လဲချားမြို့ SNLD မြို့နယ်ဉက္ကဌ ၊ ပြည်သူ့လွှတ်တော်ကိုယ်စားလှယ် ဦးစိုင်းမွန်းနှလုံးရောဂါဖြင့်ကွယ်လွန်

သျှမ်းပြည်တောင်ပိုင်းလဲချားမြို့နယ် သျှမ်းတိုင်းရင်းသားများဒီမိုကရေစီအဖွဲ့ချုပ် မြို့နယ်ဉက္ကဌ၊ ပြည်သူ့လွှတ်တော် ကိုယ်စားလှယ် ဦးစိုင်းမွန်း အသက် ( ၅၇ နှစ်) သည်နှလုံးရောဂါဖြင့် ကွယ်လွန်သွားပြီဖြစ်ကြောင်းသိရသည်။

ဒီဇင်ဘာလ ၅ ရက်နေ့ မွန်းလွဲ ၃ နာရီခွဲခန့်တွင် နှလုံးရောဂါဖြင့် ကွယ်လွန်သွားခဲ့ခြင်းဖြစ်ပြီး ကျန်ရှိ ရုပ်အလောင်းအား ဒီဇင်ဘာလ ၇ ရက်နေ့တွင်လဲချားမြို့ရပ်ကွက် ၄ ရှိနေအိမ်တွင် အသုဘအခမ်း အနားပြုပြီး လဲချားမြို့သုသာန်သို့ပို့ဆောင်သဂြိုဟ်မည်ဖြစ်ကြောင်းသိရသည်။

ဦးစိုင်းမွန်းသည် သျှမ်းတိုင်းရင်းသားများဒီမိုကရေစီအဖွဲ့ချုပ်စတင်တည်ထောင်လာစဉ်ကတည်းက ပါဝင်လာသူတဦးဖြစ်ပြီး ပါတီအရေး၊ လူငယ်အရေးတို့တွင်အစဉ်တက်ကြွပါဝင်လာခဲ့သူဖြစ် ကြောင်း SNLD ပါတီ ပြောခွင့်ရစိုင်းလိတ်က ၎င်းနှင့်ပတ်သက်၍ ဤကဲ့သို့ပြောသည်။

“လုံးမွန်းက SNLD ထဲဝင်လာတာ ၁၉၈၈ ခုနှစ်ကတည်းက ဖြစ်ပါတယ်။ ကျနော်တို့ ခေါင်းဆောင်တွေ ထောင်ကျနေစဉ်တုန်းက ရွေးကောက်ပွဲဝင်ဖို့ ကျနော်တို့ ပါတီအသစ်တခုတည်ထောင်လိုက် တယ်။အဲဒီပါတီဟာ နောက်ပိုင်း SNDP သျှမ်းတိုင်းရင်းသားများဒီမိုကရက်တစ်ပါတီဖြစ်လာတယ်။ အဲတုန်းက ကျနော်ကိုယ်တိုင် သူ့ကို အဲဒီပါတီအတွက် စည်းရုံးရေးလုပ်ခိုင်းပါတယ်။ အဲဒီတုန်းက သူက- ကျနော်တို့ခေါင်းဆောင်တွေ အကျပ်အတည်းတွေ့နေချိန်မှာသူတို့ကိုအသိမပေးဘဲနဲ့ ပါတီအသစ်ထပ် ထောင် တာကိုတော့ ကျနော် မလုပ်ချင်ဘူး။ သူတို့ကို သစ္စာဖောက်ရာရောက်တယ်လို့ပြောတယ်။ ကျနော်တို့သူ့ကို ရှင်းပြရပါတယ်။ ဒါလည်းကျနော်တို့ လုပ်သင့်လုပ်ထိုက်တဲ့ ပါတီခွဲတခုဘဲဖြစ်တယ်။ ကျနော်တို့ရည်မှန်းချက်တခုပါဘဲလို့ပြောမှ သူက လုပ်ငန်းမှာ ကူညီဖို့ သဘောတူခဲ့တာပါ။ ၂၀၁၂ ခုနှစ် SNLD ပါတီကိုပြန်လည်ဖွဲ့စည်းရာမှ သူက ကျားဖြူပါတီကနေထွက်ပြီး ဒီမိခင်ပါတီကိုပြန်လည် အလုပ်လာကူပါတယ်။လဲချားဒေသခံလူထုတောင်းဆိုမှုကြောင့် သူက ပြည်သူ့လွှတ်တော်ကိုယ်စား လှယ်အဖြစ်ပြန်လည်ရွေးကောက်ခံခဲ့တာပါ။”

စိုင်းမွန်းသည် လဲချားမြို့တွင် လူငယ်များအတွက် အရည်အချင်းမြှင့်တင်ရေး သင်တန်းများ နှစ်စဉ် ဦးဆောင် စီစဉ်ပေးခဲ့သူဖြစ်သည်။ “ လွှတ်တော်ထဲမှာဆိုရင်လည်း သူအလုပ်အကိုင်တွေလက်ခံထားတာအများကြီးပါဘဲ။ သူကလုပ်ငန်းကို တိတိကျကျလုပ်တတ်တယ်။ အခက်အခဲတွေပြသနာတွေကြုံလာရင်လည်း စိတ်အေးအေးထားပြီး ဖြေရှင်းတတ်တယ်။ တခြားဌာနတွေအဖွဲ့အစည်းတွေနဲ့လည်း ဆက်ဆံရေးကောင်းတယ်။လက်တွဲနိုင်တဲ့အတွက် သူဟာလူချစ်လူခင်များတယ်။ မြို့နယ်အတွက်လည်း သူဟာ ဦးဆောင်မှုကောင်းတဲ့သူတယောက်ဖြစ်တယ်။ စံပြကောင်းတယောက်ဖြစ်တယ်။ နောက်လိုက်တပည့်တပန်းများတယ်။ ရပ်ရွာလူထု ချစ်ခင်နှစ်သက်ကြတယ်သူ့ကို။ အစိုးရ ဌာနဆိုင်ရာကိုလည်းဝင်ထွက်ဆက်ဆံတတ်လို့ သူလိုလူရှာရခက်ပါတယ်။ ကျနော်တို့ပါတီအနေနဲ့လည်း သူလိုလူတော်တယောက်ရှာဖို့ခက်ခဲပါတယ်တကယ်လို့ UEC ကနေ ကြားဖြတ်ရွေးကောက်ပွဲမလုပ်ပေးမချင်း လဲချားလူထု အခက်အခဲတွေ့မှာမလွဲပါဘူး။ ကျနော်တို့အနေနဲ့လည်းတန်ဖိုးရှိတဲ့ လွှတ်တော်ကိုယ်စားလှယ်ကောင်းတယောက် ဆုံးရှုံးခဲ့ရလို့ အကြီးမားဆုံး ဆုံးရှုံးမှုတရပ်ဖြစ်ပါတယ်။ ဒါပေမယ့် သူကိုယ်တိုင် လေ့ကျင့်ပျိုးထောင်ပေးခဲ့တဲ့ မျိုးဆက်သစ်လူငယ်အများကြီးရှိတာမို့လို့ သူ့ကိုအစားထိုးအလုပ်လုပ်စေဖို့အတွက် အဲဒီထဲကဘဲ ပြန်လည်ရွေးကောက်ရှာယူရမှာဖြစ်ပါတယ်။” – ဟု စိုင်းလိတ်က ပြောသည်။

လက်ရှိတွင် လဲချားမြို့ဒေသခံများအတွက် ကြိုးတံတားတည်ဆောက်ပေးရန် စီစဉ်လုပ်ဆောင်နေဆဲဖြစ်ပြီး တံတားမပြီးမြောက်သေးဘဲ စိုင်းမွန်း ကွယ်လွန်သွားသည့်အပေါ် စိတ်မကောင်းဖြစ်ရကြောင်း မိုးနဲမြို့နယ် ပြည်နယ်လွှတ်တော်ကိုယ်စားလှယ် စိုင်းမွန်းလိန်ကပြောသည်။

“လဲချား SNLD ပါတီနဲ့ ကျနော်တို့ ပူးပေါင်းပြီး ဒေသခံလူထုအတွက်ကြိုးတံတား တည်ဆောက်ဖို့ အတွက် မပြီးမြောက်သေးဘူး။ ပြည်သူကို ချစ်သော သူ့ရဲ့စိတ်ဓာတ်ကို လေးစားတဲ့အနေနဲ့ သူ့ဆန္ဒပြည့်ဝအောင် ကြိုးတံတား ပြီးတဲ့ အထိ ကျနော်တို့ ဆောင်ရွက်ပေးသွားပါမယ် လို့ ပြောချင်ပါတယ် ”- ဟု ပြောဆိုသည်။

စိုင်းမွန်းသည် နှလုံးသွေးကြောကျဉ်းရောဂါဖြင့် ယခုလဆန်းပိုင်းက မန္တလေးဆေးရုံသို့ပို့ဆောင်ကုသရာ မသက်သာသဖြင့်လဲချားသို့ပြန်လည်ခေါ်ဆောင်သွားပြီး ဒီဇင်ဘာလ ၅ ရက်နေ့ မွန်းလွဲ ၃ နာရီခွဲတွင် ကွယ်လွန်သွားခဲ့သည်။

SNLD ပါတီစတင်တည်ထောင်စဉ်ကတည်းကပါဝင်တာဝန်ထမ်းဆောင်လာခဲ့သော ဦးစိုင်းမွန်းသည် လဲချားမြို့ ဦးလုံးအာရိယ(ချိုခမ်း)နှင့် ပါနန်းယိင်းတို့၏ သား ၄ ဦးအနက် သားကြီးဖြစ်ကြောင်းသိရသည်။ မွေးချင်း ညီအကိုများမှာ (၁) စိုင်းမွန်း (ယခုကွယ်လွန်သူ)၊ (၂) စိုင်းထွန်း၊(၃) စိုင်းပန်းစိန်(ကွယ်လွန်) ၊(၄) စိုင်းပန်းအောင် – တို့ဖြစ်ကြပါသည်။

လက်ရှိတွင် ဇနီးဒေါ်သင်းသင်းလှိုင်နှင့်သားသမီး ၄ ယောက်၊ မြေး ၄ ယောက် ကျန်ရစ်ကြောင်းသိရပါသည်။

သျှမ်းသံတော်ဆင့်/ဟွမ်ဟိန်း
http://burmese.panglong.org