'၀' ကိုယ်ပိုင်အုပ်ချုပ်ခွင့်ရတိုင်း၊ ဟိုပန်ခရိုင် မြို့နယ် အထွေထွေအုပ်ချုပ်ရေး ဦးစီးဌာနပိုင် ၀န်ထမ်းအိမ်ရာတွင် မီးလောင်မှုဖြစ်ပွား


'၀' ကိုယ်အုပ်ချုပ်ခွင့်ရတိုင်း၊ ဟိုပန်ခရိုင်၊ ဟိုပန်မြို့နယ်တွင် ဒီဇင်ဘာလ(၂)ရက်နေ့ နံနက်(၆:၄၅)အချိန်က ရုံးကုန်းရပ်ကွက်ရှိ မြို့နယ်အထွေထွေအုပ်ချုပ်ရေးဦးစီးဌာနပိုင် မိုင်းမောဝန်ထမ်းအိမ်ရာ (၄)ခန်းတွဲ (သွပ်မိုးထရံကာ)(၁)လုံး၊ ပန်ဝိုင်ဝန်ထမ်းအိမ်ရာ(၄)ခန်းတွဲ (သွပ်မိုးထရံကာ)(၁)လုံး၊ စုစုပေါင်းအဆောက်အဦး (၂)လုံး မီးလောင်ကျွမ်းမှုဖြစ်ပွားခဲ့ကြောင်းသိရသည်။

အဆိုပါမီးအား မီးသတ်ယာဉ်(၂)စီး၊ ရေသယ်ယာဉ်(၂)စီး၊ မီးသတ်စက်ယာဉ်(၁)စီးဖြင့် သန္ဓေမီးသတ်(၄၀)ဦး၊ အရံမီးသတ်(၁၀)ဦး၊'၀' တိုင်း ခရိုင်/မြို့နယ် ထွေအုပ်ဝန်ထမ်း(၃၀)ဦး၊ ဌာနဆိုင်ရာဝန်ထမ်း (၁၀)ဦး၊ ရဲတပ်ဖွဲ့ဝင်(၂၅)ဦး၊ တပ်မတော်သား(၂၀)ဦးနှင့်ပြည်သူများမှ ၀ိုင်းဝန်မီးငြိမ်းသတ်ခဲ့ရာ နံနက်(၇:၃၀)အချိန် တွင်မီးထိန်းနိုင်ခဲ့ပြီး (၇:၃၀)အချိန်တွင်မီးငြိမ်းသတ်နိုင်ခဲ့သည်။

ဖြစ်စဉ်မှာခရိုင်အထွေထွေအုပ်ချုပ်ရေးဦးစီးဌာနမှ ဒေါ်အမ်းလူ(ရုံးအကူ)နေအိမ် ဘုရားမီးပူဇော်သော ဖယောင်းတိုင်မှ တဆင့်မီးလောင် ကျွမ်းမှုဖြစ်ပွားခဲ့ကြောင်းသိရှိရသည်။

ခရိုင်(ပြန်/ဆက်)
MOI Webportal Myanmar
https://www.facebook.com/MOIWebportalMyanmar/
'၀' ကိုယ်ပိုင်အုပ်ချုပ်ခွင့်ရတိုင်း၊ ဟိုပန်ခရိုင် မြို့နယ် အထွေထွေအုပ်ချုပ်ရေး ဦးစီးဌာနပိုင် ၀န်ထမ်းအိမ်ရာတွင် မီးလောင်မှုဖြစ်ပွား '၀' ကိုယ်ပိုင်အုပ်ချုပ်ခွင့်ရတိုင်း၊ ဟိုပန်ခရိုင် မြို့နယ် အထွေထွေအုပ်ချုပ်ရေး ဦးစီးဌာနပိုင် ၀န်ထမ်းအိမ်ရာတွင် မီးလောင်မှုဖြစ်ပွား Reviewed by THITHTOOLWIN on 17:38 Rating: 5
Powered by Blogger.