ရှမ်းပြည်နယ်အတွင်းက မြေယာတချို့ကို တွေ့ရစဉ် / Photo: Kan Thar/ RFA |
စိုက်ပျိုးရေးကဏ္ဍတိုးတက်လိုပြီး နည်းပညာရယူလိုတာကြောင့် အခုလိုဆောင်ရွက်ဖို့ စီစဉ်နေတာဖြစ်တယ်လို့ ရှမ်းပြည်နယ်အစိုးရအဖွဲ့ဝင် ဝန်ကြီးဦးစိုးညွန့်လွင် ကပြောပါတယ်။
"ကျနော်တို့က စိုက်ပျိုးရေးက မိရိုးဖလာ စိုက်နေတဲ့ပုံစံက တက်မလာခဲ့ဘူး။ အခုဟာ သူများနိုင်ငံမှာက တချို့ဆို မြေပေါ်တောင်မစိုက်တော့ဘဲ တကယ့်ကွန်တိန်နာဗုံးတွေနဲ့ စိုက်တယ်။ ကျနော်တို့က နည်းပညာ အရမ်း နောက်ကျနေတဲ့အတွက် နိုင်ငံတကာရင်းနှီးမြှုပ်နှံမှုကို စိုက်ပျိုးရေးနဲ့တွဲလုပ်မယ်ဆိုပြီး ရှမ်းပြည်နယ် အစိုးရဘက်က ကူညီဆောင်ရွက်ပေးဖို့ အသင့်ရှိပါတယ်"
လတ်တလောမှာ ဂျပန်နဲ့ ထိုင်းနိုင်ငံက ကုမ္ပဏီတွေက စိုက်ပျိုးရေးလုပ်ငန်းလုပ်ကိုင်ဖို့ လာရောက်လေ့လာတာ တွေရှိနေတယ်လို့ ဦးစိုးညွန့်လွင် ကပြောပါတယ်။
ဂျပန်ကုမ္ပဏီတစ်ခုက စီးပွားဖြစ် "ကြာ"စိုက်ပျိုးဖို့ လာရောက်လေ့လာနေတာရှိပြီး ကြာပန်းကို ရေထဲမှာသာမကပဲ ကုန်းပေါ်မှာစိုက်ပျိုးနိုင်မယ့် နည်းပညာရရှိမှာဖြစ်ပြီး အဲဒီကုမ္ပဏီနဲ့ MOU ရေးထိုးဖို့ပြင်ဆင်နေတယ်လို့ ပြောပါတယ်။
ရှမ်းပြည်နယ်အတွင်းမှာ အစိုးရပိုင်မြေဧက ၃ သိန်းကျော်ရှိပြီး အဲဒီမြေတွေမှာ စိုက်ပျိုးရေးလုပ်ငန်းလုပ်ကိုင်လို သူတွေအနေနဲ့ လာရောက်လေ့လာနိုင်တယ်လို့လည်း ဝန်ကြီးဦးစိုးညွန့်လွင် က ပြောပါတယ်။
RFA Burmese
http://www.rfa.org/burmese
စိုက်ပျိုးရေးကဏ္ဍမှာ ရင်းနှီးမြှုပ်နှံမှုတွေကို ကူညီပေးမယ်လို့ ရှမ်းဝန်ကြီးပြော
Reviewed by THITHTOOLWIN
on
20:32
Rating: