သန်လျင်မြို့၌ ၁၀ ဘီးယာဉ်မှ ၂၂ ဘီးယာဉ်နှင့် ဆိုင်ကယ်တို့အား ၀င်တိုက်မိ ၂ ဦးသေ ၃ ဦးဒဏ်ရာရ


ရန်ကုန် - ဒီဇင်ဘာ ၁၅

ရန်ကုန်တောင်ပိုင်းခရိုင် သန်လျင်မြို့၊ ဖွံ့ဖြိုးရေးလမ်းနှင့် အေးရှား ဝေါလ် လမ်းမကြီးထိပ်၌ ဒီဇင်ဘာ ၁၄ ရက် ည ၁၀ နာရီ မိနစ် ၄၅ အချိန်က ဘိလပ်မြေဖျော် ၁၀ ဘီးယာဉ်မှ ၂၂ ဘီးယာဉ်နှင့် ဆိုင်ကယ်တို့အား ၀င်ရောက်တိုက်မိရာ ၂ ဦးသေဆုံး ၃ ဦးဒဏ်ရာ ရရှိခဲ့ကြောင်း သိရသည်။

ဖြစ်စဉ်မှာ သန်လျင်မြို့နယ်၊ ဖွံ့ဖြိုးရေးလမ်းအတိုင်း၊ အရှေ့မှ အနောက်သို့ ယာဉ်မောင်း (စုံစမ်းဆဲ) မောင်းနှင်လာသော ယာဉ်အမှတ် 1G/--- FOTONအမျိုးအစား ဖြူ/စိမ်းကြားရောင် ၁၀ ဘီး ဘိလပ်မြေဖျော် တင်ယာဉ်သည် အေးရှားဝေါလ် လမ်းမကြီးထိပ်အရောက် အေးရှားဝေါလ် လမ်းမကြီးအား ဖြတ်ထွက်စဉ် အေးရှားဝေါလ်လမ်းမကြီးအတိုင်း ယာဉ်မောင်း အောင်သူဟိန်း၊ အသက် (၂၇) နှစ်၊ အင်းတိုင်ကျေးရွာ၊ ကျောက်တံခါးမြို့နယ် ပဲခူးတိုင်းဒေသကြီးနေသူ မောင်းနှင်လာသော ယာဉ်အမှတ် 3M/--- HOWO အမျိုးအစား အနက်ရောင် ၂၂ ဘီး ယာဉ်အား ၀င်ရောက်တိုက်မိခဲ့ပြီး ယာဉ်အမှတ် 1G/--- FOTON ယာဉ်မှာ အရှိန်မထိန်းနိုင်ဘဲ ၄င်းတိုက်လိုက်သည့်အရှိန်ဖြင့် ရေကြောင်း လမ်းဘက်မှ ဆိုင်ကယ်မောင်း ကိုအောင်ထူး၊ အသက် (၃၄) နှစ်၊ ကံ့ကော် လမ်း၊ ကွမ်းခြံကုန်းကျေးရွာအုပ်စု သန်လျင်မြို့နယ် နေသူမောင်းနှင် လာသော ဆိုင်ကယ်အမှတ် ၅၉ယ/---- တိုယိုမတ် ၁၂၅ အနက်ရောင် ဆိုင်ကယ်အား ထပ်မံဝင်ရောက် တိုက်မိခဲ့သည်။

ထိုသို့ ဆိုင်ကယ်အား ထပ်မံဝင်ရောက်တိုက်မိသဖြင့် ဆိုင်ကယ် မောင်း ကိုအောင်ထူးနှင့် ဆိုင်ကယ်နောက်တွင် လိုက်ပါစီးနင်းသူ အမည်၊ နေရပ်လိပ်စာ (စုံစမ်းဆဲ) အသက် (၃၀) နှစ်ခန့် အမျိုးသမီးတို့တွင် ဦးခေါင်းပွင့်ထွက်၊ ၀မ်းဗိုက်ပွင့်ထွက် ဒဏ်ရာများဖြင့် အခင်းဖြစ်ပွားရာ နေရာတွင် သေဆုံးခဲ့ပြီး ယာဉ်အမှတ် 3M/--- HOWO ယာဉ်မောင်းဖြစ်သူ အောင်သူဟိန်းတွင် ဘယ်ဘက်မျက်ခုံးပေါက်ပြဲ၊ ဘယ်ဘက်လက်ခုံပွန်း၊ ဆီးခုံပွန်း၊ ဘယ်ဘက်ဒူးအောက်ပေါက်ပြဲဒဏ်ရာရရှိပြီး ယာဉ်မောင်း အောင်သူဟိန်း၊ ယာဉ်ပေါ်တွင် လိုက်ပါကြသူများဖြစ်သော မမျိုးမြတ်သူ ၊ အသက် (၂၁) နှစ် ယာဉ်မောင်းနှင့်(လိပ်စာတူ)တွင် နဖူး ဖူးရောင်ပေါက်၊ အောက်နှုတ်ခမ်းပေါက်ပြဲ၊ မေးစေ့ပေါက်ပြဲ၊ ဘယ်ဘက်လက်ဖျံဖူးရောင် ဒဏ်ရာနှင့် ယာဉ်နောက်လိုက် ကျော်ရဲအောင် အသက်(၂၀) နှစ် ဆင်ပေါင်ဝဲကျေးရွာ၊ ပဲခူးတိုင်းဒေသကြီးနေသူတွင် ညာဘက်လက်ခုံပွန်း၊ ဘယ်ဘက်ခါးပွန်း ဒဏ်ရာတို့ဖြင့် သန်လျင်အထွေထွေဆေးရုံ ပြင်ပလူနာ (မစိုးရိမ်ရ)ဖြင့် ဆေးကုသလျက်ရှိပြီး ယာဉ် (၂) စီးနှင့် ဆိုင်ကယ်ပျက်စီး ခဲ့ပြီး ယာဉ်အမှတ် 1G/--- FOTON ယာဉ်မောင်း (စုံစမ်းဆဲ) မှာ ယာဉ်အား ထားခဲ့ကာ ထွက်ပြေးတိမ်းရှောင်သွားခဲ့ကြောင်း သိရသည်။

အဆိုပါယာဉ်အား မဆင်မခြင်မောင်းနှင်ပြီး ရုတ်တရက် လမ်းဖြတ် ထွက်စဉ် ယာဉ်နှင့် ဆိုင်ကယ်အား ၀င်ရောက်တိုက်မိခဲ့ကာ လူသေဆုံး ဒဏ်ရာရရှိ၊ ယာဉ်နှင့်ဆိုင်ကယ် ပျက်စီးစေပြီး ထွက်ပြေးတိမ်းရှောင်သွားသူ ယာဉ်အမှတ် 1G/--- FOTON ယာဉ်မောင်း (စုံစမ်းဆဲ)အား သန်လျင်မြို့မ ရဲစခန်းမှ အမှုဖွင့် အရေးယူထားပြီး ထွက်ပြေးတိမ်းရှောင်နေသော ယာဉ်မောင်းအား ဖမ်းဆီးရမိရေး ဆေင်ရွက်လျှက်ရှိကြောင်း သိရသည်။

သက်ခိုင် (သန်လျင်)
Myanmaalinn
https://www.facebook.com/MYANMAALINNNEWS/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ