ရန်ကုန်၊ ဒီဇင်ဘာ ၇
ဒီဇင်ဘာ ၆ ရက်နေ့ ည ၁၁နာရီခွဲအချိန်တွင် ရွှေပြည်သာမြို့နယ်၊ လှော်ကားနယ်မြေရဲစခန်းမှ တပ်ဖွဲ့ဝင်များသည် လှည့်ကင်းတာဝန်ဆောင်ရွက်နေစဉ် (တ/၁၅)ရပ်ကွက်၊ ပန်းခြံ(၆)၊ သဇင်လမ်းတွင် အမျိုးသားတစ်ဦးမှ အရက်သေစာသောက်စားမူးယစ်ပြီး ဓားမကိုင်ဆောင်၍ဖခင်ဖြစ်သူအား ရန်ပြုနေကြောင်း သတင်းအရ သွားရောက်စစ်ဆေးခဲ့ပါသည်။
ထိုသို့ စစ်ဆေးဆောင်ရွက်ခဲ့ရာ အဆိုပါနေရာ၌ နိုင်လင်းဖြိုး၊ (၂၂)နှစ်ကို အရိုးအသွား ၂၀ လက်မခန့်ရှိ ဓားမတစ်ချောင်းအား ကိုင်ဆောင်လျက်တွေ့ရှိရပြီး ၎င်းဓားမဖြင့် ရဲတပ်ဖွဲ့ဝင်များအား ပြန်လည်ရန်ပြုခုခံသဖြင့် ရဲတပ်ဖွဲ့ဝင်များ၏ အသက်အန္တရာယ်စိုးရိမ်ရမှုကြောင့် Pump Action ၁၂ ဘို့ပြောင်းချောသေနတ်ဖြင့် ခြောက်လှန့်ပစ်ခတ်ခဲ့သော်လည်း ၎င်းမှာတပ်ဖွဲ့ဝင်များဆီသို့ ဓားမဖြင့်ပြေးဝင်ခုတ်ရန် ရန်ပြုခဲ့သဖြင့် ပစ်ခတ်ဖမ်းဆီးခဲ့ရာ နိုင်လင်းဖြိုးတွင် ၀မ်းဗိုက်ဒဏ်ရာများရရှိခဲ့ပြီး အင်းစိန်ဆေးရုံသို့ ပို့အပ်ကာ ဆေးကုသမှု ခံယူလျက်ရှိကြောင်း သိရသည်။
ယင်းသို့ ရဲတပ်ဖွဲ့ဝင်များအား အသက်အန္တရာယ်စိုးရိမ်ရလောက်အောင် ပြန်လည်ရန်ပြုသူ နိုင်လင်းဖြိုးအား လှော်ကားနယ်မြေရဲစခန်း (ပ)၁၁၀၀/၂၀၁၇၊ ရာဇသတ်ကြီးပုဒ်မ ၃၅၃/၃၀၇ ဖြင့် အမှုဖွင့် အရေးယူဆောင်ရွက် လျက်ရှိကြောင်းသတင်းရရှိသည်။
Yangon Police
https://www.facebook.com/yangonpolice/
ရဲတပ်ဖွဲ့ဝင်များအား ဓားမဖြင့် ပြန်လည်ရန်ပြုခုခံသူအား Pump Action သေနတ်ဖြင့် ပစ်ခတ်ဖမ်းဆီး
Reviewed by THITHTOOLWIN
on
23:33
Rating:
Reviewed by THITHTOOLWIN
on
23:33
Rating:
