မောင်တောမှာ အခြေချဖို့ လူဦးရေ ၆၀ ကျော် ရောက်ရှိ

မောင်တောမြို့နယ် ကိုးတန်ကောက်ရွာမှာ အခြေချနေထိုင်ဖို့လာတဲ့ မိသားစုတွေအတွက် နေအိမ်ငယ်တွေ ဆောက်လုပ်ပေးနေတာကို ဒီဇင်ဘာလ ၈ ရက်နေ့က တွေ့ရစဉ်/ Photo: Min Thein Aung/ RFA
ရခိုင်ပြည်နယ် မောင်တောဒေသမှာ အခြေချဖို့အတွက် သံတွဲ၊ ရမ်းဗြဲ၊ မာန်အောင် စတဲ့မြို့နယ်တွေက ဒေသခံ လူဦးရေ ၆ဝ ကျော်ဟာ မောင်တောမြို့နယ် အင်းဒင်ကျေးရွာကို ပြီးခဲ့တဲ့ရက်ပိုင်းက ရောက်ရှိ နေကြပါတယ်။

သူတို့တွေကို အင်းဒင်ကျေးရွာ စာသင်ကျောင်းမှာ ယာယီနေရာချထားပေးတယ်လို့ အကူအညီတွေ ပေးနေတဲ့ အင်းဒင်ရွာခံ ဦးမြင့်စိုး က ပြောပါတယ်။

အဲဒီအထဲက တချို့မှာ မိသားစုအလိုက် အပြီးတိုင်ပြောင်းရွှေ့လာကြတာရှိသလို တချို့မှာလည်း မိသားစုထဲက တချို့လောက်ပဲ ကနဦးလာရောက်ကြတာတွေ လည်းရှိပါတယ်။

မောင်တောဒေသမှာ အကြမ်းဖက်တိုက်ခိုက်မှုဖြစ်စဉ်တွေ ဖြစ်ပွားပြီးနောက်ပိုင်း ရေလုပ်ငန်းအပြင် အခြားလုပ်ငန်းတွေနဲ့ လုပ်ကိုင်ရပ်တည်ဖို့ ဆုံးဖြတ်ပြီး ပြောင်းရွှေ့လာကြတာလို့ အခြေချဖို့ ပြောင်းရွှေ့ လာသူတွေကပြောပါတယ်။

မနက်ဖြန်မှာလည်း သံတွဲမြို့နယ်အတွင်းက အိမ်ထောင်စု ၁၀ စုကျော် ထပ်မံလာရောက် ဖို့ရှိတယ်လို့လည်း သိရပါတယ်။

နောက်ထပ် ပေါက်တောမြို့နယ်ကနေ ပြောင်းရွှေ့လာကြတဲ့ မိသားစု ၁၁ စုဟာလည်း ရသေ့တောင်မြို့နယ် ကိုးတန်ကောက်ကျေးရွာကို ရောက်ရှိနေကြပါတယ်။

အဲဒီမိသားစုတွေအတွက်ကိုတော့ သမိုင်းပညာရှင် ဒေါက်တာအေးချမ်းဦးဆောင်တဲ့ အနောက်ဘက် ဒေသ ရခိုင်အမျိုးသားနယ်မြေ ပြန်လည်တည်ဆောက်ရေး အထောက်အကူပြု ကော်မတီက ကိုးတန်ကောက်ကျေးရွာမှာ လုံးချင်းနေအိမ်တွေနဲ့ နေရာချထားပေးသွားတယ်လို့ သိရပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ