တန်ဖိုးနည်းအိမ်ရာ ၂ ခု ဆောက်လုပ်ဖို့ တိုင်းအစိုးရ စီစဉ်

ရန်ကုန်တိုင်းဒေသကြီးအတွင်းက မြေယာတချို့ကို တွေ့ရစဉ်။ Photo: Tun Myint/ RFA
ရန်ကုန်တိုင်းဒေသကြီး၊ တွံတေးမြို့နယ်က လယ်မြေဧက ၂ဝဝ ကျော်မှာ တန်ဖိုးနည်းအိမ်ရာ ၂ ခု ဆောက်လုပ် ဖို့ စီစဉ်နေတယ်လို့ တွံတေးမြို့နယ် တိုင်းလွှတ်တော်ကိုယ်စားလှယ် ဒေါက်တာကျော်ဇင်ဦး က ဒီကနေ့ ပြောပါတယ်။

အဲဒီကိစ္စနဲ့ ပတ်သက်ပြီး ဝန်ကြီးချုပ် ဦးဖြိုးမင်းသိန်းကိုယ်တိုင် လယ်သမားတွေနဲ့ တွေ့ဆုံပြီး အသိပေးခဲ့ပြီးဖြစ်တယ် လို့ ဒေါက်တာကျော်ဇင်ဦး က ပြောပါတယ်။

"ရန်ကုန်တိုင်းဒေသကြီးအစိုးရအဖွဲ့က ဦးဖြိုးမင်းသိန်းကိုယ်တိုင်လေ၊ အဲဒီကျူးကျော်တွေ အတွက်ရော၊ နောက်ပြီးတော့ အငြိမ်းစားဝန်ထမ်းတွေအတွက်ကို ရည်ရွယ်တဲ့ တန်ဖိုးနည်းအိမ်ရာဆောက် မယ် ဆိုတဲ့ဟာမျိုးပေါ့၊ တွံတေးကိုလာသွားတယ်ပေါ့၊ လာပြီးတော့ လယ်သမားတွေနဲ့ ဆွေးနွေးသွား တယ်ပေါ့"

အဲဒီအိမ်ရာတွေကို တွံတေးမြို့နယ်၊ ပဒန်ရေကျော်ကျေးရွာက တောင်သူ ၅၀ ကျော်လောက် ပိုင်ဆိုင်တဲ့ လယ်မြေ ၂၆၂ ဧကမှာ အကောင် အထည်ဖော်ဆောက်လုပ်မှာဖြစ်ပါတယ်။

တောင်သူတွေ တစ်ယောက်ချင်းစီအလိုက် စွန့်လွှတ်လိုက်ရတဲ့ လယ်မြေတွေရဲ့ ၂၀ ရာခိုင်နှုန်းကို ပြန်ပေးသွားမှာ ဖြစ်ပြီး ပြန်ပေးတဲ့မြေနေရာမှာ အခြားနည်းနဲ့ သုံးစွဲခွင့်ပါ ရရှိကြမှာဖြစ်တယ်လို့လည်း ပြောပါတယ်။

ပြန်ပေးမယ့်မြေတွေကို လမ်းမဘေးနေရာတွေမှာ အများဆုံးပြန်ချပေးဖို့ စီစဉ်နေပေမယ့် လယ်သမားအရေအတွက် များတဲ့အတွက် ညှိနှိုင်းယူရမှာဖြစ်တယ် လို့ ဒေါက်တာကျော်ဇင်ဦး က ပြောပါတယ်။

တိုင်းအစိုးရအဖွဲ့က အိမ်ရာ ၂ ခုအတွက် ကုမ္ပဏီတစ်ခုနဲ့ အရင်ဆုံး စမ်းသပ်ဆောက်လုပ်မှာဖြစ်ပြီး အဆင်ပြေရင် ရေရှည်လက်တွဲသွားမှာ ဖြစ်တယ်လို့ သိရပါတယ်။ တွံတေးမြို့နယ်က မြေဧက ၂၇၀၀ လောက်မှာ အလားတူ အိမ်ရာတွေ အကောင်အထည်ဖော်ဖို့ စီစဉ်နေတာလည်း ရှိပါတယ်။

ဒါ့အပြင် တွံတေးမြို့နယ်အတွင်းက အစိုးရပိုင် အရင် စက်မှု ၁ ဝန်ကြီးဌာနရဲ့ မြေနေရာ ဧက ၈၀၀ လောက်မှာ စက်မှုဇုန် အကောင်အထည်ဖော်သွားဖို့ရှိတယ် လို့လည်း သိရပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ