အန်ကောဝပ်က ရတနာပြန်တွေ့

ခမာဘုရင်တွေ ခေတ်က လက်ဝတ်ရတနာတွေ
ကမ္ဘောဒီးယားက ကမ္ဘာကျော် အန်ကောဝပ် ကျောင်းတော်ကြီးကနေ ၁၉၇ဝ ကျော်က ပြည်တွင်းစစ်တွေ အတွင်း ပျောက်ဆုံးသွားခဲ့တဲ့ ရွှေလက်ဝတ် ရတနာ ပစ္စည်းတွေကို ပြန်လည် ရရှိခဲ့ပါတယ်။

သရဖူ တခု၊ နားတောင်းနဲ့ လက်ကြပ် ရင်စည်းတွေ ပါတဲ့ ပစ္စည်း ဆယ်မျိုးပါ လက်ဝတ် ရတနာတွေကို လန်ဒန်မှာ ရောင်းချဖို့ မနှစ်က ကြော်ငြာတာကို ကမ္ဘောဒီးယား အစိုးရက သတိထားမိခဲ့တာပါ။

အဲဒီနောက် လက်ဝယ် ပိုင်ဆိုင်ထားသူကို ပြန်လည် ပေးအပ်ဖို့ စည်းရုံးနိုင်ခဲ့ပါတယ်။
သရဖူ တခု၊ နားတောင်းနဲ့ လက်ကြပ် ရင်စည်းတွေ ပါ
ဒီပစ္စည်းတွေဟာ ကမ္ဘောဒီးယားနဲ့ ထိုင်း၊ လာအို စတဲ့ နိုင်ငံတွေကို ၉ ရာစုက ၁၅ ရာစုထိ အုပ်စိုးခဲ့တဲ့ ခမာဘုရင်တွေ ခေတ်က လက်ဝတ်ရတနာတွေလို့ ယူဆကြပါတယ်။

အခု ပြန်ရတဲ့ ရတနာတွေကို ဖနွမ်းပင် မြို့တော်က အမျိုးသား ပြတိုက်မှာ အထူးကာကွယ် ပြုလုပ်ထားတဲ့ မှန်တွေနဲ့ ကာပြီး ပြသမှာ ဖြစ်ပါတယ်။
 အမျိုးသား ပြတိုက်ကို အခမ်းအနားနဲ့ ဆောင်ကြဉ်း
ဒီပစ္စည်းတွေ အစစ် ဟုတ်မဟုတ် ကျွမ်းကျင်သူတွေနဲ့ တနှစ် အချိန်ယူ စစ်ဆေးခဲ့ရပါတယ်။

ဒီရတနာတွေ ပြန်သယ်ဆောင်လာတာကို လေဆိပ်မှာ လုံခြုံရေး အစောင့်အကျပ်တွေနဲ့ ကြိုဆိုခဲ့ပြီး လူရာချီ ကြည့်ရှုခဲ့ကြပါတယ်။

အနောက်တိုင်း ပြတိုက်တွေနဲ့ ပုဂ္ဂလိက စုဆောင်းသူတွေ လက်ထဲက နိုင်ငံရဲ့ ပျောက်ဆုံး နေတဲ့ အနုပညာ အမွေအနှစ်တွေကို ဒီနှစ်ပိုင်းတွေ အတွင်း ကမ္ဘောဒီးယားက ပြန်ပြီး ရယူနိုင်ခဲ့ ပါတယ်။
ကမ္ဘာကျော် အန်ကောဝပ် ကျောင်းတော်
မနှစ်ကလည်း အမေရိကန် ပြတိုက် တခုကနေ ၁ဝ ရာစု လက်ရာ သဲကျောက်နဲ့ ထုထားတဲ့ ရာမ နတ်ရုပ်ကြီးကို ခေါင်းနဲ့ ခြေလက် အပြည့်အစုံ မပါဘဲ ပြန်ရခဲ့ပါတယ်။

၂ဝ၁၅ တုန်းကလည်း ဟာနုမာန် မျောက်ရုပ်တု ကို အမေရိကန်က ကလိဗလန်း အနုပညာ ပြတိုက်က ပြန်ပေးပါတယ်။
ဓာတ်ပုံ မူပိုင် TANG CHHIN SOTHY
Image caption ခမာဘုရင်တွေ ခေတ်က လက်ဝတ်ရတနာတွေ

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ