Jerusalem ကိစ္စ တန့်ပြန်နိုင်တဲ့ အန္တရာယ် ကန်သံရုံးများ သတိထား

ဂျေရုဆလင်မ်ကို အစ္စရေးလ်နိုင်ငံရဲ့မြို့တော်အဖြစ် အသိအမှတ်ပြုကြောင်း ကန်သမ္မတက ကြေညာပြီးတဲ့နောက် ဆန္ဒပြမှုတွေဖြစ်ပွား။
ကမ္ဘာတ၀န်းက အမေရိကန်သံရုံးအများအပြားအတွက် လုံခြုံရေးဆိုင်ရာ သတိပေးချက်တွေကို အမေရိကန်နိုင်ငံခြားရေးဌာနက ထုတ်ပြန်ထားပါတယ်။ ဂျေရုဆလင်မ်ကို အစ္စရေးလ်နိုင်ငံရဲ့မြို့တော်အဖြစ် အသိအမှတ်ပြုတဲ့အကြောင်း သမ္မတ ဒေါ်နယ်လ်ဒ် ထရမ့်ပ်က ကြေညာပြီးတဲ့နောက် ဆန္ဒပြတာတွေ၊ အကြမ်းဖက် တိုက်ခိုက်တာတွေ ဖြစ်လာနိုင်တဲ့အတွက် အခုလို သတိပေးချက် ထုတ်ပြန်ထားတာပါ။ ကုလသမဂ္ဂမှာတော့ အမေရိကန်ရဲ့ မဟာမိတ်တွေဖြစ်တဲ့ ဗြိတိန်၊ အီတလီနဲ့ ပြင်သစ်နိုင်ငံတို့အပါအ၀င် လုံခြုံရေးကောင်စီအဖွဲ့ဝင် ၁၅ နိုင်ငံထဲက ၈ နိုင်ငံ အစည်းအဝေးတခုကို ဒီကနေ့မှာလုပ်ဖို့ အမေရိကန်သံတမန်တွေက ပြင်ဆင် နေပါတယ်။

ဒီဆုံးဖြတ်ချက်ဟာ ဆယ်စုနှစ်ပေါင်းများစွာရှိခဲ့တဲ့ အမေရိကန်ရဲ့မူဝါဒကနေ ချိုးဖောက် ထွက်သွားတာဖြစ်ပြီး ဒီအပေါ် ကမ္ဘာတ၀န်း တုန့်ပြန်ချက်တွေကတော့ အားလုံး တူညီလုနီးပါးပါပဲ။

ပြင်သစ်၊ ဂျာမနီ၊ အီတလီနဲ့ ဗြိတိန် အားလုံးက ဒီဆုံးဖြတ်ချက်အပေါ် အပြင်းအထန် ဝေဖန်ထားပါတယ်။ ဂျေရုဆလင်မ်မြို့ရဲ့ အဆင့်အတန်းကို အစ္စရေးလ်-ပါလက်စတိုင်း ငြိမ်းချမ်းရေးဆွေးနွေးပွဲတွေ နောက်ဆုံးအဆင့် မူဘောင်ထဲကနေသာ ဆွေးနွေး ညှိနှိုင်းသင့်တယ်လို့ ဒီနိုင်ငံအားလုံးကပြောပါတယ်။ ဒီငြိမ်းချမ်းရေးဆွေးနွေးပွဲတွေ ရပ်နေတာ လွန်ခဲ့တဲ့သုံးနှစ်ကတည်းကပါ။

ဂျေရုဆလင်မ်ကို အသိအမှတ်ပြုတာဟာ အမှန်တရားကို အသိအမှတ်ပြုတာပဲဖြစ်တယ်လို့ သမ္မတရဲ့ ကြေညာချက်နဲ့ပတ်သက်ပြီး နိုင်ငံခြားရေးဝန်ကြီး Rex Tillerson က ဗီယင်နမ်မှာ ကြာသပတေးနေ့က ကာကွယ်ပြောဆိုခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ