ကိုယ်ဝန်ဆောင် အမျိုးသမီးတစ်ဦးအား သတ်ဖြတ်၍ ရွှေဆွဲကြိုးနှင့် ရွှေလက်စွပ်များ ယူဆောင်သွား

ကိုယ်ဝန်ဆောင် အမျိုးသမီးတစ်ဦး ဓားဒဏ်ရာများဖြင့် သေဆုံးနေ
မန္တလေးတိုင်းဒေသကြီး ပြင်ဦးလွင်ခရိုင် မတ္တရာမြို့နယ် လမိုင်းကျေးရွာအုပ်စု ကျောက်တံတားကျေးရွာတွင် ဒီဇင်ဘာ ၂ ရက် ညနေ ၆နာရီ ၃၀မိနစ်အချိန်က အမျိုးသမီးတစ်ဦး အသတ်ခံရကြောင်းသိ ရသည်။

မတ္တရာမြို့နယ် ကျောက်တံတားကျေးရွာနေ ဦးနေစိုးထွန်း(ခ) စိုးကြီး တောင်သူလုပ်ကိုင်သူသည် ကြားကျေးရွာမှ စပါးရိတ်ပြီး နေအိမ်သို့ပြန်လာစဉ် နေအိမ်တဲ့အတွင်း၌ ဇနီးဖြစ်သူမလှိုင်မာဝင်း (၂၉)နှစ် (ကိုယ်ဝန် ၇လခန့်)ရှိသူသည် လည်ပင်းပြတ်ရှဒဏ်ရာ၊ ဝဲလက်ညှိုးပြတ်ရှဒဏ်ရာများဖြင့် သေဆုံးနေသည်ကိုတွေ့ရှိရသဖြင့် မတ္တရာမြို့မရဲစခန်းသို့ အကြောင်းကြားလာပါသည်။


 အခင်းဖြစ်ရာသို့ မြို့နယ်ရဲတပ်ဖွဲ့မှူးရဲမှူးခင်သိန်း၊ မတ္တရာမြို့မရဲစခန်းမှူးဒုရဲမှူးခင်ဝင်းဇော်၊ နယ်ထိန်ခေါင်းဆောင်နှင့်အဖွဲ့တို့မှ သွားရောက်စစ်ဆေးရာ သေဆုံးသူ၏ လည်ပင်းတွင် ဝတ်ဆင်ထားသော (၁)ကျပ်သားခန့် ရွှေဆွဲကြိုး ကာလတန်ဖိုး(၁၀)သိန်းကျပ်ခန့်နှင့် ဝဲဘက်လက်သန်းတွင် ဝတ်ဆင်ထားသော (၁)မတ်သားခန့် ရွှေလက်စွပ်တစ်ကွင်း ကာလတန်ဖိုး(၂)သိန်းကျပ်တို့မှ ပျောက်ဆုံးနေသည်။

နေအိမ်တဲရှေ့ဘက် ပေ(၂၀၀)ခန့်အကွာတွင် အရိုးအသွား(၁၁)လက်မခန့်ရှိ ဓားမြှောင်(၁)ချောင်းအား မြေတွင်စိုက်လျှက်တွေ့ရှိရပြီး ဓားနှင့်(၁၂)ပေခန့်အကွာ ကုက္ကိုလ်ပင်အောက်တွင် သွေးစွန်းနေသော ကျားဝတ်အင်္ကျီ(၁)ထည်နှင့် ကွက်စိပ်အစိမ်းရောင် ပုဆိုးအသစ်(၁)ထည်တို့တွေ့ရှိခဲ့ကြောင်းသိရသည်။

အဆိုပါဖြစ်စဉ်မှ လူသတ်၍ ရွှေဆွဲကြိုးနှင့် ရွှေလက်စွပ်များ ယူဆောင်သွားသူအား စုံစမ်းဖော်ထုတ်ပေးပါရန် ဒီဇင်ဘာ ၂ရက် ၁၉နာရီ၄၅ မိနစ်အချိန်တွင် ဦးနေစိုးထွန်း(ခ)စိုးကြီး မှ တရားလိုပြုလုပ်တိုင်တန်းသဖြင့် မတ္တရာမြို့မရဲစခန်းမှ အမှုရေးဖွင့်ပြီး အမှုအားဒုရဲမှူးခင်ဝင်းဇော်မှ လက်ခံစစ်ဆေးဆောင်ရွက် လျှက်ရှိကြောင်းသိရသည်။

စိုးကျော်သူထွေး(မတ္တရာ)
Myanmaalinn
https://www.facebook.com/MYANMAALINNNEWS/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ