ရန်ကုန် ဒီဇင်ဘာ ၂၇
ရန်ကုန်တောင်ပိုင်းခရိုင်၊ သန်လျင်မြို့နယ်၊ မြို့ဟောင်းအရှေ့ ရပ်ကွက်၊ သစ်စက်လမ်းမပေါ်၌ ဒီဇင်ဘာ ၂၇ နံနက် ၁၀ နာရီ မိနစ် ၅၀ အချိန်က YBS ၃၁ ယာဉ် မီးလောင်မှုဖြစ်ပွားခဲ့ကြောင်း သိရသည်။
ဖြစ်စဉ်မှာ သန်လျင်မြို့၊ မြို့ဟောင်းအရှေ့ရပ်ကွက်၊ သစ်စက် လမ်းမပေါ်တွင် ယာဉ်မောင်း ဇေယျာမင်း အသက် (၃၀) နှစ် ရွှေဝါရောင် (၃) လမ်း၊ တာဝကျေးရွာ၊ ဘုရားကုန်းကျေးရွာအုပ်စု၊ သန်လျင်မြို့နယ် နေသူ မောင်းနှင်လာသော YBS ၃၁ ယာဉ်လိုင်း ယာဉ်အမှတ် 9E/--- ဟွန်ဒိုင်းအမျိုးအစား ဖြူ/စိမ်းကြား (ခရီးသည်မပါ) ယာဉ်သည် င/ပကျေးရွာ ရှိ ဂတ်(စ်)ဆိုင်တွင် ဂတ်(စ်)ဖြည့်ရန် မောင်းနှင်လာစဉ် ယာဉ်၏ ဘတ်ထရီ ငုတ်နှင့် ၀ါယာကြိုး ရှော့ဖြစ်ပြီး အပူလွန်ကဲရာမှ မီးလောင်မှုဖြစ်ပွား ခဲ့ကြောင်း သိရသည်။
အဆိုပါ မီးလောင်မှုအား မီးသတ်တပ်ဖွဲ့ဝင်များ၊ ရဲတပ်ဖွဲ့ဝင်များ၊ ရပ်ကွက်နေပြည်သူများ ၀ိုင်းဝန်းငြိမ်းသတ်ခဲ့ရာ နံနက် ၁၁ နာရီအချိန်တွင် မီးငြိမ်းသွားခဲ့ပြီး ယာဉ်ပျက်စီးကာ လူသေဆုံး ဒဏ်ရာရှိမှုမရှိကြောင်း သိရသည်။ အဆိုပါ မီးလောင်မှုဖြစ်ပွားမှုအား သန်လျင်မြို့နယ်ရဲစခန်းမှ အမှုဖွင့် အရေးယူထားကြောင်း သိရသည်။
သက်ခိုင် (သန်လျင်)
Myanmaalinn
https://www.facebook.com/MYANMAALINNNEWS/
သန်လျင် မြို့ဟောင်းအရှေ့ရပ်ကွက်၊ သစ်စက်လမ်းမပေါ်၌ YBS ၃၁ ယာဉ် မီးလောင်မှုဖြစ်ပွား
Reviewed by THITHTOOLWIN
on
17:22
Rating:
Reviewed by THITHTOOLWIN
on
17:22
Rating:
