ဗြိတိန်ဆေးဝန်ထမ်းအဖွဲ့ ရိုဟင်ဂျာဒုက္ခသည်စခန်း သွားရောက်

ဘင်္ဂလားဒေ့ရ်ှနိုင်ငံ Cox's Bazar က Palongkhali ရိုဟင်ဂျာ ဒုက္ခသည်စခန်း (ဒီဇင်ဘာ ၂၂-၂၀၁၇)
ဘင်္ဂလားဒေ့ရ်ှနိုင်ငံက ဒုက္ခသည်စခန်းတွေမှာ ဆုံဆို့နာရောဂါ ပြန့်နှံ့ဖြစ်ပွားနေတာကို ကူညီ ကုသပေးဖို့အတွက် ဗြိတိန်နိုင်ငံက ဆရာဝန်တွေ၊ သူနာပြုတွေနဲ့ မီးသတ်သမားတွေ စုစုပေါင်း အယောက် ၄၀ ကျော်ပါတဲ့အဖွဲ့ဟာ ဘင်္ဂလားဒေ့ရ်ှနိုင်ငံကို ကြာသပတေးနေ့က ထွက်သွားပြီလို့ ယူကေ ရုပ်သံလွှင့်ဌာန Sky News ကပြောပါတယ်။

ဆုံဆို့နာရောဂါကြောင့် နိုဝင်ဘာလကတည်းကဆိုရင် ဒုက္ခသည် ၂၀ ကျော် သေဆုံးခဲ့ပြီး နေ့စဉ် ရောဂါဖြစ်ပွားသူ ၁၅၀ ကျော် ရှိတယ်လို့ Sky News ကပြောပါတယ်။

ယူကေ ကူညီကုသရေးအဖွဲ့ထဲမှာပါတဲ့ သူနာပြုတဦးက -

“ဒါဟာ တခါတခါမှာ တကယ့်ကို စိုးရိမ်ပူပန်စရာဖြစ်မယ်လို့ ထင်ပါတယ်။ ကလေးငယ်တွေကို ပြုစုစောင့်ရှောက်ရ တဲ့ သူနာပြုတဦးအနေနဲ့၊ မိခင်တဦးအနေနဲ့ ကျမသိတာကတော့ ကိုယ့်ကလေးတွေ နာဖျားမကျန်းဖြစ်တဲ့အခါ စိုးရ်ိမ်ပူပန်ရတယ် ဆိုတာပါပဲ။ ဆုံဆို့နာ ကူးစက်ခံထားရတဲ့ကလေးငယ် ရာပေါင်းများစွာရှိပြီး အဲဒီထဲက ၇၅% ဟာ အသက် ၁၅ နှစ်အောက် အရွယ် တွေဖြစ်တယ်လို့ ကျမတို့သိထားပါတယ်။ လူတွေအနေနဲ့ တကယ့်ကို စိုးရိမ်ပူပန်နေကြမှာဖြစ်ပြီး အဲဒါက မြင်ရခက်တဲ့ကိစ္စပါ။” လို့ သူနာပြု Becky Platt ကပြောပါတယ်။

အခုသွားကြမယ့်အဖွဲ့ထဲကလူတွေအနေနဲ့ သူတို့ကြုံတွေ့ရမယ့် ခက်ခဲတဲ့ အခြေအနေတွေကို ရင်ဆိုင်နိုင်ဖို့အတွက် စနစ်တကျ သင်တန်းပေး လေ့ကျင့်ခဲ့တာပါ။

အခုသွားတဲ့ ယူကေအဖွဲ့ဟာ ဘင်္ဂလားဒေ့ရ်ှမှာ သီတင်းပတ် ၆ ပတ်ကြာ ကူညီ လုပ်ဆောင်ပေးကြမှာဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ