California တောင်ပိုင်း တောမီး အဆောက်အဦး ၁၂၀၀၀ မီးလောင်ကျွမ်းမယ့် အန္တရာယ်ရှိ


အမေရိကန်ပြည်ထောင်စု၊ တောင်ကာလီဖိုးနီးယားပြည်နယ် Ventura ခရိုင်မှာ တောမီး ဆက်လက်လောင်ကျွမ်းနေပြီး အဆောက်အဦးပေါင်း ၁ သောင်း ၂ ထောင်ခန့် အန္တရာယ် ကျရောက်နေတဲ့အတွက် စာသင်ကျောင်းများကို ပိတ်ထားလိုက် ရပါတယ်။

တနင်္ဂနွေနေ့ကစတင်လာတဲ့ မီးဘေးကြောင့် Los Angeles မြို့ အနောက်မြောက်ဘက် ကီလိုမီတာ ၉၀ ကျော်အကွာမှာ ဒါဇင်နဲ့ချီတဲ့ အိမ်တွေ လောင်ကျွမ်းခဲ့ပြီးဖြစ်ပါတယ်။ ဒီမီးကို ငြိမ်းသတ်ဖို့ Los Angeles မီးသတ်ဌာနက ရာနဲ့ချီတဲ့ မီးသတ်သမားတွေ ဖြန့်ချထားပြီး ရဟတ်ယာဉ်နဲ့ လေယာဉ်တွေကိုပါ အကူအညီ ခေါ်ယူထားရပါတယ်။

ကာလီဖိုးနီးယား ပြည်နယ်အုပ်ချုပ်ရေးမှူး Jerry Brown က Ventura ခရိုင်မှာ အရေးပေါ် အခြေအနေ ကြေညာပြီး နောက်တနေ့ဖြစ်တဲ့ ဗုဒ္ဓဟူးနေ့မှာတော့ ဒေသခံတွေ စွန့်ခွာဖို့ အဆင်သင့်ပြင်ထားကြရမယ်လို့ ညွှန်ကြားခဲ့ပါတယ်။ သမ္မတ ဒေါ်နယ်ထရမ့်ကလည်း ဒေသခံတွေအနေနဲ့ လုံခြုံစွာနေထိုင်ကြဖို့၊ အန္တရာယ်ရှိတဲ့ ဒေသတွေကနေ ထွက်ခွာကြဖို့လည်း သူ့ရဲ့ Twitter ကနေ တိုက်တွန်းလိုက်ပါတယ်။

ဗွီအိုအေ (မြန်မာဌာန)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ