အာရှ ပစိဖိတ် ရေအသုံးချရေးဆိုင်ရာ ထိပ်သီးညီလာခံ ဖွင့်လှစ်

တတိယအကြိမ် အာရှ ပစိဖိတ်ဒေသ ရေအသုံးချရေးဆိုင်ရာ ထိပ်သီးညီလာခံမှာ ဒေါ်အောင်ဆန်းစုကြည် ကို တွေ့ရစဉ်

မြန်မာနိုင်ငံမှာ ရေအရင်းအမြစ်တွေ အများကြီးရှိပြီး ရေအားလျှပ်စစ်တွေ ဖေါ်ထုတ်နိုင်ချေ အတော်အသင့်ရှိတယ် ဆိုပေမယ့် ရေသန့် ရှားပါးပြတ်လတ်မှု မရှိဘူးလို့ မဆိုနိုင်ပါဘူးလို့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်း စုကြည် က ပြောကြားလိုက်ပါတယ်။

နေပြည်တော်မှာ ဒီနေ့ကျင်းပတဲ့ တတိယအကြိမ် အာရှ ပစိဖိတ်ဒေသ ရေအသုံးချရေးဆိုင်ရာ ထိပ်သီးညီလာခံမှာ ဒေါ်အောင်ဆန်းစုကြည်က နိုင်ငံတကာနဲ့ မြန်မာနိုင်ငံတို့ရဲ့ ရေလိုအပ်ချက်တွေကို ပြောသွားပါတယ်။

၂၀၁၈ ခုကစပြီး လာမယ့် ဆယ်စုနှစ်ရဲ့ ရည်မှန်းချက်က ရေအရင်းအမြစ်တွေကို စနစ်တကျ ထိန်းသိမ်းပြီး မှန်မှန် ဖွံ့ဖြိုးတိုးတက်အောင် လုပ်သွားဖို့ဖြစ်ကြောင်း ဒီနေရာမှာ ကမ္ဘာက သတ်မှတ်ထားတဲ့ ရည်မှန်းချက်တွေ ပြည့်မီဖို့ အတွက် အဆင့်တိုင်း အဆင့်တိုင်း ပူးပေါင်း ဆောင်ရွက်မှုအားကောင်းပြီး ခိုင်မြဲအောင်လုပ်သွားကြရမှာဖြစ်ကြောင်း ဒေါ်အောင်ဆန်းစုကြည်က ပြောသွားပါတယ်။

အာရှနိုင်ငံဒေသဟာ ကမ္ဘာ့အဆင်းရဲဆုံးပြည်သူတွေ နေထိုင်ရာဖြစ်ပြီးတော့ ရေအရင်းအမြစ် စုစုပေါင်းရဲ့ ၈၀ ရာနှုန်းလောက်ဟာ လယ်ယာစိုက်ပျိုးရေးလုပ်ငန်းတွေအတွက် သုံးနေကြကြောင်း၊ မြန်မာနိုင်ငံမှာဆိုရင်လည်း ရေအရင်းအမြစ် စုစုပေါင်းရဲ့ ၂၁ ရာနှုန်းလောက်ကို လယ်ယာစိုက်ပျိုးရေးကဏ္ဍအတွက် သုံးနေကြရကြောင်း လို့လည်းပြောပါတယ်။

RFA Burmese
http://www.rfa.org/burmese