မြောက်ကိုရီးယားနဲ့ တွေ့ဆုံဆွေးနွေးဖို့ အမေရိကန် အဆင်သင့်ရှိ

အမေရိကန် နိုင်ငံခြားရေးဝန်ကြီး Rex Tillerson မြောက်ကိုရီးယားအရေး သတင်းထောက်တွေအမေးကို ဖြေစဉ်။
မြောက်ကိုးရီးယားနဲ့ ကြိုတင်တောင်းဆိုတဲ့ ကန့်သတ်ချက်တွေ မပြုလုပ်ဘဲ ဆွေးနွေးပွဲတွေ ကျင်းပဖို့ အမေရိကန် နိုင်ငံခြားရေးဝန်ကြီး Rex Tillerson ရဲ့ ကမ်းလှမ်းချက်ကို တရုတ်နိုင်ငံက ကြိုဆိုလိုက်ပါတယ်။ ကိုးရီးယားကျွန်းဆွယ်မှာ တင်းမာမှုတွေ တိုးလာနေပြီး တရုတ်နိုင်ငံကို တောင်ကိုးရီးယားသမ္မတ Moon Jae-in လေးရက်ကြာ တရားဝင် ခရီး သွားရောက်ချိန်မှာ အခုလို ကမ်းလှမ်းလိုက်တာ ဖြစ်ပါတယ်။ တင်းမာမှု တွေလျှော့ချဖို့နဲ့ အခြေအတင်ဆွေးနွေးမှုကို ထောက်ခံတဲ့ကြိုးပမ်းမှုအားလုံးတို့ကို တရုတ် အစိုးရက ကြိုဆိုတဲ့အကြောင်း နိုင်ငံခြားရေးဌာန ပြောခွင့်ရ ပုဂ္ဂိုလ် Lu Kang က ဗုဒ္ဓဟူးနေ့ ပုံမှန်သတင်းစာရှင်းလင်းပွဲမှာ ပြောခဲ့ပါတယ်။

တရုတ်နိုင်ငံအနေနဲ့ အမေရိကန်နဲ့ မြောက်ကိုးရီးယား နှစ်နိုင်ငံတို့ အပြန်အလှန် အရေးယူ မှုတွေကို ဆိုင်းငံ့ဖို့ အဆိုပြုထားပြီးဖြစ်ပြီး တွေ့ဆုံဆွေးနွေးပွဲတွေဆီရောက်ဖို့ နှစ်နိုင်ငံစလုံး အနေနဲ့ အတူကြိုးပမ်းကြဖို့ မစ္စတာ Lu က ပြောခဲ့ပါတယ်။

တရုတ်ဘက်က အဆိုပြုချက်ကတော့ မြောက်ကိုးရီးယားအနေနဲ့ တာဝေးပစ်ဒုံးလက်နက် ပစ်လွှတ်မှုတွေနဲ့ နျူကလီယားစမ်းသပ်မှုအားလုံးကို ရပ်တန့်ပေးရမှာဖြစ်သလို အမေရိကန်နဲ့ တောင်ကိုးရီးယားဘက်ကလည်း စစ်ရေးလေ့ကျင့်မှုအားလုံးတို့ကို ရပ်တန့်ပေးရမှာ ဖြစ်ပါတယ်။

အင်္ဂါနေ့က ကျင်းပခဲ့တဲ့ အတ္တလန်တစ်ကောင်စီ ကိုးရီးယားဖောင်ဒေးရှင်း ဆွေးနွေးပွဲမှာ ဝန်ကြီး Tillerson က မြောက်ကိုးရီးယားအပေါ် တရုတ်က ဖိအားတိုးပေးဖို့ တိုက်တွန်းခဲ့ပါ တယ်။ ဒါ့အပြင် ဆွေးနွေးပွဲမတိုင်မီ နှစ်ဘက်စလုံးတို့အတွက် အခြေအနေ အေးအေး ဆေးဆေး ရှိဖို့လိုအပ်တဲ့အကြောင်း ဒီလိုမှမဟုတ်ရင် အကျိုးရှိတဲ့ ဆွေးနွေးပွဲတွေကို ကျင်းပဖို့ခက်ခဲမှာဖြစ်တဲ့အကြောင်း ဝန်ကြီး Tillerson က ပြောခဲ့ပါတယ်။

မြောက်ကိုးရီးယားက ဆွေးနွေးမယ်ဆိုရင် အမေရိကန်က အချိန်မရွေး အဆင်သင့်ရှိတဲ့ အကြောင်းနဲ့ ပထမဦးဆုံးအကြိမ် ဆွေးနွေးရာမှာလည်း ဘာမှ ကြိုတင် တောင်းဆိုမှုတွေ ပြုလုပ်မှာ မဟုတ်တဲ့အကြောင်း ဝန်ကြီး Tillerson က ပြောခဲ့ပါတယ်။

ဗွီအိုအေ (မြန်မာဌာန)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ