ဆိုင်ကယ်တစ်စီး လမ်းဘေးသံပေါင်တန်းနှင့် ၀င်တိုက်မိပြီး အမျိုးသမီး (၂)ဦးသေဆုံး

တနသာင်္ရီတိုင်းဒေသကြီး၊ ထားဝယ်ခရိုင်၊ ရေဖြူမြို့နယ်၊ ရပ်တော်မူဘုရားလမ်းရှိ ရေဖြူမြစ်ကူးတံတားလမ်း အနောက်ဘက်ခြမ်းတံတားနဲ့ (၂) ဖာလုံခန့်အကွာမှာ ဒီဇင်ဘာ (၂၈) ရက် ညနေ (၄) နာရီခွဲခန့်က ဆိုင်ကယ်တစ်စီး အရှိန်မထိန်းနိုင်ဘဲ လမ်းဘေးကာရန်ထားတဲ့ အတားအဆီး သံပေါင်တန်းနဲ့ ၀င်တိုက်မိပြီး အမျိုးသမီး (၂)ဦးသေဆုံးသွားတယ်လို့ သိရပါတယ်။

 အသက် (၃၂) နှစ်အရွယ် မူလတန်းလွန်ပြဆရာမတစ်ဦးနဲ့ အသက်(၃၈)နှစ်အရွယ် မူလတန်းကျောင်း အထွေထွေလုပ်သားအမျိုးသမီးတစ်ဦးတို့ စီးနင်းလာတဲ့ wave - I 125 ဆိုင်ကယ်ဟာ လမ်းဘေးကာရံထားတဲ့ ကွန်ကရစ်တိုင်နဲ့သံပေါင်တန်းကို အရှိန်မထိန်းနိုင်ဘဲ ၀င်ရောက်တိုက်မိပြီးနောက် ဆိုင်ကယ်တိမ်းမှောက်ကာ ဆိုင်ကယ်စီးနင်းလာသူ (၂)ဦးစလုံး ပေါက်ပြဲပြတ်ရှဒဏ်ရာတွေနဲ့ အခင်းဖြစ်နေရာမှာပင် သေဆုံးခဲ့တာဖြစ်တယ်လို့ ရဲမှတ်တမ်းအရ သိရပါတယ်။

အဲဒီဖြစ်စဉ်နဲ့ ပတ်သက်လို့ ရေဖြူမြို့နယ် မြို့မရဲစန်းက ဥပဒေနဲ့အညီ ဆောင်ရွက်ထားတယ်လို့ သိရပါတယ်။ ဒီသတင်းကို လင်းလင်း(ရေဖြူ) ပေးပို့တာဖြစ်ပါတယ်။

Central News Bureau
https://www.facebook.com/skynetcnb/