မြောက်ကိုရီးယားနှင့် စစ်ပွဲဆင်နွှဲရန် ဖြစ်နိုင်ခြေ ပိုမိုတိုးမြင့်လာနေကြောင်း အမေရိကန် အမျိုးသားလုံခြုံရေးအကြံပေးပြော

အမေရိကန်နိုင်ငံ အိမ်ဖြူတော် အမျိုးသားလုံခြုံရေးအကြံပေး Mc Master အားတွေ့ ရစဉ်(ဆင်ဟွာ)
ဝါရှင်တန် ၊ ဒီဇင်ဘာ ၃ ရက်(ဆင်ဟွာ)

    မြောက်ကိုရီးယားနိုင်ငံက နောက်ဆုံးအကြိမ် ဒုံးကျည်စမ်းသတ်ပစ်လွှတ်ခဲ့ပြီးနောက် မြောက်ကိုရီးယားနိုင်ငံနှင့် စစ်ပွဲဆင်နွှဲသွားရန် ဖြစ်နိုင်ခြေ “ နေ့ စဉ် ပိုမိုတိုးမြင့်လာနေကြောင်း” အမေရိကန်နိုင်ငံသမ္မတအိမ်ဖြူတော် အမျိုးသားလုံခြုံရေးအကြံပေး H.R. McMaster က ဒီဇင်ဘာ ၂ ရက်တွင် ပြောကြားလိုက်သည်။

“ ဒါတွေက ဖြစ်နိုင်ခြေတွေ နေ့ တိုင်းတိုးမြင့်လာနေတယ်လို့ ကျွန်တော်ထင်ပါတယ်။ အဓိပ္ပါယ်က ပြဿနာကို ဖြေရှင်းဖို့ ပြေးပွဲတစ်ခုထဲမှာ ကျွန်တော်တို့ ရောက်ရှိနေပါတယ်။တကယ်ပါ။ ကျွန်တော်တို့ ပြေးပွဲထဲမှာပါ” ဟု ကယ်လီဖိုးနီးယား၌ ပြုလုပ်သော Reagan National Defense ဆွေးနွေးပွဲတွင် အမေရိကန်ပြည်ထောင်စု အကြီးတန်းလုံခြုံရေးအရာရှိတစ်ဦးက မိန့် ခွန်းပြောကြားစဉ် ထည့်သွင်းပြောကြားခဲ့ခြင်းဖြစ်သည်။

မြောက်ကိုရီးယားနိုင်ငံက တာဝေးတိုက်ချင်းပစ်ဒုံးကျည်(ICBM) အသစ်တစ်စင်းကို အောင်မြင်စွာ စမ်းသပ်ပစ်လွှတ်ခဲ့ပြီးနောက် ရက်အနည်းငယ်အကြာတွင် McMaster ၏ မှတ်ချက်စကားထွက်ပေါ်လာခြင်း ဖြစ်သည်။၎င်းဒုံးကျည် စမ်းသပ်ပစ်လွှတ်မှုကို ကမ္ဘာ့ နိုင်ငံများ နှင့် နိုင်ငံတကာအဖွဲ့ အစည်းများစွာက ပြင်းထန်စွာ ရှုတ်ချခဲ့သည်။

မြောက်ကိုရီးယားနိုင်ငံသည် အမေရိကန်နိုင်ငံအား ကြီးမားသော ခြိမ်းခြောက်မှုကို လုပ်ဆောင်လျက်ရှိကြောင်း McMaster က ပြောကြားခဲ့ပြီး ကိုရီးယားကျွန်းဆွယ်၌ နျူကလီးယားကင်းစင်ရေးကို အပြည့်အဝဖော်ဆောင်ရန် သမ္မတဒေါ်နယ်ထရမ့်အနေဖြင့် လုပ်ဆောင်စရာများ ကျန်နေသေးကြောင်း၎င်းက ဖြည့်စွက်ပြောကြားခဲ့သည်။

အဆိုပါကိစ္စရပ်အပေါ် စစ်ရေးမဟုတ်သော နည်းလမ်းများဖြင့် အဖြေရှာရန်ကိုလည်း အမျိုးသားလုံခြုံရေးအကြံပေးက သတိပေးပြောကြားခဲ့သည်။အမေရိကန်နိုင်ငံက မြောက်ကိုရီးယားနိုင်ငံအား “ အကြမ်းဖက်မှု ထောက်ခံအားပေးသောနိုင်ငံ” အဖြစ် သတ်မှတ်ခေါ်ဆိုခဲ့ပြီး မြောက်ကိုရီးယားနိုင်ငံအပေါ် ပိတ်ဆို့ မှုအသစ်များ ချမှတ်ခဲ့ပြီးနောက်တွင် မြောက်ကိုရီးယားနိုင်ငံ၏ နောက်ဆုံးအကြိမ် ဒုံးကျည်စမ်းသပ်ပစ်လွှတ်မှု ထွက်ပေါ်လာခဲ့ခြင်းဖြစ်သည်။

(Xinhua)
http://xinhuamyanmar.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ