သတင်းထောက်တဦးကို လူမှောင်ခိုမှုနဲ့ ဖမ်းဆီးထား

အစိုးရပိုင်ကြေးမုံသတင်းစာက သတင်းထောက်မှတ်ပုံတင်ကဒ်ပြားကိုင်ဆောင်ထားသူတဦးကို ရခိုင်ပြည်နယ်က မွတ်ဆလင်တွေ ပြည်မြို့ဖက်ခိုးသွင်းရန်ကြိုးစားမှုအတွက် မနေ့က ဖမ်းဆီးလိုက်ပါတယ်။

ကျောက်ဖြူမြို့မှာနေထိုင်တဲ့ အဲဒီ သတင်းထောက် စောမိုးကျော်ဆိုသူဟာ ကျောက်တလုံးဒုက္ခသည်စခန်းက မွတ်ဆလင် ၆ ဦးကို တိုယိုတာ မတ်တူးဆီဒင်ကားနဲ့ ပြည်မြို့ဖက်ခေါ်ယူလာခဲ့ကြောင်း နဲ့ ပန်းတောင်းမြို့နယ် ညောင်ကျိုး စစ်ဆေးရေးဂိတ်အရောက် မနေ့နေ့လည်က တားဆီးခဲ့ရာမှာ ကားမောင်း ထွက်ပြေးသွားတဲ့အတွက် လုံခြုံရေးအဖွဲ့တွေက လိုက်လံ ဖမ်းဆီးမိခဲ့ကြောင်း သိရပါတယ်။

ကြေးမုံသတင်းစာရဲ့ ဖေ့စ်ဘုတ်စာမျက်နှာမှာတော့ ဒီအမှုနဲ့ ပတ်သက်လို့ တစုံတရာပြောကြားခြင်းမရှိပဲ ဦးစောမိုးကျော်ကို ၂ဝ၁၇ ခုနှစ် ဇူလိုင်လကစပြီး သတင်းထောက်အဖြစ်က ရပ်ဆိုင်းခဲ့ကြောင်း မနေ့ညနေပိုင်းက ဖေါ်ပြထားပါတယ်။ ပြန်ကြားရေးဝန်ကြီးဌာနက အမည်မဖေါ်လိုတဲ့ အရာရှိတဦးကတော့ အခုလို ဖမ်းဆီးမှုသတင်းကို သက်ဆိုင်ရာတာဝန်ရှိသူတွေက ပြန်ကြားရေးဝန်ကြီး ဒေါက်တာဖေမြင့် ထံ မနေ့ကပဲ တင်ပြခဲ့ကြတယ်လို့ RFA ကို ပြောပါတယ်။

ဓါတ်ပုံ - facebook
RFA Burmese
https://www.facebook.com/rfaburmese