တာချီလိတ်မြို့ရှိ မယ်ဟုတ်ချောင်းတွင် ပျောက်နေသည့် ၉ နှစ်အရွယ် မိန်းကလေးနှင့် ရဲတပ်ကြပ်တစ်ဦးအား ရှာဖွေနေ


ရှမ်းပြည်နယ်(အရှေ့ပိုင်း) တာချီလိတ်မြို့နယ်၊ ဖန်မင်ကျေးရွာအုပ်စုရှိ မယ်ဟုတ်ချောင်းတွင် ဒီဇင်ဘာလ(၂၆)ရက်နေ့က ကလေးတစ်ဦးနှင့် ရဲတပ်ကြပ်တစ်ဦး ရေထဲကျသွားသည်ဟု ယူဆရသဖြင့် ရဲတပ်ဖွဲ့၊ ကယ်ဆယ်ရေးအဖွဲ့နှင့် လူမှုရေးအသင်းအဖွဲ့တို့က ရှာဖွေနေရာ ဒီဇင်ဘာလ(၂၇)ရက်နေ့ ညနေ(၃)နာရီကျော်အထိ အတည်မပြုနိုင်သေးကြောင်း သိရသည်။

“မယ်ဟုတ်ချောင်းဘေးမှာ ဆိုင်ကယ်တစ်စီးရပ်ထားတာ အတော်ကြာပြီး လူလည်းမတွေ့လို့ ဒေသခံတစ်ဦးက အကြောင်းကြားလာပါတယ်။ ဆိုင်ကယ်၊ ဖိနပ်နဲ့ ကျန်ခဲ့တဲ့ ပိုက်ဆံအိတ်တွေက သူ့တပ်ဖွဲ့က ရဲတပ်ကြပ်ဆိုတာကို မယ်ယန်း နကသ(နယ်စပ်ကုန်သွယ်ရေးစခန်း)တာဝန်ခံ ဒုရဲမှူးက အတည်ပြုပေးပါတယ်။ သူတို့ ရေနစ်သွားတာလို့တော့ အခုထိတော့ အတည်ပြုလို့ မရသေးဘူးပေါ့။ ရှာဖွေနေတုန်းပါပဲ”ဟု တာချီလိတ်မြို့မရဲစခန်းမှ စခန်းမှူး ဒုရဲမှူး ကြည်စိုးက တာချီလိတ်သတင်း အေဂျင်စီသို့ ပြောသည်။

မယ်ဟုတ်ချောင်းတွင် ရေနစ်သည်ဟု ယူဆရသည့် အသက် (၉)နှစ်အရွယ် မိန်းကလေးနှင့် ရဲတပ်ကြပ် သန်းထွန်းဦးတို့အား ရှာဖွေနိုင်ရန် တာချီလိတ်မြို့နယ်ရဲတပ်ဖွဲ့မှူး ရဲမှူးသန်းနု နှင့် မြို့မရဲစခန်းမှူးတို့ ဦးဆောင်သည့် တပ်ဖွဲ့ဝင်များ၊ တာချီလိတ်မြို့နယ်မီးသတ်တပ်ဖွဲ့ နှင့် အရန်တပ်ဖွဲ့ဝင်များ၊ ကယ်ဆယ်ရေး အဖွဲ့များ၊ လူမှုကူညီရေးအဖွဲ့ဖြစ်သည့် တာချီလိတ်နာရေးကူညီမှုအသင်းတို့က ရှာဖွေပေးနေကြောင်း သိရသည်။

"ကျွန်တော်တို့ ရေကူးကျွမ်းကျင်အဖွဲ့နဲ့ သီးခြားထွက်သွားပြီး ရေထဲကို သေချာလေ့လာပြီး အချိန်(၁)နာရီနီးပါး ရှာဖွေမှုလုပ်ခဲ့ပါတယ်။ လုံးဝရှာလို့မတွေ့သေးပါဘူး။ ချောင်းရေက ရေစီးပြင်းသလို အေးလည်း အရမ်းအေးနေတယ်"ဟု တာချီလိတ်နာရေးကူညီမှုအသင်း ဥက္ကဌ ဦးလှမိုးက ပြောသည်။

လက်ရှိတွင် ပျောက်ဆုံးနေသူများအား ရှာဖွေမှုများ ဆက်လက်လုပ်ဆောင်နေဆဲဖြစ်ကြောင်း သိရသည်။

သတင်း - စိုင်းဇေယျာ
ဓါတ်ပုံ - တာချီလိတ်နာရေးကူညီမှုအသင်း
Tachileik News Agency
http://www.tachileik.net

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ