စိုက်ပျိုးရေးကဏ္ဍမှာ ရင်းနှီးမြှုပ်နှံမှုတွေကို ကူညီပေးမယ်လို့ ရှမ်းဝန်ကြီးပြော

ရှမ်းပြည်နယ်အတွင်းက မြေယာတချို့ကို တွေ့ရစဉ် / Photo: Kan Thar/ RFA
ရှမ်းပြည်နယ်အတွင်းက အစိုးရပိုင်မြေတွေမှာ စိုက်ပျိုးရေးလုပ်ငန်း လုပ်ကိုင်လိုတဲ့ ပြည်တွင်း၊ ပြည်ပရင်းနှီး မြှုပ်နှံလိုသူတွေကို ဖိတ်ခေါ်တဲ့အပြင် ပုဂ္ဂလိကပိုင်မြေတွေမှာ လုပ်ကိုင်လိုတဲ့ အဖွဲ့အစည်းတွေကိုလည်း အစိုးရဘက်က ကူညီဆောင်ရွက်ပေးသွားမှာဖြစ်တယ်လို့ ရှမ်းပြည်နယ်အစိုးရအဖွဲ့ စီမံကိန်းနဲ့ စီးပွားရေးဝန်ကြီး ဦးစိုးညွန့်လွင် က ဒီနေ့ ပြောပါတယ်။

စိုက်ပျိုးရေးကဏ္ဍတိုးတက်လိုပြီး နည်းပညာရယူလိုတာကြောင့် အခုလိုဆောင်ရွက်ဖို့ စီစဉ်နေတာဖြစ်တယ်လို့ ရှမ်းပြည်နယ်အစိုးရအဖွဲ့ဝင် ဝန်ကြီးဦးစိုးညွန့်လွင် ကပြောပါတယ်။

"ကျနော်တို့က စိုက်ပျိုးရေးက မိရိုးဖလာ စိုက်နေတဲ့ပုံစံက တက်မလာခဲ့ဘူး။ အခုဟာ သူများနိုင်ငံမှာက တချို့ဆို မြေပေါ်တောင်မစိုက်တော့ဘဲ တကယ့်ကွန်တိန်နာဗုံးတွေနဲ့ စိုက်တယ်။ ကျနော်တို့က နည်းပညာ အရမ်း နောက်ကျနေတဲ့အတွက် နိုင်ငံတကာရင်းနှီးမြှုပ်နှံမှုကို စိုက်ပျိုးရေးနဲ့တွဲလုပ်မယ်ဆိုပြီး ရှမ်းပြည်နယ် အစိုးရဘက်က ကူညီဆောင်ရွက်ပေးဖို့ အသင့်ရှိပါတယ်"

လတ်တလောမှာ ဂျပန်နဲ့ ထိုင်းနိုင်ငံက ကုမ္ပဏီတွေက စိုက်ပျိုးရေးလုပ်ငန်းလုပ်ကိုင်ဖို့ လာရောက်လေ့လာတာ တွေရှိနေတယ်လို့ ဦးစိုးညွန့်လွင် ကပြောပါတယ်။

ဂျပန်ကုမ္ပဏီတစ်ခုက စီးပွားဖြစ် "ကြာ"စိုက်ပျိုးဖို့ လာရောက်လေ့လာနေတာရှိပြီး ကြာပန်းကို ရေထဲမှာသာမကပဲ ကုန်းပေါ်မှာစိုက်ပျိုးနိုင်မယ့် နည်းပညာရရှိမှာဖြစ်ပြီး အဲဒီကုမ္ပဏီနဲ့ MOU ရေးထိုးဖို့ပြင်ဆင်နေတယ်လို့ ပြောပါတယ်။

ရှမ်းပြည်နယ်အတွင်းမှာ အစိုးရပိုင်မြေဧက ၃ သိန်းကျော်ရှိပြီး အဲဒီမြေတွေမှာ စိုက်ပျိုးရေးလုပ်ငန်းလုပ်ကိုင်လို သူတွေအနေနဲ့ လာရောက်လေ့လာနိုင်တယ်လို့လည်း ဝန်ကြီးဦးစိုးညွန့်လွင် က ပြောပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ