အိန္ဒိယသမုဒ္ဒရာအတွင်းမှာ လှေပျက်တစီးနဲ့ ၇ လကြာ မျောပါနေခဲ့တဲ့ ပိုလန်နိုင်ငံသားတဦးကို ပြင်သစ်ကမ်းခြေစောင့်တပ်ဖွဲက တနင်္ဂနွေနေ့မှာ ကယ်ဆယ်နိုင်ခဲ့ပါတယ်။ အဲဒီ အသက်၅၄ နှစ်ရှိသူဟာ သင်္ဘောသားတဦးဖြစ်ပြီး ပင်လယ်ကူးသင်္ဘောတွေမှာ အသုံးပြုတဲ့ အသက်ကယ်လှေဟောင်းတစင်းကို သူကိုယ်တိုင်ဖြည့်စွက် မွမ်းမံပြင်ဆင်ကာ မိုဇမ်ဘစ်ကမ်းခြေကနေ ပြီးခဲ့တဲ့ မေလမှာ စတင်ထွက်ခွာခဲ့ပါတယ်။
တောင်အာဖရိကနိုင်ငံကို ဒီလှေနဲ့ သွားရောက်ဖို့ သူက မျှော်လင့်ခဲ့တာပါ။ ဒါပေမဲ့ ပင်လယ်ရေစီးကြောင်းနဲ့ မိုင် ၁၂ဝဝ ကျော် မျောပါခဲ့ပြီးနောက် အခုလို ပြင်သစ်နိုင်ငံပိုင် ကျွန်းတခုဖက်ကို ရောက်သွားခဲ့တာ ဖြစ်ပါတယ်။
သူနဲ့အတူ ကြောင်ကလေးတကောင်လည်း လှေပေါ်မှာလိုက်ပါခဲ့ပါတယ်။ ပင်လယ်အတွင်း မျှားလို့ရတဲ့ ငါးတွေနဲ့ သူတို့မှာပါသွားတဲ့ ဆွပ်ပြုတ်ဗူးတချို့ကို သူနဲ့ သူ့ကြောင်ကလေး ဝေမျှစားသောက်ရင်း အသက်ရှင်အောင် နေထိုင်ခဲ့ကြတယ်လို့ ဆိုပါတယ်။ သူ့မှာ ဆက်သွယ်ရေးကိရိယာလည်း မပါဘူးလို့ ပြင်သစ်ကမ်းခြေစောင့်တပ်ဖွဲ့ကပြောပါတယ်။
Photo: RICHARD BOUHET/AFP
RFA Burmese
https://www.facebook.com/rfaburmese/
သမုဒ္ဒရာမှာ ၇ လကြာ မျောပါခဲ့သူ ကယ်ဆယ်ရရှိ
Reviewed by THITHTOOLWIN
on
11:34
Rating: