြည့်နေတဲ့အချိန်ဆိုတော့ ဘုရားဖူးတွေကြုံသလိုအိပ်ကြတယ်။ ဖြစ်ချင်တော့ မနက်စောစော ကျွန်မဆိုင်ကို အမျိုးသမီးသုံးယောက်ဝင်လာတည်းက တယောက်ကငိုနေတယ်ဆိုတော့ မေးကြည့်မိတာပါ။ သူ့ဆွဲကြိုးနဲ့ပိုက်ဆံအိတ် ခါးပိုက်နှိုက်ခံရလို့တဲ့၊ ညကတည်းက ဆွဲကြိုးကို ပိုက်ဆံ အိတ်ထဲထည့်ထားတာ၊ အရုဏ်တက် မျက်နှာသစ်မယ်လုပ်တော့ အိတ်မရှိတော့ ဘူးဆိုပြီး ငိုငိုယိုယိုနဲ့ ပြောသွားတယ်။ သေချာမေးကြည့်တော့ သူက ရန်ကုန်ကလို့ပြောတယ်။ ကျွန်မလည်း သူ့ကိုကိုယ်ချင်းစာပြီး ထမင်းဖိုးမယူဘဲ ကူညီပေးလိုက်ပါတယ်။ ဖြစ်လေရာမှာ ခါးပိုက်နှိုက်ရန်မှ ကင်းဝေးပါရစေလို့ ဘုရားမှာဆုတောင်းသွားတယ်''ဟု ရင်ပြင်တော်ရှိ စားသောက်ဆိုင်ပိုင်ရှင်တဦးက ပြောသည်။

တောင်ခြေကင်မွန်းစခန်းတောင်တက် မော်တော်ယာဉ်ဌာနတွင် ''ခါးပိုက်နှိုက်သတိပြု''ဟူသော သတိပေးဆိုင်း ဘုတ်များ ချိတ်ဆွဲထားသည့်အပြင် မော်တော်ယာဉ်တစီးချင်းပေါ်သို့တက်သည့် လှေကားအတက်အဆင်းတွင်လည်း လုံခြုံရေး တာဝန်ကျရဲများ အချိန်ပြည့်စောင့်ကြပ်နေကြသည်။ မော်တော်ယာဉ်များမှာလည်း မနက် ၆ နာရီမှ ည ၆ အထိ အလှည့်ကျ ပြေးဆွဲပေးနေသည်။

တောင်ပေါ်ရှိ စားသောက်ဆိုင်များတွင်လည်း ညအိပ်တည်းခိုသူများအား မိမိ၏တန်ဖိုးရှိပစ္စည်းများနှင့် အရေးကြီး စာရွက်စာတမ်းများကို မိမိကိုယ်တိုင်တာဝန် ယူရမည်ဟု အခန်းတိုင်းစာကပ်ထားသည့်အပြင် စားသောက်သည့်နေရာတွင်လည်း လုံခြုံရေးကင်မရာ CCTV များ တပ်ဆင်ရှိထားသည်။

''ဒီမှာတော့ ခါးပိုက်နှိုက်ဆို တာ သိပ်မတွေ့ပါဘူး။ အခုရက်ပိုင်းဆိုရင် ဘုရားဖူးနည်းတော့ ပိုတောင်မဖြစ်နိုင်ဘူး။ ပြီးခဲ့တဲ့ ဒီဇင်ဘာတုန်းကတောင်မှ တယောက်လား ဒါပဲရှိတယ်။ အဲ့ဒါလည်း မိသွားပါတယ်။ ဘုရားရင်ပြင်တော် ပတ်ပတ်လည်မှာလည်း လုံခြုံရေးကင်မရာ CCTV တွေ တပ်ထားပါတယ်။ ဘုရားရင်ပြင်တော် ထိန်းသိမ်းရေးအဖွဲ့တွေရော၊ တာဝန်ရှိရဲတွေရော အချိန်ပြည့်စောင့်ကြည့်နေပါတယ်''ဟု ဘဏ္ဍာထိန်းဂေါပကအဖွဲ့ တာဝန်ရှိသူက ဆိုသည်။

ဝိသကြုံ
News Watch
https://www.facebook.com/NewsWatchJournal/

ရွှေကျင်သာသနာပိုင်ဆရာတော်ကြီး၏ ရုပ်ကလာပ်တော် မှ ဓာတ်တော်မွေတော်များ ကြွင်းကျန်ရစ်ခဲ့


ဖေဖော်ဝါရီ ၁၈ရက် ညနေ ၆ နာရီက အောင်မြေသာစံ မြို့နယ် ရွှေမန်းတောင်အားကစားကွင်းတွင် ဘဝနတ်ထံ ပျံလွန်တော်မူခဲ့သည့် မန္တလေးမြို့၊ မဟာအောင်မြေမြို့နယ် မဟာဝိသုဒ္ဓာရုံကျောင်းတိုက်၊ ဇယမေဒနီဝါဆိုကျောင်း နိုင်ငံတော်သြဝါ ဒါစရိယစုဒ္ဒသမ ရွှေကျင်သာသနာပိုင်ဆရာတော်ကြီး အဘိဓဇမဟာရဌဂုရု၊ အဘိဓဇ အဂ္ဂမဟာသဒ္ဒမ္မဇောတိက ဘဒ္ဒန္တအဂိယ၏ ရုပ်ကလာပ်တော်အား အန္တိမဈာပန သာဓုကိဠနပူဇော်ပွဲပြုလုပ်ရာ ရုပ်ကလာပ်တော်မှ ဓာတ်တော်မွေတော်များ ကြွင်းကျန်ရစ်ခဲ့ကြောင်း အန္တိမဈာပန သာဓုကိဠနပူဇော်ပွဲကျင်းပရေး ကော်မတီထံမှ သိရသည်။

နိုင်ငံတော်သြဝါ ဒါစရိယစုဒ္ဒသမ ရွှေကျင်သာ သနာပိုင် ဆရာ တော်ကြီးအဘိဓဇမဟာရဌဂုရု၊ အဘိဓဇ အဂ္ဂမဟာသဒ္ဒမ္မဇောတိက ဘဒ္ဒန္တအဂ္ဃိယ၏ ရုပ်ကလာပ်တော်မှ ကြွင်းကျန်ရစ်ခဲ့သော ဓာတ်တော်မွေတော်များမှာ ဦးနှောက်တော်၊သွား တော်နှင့် အရိုးတော်များဖြစ်ကြောင်း သိရသည်။

စိုင်းထူးခန့်
News Watch
https://www.facebook.com/NewsWatchJournal/

NCA လက်မှတ်ရေးထိုးရေး ဗိုလ်ချုပ်ဂွမ်မော် အမြင်

KIA ဒုတိယစစ်ဦးစီးချုပ် ဗိုလ်ချုပ်ဂွမ်မော် ဗွီအိုအေ (မြန်မာပိုင်း)နဲ့ သီးသန့် တွေ့ဆုံမေးမြန်းစဉ်
ဖေဖေါ်ဝါရီလ ၂၃ ရက်နေ့မှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နဲ့ တွေ့ဖို့ အစိုးရရဲ့ဖိတ်ကြားချက်အပေါ်မှာ ညီညွတ်သော တိုင်းရင်းသားလူမျိုးများ ဖယ်ဒရယ်ကောင်စီ UNFC ခေါင်းဆောင်တွေ ဘယ်လိုတုန့်ပြန်သလဲလို့ VOA မအင်ကြင်းနိုင်က မေးမြန်းရာမှာတော့ UNFC ရဲ နိုင်ငံရေးဆွေးနွေးမှုဆိုင်ရာ ကိုယ်စားလှယ် အဖွဲ့ DPN ဒုတိယခေါင်းဆောင် KIA ဒုစစ်ဦးစီးချုပ် ဗိုလ်ချုပ်ဂွမ်မော်က ခုလို စပြောပါတယ်။

ဗိုလ်ချုပ်ဂွမ်မော်။ ။ တွေ့ဆုံမှုကတော့ ကျနော်တို့လက်ခံပါတယ်။ အစကတည်းက တွေ့ဆုံဖို့လည်း ကျနော်တို့က စပြီးတောင်းဆို ထားတာပါ။ အခုကတော့ ရက်ကို ပြန်ပြီးသတ်မှတ်ကြဖို့ ကျနော်တို့ ညှိနှိုင်းကြဖို့ ဖြစ်ပါတယ်။

မအင်ကြင်းနိုင်။ ။ အစိုးရဘက်က အခုလို ဒေါ်အောင်ဆန်းစုကြည်နဲ့တွေ့ဖို့ ဗိုလ်ချုပ်တို့ကို ကမ်းလှမ်းလာတဲ့ ကမ်းလှမ်းချက်မှာ ဗိုလ်ချုပ်တို့ တင်ပြတဲ့ အချက်ကို အဓိက ဆွေးနွေးမှာလား၊ ဆွေးနွေးမယ့် အကြောင်းအရာကိုရော သူတို့ ဘယ်လိုပြောလဲရှင့်။

ဗိုလ်ချုပ်ဂွမ်မော်။ ။ အဲဒီကိစ္စကတော့ ကျနော်တို့ ညှိနှိုင်းထားတာမရှိပါဘူး။ ဒါပေမယ့် ကျနော်တို့ဘက်ကတော့ တင်ပြဖို့ လိုအပ်တဲ့ အချက်တွေ၊ ဆွေးနွေးဖို့ လိုတဲ့အချက်တွေကို မျက်နှာချင်းဆိုင်ပြီးတော့ ပွင့်ပွင့်လင်းလင်း ဆွေးနွေးဖို့ ရည်ရွယ်ချက်နဲ့ ဖြစ်ပါတယ်။

မအင်ကြင်းနိုင်။ ။ ပြီးခဲ့တဲ့ ဖေဖော်ဝါရီလ ၁၆ ရက်နေ့က ကေအန်ယူ ကရင်အမျိုးသား အစည်းအရုံးနဲ့ ဒီကေအိုင်အိုတို့ပေါ့နော်၊ အခု ဒီငြိမ်းချမ်းရေး ကိစ္စမှာ အဲဒီ လိုအပ်ချက်တွေပေါ့လေ၊ အဲတာတွေကိုလည်း ထောက်ပြထားတော့ ဗိုလ်ချုပ်တို့ အခုထုတ်ပြန်ချက် ထဲမှာပါတဲ့ အချက်တွေက ပြေလည်နိုင်ဖို့ပေါ့နော်၊ အထူးသဖြင့် စစ်တပ်နဲ့လား၊ ဒါမှမဟုတ် အစိုးရနဲ့ ဖြစ်နေတာလားပေါ့နော်၊ အဲတာ ဘယ်လို သုံးသပ်ပါသလဲရှင့်။

ဗိုလ်ချုပ်ဂွမ်မော်။ ။ ကျနော်တို့ ကေအိုင်အိုကတော့ အမြဲတမ်း အစိုးရလို့သုံးပါတယ်။ ဒါပေမယ့် အစိုးရဘက်မှာက တပ်မတော် နဲ့လည်းတွေ့ပါဆိုတဲ့ အသံတွေ ထွက်ထွက် လာတာဖြစ်ပါတယ်။ ဘာပဲဖြစ်ဖြစ် ကျနော်တို့ကတော့ တာဝန်ပေးတဲ့ ကိုယ်စားလှယ်တွေနဲ့ တွေ့မှာပါ။ လိုအပ်လာရင် တပ်ပိုင်းဆိုင်ရာ ကိစ္စတွေကို သီးခြားလည်းတွေ့ဖို့ရှိပါတယ်။ သို့သော်လည်းပဲ နိုင်ငံရေး မူဝါဒအရ သွားမယ့် လမ်းကြောင်းအားလုံးမှာတော့ UNFC ကိုယ်စားလှယ်တွေရဲ့ ဦးဆောင်မှုအောက်ကနေ ကေအိုင်အိုကတော့ လိုက်ပါမှာဖြစ်ပါတယ်။

မအင်ကြင်းနိုင်။။ ဒါပေမယ့် တဘက်မှာလည်း ဒီတပ်မတော်က ထိုးစစ်တွေဆင်နေတဲ့ ကိစ္စမှာ ဒေါ်အောင်ဆန်းစုကြည်က တားမြစ်နိုင်မှု မရှိတဲ့အပိုင်းကို ထောက်ပြနေတာကိုလည်း တွေ့ရတယ်။ ဒါပေမယ့် တဘက်မှာ ဒေါ်အောင်ဆန်းစုကြည် ရင်ဆိုင်နေရတဲ့အပိုင်းကို တိုင်းရင်းသား ခေါင်းဆောင်တွေ ဘက်ကရော ဘယ်လို သုံးသပ်သလဲရှင့်။

ဗိုလ်ချုပ်ဂွမ်မော်။ ။ ဒေါ်အောင်ဆန်းစုကြည်ရဲ့ လုပ်ဆောင်လိုတဲ့ ဆန္ဒကို ကျနော်တို့ သံသယမရှိပါဘူး။ ဒါပေမယ့် ကျနော်တို့ပြော ခဲ့တဲ့အတိုင်း ၂၀၀၈ အခြေခံ ဥပဒေအောက်မှာ တပ်မတော်ကို ဘယ်သူမှ ထိန်းချုပ်လို့မရပါဘူး။ အဲဒီတော့ တကယ်လို့ ဒီနေရာမှာ ဒေါ်အောင်ဆန်းစုကြည်လို ပုဂ္ဂိုလ်မဟုတ်ပဲနဲ့ တခြားတယောက် ဖြစ်တယ်ဆိုလို့ရှိရင် ပြည်သူလူထု အနေနဲ့ရော EAO အနေနဲ့ရော သည်းခံနိုင်မလား၊ ဟို သည်းမခံပဲနဲ့ တခုခု ထလုပ်မလားဆိုတဲ့အပိုင်းကို အဓိက ထောက်ပြတာဖြစ်ပါတယ်။ ဒါကြောင့်မို့လို့ ဒီကိစ္စက ကျနော်တို့ နည်းနည်း ရှုပ်ထွေးပါတယ်။ အဲတော့ ဒီလို လက်မှတ်ထိုး လိုက်ခြင်းအားဖြင့်သော်လည်းကောင်း၊ အခုသွားနေတဲ့ ငြိမ်းချမ်းရေး process (လုပ်ငန်းစဉ်)တွေ အရသော်လည်းကောင်း၊ ဒီ ၂၀၀၈ အခြေခံဥပဒေ ကျတော့ရော၊ တကယ်ပဲ ကျနော်တို့က ပွင့်ပွင့်လင်းလင်း ပြုပြင်နိုင်ကြ မလားဆိုတဲ့အပိုင်းကလည်း ကျနော်တို့ နောက်ထပ်ဆွေးနွေးရမယ့် ခေါင်းစဉ်တွေဖြစ်ပါတယ်။

မအင်ကြင်းနိုင်။ ။ အဲဒီတော့ ဒေါ်အောင်ဆန်းစုကြည် တိုက်တွန်းထားသလို NCA စာချုပ်မှာ လက်မှတ်ရေး ထိုးမယ့် အလားအလာ ကျတော့ရော ဘယ်လိုရှိလဲရှင့်။

ဗိုလ်ချုပ်ဂွမ်မော်။ ။ NCA လက်မှတ် ထိုးမလား၊ မထိုးဘူးလား ဆိုတာကို တိုက်ရိုက် မေးခွန်းတွေနဲ့မေးပြီး တိုက်ရိုက်ဖြေလို့ မရပါဘူး။ ကျနော်တို့ ဟိုတခြား အထောက်အကူပြုတဲ့ အချက်တွေ၊ ပြီးလို့ရှိရင် ဆွေးနွေးပြီးမှ ကြိုတင် သဘောတူထားရမယ့် အချက်တွေရှိပါတယ်။ ဒါ ကျနော် ဥပမာ နှစ်ခုလောက် ပြောချင်ပါတယ်။ ပထမအချက်ကတော့ ဥပမာ တနိုင်ငံလုံး အပစ်ရပ်စာချုပ် ချုပ်ပြီးလို့ရှိရင် အစိုးရသော်လည်းကောင်း၊ တပ်မတော်က သော်လည်းကောင်း တနိုင်ငံလုံးမှာ စစ်ဆင်ရေး လှုပ်ရှားမှုတွေကို ရပ်ဆိုင်းလိုက်ပြီလို့ ကြေငြာပေးနိုင် မလားဆိုတဲ့ မေးခွန်းဖြစ်ပါတယ်။ ဒီဟာက အခုထက်ထိ မကြေငြာသေးနိုင်သေးဘူးလို့ တပ်မတော်က ငြင်းဆိုနေဆဲ ဖြစ်ပါတယ်။ အဲဒီတော့ တနိုင်ငံလုံး အပစ်အခတ်ရပ်စဲရေး လုပ်ထားပြီလို့ မကြေငြာသေးပဲနဲ့ ကျနော်တို့က လက်မှတ်ထိုးမလား၊ ဒါ ဥပမာ တခုပေါ့နော်။ နောက်တခုက ကျနော်တို့ လက်မှတ်ထိုးပြီးလို့ရှိရင် ကျနော်တို့ နှစ်ဘက်တပ်ပိုင်း ပြန်လည်နေရာချထားရေးကို ဘယ်လိုလုပ်မလဲ ဆိုတဲ့အပိုင်းကို ကျနော်တို့ လက်မှတ်မထိုးသေးတဲ့ အဖွဲ့ကို မပြောပါနဲ့ လက်မှတ်ထိုးပြီးသား ရှစ်ဖွဲ့တောင်မှ အခုထက်ထိ ညှိုနှိုင်းလို့ မရသေးပါဘူး။ ကျနော်တို့ ကေအိုင်အို အနေနဲ့ကတော့ နှစ်ဘက်တပ်စခန်းတွေ ဘယ်လိုနေရာ ပြန်ချထားမလဲဆိုတာ ၂၀၁၂ ဇန်န၀ါရီ ၁၇-၁၈ ဆွေးနွေးစဉ် ကာလမှာ တရားဝင်စာနဲ့ တင်ခဲ့တယ်။ ၂၀၁၃ မေလ ၂၉ ရက်နေ့ ဦးအောင်မင်းတို့ကို ကျနော် တကြိမ်စာနဲ့ ကျနော်တို့ တင်ခဲ့ပါတယ်။ အဲတော့ ၂၀၁၂ ကတည်းက တင်ထားတဲ့ အဆိုပြုချက်ဟာ အခုချိန်ထိ ကျနော်တို့ မဆွေးနွေးရသေးဘူး၊ အဲတော့ ဒီလို တပ်ပိုင်းဆိုင်ရာ ကိစ္စရပ်များကို ဘာမှမဆွေးနွေးပဲနဲ့ ဒီ NCA ကို လက်မှတ်ထိုးမလားဆိုတဲ့ ဒီလို ဥပမာမျိုးရှိပါတယ်။ အဲတော့ ကျနော်တို့က လိုအပ်တဲ့ ကိစ္စများကို ညှိုနှိုင်းပြီးတော့ ထိုးနိုင်တဲ့ အဆင့်ရောက်ရင် လက်မှတ်ထိုးဖို့ဖြစ်ပါတယ်။

 အင်ကြင်းနုိုင်  / ဗွီအိုအေ (မြန်မာပိုင်း)
http://burmese.voanews.com

ဆွေးနွေးရေး ဒေါ်စုဖိတ်ခေါ်မှု အပစ်မရပ်များ လက်ခံ


နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က တနိုင်ငံလုံး အပစ်ရပ်စဲရေး သဘောတူစာချုပ် NCA ကို လက်မှတ် မထိုးနိုင်သေးတဲ့ တိုင်းရင်းသား လက်နက်ကိုင်အဖွဲ့တွေနဲ့တွေ့ဆုံဆွေးနွေးသွားဖို့ကမ်းလှမ်းချက်ကို လက်ခံတယ်လို့ UNFC ခေါင်းဆောင်တွေကပြောပါတယ်။ UNFC ရဲ့နိုင်ငံရေးဆိုင်ရာ ဆွေးနွေးညှိနှိုင်းရေး ကိုယ်စားလှယ်အဖွဲ့ DPN အနေနဲ့ NCA လက်မှတ်ထိုးနိုင်ရေး အရင်က တင်ပြထားတဲ့ နိုင်ငံရေး၊ စစ်ရေးဆိုင်ရာ အချက်(၉)ချက်ကို ထပ်မံဆွေးနွေး သွားမယ်လို့လည်း ဆိုပါတယ်။ VOA ထိုင်းအခြေစိုက် သတင်းထောက် နိုင်ကွန်းအိန်က သတင်းပေးပို့ ထားပါတယ်။

တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် NCA လက်မှတ်မရေးထိုးနိုင်သေးတဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC ရဲ့ နိုင်ငံရေးဆိုင်ရာ ဆွေးနွေးညှိနှိုင်းရေး ကိုယ်စားလှယ်အဖွဲ့ DPN နဲ့ တွေ့ဆုံဖို့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကနေ တရားဝင် ကမ်းလှမ်းလာခဲ့တာပါ။

ဒီဖိတ်ကြားချက်အပေါ် DPN အဖွဲ့အနေနဲ့ တွေ့ဆုံဖို့ လက်ခံတယ်လို့ UNFC ရဲ့ ဒုတိယဥက္ကဌ နိုင်ဟံသာက ဒီကနေ့ ပြောဆိုပါတယ်။

“ တကယ်လို့ သူကတွေ့ချင်ရင်တော့ တွေ့မှာပါ၊ ဒါကတော့ ပြဿနာ မဟုတ်ဘူးလေ။ ကျနော်တို့က NCA ကို လက်မှတ်ထိုးဖို့ဆိုတဲ့ ကိစ္စမှာ ဒီကိစ္စကို ကျနော်တို့ NCCT အနေနဲ့ဆွေးနွေးလာတာ အမှန်တော့ နောက်ဆုံး သဘောတူညီမှု ရရင်တော့ ထိုးဖို့ပါပဲ။ ကျနော်တို့ကလည်း ထိုးချင်ပါတယ်။ ထိုးပြီးတော့မှ ခိုင်ခိုင်မာမာနဲ့ပေါ့ဗျာ ရှေ့လုပ်ငန်းစဉ်တွေကို ဆက်ဖေါ်ဖို့ပါ။”

ဒေါ်အောင်ဆန်းစုကြည်ရဲ့ ကမ်းလှမ်းချက်ကို ဖေဖေါ်ဝါရီ ၁၆ ရက်နေ့က UNFC ရဲ့ နိုင်ငံရေး ဆိုင်ရာဆွေးနွေးညှိနှိုင်းရေး ကိုယ်စားလှယ် အဖွဲ့ထံ ပေးပို့ထားတာဖြစ်ပြီး နှစ်ဖက်တွေ့ဆုံမယ့် ရက်ကိုတော့ အတည်မပြုနိုင်သေး ဘူးလို့ဆိုပါတယ်။ ဖေဖေါ်ဝါရီ ၂၀ ရက် နောက်ပိုင်းမှာ ဒေါ်အောင်ဆန်းစုကြည်နဲ့ တွေ့ဆုံသွားမှာဖြစ်ပြီး တဆက်ထဲမှာ ငြိမ်းချမ်းရေး ကော်မရှင်နဲ့လည်း ဆက်လက်တွေ့ဆုံ သွားဖို့ စီစဉ်ထားတယ်လို့ သမ္မတရုံးဝန်ကြီးဌာန ပြောခွင့်ရပုဂ္ဂိုလ် ဦးဇော်ဌေးက ပြောပါတယ်။ ဒေါ်အောင်ဆန်းစုကြည် လိုလားတဲ့ NCA လက်မှတ်ရေးထိုးရေးနဲ့ ပက်သက်လို့ UNFC အနေနဲ့ နိုင်ငံရေး၊ စစ်ရေးဆိုင်ရာအချက် ၉ ချက်ကို အစိုးရထံ အဆိုပြုထားပြီး ဒီအချက်တွေကို ညှိနှိုင်းဆွေးနွေးသွား ရမှာဖြစ်တယ်လို့ နိုင်ဟံသာက ပြောပါတယ်။

“ ကျနော်တို့ကတော့ လိုလားတဲ့ နောက်ထပ်ဖြည့်စွက်ရမယ့် အချက်တွေကို စာတမ်းတခုလို တင်ထားတယ်။ အဲဒီ ၉ချက်ကို DPN နဲ့ NRPC နဲ့ဆွေးနွေးနေပါတယ်၊ အဲဒါတွေက အဖြေမရသေးဘူးဗျ။ အဓိကအားဖြင့်တော့ တဖွဲ့ကိုမှ ချန်မထားပဲနဲ့ တိုင်းရင်းသား လက်နက်ကိုင်အဖွဲ့ အားလုံး ပါဝင်ခွင့်ရှိရေး၊ နိုင်ငံရေးဆွေးနွေးတဲ့အခါမှာ ဟိုးအရင့်အရင်တုန်းက သဘောတူညီခဲ့သလိုမျိုးပေါ့ - သုံးပွင့်ဆိုင်ပုံစံဖြစ်ရေး နောက် တချက်ကတော့ NCA မှာ နိုင်ငံတကာက ကိုယ်စားလှယ် အမျိုးမျိုးပါဝင်နိုင်ရေး အဲဒါကို ကျနော်တို့တောင်းဆိုနေတယ်။ ကျနော်တို့အနေနဲ့ ကတော့ အပစ်အခတ်ရပ်စဲရေး လုပ်ကြပေမယ့်ပေါ့လေ NCA ခိုင်မာဖို့ဆိုရင် နိုင်ငံတကာအင်အားစု တခုကနေ ပါဝင်မှပိုပြီးခိုင်မာမယ်လို့ အဲလိုယုံကြည်တယ်”

DPN က အဆိုပြုထားတဲ့ အချက် ၉ ချက်အနက် တချက်မှ သဘောတူညီမှုမရသေးဘဲ အစိုးရနဲ့ ဆက်လက်ဆွေးနွေးရမယ့်အနေအထားမှာ ရှိတယ်လို့ သူကဆိုပါတယ်။ မြန်မာငြိမ်းချမ်းရေး ကော်မရှင်က လာမယ့်မတ်လလောက်မှာ ကျင်းပဖို့လျာထားတဲ့ ၂၁ ရာစုပင်လုံ ညီလာခံ ဒုတိယအကြိမ်မှာ NCA အပစ်ရပ် လက်မှတ်ထိုးပြီးတဲ့အဖွဲ့တွေသာ တက်ရောက်ခွင့်ရှိတယ်လို့ ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မီတီ UPDJC ဒုတိယဥက္ကဌ ဦးသုဝေက ပြောပါတယ်။

“ တပ်မတော်တခုထဲ မဟုတ်ပါဘူး ကျနော်တို့ .. ဒေါ်အောင်ဆန်းစုကြည်ရော UPDJC အဖွဲ့ရောကာ အကယ်၍ ညီလာခံ တက်ချင်တယ်ဆိုရင် လက်မှတ်ထိုးကြဖို့ ထိုးပေးဖို့ပေါ့နော်။ ဒါမှမဟုတ် မထိုးလို့ရှိရင်ကတော့ .. လက်မှတ်ထိုးထားတဲ့သူတွေနဲ့ ကွဲလွဲမှု မရှိမှာစိုးတဲ့အတွက် အားလုံး လက်မှတ်ထိုးတဲ့သူမှသာလျှင် ညီလာခံ တက်ရောက်နိုင်တယ်ဆိုပြီးတော့ ဒီလိုဆုံးဖြတ်ထားတာ ရှိပါတယ်”

NCA လက်မှတ် မထိုးနိုင်သေးတဲ့ UNFC အဖွဲ့တွေအနေနဲ့ တကယ်လို့ လေ့လာသူအဆင့် အနေနဲ့သာ ဖိတ်ကြားမယ်ဆိုရင် ညီလာခံကို တက်ရောက်မှာ မဟုတ်ဘူးလို့ UNFC ဒုတိယဥက္ကဌ နိုင်ဟံသာက ပြောပါတယ်။

“ ၂၁ ရာစု ပင်လုံကို တက်ဖို့ဆိုတဲ့နေရာမှာ ကျနော်တို့ကလည်း တခြား ကိုယ်စားလှယ်တွေနဲ့ တန်းတူအခွင့်အရေး ရှိမယ်ဆိုရင် တက်မှာပါ။ နိုင်ငံရေးအရ ဆွေးနွေးဖြေရှင်းရတယ်ဆိုတဲ့ ဥပမာအားဖြင့် ကိုယ့်အမြင်တွေကို တင်ပြခွင့်ရမယ် ဆိုတဲ့ဟာက လိုအပ်ပါတယ်။ ဒါ အရေးကြီး ပါတယ်။ ဒါကို အခွင့်ရေးကောင်း တရပ်အနေနဲ့မြင်တယ်။ ဒါပေမယ့် ကိုယ့်ကို ဘယ်လိုနည်းနဲ့ ဖိတ်မလဲဆိုတဲ့ဟာ … NCA မထိုးရသေးလို့ ကျနော်တို့ကို တမျိုးမျိုးနဲ့ပေါဗျာ အဆင့်နှိမ့်ပြီးတော့မှ ဖိတ်ကြားမယ်ဆိုရင် ဒါ ပြန်စဉ်းစားဖို့ လိုလိမ့်မယ်”

လက်ရှိမှာ မြန်မာ့တပ်မတော်နဲ့ စစ်ရေးတင်းမာနေတဲ့ ကိုးကန့်၊ တအာင်းပလောင်၊ ရခိုင့်တပ်မတော် တို့ကို ချန်လှပ်ထားမယ်ဆိုရင် တနိုင်ငံလုံး အတိုင်းအတာဆောင်တဲ့ အပစ်ခတ်ရပ်စဲရေး လုပ်ငန်းဖြစ်လာနိုင်ဖွယ် မရှိဘူးလို့ သူကဆိုပါတယ်။ မြန်မာငြိမ်းချမ်းရေး ကော်မရှင်နဲ့ UNFC ကိုယ်စားလှယ်အဖွဲ့ DPN တို့ တရားဝင်ဆွေးနွေးမှု သုံးကြိမ်လုပ်ထားပေမယ့် တိုးတက်လာတဲ့ အခြေအနေမရှိသေးဘူးလို့ တိုင်းရင်းသား အဖွဲ့ခေါင်းဆောင်တွေက ပြောပါတယ်။

လက်ရှိမှာ မြန်မာ့တပ်မတော်နဲ့ ကေအိုင်အို ကချင်လွတ်လပ်ရေးအဖွဲ့ ကိုးကန့်တပ်ဖွဲ့ တအာင်းပလောင်တပ်ဖွဲ့ ရခိုင့်တပ်မတော်တို့နဲ့ တိုက်ပွဲတွေ ဆက်လက်ဖြစ်ပွါးနေဆဲ အခြေအနေမှာ ရှိနေပါတယ်။ UNFC အနေနဲ့ကတော့ အပစ်အခတ်ရပ်စဲရေး ငြိမ်းချမ်းရေး လုပ်ငန်း စဉ်တွေ လက်တွေ့ကျကျ လုပ်ဆောင်နိုင်ဖို့ တပ်မတော်အနေနဲ့ တိုင်းရင်းသားဒေသတွေမှာ ထိုးစစ်ဆင်နေတာကို ရပ်ပေးဖို့လိုတယ်လို့ အဖွဲ့ ဒုဥက္ကဌ နိုင်ဟံသာကပြောပါတယ်။

 နိုင်ကွန်းအိန်  / ဗွီအိုအေ (မြန်မာပိုင်း)
http://burmese.voanews.com

မြောက်ကိုရီးယား ကျောက်မီးသွေး တင်သွင်းမှု ကို တရုတ် ဆိုင်းငံ့

 ကျောက်မီးသွေး လုပ်ငန်း ကနေ မြောက်ကိုရီးယား ဟာ နိုင်ငံခြားဝင်ငွေ ရရှိ
ပြီးခဲ့တဲ့ ရက်တွေတုန်း တာလတ် ပစ် ဒုံးကျည် စမ်းသပ်မှု လုပ်ခဲ့တဲ့ မြောက်ကိုရီးယား နိုင်ငံက ကျောက်မီးသွေး တင်ပို့မှု အားလုံး ကို ရပ်ဆိုင်း သွားမှာ ဖြစ်ကြောင်း တရုတ် အစိုးရ က ကြေညာ ခဲ့ပါတယ်။

အခုလို တရုတ် အစိုးရ ရဲ့ ကြေညာမှု ဟာ ပြီးခဲ့တဲ့ ရက်ပိုင်း အတွင်း က ကွာလာလမ်ပူ လေဆိပ်မှာ လုပ်ကြံ ခံခဲ့ရတဲ့ ကင်ဂျုံအွန်း ရဲ့ အစ်ကို ကင်ဂျုံနမ်း သေဆုံးမှု နဲ့ ဆက်စပ်မှု ရှိနိုင်ကြောင်း နိုင်ငံရေး လေ့လာသူတွေက သုံးသပ်နေပါတယ်။

ကင်ဂျုံနမ်း ဟာ တရုတ် အကာအကွယ် ပေးမှု နဲ့ တရုတ် သြဇာ သက်ရောက် တဲ့ မကာအို မှာ ခိုလှုံ နေထိုင်ခဲ့တာ ဖြစ်ပါတယ်။

တရုတ် နိုင်ငံ ကို တင်ပို့တဲ့ ကျောက်မီးသွေး လုပ်ငန်း ကနေ မြောက်ကိုရီးယား ဟာ နိုင်ငံခြားဝင်ငွေ ရရှိနေတာ ဖြစ်ပါတယ်။ အဲဒီ ဝင်ငွေ နဲ့ နျူလက်နက်တွေကို ထုတ်လုပ်နေတာ ဖြစ်တယ်လို့လည်း ယုံကြည် ရပါတယ်။

တရုတ်ရဲ့ ကြေညာမှု ကြောင့် မြောက်ကိုရီးယား နိုင်ငံ စီးပွားရေးမှာ ထိခိုက် နစ်နာမှုတွေ ဖြစ်ပေါ် နိုင်ကြောင်း နိုင်ငံရေး လေ့လာ သူတွေက သုံးသပ် ထားပါတယ်။

BBC Burmese
http://www.bbc.com/burmese

သတင်းမီဒီယာ တွေကို ဒေါ်နယ်ထရမ့် ထပ်မံ ထိုးနှက်

တကယ့် အဖြစ်မှန် တွေကို ရေးသား ပြောဆို ချင်း မရှိဘဲ သူတို့ မှာ ကိုယ်ပိုင် အစီအမံတွေ ရှိနိုင်ကြောင်း ဒေါ်နယ် ထရမ့် က ပြောကြား
အမေရိကန် သမ္မတ ဒေါ်နယ် ထရမ့် ဟာ ဖလော်ရီဒါ ပြည်နယ် မှာ သူ့ကို ထောက်ခံ ကြသူတွေ ရဲ့ အစည်းအဝေး ကို တက်ရောက် မိန့်ခွန်း ပြောကြား ခဲ့ပြီး သတင်း မီဒီယာ တွေကို တိုက်ခိုက် တဲ့ စကားတွေ ထပ်မံ ပြောကြား ခဲ့ပါတယ်။

အဲဒီ လူထု တွေ့ဆုံ ပွဲ အတွင်း သတင်း မီဒီယာတွေဟာ တကယ့် အဖြစ်မှန် တွေကို ရေးသား ပြောဆို ချင်း မရှိဘဲ သူတို့ မှာ ကိုယ်ပိုင် အစီအမံတွေ ရှိနိုင်ကြောင်း ဒေါ်နယ် ထရမ့် က ပြောကြား ခဲ့တာ ဖြစ်ပါတယ်။

ဖလော်ရီဒါ ပြည်နယ် မဲလ်ဘုန်း မြို့ က လူထု အစည်းအဝေး ကို ဒေါ်နယ် ထရမ့် ကို ထောက်ခံ ကြ သူတွေ က ဦးဆောင် ကျင်းပ တာ ဖြစ်ပြီး အိမ်ဖြူတော် အနေနဲ့ ဦးဆောင် ကျင်းပ တာ မဟုတ်ဘူးလို့ ဆိုကြပါတယ်။

အခု အစည်းအဝေး ဟာ အမေရိကန် ပြည်သူတွေ အတွက် စုဝေး တာ ဖြစ်ပြီး သမ္မတ ထရမ့်က ပြည်သူတွေ နဲ့ တိုက်ရိုက် စကား ပြောမှု ဖြစ်ကြောင်း အိမ်ဖြူတော် ပြောရေး ဆိုခွင့် ရှိသူ တစ်ဦး က ပြောကြား သွားပါတယ်။

BBC Burmese
http://www.bbc.com/burmese

မိုးညှင်းတွင် ဖမ်းဆီးထားသော ကျောက်စိမ်းအရိုင်းများအား နေပြည်တော်မှ လာရောက်စစ်ဆေးနေ


ဖေဖော်ဝါရီ ၁၈

နေပြည်တော် မြန်မာ့ကျောက်မျက်ရတနာ ရောင်းဝယ်ရေးလုပ်ငန်း ညွန်ကြားရေးမှူးအဖွဲ့သည် ဖေဖ၀ါရီ၁၇ရက်နေ့က မိုးညှင်းမြို့သို့ရောက်ရှိကာ ဖမ်းဆီးအရေးယူထားခဲ့သော တရားမ၀င်ကျောက်စိမ်း အရုိုင်းတုံးကား ၉ စီးကို လာရောက် စစ်ဆေးနေကြောင်းသိရသည်။

"ကျွန်တော်တို့အနေနဲ့ကျောက်စိမ်းနဲ့ပါတ်သက်ပြီးတိုင်းတာမှုတွေကိုနားမလည်လို့နေပြည်တော်ကျောက်မျက်အဖွဲ့ကလာရောက်စစ်ဆေးတိုင်းထွာနေကြတာပါ။ဖမ်းဆီးထားတဲ့ကား၂စီးစာတော့ ၂ရက်အတွင်းစီစစ်ပြီးနေပါပြီ ၊အားလုံးပြီးအောင်ဆိုရင်တော့ ၅ရက်လောက်ထပ်ကြာနိုင်ပါတယ်'' ဟု မိုးညှင်းမြို့နယ်ဒုအုပ်ချုပ်ရေးမှူးဦးပြည်သိမ်းက မြစ်ကြီးနား သတင်းဂျာနယ်သို့ပြောသည်။

ဖမ်းဆီးမိခဲ့သောကား၉စီးမှ တရားမ၀င်ကျောက်စိမ်းတုံးများအား မိုးညှင်းမြို့ အမြောက်စစ်ဆင်ရေးကွပ်ကဲမှူးဌာနချုပ် ( မစခ) အမှတ် -၉၀၄ တွင် လုံခြုံရေးအရ ခေတ္တထိန်းသိမ်းထားပြီး မြန်မာ့ကျောက်မျက်ရတနာရောင်းဝယ်ရေး ဒုညွန်ကြားရေးမှူးဦးအောင်ကျော်နှင့်အဖွဲ့တို့ကကျောစိမ်းများကို တစ်လုံးခြင်း၏အရွယ်အစား၊ လုံးပတ် ၊အမျိုးအစား၊ တန်ဖိုး တို့ကို စနစ်တကျ စီစစ်ပေးနေရာ၂ရက်အတွင်း၆တန်ခန့်စီစစ်ပြီးစီးနေကြောင်းမိုးညှင်းမြို့မရဲစခန်းမှသိရသည်။


ဖမ်းဆီးထားသောကျောက်ရိုင်းတုံးများ အားလုံးကိုစီစစ် မှတ်တမ်းတင်ပြီးပါက မိုးညှင်းမြို့မရဲစခန်းသို့စနစ်တကျလွဲပြောင်းပေးမည်ဖြစ်ကြောင်းမိုးညှင်းမြို့နယ်ထွေအုပ် က မြစ်ကြီးနားသတင်းဂျာနယ် သို့ပြောသည်။

ထွန်းထွန်း(မိုးညှင်း)
Myitkyina News Journal
https://www.facebook.com/myitkyinanewsjournal.mm/

စစ်သွေးကြွနှိမ်နင်းရေး ပါကစ္စတန်-အာဖဂန် သဘောကွဲ


ပါကစ္စတန်နိုင်ငံက အိမ်နီးချင်း အာဖဂန်နိုင်ငံနဲ့ နယ်စပ်ကို ပိတ်ပစ်လိုက်ပြီး အမြောက်တွေနဲ့လည်း ပစ်ခတ်ခဲ့သလို စစ်သွေးကြွတွေကိုလည်း လိုက်လံ ရှာဖွေ၊ ဖမ်းဆီးမှုတွေ အကြီးအကျယ် လုပ်ဆောင်ခဲ့တာမှာ မသင်္ကာသူ ၁၀၀ ကျော် သေဆုံးသွားခဲ့ပါတယ်။

ဒါဟာ ပါကစ္စတန်နိုင်ငံထဲမှာ လွန်ခဲ့တဲ့ နှစ်အနည်းငယ်အတွင်း အဆိုးရွားဆုံး ဖြစ်ပေါ်ခဲ့တဲ့ အကြမ်းဖက် တိုက်ခိုက်မှုကို လက်စားချေတဲ့အနေနဲ့ လုပ်ဆောင်တာလည်း ဖြစ်ပါတယ်။

IS အစ္စလာမ်မစ် စစ်သွေးကြွတွေက နှစ်နိုင်ငံစလုံးမှာ အကြမ်းဖက် တိုက်ခိုက်မှုတွေ လုပ်ဆောင်ခဲ့တဲ့အတွက် အသက်ပေါင်းများစွာ ဆုံးရှုံးခဲ့ရပါတယ်။ အဲဒီလို နှစ်နိုင်ငံစလုံးမှာ အကြမ်းဖက် တိုက်ခိုက်မှုတွေ ပြုလုပ်ခံခဲ့ရတဲ့အတွက် အိမ်နီးချင်း နိုင်ငံအချင်းချင်းကြား သွေးစည်း ညီညွတ်မှု ရှိမလာဘဲ နယ်စပ်ဖြတ်ကျော် တိုက်ခိုက်မှုတွေ ကျူးလွန်သူတွေကို လက်ခံပေးထားတယ်ဆိုပြီး အပြန်အလှန် စွပ်စွဲ ပြောဆိုနေကြပါတယ်။

ကြာသပတေးနေ့က ပါကစ္စတန်နိုင်ငံမှာ ဖြစ်သွားခဲ့တဲ့ အသေခံဗုံးခွဲတိုက်ခိုက်မှုကြောင့် အများစုက အထွတ်အမြတ်ထားရာ Sufi ဘုရားကျောင်း ထိမှန်သွားပြီး အနဲဆုံး လူပေါင်း ၇၂ ဦးလောက် သေဆုံးတဲ့အပြင် အများအပြားလည်း ထိခိုက် ဒဏ်ရာ ရသွားခဲ့ပါတယ်။

Sindh ပြည်နယ်အတွင်းမှာ ဖြစ်သွားခဲ့တဲ့ အဲဒီ အသေခံတိုက်ခိုက်မှုရဲ့ မြင်ကွင်းက ပါကစ္စတန်အစိုးရကိုပါ တုန်လှုပ်သွားစေခဲ့ပါတယ်။ အဲဒီ အကြမ်းဖက် တိုက်ခိုက်မှုကို အာဖဂန်အခြေစိုက် Jama-ul-Ahrar ဆိုတဲ့အဖွဲ့က ပြုလုပ်ခဲ့ခြင်းကြောင်း ပါကစ္စတန်ဝန်ကြီးချုပ်ရုံးက ထုတ်ပြန်တဲ့ ကြေညာချက်မှာ ဖော်ပြထားပါတယ်။

ဗွီအိုအေ (မြန်မာပိုင်း)
http://burmese.voanews.com

သမ္မတ Trump ရဲ့ လူထုစည်းဝေးပွဲ


သမ္မတ Donald Trump က ဖလော်ရီဒါပြည်နယ်၊ Melbourne လေဆိပ်အပြင်မှာ ရွေးကောက်ပွဲကာလ မဲဆွယ်စည်းရုံးမှု ပုံစံမျိုး လူထုစုဝေးပွဲကြီး ကျင်းပနေပါတယ်။

ဖလော်ရီပြည်နယ်က အတ္တလန်တိတ်သမုဒ္ဒယာ ကမ်းရိုးတန်းတလျှောက်ရှိတဲ့ Melbourne မြို့မှာ ဒေသစံတော်ချိန် စနေနေ့ ညနေ ၅ နာရီခွဲကျော်ကျော်မှာ စတင်တဲ့ အဲဒီ လူထုစုဝေးပွဲအတွင်း သမ္မတ Trump က - သူပေးထားတဲ့ ကတိတွေအတိုင်း အမေရိကန် စီးပွားရေး ဖွံ့ဖြိုးတိုးတက်အောင် လုပ်ဆောင်သွားမှာဖြစ်ကြောင်း၊ အမေရိကန်အလုပ်သမားတွေ အလုပ်အကိုင် ပိုရရှိအောင် Made in America လို့ခေါ်တဲ့ အမေရိကန် ပြည်တွင်းဖြစ်တွေကို ၀ယ်ယူ သုံးစွဲကြဖို့လိုကြောင်း၊ သမ္မတ Barack Obama အစိုးရလက်ထက် ချမှတ်ခဲ့တဲ့ လူတိုင်းတတ်နိုင်တဲ့ ကျန်းမာရေးစောင့်ရှောက်မှု အစီအစဉ်ကို ပြင်ဆင်အစားထိုးမယ့် မူကြမ်းအသစ်ကို မကြာခင် တင်သွင်းသွားမှာ ဖြစ်ကြောင်း၊ အစွန်းရောက် အကြမ်းဖက် မွတ်ဆလင်တွေ တိုင်းပြည်အတွင်း ၀င်မလာနိုင်အောင် လုပ်တောင်တဲ့ တချိန်ထဲမှာပဲ မက္ကဆီကိုနယ်စပ်မှာ ခြံစည်းရိုးခတ်မယ့် အစီအစဉ်ကိုလည်း အကောင်အထည်ဖော်သွားမှာဖြစ်ကြောင်း တက်ရောက်လာတဲ့ ထောက်ခံသူတွေကို ပြောပါတယ်။

သမ္မတဖြစ်လာပြီး တလအကြာမှာ အခုလို တမူထူးခြားစွာ လူထု စုဝေးပွဲ ကျင်းပရတာဟာ သူရဲ့ ပြောဆို၊ လုပ်ဆောင်ချက်တွေကို သတင်း မီဒီယာတွေက မျှတစွာ ဆက်ဆံခြင်းမရှိတဲ့အတွက် သူပြောလိုတဲ့ စကားကို လူထုထံ တိုက်ရိုက် ပြောကြားခြင်းဖြစ်ကြောင်း၊ အမေရိကန် ပြည်သူတွေနဲ့ တိုက်ရိုက် ထိတွေ့ ပြောဆိုခြင်းဟာ အထိရောက်ဆုံးနည်း ဖြစ်တယ်လို့ သမ္မတ Trump အနေနဲ့ ယူဆတဲ့အတွက် ဖြစ်ကြောင်း အိမ်ဖြူတော် ပြောခွင့်ရအမျိုးသမီး Sarah Sanders က ရိုက်တာ သတင်းဌာနကို ကြာသပတေးနေ့က ပြောကြားခဲ့ပါတယ်။

သမ္မတ Trump ပရိတ်သတ်ကို စကားမပြောခင် သမ္မတကတော် Melania Trump က သမ္မတကို ခေါ်ယူ မိတ်ဆက်ပေးခဲ့တာ ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com

KNUကွန်ဂရက်နဲ့ ရက်တိုက်ဆိုင်လို့ ပင်လုံကို မတက်နိုင်

၁ ရာစု ပင်လုံညီလာခံကျင်းပမယ့် ရက် တိုက်ဆိုင်မှု ရှိလာခဲ့ရင် KNU အနေနဲ့ တက်ရောက်နိုင်ဖွယ်မရှိ
ကရင်အမျိုးသားအစည်းအရုံး KNU ရဲ့ ၁၆ ကြိမ်မြောက် ကွန်ဂရက် ကျင်းပမယ့်ရက်ကို ဖေဖော်ဝါရီလ ၁၈ ရက်နေ့က ကျင်းပတဲ့ အရေးပေါ် အစည်းအဝေးက သတ်မှတ်ပေးလိုက်ပါတယ်။

ကရင် အမျိုးသား အစည်းအရုံး KNU ဌာနချုပ် လော်ခီးလာ မှာ ကျင်းပတဲ့ အရေးပေါ်အစည်း အဝေး က သတ်မှတ်ပေးလိုက်တဲ့ ၁၆ ကြိမ်မြောက် ကွန်ဂရက် ကျင်းပမယ့်ရက်ဟာ မတ်လ ၁၄ ရက်နေ့ဖြစ်ပါတယ်။

၂၁ ရာစုပင်လုံ ညီလာခံ ကျင်းပမယ့်ရက်ကို ဖေဖော်ဝါရီလ ၂၈ ရက်နေ့ကနေ မတ်လ ၁၅ ရက်နေ့ ကို ရွှေ့ပြောင်း ကျင်းပမှာဖြစ်တဲ့အတွက် KNU ကွန်ဂရက်ကျင်းပမယ့်ရက်နဲ့တိုက် ဆိုင် နေတာ တွေ့ရ ပါတယ်။

KNU ကွန်ဂရက် သတ်မှတ်တဲ့ရက်က မတ်လ ၁၄ ဖြစ်တာ ကြောင့် ကွန်ဂရက်ကျင်းပတဲ့ရက်နဲ့ ၂၁ ရာစု ပင်လုံညီလာခံကျင်းပမယ့် ရက် တိုက်ဆိုင်မှု ရှိလာခဲ့ရင် KNU အနေနဲ့ တက်ရောက်နိုင်ဖွယ်မရှိဘူးဆိုတာ အစိုးရကို အကြောင်းကြား ဖို့ ဆုံးဖြတ်ထားကြောင်း တွဲဖက်အတွင်းရေးမှူး (၂ ) ဗဒိုမန်းမန်း က ပြောပါတယ်။

KNU ကွန်ဂရက်ကျင်းပရင် ရက်သတ္တ ၃ ပတ်ကနေ၊ ၄ ပတ်အထိကြာလေ့ရှိပြီး ကွန်ဂရက် နောက်ဆုံး နေ့မှာ သက်တမ်း အသစ်အတွက် အလုပ်အမှုဆောင်ကော်မီတီ နဲ့ဗဟိုကော်မီတီဝင် အသစ်တွေကို ရွေးချယ်တင်မြှောက်လေ့ ရှိပါတယ်။

အခုကျင်းပမယ့် ၁၆ ကြိမ်မြောက် KNU ကွန်ဂရက်မှာ ခရိုင် ၇ ခုက ကိုယ်စားလှယ် နှစ်ရာ ကျော် တက်ရောက်မှာ ဖြစ်ပါတယ်။ အဲဒီကိုယ်စားလှယ်တွေအထဲက သက်တမ်း အ သစ်အတွက် အလုပ် အမှုဆောင် ကော်မီတီဝင် ၁၁ ဉီး နဲ့ ဗဟိုကော်မီတီဝင် ၄၅ ဉီးကို ရွေးချယ်မှာ ဖြစ်ပါတယ်။

ကရင်ပြည်နယ်က လူအများစုက အပစ်အခတ်ရပ်စဲရေး ကိုဖေါ်ဆောင်ပေးခဲ့တဲ့ ဗိုလ်ချုပ်ကြီးမူတူးစေးဖိုးကိုပဲ ဥက္ကဋ္ဌသစ် အဖြစ်ထပ်ပြီးအရွေးခံရစေချင်တယ် လို့ပြောဆိုမှုတွေလည်းရှိနေပါတယ်။

ဒါပေမယ့် ဗိုလ်ချုပ်ကြီးမူတူးစေးဖိုး ဉက္ကဌ အဖြစ်ပြန် အရွေးခံရရေးဟာ ကေအင်ယူခရိုင် ၇ ခုက ကိုယ်စားလှယ်တွေ အပေါ်မှာ မူတည်ကြောင်း စောင့် ကြည့်လေ့လာသူ တွေက ပြောကြား နေပါ တယ်။

BBC Burmese
http://www.bbc.com/burmese

နိုင်ငံပြင်ပရှိ အမေရိကန်ကုမ္ပဏီများတင်သွင်းသောထုတ်ကုန်များအပေါ် အခွန်အခတိုးမြှင့်ကောက်ခံမည်ဟု သမ္မတ ထရန့်ပြော


ဝါရှင်တန် ဖေဖော်ဝါရီ ၁၈

အမေရိကန်နိုင်ငံပြင်ပရှိ အမေရိကန်စက်ရုံ၊အလုပ်ရုံများအနေဖြင့် ၎င်းတို့၏ထုတ်ကုန်များကို အမေရိကန်နိုင်ငံသို့ ပြန်လည် တင်သွင်းသည့်အချိန်တွင် ထိရောက်သော ပြစ်ဒဏ်အဖြစ် အခွန်အခများ တိုးမြှင့်ကောက်ခံခြင်းခံရ မည်ဖြစ်ကြောင်း အမေရိကန်သမ္မတ ဒေါ်နယ်ထရန့်က အမေရိကန်နိုင်ငံသား စက်ရုံ၊ အလုပ်ရုံပိုင်ရှင်များကို ပြောကြားခဲ့ကြောင်းသိရသည်။

ဖေဖော်ဝါရီ ၁ ၇ ရက်တွင် သမ္မတထရန့်က တောင်ကယ်ရိုလိုင်းနားရှိ ဘိုးရင်းလေကြောင်းကုမ္ပဏီသို့ နောက်ဆုံးမော်ဒယ်လ် ဘိုးရင်း ၇၈၇ လေယာဉ်အသစ်များ ဈေးကွက်အတွင်းထုတ်လုပ်နိုင်ရေးအတွက် သွားရောက်ကြည့်ရှုစစ်ဆေးစဉ် အထက်ပါကိစ္စကို ပြောကြားခဲ့ခြင်း ဖြစ်သည်။

ထို့ပြင် အမေရိကန်၏ အမျိုးသားအကျိုးစီးပွား ထိခိုက်မှုမရှိစေရေးအတွက် ကုန်သွယ်ရေးကဏ္ဍတွင် နိုင်ငံခြားတိုင်းပြည်များနှင့် သဘောတူညီမှုများကိုလည်း ပြန်လည်သုံးသပ်မည့် သူ၏အစီအစဉ်ကို သမ္မတထရန့်က ပြောကြားခဲ့သည်။ အမေရိကန် ကုန်သွယ်ရေးမူဝါဒများကိုလည်း တင်းကျပ်စွာ ပြဋ္ဌာန်းမည်ဖြစ်သည်ဟု သမ္မတထရန့်က ဆိုသည်။

အမေရိကန်ပြည်ထောင်စုပြင်ပရှိ အမေရိကန် ကုမ္ပဏီများက တင်သွင်းသော ထုတ်ကုန်များအပေါ် အခွန်အခများ တိုးမြှင့်ကောက်ခံမည်ဖြစ်ကြောင်း အလေးပေးပြောကြားခဲ့သည်။

ပြင်ပနိုင်ငံများရှိ အမေရိကန်ကုမ္ပဏီများက တင်သွင်းသော ထုတ်ကုန်များကို ၃၅ ရာခိုင်နှုန်းထိ တိုးမြှင့်ကောက်ခံမည်ဖြစ်ကြောင်း သမ္မတထရန့်က ကနဦးက ပြောကြားခဲ့သည်။ သို့သော် ယင်းကိစ္စနှင့်ပတ်သက်ပြီး ယခုအချိန်ထိ အကောင်အထည်ဖော်ဆောင်မှုမရှိသေးပေ။

မကြာသေးမီကာလအတွင်း အခွန်အခကောက်ခံ ခြင်းဆိုင်ရာ ပြုပြင်ပြောင်းလဲရေး လုပ်ငန်းများ အမေရိကန် နိုင်ငံအတွင်း လုပ်ဆောင်နိုင်ဖွယ်ရှိကြောင်း နိုင်ငံရေးစောင့်ကြည့်လေ့လာသူများက ဆိုသည်။

အင်န်အိတ်ခ်ျကေ။
https://www.facebook.com/MOIWebportalMyanmar

မောင်တောလုံခြုံရေး စိတ်မချရသေး

ရခိုင်-ဘင်္ဂလား နယ်စပ် မောင်တောဒေသ လုံခြုံရေးတပ်ဖွဲ့ဝင်များ ကင်းလှည့်စစ်ဆေးစဉ်။ (အောက်တိုဘာ ၁၄၊ ၂၀၁၇)
အကြမ်းဖက်တိုက်ခိုက်မှု ပဋိပက္ခတွေဖြစ်ခဲ့တဲ့ ရခိုင်မောင်တောဘက်မှာ တပ်မတော်ဘက်က နယ်မြေရှင်းလင်းရေးတွေ ရပ်နားလိုက်ပေမဲ့လို့ နယ်မြေဒေသတွင်း လုံခြုံရေးဟာ စိတ်ချလုံခြုံရတဲ့ အနေအထား မဟုတ်သေးဘူး လို့ ကိုဖီအာနန်ဦးဆောင်တဲ့ ရခိုင်အကြံပေးကော်မရှင် အဖွဲ့ဝင်တဦးက ပြောကြားလိုက်ပါတယ်။ ရေရှည်ဒေသတွင်းတည်ငြိမ်ရေးအတွက် စနစ်ကျတဲ့လုံခြုံရေးအစီအမံတွေ ဆောင်ရွက်ဖို့ နဲ့ ဒေသခံတွေ ရေရှည်ဘဝအာမခံချက်ရှိအောင် ရခိုင်ပြည်နယ်အစိုးရအနေနဲ့ ဦးစားပေး ဆောင်ရွက်ပေးစေလိုပါတယ်လို့လည်း ရခိုင်အရေးလှုပ်ရှားသူတွေက တိုက်တွန်းပါတယ်။ အသေးစိတ် ဆက်သွယ်မေးမြန်းထားတဲ့ မဆုမွန်က ဆက်ပြောပြပါမယ်။

ပြီးခဲ့တဲ့၂၀၁၆ အောက်တိုဘာလကစဖြစ်ခဲ့တဲ့ နယ်စပ်လုံခြုံရေးစခန်းတွေကို အကြမ်းဖက်တိုက်ခိုက်မှုတွေဖြစ်ပြီးနောက်မှာ တပ်မတော်နဲ့ လုံခြုံရေးတပ်ဖွဲ့ဝင်တွေဘက်က နယ်မြေရှင်းလင်းရေးတွေ ဆောင်ရွက်ခဲ့မှုအပေါ် လူ့အခွင့်အရေးချိုးဖောက်မှုတွေရှိခဲ့တယ်ဆိုတဲ့ နိုင်ငံတကာက ပြင်းထန်တဲ့စွပ်စွဲချက်တွေရှိနေချိန်မှာပဲ ရခိုင်မောင်တောဘက်မှာ တပ်မတော်ဘက်က နယ်မြေရှင်းလင်းရေးလုပ်ငန်းတွေ ရပ်နားပြီး ရဲတပ်ဖွဲ့ဝင်တွေနဲ့ပဲ နယ်မြေဒေသလုံခြုံရေး၊ တည်ငြိမ်အေးချမ်းရေး၊ တရားဥပဒေစိုးမိုးရေး ပူးပေါင်းကူညီဆောင်ရွက်နေတယ်လို့ သတင်းထုတ်ပြန်လိုက်တာဖြစ်ပါတယ်။

ဒါပေမဲ့လို့ ဒေသတွင်းလုံခြုံရေးဟာ စိတ်ချရတဲ့အနေအထားမဟုတ်သေးသလို ရေရှည်ဒေသတွင်းတည်ငြိမ်ဖို့ လုံခြုံရေးအစီအမံတွေကို စနစ်တကျလုပ်ဖို့ အရေးကြီးလိုအပ်နေတယ်လို့ ကုလသမဂ္ဂအတွင်းရေးမှူးချုပ်ဟောင်း မစ္စတာကိုဖီအာနန် ဦးဆောင်တဲ့ ရခိုင်အကြံပေးကော်မရှင်အဖွဲ့က အဖွဲ့ဝင်တဦးဖြစ်တဲ့ ဒေါ်စောခင်တင့်က ဗွီအိုအေမြန်မာပိုင်းကို အခုလိုပြောပါတယ်။

“ ဒေသလုံခြုံရေးဆိုတာ စိတ်ချရတဲ့အနေအထား ဘယ်တော့မှ မဖြစ်နိုင်ဘူးပေါ့။ တပ်မတော်က ဝင်ပြီးတော့ ပါဝင်နေရင်တောင်မှ လုံခြုံရေးက အင်မတန်မှ ခက်ခက်ခဲခဲ ရှိလှပါတယ် ရခိုင်ပြည်သူလူထုအတွက်ပေါ့နော်။ ဆိုတော့ အခုအချိန်မှာတော့ နယ်မြေရှင်းလင်းတာကို ရပ်လိုက်တယ်။ အဲ့တာရဲက တာဝန်ယူပြီး လုပ်တယ်ဆိုလို့ရှိရင်တော့ အတိုင်းအတာတခုအထိကတော့ လုပ်လို့ရတယ်။ ဒါပေမဲ့ သူတို့ကတော့ ပူးပေါင်းပြီးတော့ ဆောင်ရွက်ပါ့မယ်ဆိုတဲ့ အနေအထားမျိုးတော့ တွေ့ရပါတယ်။ အဲ့ဒီ့တော့ တဘက်ကလည်း စစ်ဘက်အာဏာပိုင်အနေနဲ့ကလည်း ဒီလိုနယ်မြေရှင်းလင်းတဲ့အပေါ်မှာ နိုင်ငံတကာအမြင်မှာ ဒါတွေ မလိုအပ်ဘူးလို့ Pressure တွေ အရမ်းပေးတယ်လို့ အန်တီတို့က ထင်တယ်။ အဲ့တာဟာ အန်တီတို့ ဒေသက ပြည်သူလူထုအတွက် လုံခြုံမှု အားနည်းတယ် အန်တီတို့မှာ။ ဒေသခံပြည်သူတွေအတွက် လိုအပ်တဲ့ လုံခြုံမှုတွေ နည်းသွားတယ်လို့ အန်တီ့အနေနဲ့ကတော့ ယူဆပါတယ်။”

ရခိုင်ပြည်နယ်အတွင်း အခြေအနေတွေကို အကြံပေးနိုင်ဖို့ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ကိုယ်တိုင် ဖွဲ့စည်းပေးထားတဲ့ ကိုဖီအာနန်ဦးဆောင်တဲ့ ရခိုင်အကြံပေးကော်မရှင်အနေနဲ့ ရခိုင်ပြည်နယ်တခုလုံး အတိုင်းအတာနဲ့ စီးပွားရေးဖွံ့ဖြိုးတိုးတက်ဖို့၊ ဒေသတွင်း တည်ငြိမ်လုံခြုံရေးနဲ့ ရေရှည်ဘဝရပ်တည်ရေးတွေအတွက် အကြံပေးမှုတွေ လုပ်ဆောင်နိုင်ဖို့အတွက်လည်း ဒေသတွင်းစုံစမ်းလေ့လာမှုတွေ လုပ်နေတယ်လို့ အကြံပေးကော်မရှင်အဖွဲ့ဝင်ဒေါ်စောခင်တင့်ကပြောပါတယ်။

“ကော်မရှင်အနေနဲ့ကတော့ ပြည်နယ်တခုလုံးရော စီးပွားရေး၊ လူမှုရေး ဒါတွေအပေါ်မှာ ရေရှည်တည်ဆောက်ရမယ့်ဟာတွေကို အကြံပေးရမယ့် အဖွဲ့ဖြစ်ပါတယ်။ ပဋိပက္ခတွေကလည်း ရှိနေသေးတဲ့အတွက် လုံခြုံရေးအပေါ်မှာလည်း အားဖြည့်သွားဖို့ လိုအပ်တယ်လို့ အန်တီ့အနေနဲ့ကတော့ အဲ့လိုမြင်ပါတယ်။ အကြံပေးမှာကိုတော့ အန်တီ့တို့အနေနဲ့ ရှေ့လအတွင်း လုပ်သွားမှာပါ။ ပထမအကြိမ် ကြားဖြတ် အကြံပေးပေါ့။ အကုန်လုံး အကြံပေးသွားမှာပါ။ ဒီ့အတွက်လည်း ဖြစ်လာတဲ့အခြေအနေအပေါ် အမြဲတမ်း အန်တီတို့က သုံးသပ်လေ့လာမှုတွေ လုပ်ထားပါတယ်။”

ကိုဖီအာနန်ဦးဆောင်တဲ့ကော်မရှင်အနေနဲ့ ၂၀၁၇ ခုနှစ် နှစ်ဆန်းပိုင်းမှာပဲ ရခိုင်ပြည်နယ်တွင်းက အခြေအနေတွေကို လေ့လာပြီး အစိုးရကို ကြားဖြတ်အစီရင်ခံစာ တင်ပြဖို့လည်းရှိနေပါတယ်။

အကြမ်းဖက်မှုပဋိပက္ခတွေကြောင့် ဖွံ့ဖြိုးတိုးတက်မှုနောက်ကျနေတဲ့ ရခိုင်ပြည်နယ်တွင်း နယ်စပ်လုံခြုံရေး၊ ဒေသတွင်း တရားဥပဒေစိုးမိုးရေးနဲ့ ဒေသခံတွေအတွက် ရေရှည်ဘဝအာမခံချက် ရအောင် ရခိုင်ပြည်နယ်အစိုးရအနေနဲ့ ဦးစားပေး ဆောင်ရွက်ပေးစေလိုပါတယ်လို့လည်း ရခိုင်အရေးလှုပ်ရှားသူတွေက တိုက်တွန်းပါတယ်။ ရခိုင်အရေးလှုပ်ရှားသူတွေက ရခိုင်ပြည်နယ်အစိုးရအပါအဝင် ရခိုင်ပြည်နယ်အရေးတာဝန်ရှိသူတွေနဲ့တွေ့ဆုံက ရခိုင်ပြည်နယ်တွင်း ဒေသတွင်းတည်ငြိမ်ရေးနဲ့ ဒေသခံပြည်သူတွေအတွက် လူနေမှုဘဝတွေမြင့်တင်နိုင်ရေး အလေးအနက်ထား လုပ်ဆောင်ပေးဖို့ တိုက်တွန်းခဲ့တဲ့အကြောင်းလည်း ရခိုင်အမျိုးသားကွန်ရက်ဥက္ကဋ္ဌ ဦးတင်ထူးအောင်ကလည်း ပြောပါတယ်။

“တိုင်းရင်းသားတွေ ခံစားနေရတဲ့ဘဝတွေကို အလေးထားဆောင်ရွက်ဖို့ လိုအပ်တယ်။ ဒေသခံအဖွဲ့အစည်းတွေ သက်ဆိုင်ရာ ကျွမ်းကျင်သူတွေ ဒေသခံ တိုင်းရင်းသားပညာရှင်တွေ ပါဝင်တဲ့ ပူးပေါင်းညှိနှိုင်းမှုမျိုးနဲ့မှ ကျနော်တို့ ယုံကြည်ပါတယ်။ ကျနော်တို့ ဒါမျိုးတွေ အကြံပြုခဲ့တာတွေလည်း အကြိမ်ကြိမ်ရှိပါတယ်။ NLD အစိုးရအနေနဲ့ ရှေ့ဆက်လုပ်ကိုင်ဖို့အတွက် နိုင်ငံရဲ့ အမျိုးသားလုံခြုံရေးနဲ့ အမျိုးသားအကျိုးစီးပွားကို ထိထိမိမိ လုပ်ကိုင်ဖို့ လိုအပ်တယ်လို့ ကျနော်တို့ အကြံပြုချင်တာလည်း ဒါပါပဲ။”

အရင်မောင်တောဒေသတွင်း နယ်မြေလုံခြုံရေးအနေအထားကြောင့် ထုတ်ပြန်ထားတဲ့ ညမထွက်ရအမိန့်ကိုလည်း ပြီးခဲ့တဲ့ ဖေဖော်ဝါရီလ ၉ရက်နေ့ကစလို့ ည ၇နာရီကနေ မနက် ၆နာရီအစား ည ၉နာရီကနေ မနက် ၅နာရီအထိ ပြန်လည်လျှော့ပေါ့ထုတ်ပြန်ပေးခဲ့ပြီးနောက်မှာပဲ ရခိုင်ပြည်နယ်အတွင်း တပ်မတော်ဘက်က နယ်မြေရှင်းလင်းရေးတွေ ရပ်နားလိုက်တာလည်းဖြစ်ပါတယ်။

မဆုမွန်   / ဗွီအိုအေ (မြန်မာပိုင်း)
http://burmese.voanews.com

လယ်ကျင်း ကျေးရွာ ဘုန်းတော်ကြီး ဈာပန ပွဲတော် အတွင်း မူးယစ်ဆေးဝါး (၁၈) သိန်းကျော်ခန့် ဖမ်းမိ


ဗန်းမောက် ဖေဖော်ဝါရီလ ၁၈ ရက်

စစ်ကိုင်း တိုင်းဒေသကြီး၊ ကသာခရိုင်၊ ဗန်းမောက် မြို့နယ် ပင့်စင်တဲ ကျေးရွာအုပ်စု၊ လယ်ကျင်း ကျေးရွာ၊ ဘုန်းတော်ကြီး ဈာပနပွဲ အတွင်း မူးယစ်ဆေးဝါးများကို ဖေဖော်ဝါရီ ၁၇ ရက်၊ ည ၁၀ နာရီ ၁၅ မိနစ်က ဖမ်းဆီးရမိခဲ့ကြောင်း သိရသည်။

မြို့မရဲစခန်းမှူးရုံးမှ ရဲအုပ် မင်းကိုလွင်နှင့် တပ်ဖွဲ့ဝင်များ၊ ကျေးရွာ အုပ်ချုပ်ရေးမှူးနှင့် ဆယ်အိမ်မှူးတို့ ပူးပေါင်း အဖွဲ့တို့နှင့် အတူ ဗန်းမောက်မြို့နယ် ပင့်စင်တဲ ကျေးရွာအုပ်စု၊ လယ်ကျင်းကျေးရွာ၊ ဘုန်းတော်ကြီး ဈာပနပွဲခင်း အတွင်း လုံခြုံရေး ဆောင်ရွက်နေစဉ် မသင်္ကာသူ ပြည်သိန်းနှင့် တင်ထွန်းဦး ၀န်းသို မြို့နယ်နေသူတို့အား စစ်ဆေး ရှာဖွေခဲ့ရာ ပြည်သိန်း၏ ခါးတွင် ပတ်ထားသော အိတ်အတွင်းမှ Love is flower စာတန်းပါ ဆပ်ပြာခွက် အတွင်း ထည့်ထားလျက် ဘိန်းဖြူဟု ယူဆရသော ဖြူ/ ၀ါ စပ်ကြားအမှုန့် အလေးချိန် (၁၁) ဂရမ်ခန့်ပါ ဆပ်ပြာခွက် တစ်ခွက်၊ တင်ထွန်းဦး ၀တ်ဆင်ထားသော ဂျာကင်အင်္ကျီ အတွင်း ထည့်ထားလျက် PARACETAMOL စာတမ်းပါ အဖြူရောင် ကော်ဗူးအတွင်း ဘိန်းဖြူ ယူဆရသော ဖြူ/ ၀ါ စပ်ကြားအမှုန့် အလေးချိန် (၄) ဂရမ်ခန့်ပါ တစ်ဗူး၊ အဖြူရောင် ကော်ဗူးအတွင်း ထည့်ထားသော ဘိန်းဖြူဟု ယူဆရသော ဖြူ/ ၀ါ စပါကြားအမှုန့် အလေးချိန် (၂) ဂရမ်ခန့်ပါ (၁)ဗူး၊ CELOROFOS စာတမ်းပါ အဖြူရောင် ကော်ဗူးအတွင်း ထည့်ထားသော ဘိန်းဖြူဟု ယူဆရသော ဖြူ/ ၀ါ စပ်ကြားအမှုန့် အလေးချိန် ၁ ဒသမ ၅ ဂရမ်ခန့်ပါ တစ်ဗူး စုစုပေါင်း ၁၈ ဒသမ ၅ ဂရမ်၊ ကာလတန်ဘိုး ၁၈၅၀၀၀၀ိ/- အား အသီးသီး ရှာဖွေ သိမ်းဆီးရမိခဲ့ကြောင်း သိရသည်။


ထို့နောက် ပြည်သိန်း (ဘ) ဦးစံကျော် ၃၉ နှစ်၊ ပိန္နဲကုန်းကျေးရွာ ၊ တောင်ကုန်း ကျေးရွာအုပ်စုနှင့် တင်ထွန်းဦး (ဘ) ဦးမောင်ကို ၃၂ နှစ် လှေကြီးကုန်း ကျေးရွာ၊ ကင်းကြိမ်ဖူးကုန်း ကျေးရွာအုပ်စု ၀န်းသိုမြို့နယ် နေသူတို့အား ဗန်းမောက်မြို့နယ် ရဲစခန်းမှ မယ(ပ) ၃/ ၂၀၁၇၊ မူး/ စိတ်ပုဒ်မ ၁၅/ ၁၉(က)/ ၂၁ အရ အမှုဖွင့် အရေးယူထားကြောင်း သိရသည်။

ကျော်စွာ (ဗန်းမောက်)
MOI Webportal Myanmar
https://www.facebook.com/MOIWebportalMyanmar/

နိုင်ငံခြားသား တစ်ဦး ဇွဲကပင်တောင် အမြင့်ဆုံးနေရာမှ ပြုတ်ကျ


ဘားအံ ဖေဖော်ဝါရီ (၁၈)

ကရင်ပြည်နယ်၊ ဘားအံမြို့နယ်၊ ဇွဲကပင် တောင်ပေါ်မှ ဖေဖော်ဝါရီလ (၁၇)ရက်နေ့၊ ည (၇) နာရီခန့်တွင် ဇွဲကပင် တောင်ထိပ်ပေါ်မှ နိုင်ငံခြားသား တစ်ဦး ပြုတ်ကျမှု ဖြစ်ပွားခဲ့ကြောင်း သိရှိရသည်။

နိုင်ငံခြားသား တစ်ဦး ဇွဲကပင်တောင် အမြင့်ဆုံးနေရာ ပေပေါင်း (၂၇၃၀) ကျော် မြင့်သည့် ဓမ္မစေတီနေရာမှ ပြုတ်ကျခြင်း ဖြစ်ပြီး အောက်ဖက် တွင် ချောက်ကမ်းပါးသာ ရှိနေကြောင်း ဇွဲကပင်တောင်တွင် လုပ်အားပေးနေသူ တစ်ဦးထံမှ သိရသည်။ နိုင်ငံခြားသားတစ်ဦး ပြုတ်ကျမှု အား ရဲတပ်ဖွဲ့နှင့် လူမှုရေး အဖွဲ့များက လိုက်လံ ရှာဖွေနေကြောင်း၊ ကရင်ပြည်နယ် ရဲတပ်ဖွဲ့မှူး ရဲမှူးကြီး ကြည်လင်းက ပြုတ်ကျသော နိုင်ငံခြားသားမှာ အမျိုးသား တစ်ဦး ဖြစ်ကြောင်း သိထားပြီး မည်သည့် နိုင်ငံသားမှန်း အတည် မပြုနိုင်သေးဘဲ တောင်အောက် နေရာများတွင် ရှာဖွေနေကြောင်း ပြောသည်။

ယနေ့ (ဖေဖော်ဝါရီ ၁၈ ရက်) နေ့လယ် (၁၁) နာရီကျော် အထိ ပြန်မတွေ့သေးပဲ ဇွဲကပင်တောင် အနီးနေသူများက ပြုတ်ကျ သည့် နေရာ အောက်ဖက်တွင် ချောက်ကမ်းပါးသာ ရှိ၍ အသက်ရှင်ရန် အခွင့်အရေး နည်းကြောင်း သုံးသပ်နေကြ ကြောင်းနှင့် ညနေပိုင်းအထိ မှန်ပြောင်း အကူအညီဖြင့်သာ အလောင်းဟု ထင်မြင် ယူဆရသော ပုံသဏ္ဍာန်အား တွေ့ရှိပြီး ဖြစ်သဖြင့် တောင်အောက်သို့ ဆင်း၍ သယ်ယူနိုင်ရေး ဆက်လက် ဆောင်ရွက်လျှက် ရှိကြောင်း ကနဦး သိရသည်။

ခရိုင်(ပြန်/ဆက်)
MOI Webportal Myanmar
https://www.facebook.com/MOIWebportalMyanmar/

သာသနာတော်နှင့်ပတ်သက်လျှင် နိုင်ငံတော်သမ္မတ၊ အတိုင်ပင်ခံပုဂ္ဂိုလ်တို့က လိုလေသေးမရှိထောက်ပံ့ပေးရန် ကတိပြုထားကြောင်း သာသနာရေးဝန်ကြီးပြောကြား


သာသနာတော်နှင့်ပတ်သက်လျှင် နိုင်ငံတော်သမ္မတဦးထင်ကျော်၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် စသည့်နိုင်ငံ့အကြီးအကဲများက လိုလေသေးမရှိ ထောက်ပံ့ပေးရန် ကတိပြုထား ကြောင်း သာသနာရေးနှင့်ယဉ်ကျေးမှုဝန်ကြီးဌာန၊ ပြည်ထောင်စုဝန်ကြီး သူရဦးအောင်ကိုက ပြောကြားသည်။

ဖေဖော်ဝါရီ ၁၄ ရက်တွင် ရန်ကုန်မြို့ရှိ သီရိမင်္ဂလာကမ္ဘာ အေးကုန်းမြေ ဆဋ္ဌသင်္ဂါယနာ မဟာပါသာဏလိုဏ်ဂူတော်ကြီး၌ ကျင်းပသည့် (၅၈)ကြိမ်မြောက် မဟာဘွဲ့နှင်းသဘင်အခမ်းအနားအပြီး မီဒီယာများနှင့်သီးသန့်တွေ့ဆုံရာ၌ ၀န်ကြီးက ထိုသို့ပြောကြားခဲ့ခြင်းဖြစ်သည်။

''ဒီကနေ့နိုင်ငံတော်သမ္မတ၊ နိုင်ငံတော်၏အတိုင်ပင်ခံပုဂ္ဂိုလ်စတဲ့ နိုင်ငံ့အကြီးအကဲတွေကလည်း သာသနာတော်နဲ့ပတ်သက်လို့ရှိရင်လိုလေသေးမရှိထောက် ပံ့ပေးနေပါတယ်။ ထောက်ပံ့ပေးမယ်လို့လည်း ကတိပြုထားပါတယ်။ ဒါကြောင့် မို့လို့ ဒီနေ့စာအောင်ဆုနှင်းသဘင်အခမ်းအနားကို ကျင်းပတဲ့အခါမှာလည်း သာသနာရေးဦးစီးဌာနက သိန်း၁၀၀၀ကျော် လောက်အကုန်အကျခံပြီး ကျင်းပပေးပါ တယ်။ နိုင်ငံတော်အစိုးရရယ်၊ ဒကာဒကာ မတွေရယ်၊ ရဟန်းသံဃာတော်တွေရယ် သုံးပွင့်ဆိုင်ဟန်ချက်ညီမှ သာသနာတော်မြတ်ကြီး နှစ်ပေါင်း၅၀၀၀ မကကြာအောင် တည်တံ့ခိုင်မြဲနိုင်မှာ ဖြစ်ပါတယ်'' ဟု သူရဦးအောင်ကိုက ပြောကြားခဲ့သည်။

(၅၈)ကြိမ်မြောက်မဟာဘွဲ့နှင်းသဘင် အခမ်းအနားတွင် စာအောင်သံဃာ၊ သီလရှင်၊ လူပုဂ္ဂိုလ် စုစုပေါင်း ၁၄၇၃ဦး ရှိခဲ့ပြီး ဓမ္မာစရိယ အထူးအောင် သံဃာ ၃ပါး၊ သီလရှင် ၁ပါး၊ ဓမ္မာစရိယ ရိုးရိုး အောင် သံယာ ၁၂၈၆ပါး၊ သီလရှင် ၁၂၁ပါး၊ လူပုဂ္ဂိုလ်ကျား ၁ဦး၊ ပထမပြန် အထူးအောင် သံဃာ ၉ပါး၊ သီလရှင် ၃ပါး၊ ပါဠိဂုဏ်ထူးအောင် သံဃာ ၅ပါး၊ သီလရှင် ၁ပါး၊ မြန်မာဂုဏ်ထူးအောင် သံဃာ ၆ပါး၊ နိကာယ်အထူးအောင် သံယာ ၁၈ပါး၊ သီလရှင် ၄ပါး၊ မဟာဝိဒူအောင်သံယာ ၆ ပါး၊ အဘိ၊ ဂုဏ်၊ ၀ိအထူးအောင်သီလ ရှင် ၁ ပါး၊ လူပုဂ္ဂိုလ်မ ၈ဦးတို့ ဖြစ်သည်။
ဘွဲ့နှင်းသဘင် အခမ်းအနားသို့ နိုင်ငံ တော်သံဃမဟာနာယက (မဟန) ဥက္ကဌ ဆရာတော် အဘိဓဇမဟာရဋ္ဌဂုရု အဘိဓဇ အဂ္ဂမဟာ သဒ္ဓမ္မဇောတိက ဒေါက်တာ ဘဒ္ဒန္တကုမာရာဘိဝံသ အပါအ၀င် မဟန အဖွဲ့ဝင် သံသာတော် ၆ပါး၊ တိုင်းသံဃနာ ယက ၆ပါး၊ ပါမောက္ခချုပ်၊ နာယကချုပ် ၂ပါး၊ တိပိဋကကောဝိဒ ၁၀ပါး၊ ပထမပြန် ဓမ္မာစရိယ (ပြန် + မာ) အထူးအောင်ဆရာ ၁၃ပါး၊နိကာယ်အထူး ဆရာ ၁၆ပါး၊ ပြန် +မာ ဗဟို ၃၂ပါး၊ နိကာယ်ဗဟို ၁၄ပါး၊ အဘိဓမ္မာဗဟို ၈ပါး၊ စုစုပေါင်း ပင့်သံဃာ ၁၀၇ပါးတို့ ကြွရောက်ခဲ့ကြကြောင်း သိရသည်။

အစိုးရဌာနဆိုင်ရာများမှ သာသနာရေးနှင့် ယဉ်ကျေးမှုဝန်ကြီးဌာန ၊ ပြည်ထောင်စုဝန်ကြီး သူရဦးအောင်ကို၊ ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်း သိန်းနှင့် တိုင်းအစိုးရအဖွဲ့ဝင်ဝန်ကြီးများ၊ လွှတ်တော်ကိုယ်စားလှယ်များ တက်ရောက်ခဲ့ကြကြောင်း သိရသည်။

မင်းထင်
News Watch
https://www.facebook.com/NewsWatchJournal/

ကန်မှာ တရားမဝင်နေထိုင်သူတွေ အိမ်နီးချင်း ကနေဒါကိုထွက်ပြေး

အမေရိကန် လူဝင်မှု မူဝါဒသစ်အပေါ် ကန့်ကွက်သူများ (Feb. 15, 2017)
အမေရိကန် ပြည်ထောင်စုမှာ လူဝင်မှုကြီးကြပ်ရေးဆိုင်ရာ မူဝါဒသစ်ရဲ့ နောက်ဆက်တွဲ ရိုက်ခတ်မှုတခုအဖြစ်၊ ခိုလှုံခွင့်ရဖို့ ကြိုးစားသူတွေ အိမ်နီးချင်း ကနေဒါနိုင်ငံကို တရား မ၀င် ဖြတ်ကျော်ရာမှာ ဖမ်းဆီးခံနေကြရတဲ့အကြောင်း သတင်းဓာတ်ပုံဆရာ တယောက် က မှတ်တမ်းတင် ခဲ့ပါတယ်။

အမေရိကန် ပြည်ထောင်စုမှာ တရားဝင် နေထိုင်ခွင့်ရဖို့ ကြိုးစားနေမယ့်အစား ကနေဒါမှာ အဖမ်းခံရတာ ပိုကောင်းတယ်လို့ နယ်စပ်ဖြတ်ကျော်ဖို့ ကြိုးစားနေသူတွေက ပြောပါတယ်။ ကနေဒါနိုင်ငံ Quebec ပြည်နယ်ထဲကို နယ်စပ်ဖြတ်ကျော် ၀င်ရောက် သူတွေကြား ရေပမ်း စားတဲ့ နယူးယောက်ပြည်နယ် နယ်စပ်ဒေသမှာ လူဝင်မှုကြီးကြပ်ရေး အရာရှိတဦး လက်က လွတ်အောင် ထွက်ပြေးကြသူတွေကို သောကြာနေ့မှာပဲ Reuters ဓာတ်ပုံဆရာက မှတ်တမ်းတင် ရိုက်ကူးခဲ့တာပါ။

တရားမ၀င် နယ်စပ်ဖြတ်ကျော်ကြတဲ့ နေရာတခုမှာ တားဆီးခံခဲ့ရတဲ့ တက္ကစီကား တစင်း ရှေ့ခန်းမှာ လိုက်ပါလာတဲ့ ခရီးသည်တယောက်ကို အမေရိကန် အကောက်ခွန်နဲ့ နယ်စပ်လုံခြုံရေး အရာရှိတွေက မေးမြန်းနေစဉ်မှာပဲ၊ တခြားလူကြီး ၄ ယောက်နဲ့ ကလေး ၄ ယောက်တို့ဟာ မြောင်းတခုတည်းကနေ နယ်စပ်ဖြတ်ဝင်ရောက် သွားတာကို သတင်းထောက်တွေ တွေ့ခဲ့ကြပါတယ်။

နယ်စပ်ဖြတ်ကျော် သူတွေထဲက အနည်းဆုံး တယောက်ဟာ ဆူဒန်နိုင်ငံကူးလက်မှတ် ကိုင်ဆောင်ထားတာကိုလည်း ဓာတ်ပုံတပုံမှာ တွေ့ရပါတယ်။ ကနေဒါ နိုင်ငံဘက်ခြမ်း မှာ စောင့်နေကြတဲ့ ကနေဒါ တော်ဝင်ရဲတပ်ဖွဲ့ဝင်တွေကတော့ နှင်းတွေကြားက နယ်စပ် ဖြတ်ပြီး ရောက်လာကြတဲ့ ကလေးတွေကို ကူညီခေါ်ဆောင်ခဲ့ကြပြီး၊ ကျန်းမာရေး ပြုစုေ စာင့်ရှောက်မှု ပေးခဲ့ကြပါတယ်။ အမေရိကန် အရာရှိတွေ စစ်ဆေးမေးမြန်းတာ ခံခဲ့ရတဲ့ သူဟာလည်း နောက်ပိုင်းမှာ လွတ်မြောက်လာပြီး၊ နယ်စပ်တဖက်ရောက်သွားကြတဲ့ ဒုက္ခသည်တွေနဲ့ ပြန်လည်ပေါင်းစည်းနိုင်ခဲ့ကြောင်းလည်း Reuters သတင်းက ဖော်ပြ ပါတယ်။

နောက်ပိုင်းမှာတော့ ကနေဒါရဲတပ်ဖွဲ့က တရားမ၀င် နယ်စပ်ဖြတ်ကူးလာသူတွေကို ဖမ်းဆီး ခဲ့တာပါ။ အမေရိကန်နဲ့ ကနေဒါ ၂ နိုင်ငံ သဘော တူညီချက်အရ အမေရိကန်မှာ ခိုလှုံခွင့်လျှောက် ထားဖူးတဲ့ သူတွေဟာ ကနေဒါနိုင်ငံကို တရားမ၀င် ဖြတ်ကျော်ပြီး ဒုက္ခသည်အဖြစ် လျှောက်ထားခွင့် မရှိသလို၊ ဒီလိုကြိုးစားခဲ့တယ် ဆိုရင်လည်း နယ်စပ်မှာတင် နှင်ထုတ်ခံရလေ့ ရှိတတ်ပါတယ်။

 ဗွီအိုအေ (မြန်မာပိုင်း)
http://burmese.voanews.com
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ